ကရင်အပါအ၀င် ညီနောင်လူမျိုးစုများ ညီညွတ်ရေး-

ကရင်အပါအ၀င် ညီနောင်လူမျိုးစုများ ညီညွတ်ရေး-

ကရင်ကိစ္စ ကနေစပြောပါရစေ..

ကရင့်လက်နက်ကိုင်တော်လှန်ရေးဟာ လက်နက်ကိုင်တော်လှန်ရေးအဖြစ်နဲ့ဘဲ ဆက်လက်တည်တန့်နေဖို့ရည်ရွယ်တယ်ဆိုရင်  ခုလို ကရင်လက်နက်ကိုင်အဖွဲ့တွေကွဲနေတာက အကောင်းဆုံးအနေအထားဖြစ်တယ်( ဒီအကြောင်းကို နောက်အပိုဒ်မှာရှင်းပြမယ်)။

လက်နက်ကိုင်တော်လှန်ရေးအဖြစ်နဲ့သာ တန့်နေဖို့မဟုတ်ဘဲ အသိအမှတ်ပြုခံရတဲ့ ကိုယ်ပိုင်ပြဌာန်းခွင့် အချုပ်အချာ နယ်မြေတခုအဆင့်ကို တက်ဖို့ရည်ရွယ်တယ်ဆိုရင်တော့ 

ကရင်လက်နက်ကိုင်အဖွဲ့တွေခုလိုကွဲနေလို့ လုံးဝမရနိုင်ဘူး။ တခုတည်းသောတပ်မတော်တရပ်အဖြစ်မားမားမတ်မတ်တည်ရှိခြင်းဟာ ကိုယ်ပိုင်ပြဌာန်းခွင့် အသိအမှတ်ပြုခံရရေးအတွက် လုံးဝမရှိမဖြစ်တဲ့ အရေးအကြီးဆုံး အရည်အသွေးဖြစ်တယ်။

သမိုင်း၊ ကိုယ်ပိုင်ဘာသာစကား၊ သီးချားယဉ်ကျေးမှုတွေရှိခြင်းဟာ Ethnic, Race, Tribe, Native, indigenous စသဖြင့် လူမျိုးတစ်မျိုးဖြစ်ခြင်းရဲ့အရည်အသွေးတွေသာဖြစ်ပြီး ကိုယ်ပိုင်ပြဌာန်းခွင့်အာဏာရှိတဲ့ National တရပ်ရဲ့ ၀ိသေသမဟုတ်ဘူးဆိုတာကို လက်ရှိကမ္ဘာ့အနေအထားအရ အရှိကိုအရှိအတိုင်း မြင်ကြဖို့လိုပါတယ်။

ဖက်ဒရယ်အရေးကြီးပုံ

ဝေါဟာရ အသုံးအနှုန်း သတိပြုရန်နှင့် ဖက်ဒရယ်အရေးကြီးပုံ 

(နဲနဲရှည်တယ်  အချိန်အား မှဖတ်ပါရန်၊ မဖတ်ချင်လဲ ကျော်သွားလိုက်ပါ)

ကျနော့ရဲ့ ပို့စ်တွေမှာ လူမျိုးရေး နဲ့ အမျိုးသားရေး ဆိုတဲ့စကားလုံးတွေရှိပါတယ်။

လူမျိုးရေး ဆိုတာက လူတမျိုးတည်းရဲ့အရေး ကို ခေါ်ဆိုတာဖြစ်ပြီး။ အမျိုးသားရေး ဆိုတာကတော့ ဒေသခံမူလ လူမျိုးစုံ ရောနှောနေထိုင်တဲ့ ဒေသရဲ့အရေးကို သတ်မှတ်ခေါ်ဆိုထားတာဖြစ်တယ်။ 

လူမျိုးတစ်မျိုးတည်းနေထိုင်တဲ့ဒေသမှာဖြစ်ဖြစ် လူမျိုးစုံရောနှောနေထိုင်တဲ့ဒေသမှာဘဲဖြစ်ဖြစ် ရှိနေတဲ့ နိုင်ငံရေးအဖွဲ့အစည်းတခုဟာ မိမိဆိုင်ရာလူမျိုးတစ်မျိုးတည်းအတွက် ရည်မှန်းလုပ်ဆောင်တာဖြစ်ရင် လူမျိုးရေးလှုပ်ရှားမှုဖြစ်သလို လူမျိုးတစ်မျိုးတည်းနေထိုင်တဲ့ဒေသမှာဖြစ်ဖြစ် လူမျိုးစုံရောနှောနေထိုင်တဲ့ဒေသမှာဘဲဖြစ်ဖြစ် ရှိနေတဲ့ နိုင်ငံရေးအဖွဲ့အစည်း အဖွဲ့အစည်းတခုဟာ မိမိရဲ့ရည်မှန်းချက်နယ်မြေဒေသအတွင်းက လူမျိုးစုံအတွက် ရည်မှန်းလုပ်ဆောင်တာကို တော့ အမျိုးသားရေး အဆင့်လှုပ်ရှားမှုလို့ သတ်မှတ်နိုင်တာဖြစ်တယ်။ သူတို့ရဲ့ရည်မှန်းချက်နယ်မြေဟာ လောလောဆယ်ကာလမှာ အမျိုးသား ကိုယ်ပိုင်ပြဌာန်းခွင့်အာဏာရနယ်မြေသေသအဖြစ် အသိအမှတ်ပြုခြင်းမခံရသေးတဲ့တိုင် အမျိုးသားရေးလှုပ်ရှားမှုဘောင်ဝင်နေတာဖြစ်တယ်။ ဥပမာ-ကရင်အမျိုးသားတော်လှန်ရေးဆိုပါတော့။ ဒီတော်လှန်ရေးအဖွဲ့အစည်းဟာ ကရင်ဆိုတဲ့လူမျိုးနာမယ်အစားကော်သူးလေဆိုတဲ့ ပထ၀ီနာမယ်ကို သုံးနှုန်းတယ်ဆိုရင် အခေအဝေါ်အရ အဲဒီကော်သူးလေခေါ်ပထ၀ီနယ်မြေတွင်းမှာ ရောနှောနေထိုင်ကြတဲ့ လူမျိုးစုံကို ကိုယ်စားပြုနေတာမို့ လူမျိုးရေးအဆင့်ကိုကျော်လွန်တဲ့ အမျိုးသားရေးအဖြစ်သက်ရောက်ပါတယ်။ 

နောက်ဥပမာ- ရှမ်းပြည်တိုးတက်ရေးပါတီ (SSA) ဆိုရင် နာမယ်အသီးသီးရှိကြတဲ့ လူမျိုးစုပေါင်း ၃၀ လောက် ရောနှောနေထိုင်တဲ့ ရှမ်းဆိုတဲ့ ပထ၀ီနာမယ်ကိုသုံးနှုန်းထားတာကြောင့် လူမျိုးရေးထက်မြင့်တဲ့ အမျိုးသားရေးအဆင့်လှုပ်ရှားမှုအဆင့်ဖြစ်နေတာပါဘဲ။ နောက်ပြီး လူမျိုးခြားဘာသာစကားဖြစ်တဲ့ ရှမ်းဆိုတဲ့ သီးသန့်လူမျိုးဆိုတာကလည်း မရှိတာမို့ ဒီ ပထ၀ီအခေါ်အဝေါ်ဟာ ဒေသတွင်းလူမျိုးစုအားလုံးကို ကိုယ်စားပြုနိုင်တာဖြစ်တယ်။ မွန်ကတော့ မျိုးကွဲမရှိတာမို့ မွန်လူမျိုးနဲ့ မွန်အမျိုးသားဟာ တခုထဲဖြစ်တယ်။ ဒါပေမဲ့ လူမျိုးစုံရောနှာနေထိုင်တဲ့ ရာမညတိုင်းအရေးဆိုရင်တော့ မွန်ဆိုတဲ့အခေါ်အဝေါ်ဟာ ရာမညတိုင်းအမျိုးသားရေးအဆင့်မှာရှိနေမှာမဟုတ်ပြန်ဘူး။လူမျိုးရေးအဆင့်ဘဲပြန်ဖြစ်သွားတာပါ။

အရင်းရှင်စနစ်လုပ်ငန်းများ၏ အမြတ်အစွမ်းနှင့်နေက်ဆက်တွဲပြသနာ

အရင်းရှင်စနစ်လုပ်ငန်းများ၏ အမြတ်အစွမ်းနှင့်နေက်ဆက်တွဲပြသနာ

ကုန်ထုတ်လုပ်ငန်းတခုအမြတ်အစွမ်းသည် ထုတ်လုပ်ရေးစားရိတ်( production costs ) ပေါ်တွင်တည်သည်။

တခြားလုပ်ငန်းများထက် ထုတ်လုပ်ရေးစားရိတ်ပို၍ လျှော့ချနိုင်သော လုပ်ငန်းများသာ အမြတ်အစွမ်းကိုရနိုင်သည်။ 

ကုန်ထုတ်လုပ်ငန်းတခုသည် မိမိထွက်ကုန်ပစ္စည်းကို တခြားပြိုင်ဘက်များထက် ဈေးမြှင့်ရောင်းချဖြန့်ချီလျှင် ၀ယ်လက်များက ဈေးနိမ့်သည့်ဘက်ပါသွားကြမည်ဖြစ်သဖြင့် ထိုဈေးမြင့်ရောင်းသောလုပ်ငန်းသည် ၀ယ်ယူအားပေးသူမဲ့ခါပျက်စီးဆုံးရှုံးခြင်းသို့ရောက်မည်။ 

ထို့နည်းတူ ကုန်ထုတ်လုပ်ငန်းတခုသည် မိမိထွက်ကုန်ပစ္စည်းကို တခြားပြိုင်ဘက်များထက် ဈေးနှိမ့်ရောင်းချဖြန့်ချီလျှင်ရောင်းချဖြန့်ချီသည့်အခါတိုင်း ထုတ်လုပ်မှုစားရိတ်ကိုမကာမိသဖြင့် မကြာမှီတွင် လုပ်ငန်းဆက်မလုပ်နိုင်တော့ဘဲ ပြိုင်ဘက်အသစ်များက ဈေးကွက်နေရာအစားဝင်သိမ်းပိုက်မည်ဖြစ်သည်။

သို့ဖြစ်၍ ပစ္စည်းဈေးမြင့်ခြင်းနှင့် ပစ္စည်းဈေးနှိမ့်ခြင်း ၂နည်းလုံးသည် ကုန်ထုတ်လုပ်ငန်းတခုကို ဆုံးရှုံးပျက်စီးစေနိုင်မှု ဒီဂရီ ပြင်းအား အနေအထားအတူတူပင်ဖြစ်တော့သည်။ 

သို့ဖြစ်၍ လက်ရှိကမ္ဘာ့နိုင်ငံအသီးသီးရှိ ပုဂ္ဂလိကကုန်ထုတ်လုပ်ငန်းများသည် ပစ္စည်းရောင်းဈေးမြှင့်တင်စရာ မလို သော ကုန်ထုတ်လုပ်ရေးစားရိတ်ကန့်သတ်မှုကိုအဓိကအသုံးပြုကြခြင်းဖြစ်သည်။

ကုန်ထုတ်လုပ်ရေးစရိတ်ကိုကန့်သတ်နည်းမှာ လစာနှင့်အထွေထွေလူမှုထောက်ပံ့ကြေးများပေးရသော လူသားများအစား စက်ကရိယာများကိုတိုးမြင့်အသုံးချခြင်းဖြစ်သည်။ အလုပ်လက်မဲ့များအလျှန်ပယ်တိုးများလာစေသဖြင့်ရာဇ၀တ်မှုများနှင့် အခြားလူမှုရေးပဌိပက္ခပြသနာများစွာထိမ်းမနိုင်သိမ်းမရတိုးပွားလာသည်။

ပင်လုံနှင့် xenophobia ဆက်စပ်၍---

ပင်လုံနှင့် xenophobia ဆက်စပ်၍---

ပြည်ပတွင် အသက်ရှင်နေထိုင်ခဲ့သည့်ကာလသည် မွေးရပ်တွင်ထက် ၁၀နှစ်ခန့်ပိုမိုကြာညောင်းခဲ့ပါပြီ။ 

သို့သော်ပြည်ပနိုင်ငံအားမိမိ၏ မွေးရပ်မြေကဲ့သို့ တွယ်တာမြတ်နှိုး စွဲလမ်း ပူပင်သည့် စိတ်ဝိဥာဉ်ရှင်သန်ကြီးထွားမှုနှုန်းထားကတော့ သိသိသာသာဖွံ့ဖြိုးတိုးတက်လာခြင်းမရှိပါပေ။

သို့ပင်ဖြစ်သော်လည်း ဖိတ်ခေါ်ခံရခြင်းမရှိဘဲ မိမိလာရောက်မှီခိုနေသောပြည်ပနိုင်ငံအား အသားလွတ်မုန်းတီး အထင်သေးသည့်စိတ်ဓါတ်မှာမူ လေ့လာသုံးသပ် တွေ့မြင်နေရသော အခြေအနေမှန်များအရ တိမ်ကောသွားခဲ့ပြီဟုတော့ဆိုနိုင်သည်။ 

အမှန်တွင်ငယ်စဉ်အခါက သင်ကြားခဲ့ရသော သမိုင်းများနှင့်မဆလအစိုးရ၏ ပြည်ပနိုင်ငံမုန်းတီးရေး ၀ါဒသွတ်သွင်းမှုများကြောင့် ကျုနုပ်တို့တွင် ပြည်ပနိုင်ငံအတော်များများကို တဘက်သတ်မုန်းတီးသောစိတ်ဓါတ်များစွဲကပ်နေခဲ့ရခြင်းဖြစ်ကြောင်း ရှင်းလင်းစွာနားလည်သိမြင်လာခဲ့ခြင်းက ယင်းသို့တဘက်သတ် အသားလွတ်မုန်းတီးရန်လိုသောစိတ်ရောဂါ (xenophobia) များကို ခြေဖျက်လိုက်ခြင်းဖြစ်သည်။

နှစ်၁၀၀ အမျိုးသားစီမံကိန်း

နှစ်၁၀၀ အမျိုးသားစီမံကိန်း

တိုင်းရင်းသားလူမျိုးစုအခွင့်အရေးလှုပ်ရှားမှုချက်မ

များဖြစ်သည့် လက်နက်ကိုင်အဖွဲ့အစည်းများ သူတလူငါတမင်းကွဲပြားနေခြင်းသည် ထိုလူမျိုးစုတိုင်း၏

ကိုယ်ပိုင်ပြဌာန်းခွင့်တောင်းဆိုသံများကို အလွန်အမင်းအားနဲစေသည်။ ထို့ပြင်ဆိုင်ရာသာမန်တိုင်းရင်းသားလူထုအသီးသီးအတွင်းတွင်

ကိုယ်ပိုင်ပြဌာန်းခွင့်လိုလားကြသည်ဆိုသည့် ထင်သာမြင်သာလှုပ်ရှားပြသမှုများမဖြစ်ရှိနေခြင်းသည်လည်း

လက်နက်ကိုင်တော်လှန်ရေးအဖွဲ့အစည်းများ၏ တောင်းဆိုမှုများကို အထောက်အထားမဲ့ဖြစ်စေသည်။

သို့ဖြစ်၍ လက်နက်ကိုင်အဖွဲ့များကွဲပြဲနေစေရေးနှင့် သာမန်တိုင်းရင်းသားလူထုများမှမိမိတို့၏ဆန္ဒမှန်ကို

မပြသရဲစေသည့် ကြောက်ရွံ့မှု၊ ရှက်ကြောက်မှုများ လွမ်းခြုံနေစေရေးသည် လူမျိုးကြီးဝါဒဥခွံမကျွတ်သော

မြန်မာ့ဒီမိုကရေစီအစိုးရနှင့် မြန်မာ့တပ်မတော်တို့မှ ဆက်လက်ပူးပေါင်းလက်တွဲဆောင်ရွက်နေကြသည့်

မဆုံးသေားသော နှစ်၁၀၀ အမျိုးသားစီမံကိန်းကြီး၏ နောက်ဆုံးကာလပင်ဖြစ်တော့သည်။

သမိုင်းမျက်ခြေပြတ်ရင်

 မခွဲခြားနိုင်ဘူး။လွတ်လပ်ရေးရစ ဦးနုခေတ်၊ နေ၀င်းခေတ်၊ ခင်ညွန့်ခေတ်၊ 

သိန်းစိန်ခေတ် တိုင်းမှာ အပစ်ရပ်ငြိမ်းချမ်းရေး မလုပ်ခဲ့ဘူးထာမရှိပါဘူး။ 

မြန်မာ့တပ်မတော်ရဲ့စစ်အောင်နိုင်ရေးနည်းဗျူဟာတရပ်ဖြစ်တယ်။ 

မဟာလူမျိုးကြီးဝါဒတည်ဆောက်မှုအောင်မြင်ြီ့းဆုံးရေးအတွက်သာဖြစ်တဲ့အတွက်တကြိမ်မှမအောင်မြင်ခဲ့ဘူး။

 ခုခေတ်မှာတော့ ဒီမိုကရေစိအစိုးရကို ဘန်းပြလှည့်သုံးနေတာပါ။ စစ်တပ်ရဲ့မူလ 

နည်းဗျူဟာနဲ့ကြိုးဆွဲမှုအောက်မှာပါဘဲ။)

သူခိုးဓါးရိုးကမ်းရန်

သူခိုးဓါးရိုးကမ်းရန်

ကြံစည်နေကြသော ကရင်နိုင်ငံရေးစားဖါးများအား မေတ္တာရပ်ခံခြင်း-

၁၈၇၉ ခုနှစ်ဖေဖေါ်ဝါရီလမှာ သီပေါမင်းသား ဘုရင်ဖြစ်လာဖို့

စုဘုရားလတ်ရဲ့မယ်တော် သီပေါမင်းရဲ့ခမည်းတော်ဖြစ်သူ မင်တုန်းမင်းရဲ့မိဘုရားဆင်ဖြူမရှင်က

သီပေါမင်းသားနဲ့သက်တူရွယ်တူဖအေတူ မအေကွဲ ဖြစ်ကြတဲ့ညီကို ၄၀ ကို မန္တလေးနန်းတော်မှာ ဖမ်းဆီးသတ်ဖြတ်ပစ်ခဲ့တယ်။

ဒီသတ်ဖြတ်မှုကြီးကိုဗြောင်လုပ်ခဲ့တာမို့ ကုန်းဘောင်ပြည်သားတိုင်းသိရှိခဲ့ကြပါတယ်။ ပြည်သူတွေဟာရင်နင့်မှုနဲ့အတူ

လူစိတ်ခေါင်းပါးတဲ့ ကုန်းဘောင်ထီးနန်းအုပ်ချုပ်ရေးအပေါ် မူလကထက်ပိုပြီး ကြောက်ရွံ့ရွန်ရှာလာကြပါတယ်။

ဒီလိုပေါက်ပွားကြီးထွားလာတဲ့ (mass psychology) ခေါ်လူထုစိတ်ဓါတ်ဗေဒအခြေခံတရားကြောင့်

ကုန်းဘောင်ပဒေသရာဇ်ရဲ့အဖိနှိပ်ခံ ပြည်သူတွေဟာ အင်္ဂလိပ်-ကုန်းဘောင်စစ်ပွဲမှာ ကုန်းဘောင်ထီးနန်းဘက်ကနေ

လုံးဝပါဝင်ထောက်ခံအားပေးခြင်းမပြုခဲ့ကြပါဘူး။ တိုင်းသူပြည်သားတွေဘဲဖြစ်ကြတဲ့ ကရင်လူမျိုးများဆိုရင်

ဘာမှမသိနားမလည်တဲ့ တောသားလူရိုင်းများအဖြစ်သာသတ်မှတ်ကျင့်သုံးခြင်းခံခဲ့ကြရပြီး တိရိစ္ဆာန်များသဖွယ်ကျွန်ပြုခံထားရတဲ့ခေတ်ဖြစ်တာမို့

ကုန်းဘောင်အုပ်ချုပ်ရေးကို ဘယ်သူလာဖျက်ဖျက် မိမိတို့အတွက်ပိုကောင်းလာဖို့ဘဲရှိတဲ့ အနေအထားလဲဖြစ်နေခဲ့ပါတယ်။

တခြားတိုင်းရင်းသားတွေလဲဒီလိုအလားတူ အနေအထားသာဖြစ်ကြပါတယ်။ ဒီတော့ လူထုထောက်ခံမှုလုံးဝမရှိတဲ့

ကုန်းဘောင်ဘုရင့်တပ်အများအပြားဟာ တပ်ပျက်ကုန်တယ်။ အတင်းအကြပ်တပ်ထဲအသွင်းခံခဲ့ရတဲ့ တပ်သားတွေဟာလဲ

တပ်ပြေးတွေအဖြစ်ရွာပြန်ပြေးကုန်ကြတယ်။

ကယ်တင်ရှင်ဝင်လုပ်ကြမလား

ကယ်တင်ရှင်ဝင်လုပ်ကြမလား

နိုင်ငံတကာက ၀ိုင်းဝန်းပိတ်ဆို့မှုဒဏ်ကို မလူးသာမလွန့်သာခံနေရခဲ့ရလို့ ထွက်ပေါက်ပိတ်နေခဲ့တဲ့ မြန်မာ့တပ်မတော်ဟာ တရုတ်ပြည်ရဲ့ရင်ခွင်ထဲ ခယခိုလှုံပြီး တရုတ်ပြည်ရဲ့နို့ချိုကိုမှီဝဲသောက်သုံးနေခဲ့ရတယ်။ တရုတ်နို့ဖိုးအတွက်ပေးခြေခဲ့ရတဲ့ အဖိုးအခကလဲ တန်ဖိုးမဖြတ်နိုင်လောက်အောင် ကြီးမားခဲ့တယ်။ ကချင်ပြည်ကကျောက်စိမ်းတောင်တန်းကြီးတွေအားလုံးနီးပါးဟာ မြေလှန်တူးဖေါ်ခြင်းခံခဲ့ရလို့ မဟာရေအိုင်ကြီးများအဖြစ်ပြောင်းလဲကုန်သလို ဘင်္ဂလားပင်လယ်ကဓါတ်ငွေ့ကို စုတ်ယူဖို့ ရခိုင်-တရုတ် ရွှေဂက်စ်ပိုက်လိုင်းကြီးကိုဖေါက်လုပ်ရာမှာလဲ ရခိုင်ပြည်ရဲ့ရှေးဟောင်းသမိုင်း သက်သေ အထောက်အထားများစွာကို မြေအောင်းကားကြီးများနဲ့ ထိုးထုတ်ခြေဖျက်ပြီး လမ်းကြောင်းတွေဖေါက်လုပ်ခဲ့တယ်။ ကရင်၊မွန်နဲ့တနသာင်္ရီတိုင်း ကျွှန်းတောအားလုံးနီးပါးကိုတော့ အငုတ်ပါမကျန်တူးခုတ်ပြီး ထိုင်း ကို ဈေးချိုချိုနဲ့ ကန်ထရိုက်ပေးပစ်ခဲ့တယ်။ အဲလို ရောင်းစားလို့ရတဲ့ တိုင်းရင်းသားနယ်မြေတွေအားလုံးပေါက်ဈေး နဲ့ရောင်းစားပစ်ခဲ့ပေမဲ့ မြန်မာစစ်အစိုးရဟာ ဖရိုဖရဲပြိုလဲနေတဲ့မိမိရဲ့အုပ်ချုပ်ရေးယနရားကြီးကို လည်ပတ်ဖို့ ဘဏာငွေချို့တဲ့နေဆဲဖြစ်ခဲ့တယ်။ ဒီပြသနာကိုဖြေရှင်းဖို့ နေ၀င်းမဆလခေတ်က ချမှတ်ကျင့်သုံးခဲ့တဲ့ အခမဲ့ပြည်သူ့ကျန်းမာရေးနဲ့ အခမဲ့ ပညာရေးစနစ်တွေကိုဖျက်သိမ်း ခဲ့ယုံတင်မက တပြည်လုံးမှာ ပေါက်ပေါက်ရှာရှာအကောက်ခွံအမျိုးမျိုးကိုချမှတ်ကောက်ခံခဲ့တဲ့အပြင် အစိုးရဌာနအသီးသီးကလဲ ပြည်သူတွေဆီက အလှုငွေပေါင်းစုံကို ဖြစ်ညှစ်သွေးစုတ်ခဲ့ပြန်တယ်။ ရှေ့တန်းမှာချထားတဲ့ တပ်မစစ်ကြောင်းတွေကိုလဲ အနီနဲ့အနက်ရောင်စစ်နယ်မြေအတွင်း ဓါးပြတိုက်ခွင့်ချမှပေးခဲ့တယ်။ အဲလောက်ကို ဘေးကြပ်နံကြပ်ရူးမတတ်ဖြစ်နေရတဲ့ ၀ဲဂရက်ကနေလွတ်ဖို့ ဒေါ်အောင်ဆန်းစုကြည်ရဲ့ အဲန်အဲလ်ဒီပါတီဟာ စစ်အုပ်စုကချမှတ်တဲ့ ခြေဥုမှာ ၀င်ပါတဲ့နည်းနဲ့ စစ်တပ်ရဲ့မှောက်နေတဲ့လှေကြီးကို ၀င်ရောက်ဖေးမ ပေးလိုက်ကြတယ်။

ခွဲထွက်ပိုင်ခွင့်မရှိခြင်းဟာ ဒီမိုကရေစီမရှိခြင်းဖြစ်တယ်။

ခွဲထွက်ပိုင်ခွင့်မရှိခြင်းဟာ ဒီမိုကရေစီမရှိခြင်းဖြစ်တယ်။

အင်္ဂလိပ်လက်ကနေလွတ်လပ်ရေးရပြီးနောက် အတူနေထိုင်ကြပြီး ၁၀ပြည့်တဲ့အခါ ဒီအတူနေထိုင်မှုကနေမိမိတို့ခံစားရရှိခဲ့တဲ့ နစ်နာဆုံးရှုံးမှုတွေအပေါ်တည်ပြီး ခွဲထွက်လိုကခွဲထွက်ခွင့်ရှိတယ်ဆိုတာကို ပထမပင်လုံစာချုပ်မှာ တိုင်းရင်းသားခေါင်းဆောင်တွေနဲ့ ဗိုလ်ချုပ်အောင်ဆန်းရဲ့ ဖဆပလ က အတိအလင်းသဘောတူလက်မှတ်ရေးထိုးခဲ့ကြတယ်။ ဒီသဘောတူညီချက်ဟာ ပင်လုံစာချုပ်ရဲ့ တစ်ခုတည်းသော မဟာ့ မဟာ အဓိက အချက်ပါဘဲ။ ဒီအဓိကအချက်ကို မဆလနေ၀င်းအာဏာရှင်အစိုးရက ချီးကုန်းပစ်ခဲ့တယ်။ ဒီအချက်ကိုဆက်လက်ရပ်တည်တဲ့ နိုင်ငံရေးပါတီအားလုံးကို ဖမ်းဆီးချုပ်နှေင် ပိတ်ပင်ပစ်တဲ့အလားတူ တိုင်းရင်းသားအမျိုးသားနိုင်ငံရေးအင်အားစုအားလုံးကိုလဲ  နိုင်ငံရေး စစ်ရေးနည်းအားလုံးနဲ့ခြေမှုန်းသုတ် သင်ခဲ့တယ်။ ရာစုနှစ် ထက်ဝက်ကြာမျိုးချစ် တိုင်းရင်းသားနှိမ်နင်းရေး  ပြည်တွင်းစစ်ရဲ့ဒဏ်ကြောင့် တိုင်းပြည်ဟာ အာရှမှာသာမက ကဘာ့အဆင်းရဲဆုံးနိုင်ငံတစ်နိုင်ငံအဖြစ်ချွတ်ခြုံကျသွားခဲ့ရတယ်။ ဆင်းရဲနုံချာမှုဒဏ်ကိုမခံနိုင်တော့တဲ့အဆုံး ၁၉၈၈ မှာ ပြည်သူလူထုထုနဲ့ ကျောင်းသားတွေကတပြည်လုံးဆနပြကြတယ်။ စစ်တပ်က သေနပ်တွေနဲ့ပစ်ယုံသာမက တင့်ကားတွေ အမြောက်တွေ မှိုင်းဗုံးတွေနဲ့ထုတယ်။ ဆနပြကျောင်းသားနဲ့လူထုအများအပြားကို စစ်ကားတွေပေါ်တင်ပိတ်ပြီး ကားကို ဒလကြမ်းမောင်းတဲ့နည်းနဲ့ အသက်ရှုမရ မချိမဆန့်မွန်းကြပ်သေကျေစေခဲ့တယ်။ တချို့ကို မီးလောင်နေတဲ့ အဆောက်အအုံထဲပစ်သွင်းပြီး အရှင်လတ်လတ်မီးရှို့သတ်ဖြတ်ခဲ့တယ်။ ကျောင်းသားအများအပြားကို အင်ယား၊ ကန်တော်ကြီးထဲ အတင်းကန်ချပြီး ကမ်းပေါ်ပြန်လာသူမှန်သမျှကို လှံစွတ်တွေနဲ့စောင့်ပြီးထိုးသတ်တယ်။

ကရင့် မူလစာပေ သမိုင်းကြောင်း တစေ့တစောင်း

ကရင့် မူလစာပေ သမိုင်းကြောင်း တစေ့တစောင်း

၁၉၂၁ ခုနှစ်တွင်ဝေလမင်းသား (Edward 8) ကမိမိအင်ပိုင်ယာကိုလှည့်လည်ကြည့်ရှုရင်း အင်းဒီးယားမှတဆင့် ဘားမားသို့ခရီးတထောက်ရာက်ရှိလာသည်။ မိမိကြားဘူးသော ကရင်လူမျိုးနှင့် ကရင်စာကို သိချင်သဖြင့် ဖိတ်ကြားထားသောကရင်လူကြီးများကိုမေးမြန်းသည်။ ထိုအခါ ကရင်ပြည်နယ် ဖာအံတောင်ဘက် မိုင် ၂၀ခန့်အဝေးတွင်ရှိသည့် ဒုံရင်းနယ်မှ ခရစ်ယန်သင်းအုပ်ဆရာတဦးက ကရင်ဘာသာဖြင့်ရေးထားသော စာအုပ်ကိုပြသသည်။ ထိုစာအုပ်မှာ မြန်မာစာလုံးကို အခြေခံခါပိုးကရင်ဘာသာစကားအဖြစ်ပြုပြင်ရေးသားထားသည့် ခရစ်ယန်သမာကျမ်းစာဖြစ်သည်။ ထိုစာကို ၁၈၀၃ ခုနှစ်က အမေရိကန် မစ်ရှင်နရီတစ်ဦးဖြစ်သူ ဂျော်နသန် ၀ိဒ် (Jonathan Wade)ကတည်ထွင်ပေးခဲ့ခြင်းဖြစ်သည်။ ဗမာစာကိုမြင်ဘူးသောဝေလမင်းသားကထိုစာအုပ်ကိုမြင်သောအခါကရင်စာစစ်စစ်မဟုတ်သည်ကိုတွေ့ရသဖြင့် ကရင်အမျိုးသားတွေမှာကိုယ်ပိုင်စာရှိကိုရှိရမယ်ဟု ဆိုလေသည်။ ထိုအခါ ကရင်လူကြီးတဦးဖြစ်သူ ဖူးလှအုန်းက ကရင်မူလစာပေလက်ရေးနမူနာများကို ယခုနှစ်နိုဝင်ဘာလအတွင်းတွင် ရှာဖွေစုဆောင်ပြီး ဝေလမင်းသားထံ ဆက်သပ်မည်ဖြစ်ကြောင်းကတိပေးသည်။

ဝေလမင်းသားကိုကတိခံထားသော ကရင်လူကြီး တို့သည် ကရင်ဒေသရှိ ကော်ရင်းရွာသို့သွားရောက်ခါ ကရင်ရှေးဟောင်းစာပေကိုသုတေသနပြုနေသည့် ဖူးမြသာနှင့်တွေ့ဆုံဆွေးနွေးပြီး ကြက်ယက်စာဟုခေါ်သည့် ငှက်ခြစ်စာ (Fowls’ Scratch)ကိုသင်ကြားပေးနိုင်သည့် ဖူးရွှေဖုန်းခေါ် ကျော်ရွှေဖုန်း ထံချဉ်းကပ်ကြသည်။

ထိုစာကို လယ်ကယ်စာ(Laikai)ဟုခေါ်သည်။ ဖူးရွေဖုန်းကလယ်ကယ်စာနောက်ခံ သမိုင်းကြောင်းကိုသူတို့အားရှင်းပြသည်။ ဖူးရွှေဖုန်းသည် လယ်ကယ်စာကိုရှာဖွေတွေ့ရှိရာတွင် ကရင်စာပေအဖြစ်မျှသာ ဖြန့်ဖြူးခြင်းမဟုတ်ဘဲ လယ်ကယ်သသနာကိုပါ ပူးတွဲထားသည်။ ထိုအချက်သည် ထိုစဉ်ကဘာသာရေးနှင့်အမျိုးသားစာပေကိုခွဲခြားနိုင်မှုအားနည်းသော အမြင်မကျယ်သေးသည့် ကရင်လူမျိုးများအကြား ကရင့်မူလစာပေမပြန့်ပွား နိုင်ရခြင်းအကြောင်းရင်းတခုဖြစ်သည်။ မည်သို့ဆိုစေ ဖူးမြသာနှင့်ဖူးလှအုန်းတို့က တခြားလူမျိုးတကာတို့၏စာလုံးများနှင့်မတူသော လယ်ကယ်ခေါ် လီဆောဝက်စာကို မူလကရင့်စာပေအစစ်အအမှန်ဖြစ်သည်ဟုယုံကြည်သဖြင့် နိုဝင်ဘာလ ရန်ကုန်တွင် အစီအစဉ်အတိုင်းစောင့်စားနေသည့် ဝေလမင်းသားထံ တင်ဆက်နိုင်ရန် သင်ယူလေ့ကျင့်ပြီး ပြင်ဆင်ကြတော့သည်။

ဝေလမင်းသားပုံ

ကရင်လူမျိုးဆင်းသက်လာပုံ

၁၂၇၆မှ ၁၂၉၁ အတွင်း အာရှ၊ ပါရှ၊ တရုတ်၊ အင်ဒိုနီးရှ တခွင်ခရီးနှင်လျှက် ထိုစဉ်က အာရှတခွင်ကို သိမ်းပိုက်ကြီးစိုးသည့် မွန်ဂိုလ်ခေါင်းဆောင် Kublai Khan နှင့်တွေ့ ဆုံခဲ့သော အီတလီလူမျိုး မာကိုပိုလို (Marco Polo)၏ ခရီးသွားမှတ်တမ်းကို အာသာ ရပ်စတီချဲလို (Author Rustichello) ကရှေးဟောင်းပြင်သစ်ဘာသာဖြင့်ရေးသားထုတ်ဝေခဲ့သည်။ စာအုပ်အမည်ကို မာကိုပိုလိုခရီးစဉ် (The Travels of Marco Polo) ဟု အင်္ဂလိပ်ဘာသာဖြင့်ခေါ်ပြီး ပြင်သစ်ဘာသာဖြင့် (Book of the Marvels of the World) ဟု ခေါ်သည်။ 

စာအုပ်တွင် တရုတ်ပြည်ယူနန်နယ်မြောက်ပိုင်းတွင်တည်ရှိခဲ့သော ကရင်အုပ်ချုပ်ရေး စီရင်စုကြီး အကြောင်းကို ဖေါ်ပြထားသည်။ ထိုစီရင်စုကြီးအတွင်း၌ အစိုးရတဖွဲ့ စီရှိသော နယ်မြေ(၇)ခုပိုင်းခြားဖွဲ့ စည်း ပါဝင်သည်ဟုဆိုသည်။

မာကိုပိုလိုက ကရင်လူမျိုးကို ကရိုင်ယန် (Karaian) ဟုခေါ်သည်။ ထိုင်းကလည်းထိုအသံထွက်မျိုးဖြင့်ကရင်လူမျိုးကိုခေါ်ဆိုသည်။ မာကိုပိုလိုက ဧရာဝတီမြစ်ကို ဧရာဘက်တီ(Irabatty) ဟုဖေါ်ပြထားသည်။ ကရင့်သမိုင်းတွင်ဖေါ်ပြလေ့ရှိသည့် ကရင်တို့ ဆင်းသက်လာရာ

ထီးဆဲ့မဲ့ယွာ ဆိုသည့် သဲစီးမြစ်ချောင်း ကို မာကိုပိုလိုက ရွှေရောင်သဲမြစ်(Brius, The river with the golden send) ဟုလဲဖေါ်ပြထားသည်။