အရှုံးတွေကို ဆက်တိုက်ရင်ဆိုင်နေရတဲ့အခါမျိုးမှာ ကလေးလေးတစ်ယောက်လို ချုံးပွဲချ ငိုယိုလိုက်ချင်တယ်။ ဒါပေမယ့် ငိုလို့မရဘူး။ ရင့်ကျက်မှုဆိုတဲ့အရာကြီးဟာ တစ်ခါတစ်ခါ ဆေးခါးကြီးလိုပဲ မြိုရခက် တယ်။
ကိုယ်နဲ့ပတ်သက်တဲ့ လူတွေအားလုံး ကိုယ်နဲ့ ခွဲခွာရတဲ့အချိန်မှာ ကိုယ့်ကို ရုတ်တရက် အပြင်းအထန် သတိရတာမျိုးမဟုတ်ဘဲနဲ့ အသက်တွေကြီးလာလေ ကိုယ့်ကို နားလည်လေ။ ပညာတွေ ပိုးပြီးတတ် လာလေ။ ကိုယ်ပြောတာကို ပိုပြီးသဘောပေါက်လာလေမျိုး ဖြစ်စေချင်တယ် . . .။
လောကအကျိူးကို ဆောင်သူတိုင်း အများနဲ့မတူဘဲ ရုန်းကန်ခဲ့ရတယ်။ တစ်စတစ်စနဲ့ ကိုယ်တိုင်ရုန်း ကန်ကြည့်မှ ကျေးဇူးရှင်ကြီးတွေရဲ့ ဉာဏ်နဲ့ဝီရိယကို လေးစားမိတယ်. . .။
တစ်ခါတစ်ခါမှာ ကိုယ့်ရဲ့အချစ်နဲ့ သံယောဇဉ်တို့က ကိုယ့်ကိုပြန်ပြီး နာကျင်စေတာမျိုးတွေရှိတယ်။ ဥပမာ၊ ကိုယ်ချစ်တဲ့သူကို မမြင်ရရင် မနေနိုင်ဘူး။ မြင်ရတော့လည်း ရင်နာတယ် ဆိုတာမျိုးပေါ့ . . .
နေပျော်တာတွေလည်း ရှိပါတယ်။ လူတွေက ကိုယ့်ကို အဆင်မပြေတဲ့ လူတစ်ယောက်လို့ မြင်ပေ မယ့် ကိုယ်တိုင်ကတော့ အဆင်ပြေတဲ့အခါမျိုးပေါ့. . .။ ဒါပေမယ့် အဲဒါပြဿနာရဲ့အစပဲ။ ကိုယ့်ဘဝကို မှတ်ကျောက်တင်မယ့် လောကဓံနဲ့ ပျော်ပွဲစားထွက်ရသလိုပဲ။
ပျားကောင်လို လူတွေတချို့ကြောင့် လောကကြီးက နေပျော်နေတာ။ သူတို့ဟာကောင်းတဲ့အရပ်၊ သန့်ရှင်းတဲ့ အရပ်က လာတာ။ သူတို့ရဲ့ ဝတ်ရည်ကလည်း ချိုမြခြင်းအတိ။ ဒါပေမယ့် သူတို့တော့ သွားမထိလေနဲ့ အဆိပ်ရှိကြောင်း ပြလိမ့်မယ်။
လူတော်တော်များများကတော့ ယင်ကောင်လိုပါပဲ။ ယင်ကောင်တွေ အညှီရှိရာ ဝိုင်းအုံသလို၊ မစင်ရှိရာ ဝိုင်းအုံသလို "ကျော်ကြားမှု" ဆိုတဲ့ အရာနားမှာ လူ့ယင်ကောင်တွေ တင်းကြမ်း။
သူများတွေ ကိုယ့်အပေါ်ကိုထင်တဲ့အထင်ထက် ကိုယ့်ကိုယ်ကို ထင်တဲ့အထင်က ပိုပြီး အရေးကြီး တယ်။ ပိုပြီးလည်း အန္တရာယ်များတယ်။ ကိုယ့်အပေါ် ကိုယ်ထင်တဲ့ ထင်မြင်ချက်ကို တစ်သက်လုံး မပြောင်းလဲနိုင်တဲ့လူတွေ ပြည့်လို့။
စကားလုံးတွေကို ဖွင့်တဲ့အဓိပ္ပာယ်ကလည်း တစ်ခါတလေ ကိုယ့်အတွက် မရှင်းဘူး။ ဘာသာတရားကို မယုံကြည်တဲ့လူတွေကို ဘာသာမဲ့လို့ခေါ်တယ်။ ဒါပေမယ့် အချစ်ကို မယုံကြည်သူတွေကို အချစ်မဲ့တဲ့ သူလို့ခေါ်ရင် မှန်နိုင်ပါ့မလား. . .။
ကိုယ့်အပေါ် အပေါ်ယံဆက်ဆံသွားတာထက်စာရင် ပုံမှန်အတိုင်း ခပ်တန်းတန်းနေသွားတာကို တဖြည်းဖြည်း သဘောကျလာတယ်။ ရိုးသားမှုကို ဟန်ဆောင်ခြင်းဝတ်ရုံနဲ့ မလုံ့တလုံ ခြုံလွှမ်းတာမျိုး ကတော့ လူတိုင်းနီးပါးရဲ့ အကျင့်ဖြစ်နေပြီ။
ဘဝလမ်းဆိုကတည်းက ဘယ်လိုလုပ် ဖြောင့်ဖြူးခြင်းရှိပါ့မလဲ။ အဆင်းခက်တယ်။ အတက်ကြမ်း တယ်။ ဒါကြောင့်လည်း လူ့ဘဝက စိတ်လှုပ်ရှားဖွယ်ရာတွေနဲ့ မြူးကြွပြီး အသက်ဝင်နေတာ။ ဘဝလမ်း က တဖြောင့်ကြီးဖြစ်နေမယ်ဆိုရင် ဘဝကလည်း ပုံသေဘဝကြီးဖြစ်သွားမယ် ထင်တယ်။
"အသေးအဖွဲလေးတွေကို ဘယ်တော့မှ မလိမ်နဲ့ကွ။ အေး တစ်သက်လုံး စားလောက်မယ်ဆိုရင်တော့ လိမ်ချင်လိမ်" ဆိုတဲ့ စကား လူတွေတော်တော်များများရဲ့ နှုတ်က ထွက်တတ်ကြတယ်။ သူတို့နဲ့ ကျွန်တော် အမြင်မတူဘူး။ ကျွန်တော်ကတော့ တစ်သက်လုံးစာလောက်ရင်လည်း မလိမ်ဘူး။ ကိုယ့်ရဲ့ အကျင့်သီလကို ဘာနဲ့မှ မလဲဘူး။ အရောင်းအဝယ် မလုပ်ဘူး။
ကျွန်တော့်ရဲ့ ခပ်ကြောင်ကြောင် သူငယ်ချင်းတစ်ယောက်ကို မင်းကောင်က ငကြောင်ပါကွာလို့ ဆိုချင်ဆို၊ ကျွန်တော်ဘာမှ မပြောလိုဘူး။ ဒါပေမယ့် အကျင့်မကောင်းဘူး။ သူခိုးဂျပိုးလို့တော့ မစွပ်စွဲနဲ့။ ကျွန်တော်လက်မခံဘူး။ ကျွန်တော် သူ့ဘက်က ရပ်တည်ရလိမ့်မယ်။ ဒါ ကျွန်တော့်ရဲ့ မိတ်ဆွေဝတ္တရားပဲ။
"ရိုးသားမှု" ဆိုတာ မရှိတော့ဘူးလို့ လူတွေက ပြောကြတယ်။ သူ့အကြောင်း သူသိဖို့ သူ့အသိနဲ့သူ ပြန်ကျောင်းနေရပါတယ်ဆိုတဲ့ ကျွန်တော့်မိတ်ဆွေ ကဗျာဆရာကတော့ "ရိုးသားမှု" ဟာ သူ့ဟာနဲ့သူ အမြဲရှိနေတာပါတဲ့။ ကိုယ်ကရယူမလား၊ မရဘူးလားဆိုတာပဲ အဓိကပါလို့ ပြောတယ်။ ကျွန်တော်က တော့ သူ့အဆိုကို ရာနှုန်းပြည့် ထောက်ခံပါတယ်။
ကျွန်တော်တို့မြို့က ကဗျာဆရာတွေဟာ စကားလုံးတွေကို အပြန်အလှန် ကစားလာကြတာတွေ့ရ တယ်။ ဥပမာ၊ "မသိလို့ မှားတာဆိုပေမယ့် မမှားဖို့သိရင် ပိုမကောင်းဘူးလား"၊ "အလိုက်သိတယ်ဆို တာ အသိတွေ နောက်က လိုက်လာတာ"၊ "အတ္တဆိုတာ 'အ' တတ်တာ"၊ "သတ္တိဆိုတာ 'သိ' တတ် တာ" ဆိုတာမျိုးတွေပေါ့။ ဘာပဲဖြစ်ဖြစ် အပြန်အလှန်လုပ်ရာမှာ အဓိပ္ပာယ်ရှိလာရင် ကျွန်တော်က သဘောကျတတ်တယ်။
လောကမှာ ကိုယ်မသိတဲ့ကိစ္စတွေ၊ အကြောင်းအရာတွေ ရေတွက်လို့ မဆုံးနိုင်ဘူး။ နှစ်ပေါင်း ရာထောင်ချီအောင် နာမည်မသေတဲ့ ဆိုကရေးတီးရဲ့ "လောကမှာ ငါသိတာဆိုလို့ တစ်ခုပဲရှိတယ်။ အဲဒါကတော့ ငါဘာမှ မသိသေးဘူးဆိုတာပဲ" ဆိုတဲ့ စကားရပ်က ကျွန်တော့်ကို မမော်မကြွားမိဖို့ အမြဲတမ်းသတိပေးတယ်။ ကျွန်တော့်အဖိုးကလည်း သူမသေခင် "ထောင်ရင်လဲ မော်ရင်မွဲ" ဆိုပြီး ကျွန်တော့်ကို ဆုံးမခဲ့တယ်။
လူတိုင်းလူတိုင်း ကိုယ်ပြောတဲ့စကားကို ကိုယ် တန်ဖိုးထားကြရင် ဘယ်လောက်ကောင်းလိုက်မလဲ။ တစ်ခါတစ်ခါ ဒီလိုပဲ မဖြစ်နိုင်တာကိုမှ တောင့်တမိတတ်တာတွေ ရှိတယ်။
ကလေးတွေကို "ပြန်မပြောနဲ့" ဆိုတဲ့ စကားအစား "နည်းလမ်းတကျ ပြန်ပြောတတ်အောင် သင်ပြ မပေးသင့်ဘူးလား"။ ကလေးတွေကို "မဆဲနဲ့" လို့ ဆုံးမတာနဲ့ ကိုယ်ကိုယ်တိုင်က "လုံးဝမဆဲဘဲနေ တာ" နဲ့ ဘယ်ဟာက ပိုထိရောက်မလဲ။
ကြားဖူးတဲ့ထဲက ကျွန်တော် သဘောကျတဲ့ သတ်မှတ်ချက်လေးကို လက်ဆောင်ပါးလိုက်ပါရစေ။ "လက်နဲ့ပဲ အလုပ်လုပ်သူကို အလုပ်သမားလို့ခေါ်တယ်။ လက်ရယ်၊ ဦးနှောက်ရယ် ပေါင်းပြီး လုပ်တဲ့သူကို ပညာရှင်လို့ သတ်မှတ်တယ်။ လက်ရယ်၊ ဦးနှောက်ရယ်၊ နှလုံးသားရယ် သုံးခုပေါင်းပြီး အလုပ်လုပ်တဲ့သူကိုတော့ အနုပညာရှင်လို့ ခေါ်ပါသတဲ့"။
စံပယ်ဖြူ မဂ္ဂဇင်း
အမှတ် (၂) ၊ မတ် ၊ ၂ဝ၁၁
No comments:
Post a Comment
mr.kyaingtun@gmail.com