ကရင်ကရင် ဘာကိုမြင် ~ ဟိုရှေ့နားက ငြိမ်းချမ်းရေး ချိုးကင်

   ခေါင်းစဉ်ဖတ်ပြီး ကရင်အမျိုးသားရေး ဝါဒီတစ်ယောက်တော့ လုပ်ပြန်ပဟလို့ ရုတ်ချည်း ထင်

ကောင်း ထင်မိနိုင်ကြမယ် ။ ဟုတ်ပါတယ် ၊ ဟုတ်လည်း မဟုတ်ပါဘူး ၊ နှစ်ခုလုံးလည်း မှန်ပါတယ် ။

တရားသူကြီးက ဖတ်တဲ့သူပဲလေ ။ 

   ပထမတစ်ချက် ပြောလို့ရတာက ကျနော်ဟာ ကရင်တစ်ယောက်လို့ ကိုယ့်ဘာသာ သတ်မှတ်

ထားလို့ ရေးတာပါလို့ ပြောရမယ် ။ ဆိုလိုတာက ကျနော့်ရဲ့ ကိုယ်ပိုင်လက္ခဏာ (identity) ကို က

ရင်ရယ်လို့ ခံယူ သတ်မှတ်တာကြောင့်ဆိုပြီး ပြောလို့ရတယ် ။ [ကိုယ်ပိုင်လက္ခဏာ (identity) အ

ကြောင်း အသေးစိတ်ကတော့ ရှည်လို့ နောက်မှ ထပ်ရေးပါ့မယ်] ။

   နောက်တစ်ဆင့်က ကရင်ဖြစ်ရုံနဲ့ ဝေဖန်ဖို့ ၊ ထောက်ပြဖို့ ၊ မြင်တာတွေပြောဖို့ တာဝန်ရှိသလား ။

   အမှန်ကတော့ တာဝန်ရှိတယ်လို့ ကျနော် မယူဆဘူး ။ ပတ်သက်ယှက်နွယ်နေတဲ့ ၊ ပြောင်းလဲ

လို့ မရနိုင်တဲ့ နောက်ခံတူညီသူတွေအတွက် အသားလွတ် နင်းခြေမခံရလေအောင် ၊ မတရား အ

နိုင်ကျင့် မခံရလေအောင် ၊ လိုသလို ထင်တိုင်းလှည့်ပတ်လို့ မရရလေအောင် မြင်မိသတိရတာလေး

တွေကို တင်ပြလက်တို့ရုံ လောက်ပါ ။ ဝတ္တရားနဲ့ အသိစိတ်အပေါ် အခြေခံပြီး ဘယ်သူမှလည်း မ

နစ်နာစေမယ့် အဖြေနဲ့ လမ်းကြောင်းတွေကို ဆိုင်ရာဆိုင်ရာတွေက ပိုပြီးသိမြင်လာဖို့ ကြိုးပမ်းချက်

လေး တစ်ခုနှစ်ခုသာသာပါ ။ 

 ကျနော်ယုံကြည်တာ တစ်ခုတော့ရှိတယ် ။ 

 Butterfly Effect ပါ ။ ကျနော့်ရဲ့ လိပ်ပြာတောင်ပံ တစ်ခတ်စာလေးဟာ ၊ ယုံကြည်လက်ခံသူ

သို့မဟုတ် ဒါကိုအခြေခံပြီး စိတ်ကူးစိတ်သန်း အသစ်တွေနဲ့ ထပ်ဆင့်ပွားမှုတွေ ရှိခဲ့မယ်ဆိုရင် ၊

လောကဓံ တစ်ပတ်အပြည့်မှာ မုန်တိုင်း ငယ်လေးတွေလို အားကောင်းတဲ့ သက်ရောက်မှုလေး

တွေ ရှိလာကောင်းရှိလာနိုင်ပါတယ် ။

   ကျနော်ရေးတဲ့ ပြောတဲ့အရာတိုင်းဟာ အမှန်မဖြစ်နိုင်သလို ၊ အားလုံးကို လက်ခံလိုက်လျှောက်

စရာလို့လည်း မမြင်မိပါ ။ သို့သော် ဒါတွေကိုအခြေခံပြီး စိတ်ကူးစိတ်သန်းတစ်ချို့ ပေါ်လာဖို့အ

တွက် စေ့ဆော်မှု ပေးနိုင်မယ်ဆိုရင် ကျနော့်အတွက် အောင်မြင်ပြီလို့ ပြောနိုင်ပါလိမ့်မယ် ။ 

(၁)  ခေတ္တအားလပ်ချိန် 

   ခုများ ဖြစ်တည်နေတဲ့ ငြိမ်းချမ်းရေးကို ကြည့်တော့ ခေါင်းစဉ်ငယ်တပ်ထားသလိုပဲ အားကစား

ပွဲတစ်ပွဲမှာ ခေတ္တအားလပ်ချိန် ယူထားသလိုပါပဲ ။ ပြီးရင် ဆက်ဆော်ကြမယ်ဆိုသလို ဖြစ်နေ

တယ် ။

   ဒါကို ဘယ်သူမှ မမြင်ကြဘူးလား လို့မေးရင် - လူတိုင်းလိုလို မြင်ကြတာပေါ့ဗျာ ။ ပြောရင်တောင်

အားညောင်းလွန်းလို့ ။ အပေါ်ဖက်မှာ ကချင်ကိုဆော်လို့ဝရင် ကိုယ့်ဖက်လှည့်လာမှာ သေချာသ

လောက် ရှိနေတာ မသိဘူးဆိုသူရှိရင်တော့ အတော်ခွကျသူပဲလို့ ပြောနိုင်တယ် ။ ဒီကြားထဲ အား

နည်းတဲ့ SSA တို့လို အဖွဲ့တွေကျ ဗိုလ်ကျအနိုင်ကျင့်နေတာလည်း မမြင်ချင်မှ အဆုံးပဲလေ ။ 

   တစ်ဖက်မှာ ခက်တာက - တစ်အချက် ၊ ငြိမ်းချမ်းရေး မဖြစ်မနေ လုပ်သင့်တယ် ။ နှစ်အချက် ၊

ပြည်မအစိုးရအဖွဲ့ထဲ ငြိမ်းချမ်းရေး တကယ်လိုချင်သူတွေ ရှိပုံရတယ် ။ သုံးတစ်ချက် ၊ အစိုးရ တက်

လုပ် နေသူတွေဆီမှာ အာဏာအပြည့်ဝ ရှိပုံကမရ ။ 

   လုပ်လို့ဖြစ်နိုင်တာ တစ်ခုစဉ်းစားမိတယ် ။ အဲဒါကတော့ "ငြိမ်းချမ်းရေး သဘောတူထားတာ

ကို “ဆိုင်းငံထား ဖို့” ပဲ ။ ပြန်တိုက်မယ်လို့လည်း ပြောတာမဟုတ်ဘူး ၊ လူသူရိက္ခာလက်နက်တွေ

ကြိုက်သလိုဖြည့်ဖို့ ခွင့်ပြုတာလည်း မဟုတ်ဘူး ၊ သဘောတူချက်ကို ဖျက်တာလည်း မဟုတ်ဘူး

လေ ။ အကြောင်းပြချက်ကတော့ ရှမ်းနဲ့ ကချင်တွေမှာ ထိုးစစ်တွေ ရပ်တန့်ပေးဖို့ ၊ ယုံကြည်မှုတည်

ဆောက်ဖို့ ၊ လူထုနဲ့ အဖွဲ့စည်းအတွင်း အကြေအလည် ပြင်ဆင်ဖို့ ၊ ပြည်မနဲ့ တစ်ဆင့်ချင်း ပူးပေါင်း

အဖြေရှာ ညှိနှိုင်းဖို့တွေပေါ့ ။ 

   ဒီလိုလုပ်ခြင်းအားဖြင့် ကချင်တွေအပါဝင် အခြားအဖွဲ့စည်းတွေကို အလေးထားရာရောက်ပြီး

ကိုယ့်ဖက်ကလည်း နိုင်ငံရေးအရ လုပ်သင့်တဲ့ ၊ လုပ်လို့ရနိုင်တဲ့ ဘောင်အတွင်းက တစ်ချက်ကို

လုပ်လိုက်တာလည်း ဖြစ်ပါလိမ့်မယ် ။ 

   တစ်နေရာမှာတော့ ရိပ်ကနဲ တွေ့မိလိုက်ပါတယ် ။ မီးရထားဝန်ကြီးဦးအောင်မင်းက တိုက်ပွဲ

တွေကြောင့် ရှမ်းအဖွဲ့တွေကို အားနာတယ်ဆိုလားပဲ ။ KNU လည်း ဆိုင်းငံ့စရာလို လုပ်စရာရှိ

တာတွေလုပ်ပြီး အားနာလိုက်ရုံပါပဲ ။ ငြိမ်းချမ်းရေး တကယ်လိုချင်သူကို အားနာတာပဲလေ ၊ အား

နာသင့်ပါတယ် ။ 

(၂) ငြိမ်းချမ်းရေး တည်မြဲနိုင်ခြေ 

   သျှမ်းသံတော်ဆင့်မှာ ဖတ်မိသလိုပေါ့ ၊ ပြည်မရဲ့ ငြိမ်းချမ်းရေးဆွေးနွေးပွဲ ဒုတိယအဆင့်မှာ - ဒို့

တာဝန်အရေးသုံးပါးကို လက်ခံဖို့ ၊ ၂၀၀၈ ဖွဲ့စည်းပုံအခြေခံဥပဒေကို လက်ခံဖို့ ၊ နိုင်ငံရေးပါတီ

ထောင်ပြီး ရွေးကောက်ပွဲဝင်ဖို့ ဆိုတာတွေကို ဆွေးနွေးတဲ့ စားပွဲပေါ် တင်လာတဲ့အခါကျရင်တော့

ကန့်လန့်ကြီးခံပြီး မီးမဖွားနိုင်တော့ပဲ ငြိမ်းချမ်းရေးချိုးငှက်လည်း သေဖို့ရာ ရာခိုင်နှုန်းပြည့်နီးပါးပဲ ။ 

   မိုးကျရွှေကိုယ် “ဒို့တာဝန်အရေးသုံးပါး” လို လက်တွေ့မကျတဲ့ လေလုံးကြီးကို လက်ခံပြီး သူတို့

နဲ့အတူ ကိုယ့်သိက္ခာ အကျခံမလား စဉ်းစားစရာ ဖြစ်လာပြီ ။ လိမ်လည်လီဆည်ပြီး သန္ဒေမမှန်တဲ့

မတရား “၂၀၀၈ ဖွဲ့စည်းပုံအခြေခံဥပဒေ” ကိုကော ကိုယ့်လည်ချောင်းထဲ ပီကင်းဘဲ အစာခွံ့သလို

အထည့်ခံမလား ။ နောက်ဆုံးမတော့ ပါတီထောင်ပြီး ရွေးကောက်ပွဲဝင်ပါဆိုတော့ ပွဲကသိမ်းပြီ ။

   ပါတီထောင် ၊ ရွေးကောက်ပွဲတွေဝင် ၊ လူထုလှုပ်ရှားမှုတွေ လုပ်ခဲ့ပြီးပြီ ။ လူလည်ကျ အလိမ်ခံခဲ့

ရလို့ ၊ ကိုလိုနီတစ်ဖြစ်လဲ အဆင့်ကနေ တက်လမ်းမမြင်တာကြောင့် ခုလို နှစ်ရှည်လများ တိုက်

လာခဲ့ကြရတာ ။ ကဲ .. တစ်ကနေ ပြန်စလိုက်ကြရအောင် ဆိုရင်တော့ … “ရိုးသားမှု”ဆိုတဲ့ စ

ကားလုံးကို ပြန်ဆန်းစစ်ဖို့ လိုပေတော့မယ် ။ ဒီကြားထဲ စီးပွားရေးလုပ်ငန်းတွေပါ ရှေ့တန်းတင်

လာပြန်မယ်ဆိုရင် ပြန်ဆန်းစစ်စရာ သိပ်တောင်မလိုတော့ပါဘူး ။ ငြိမ်းချမ်းရေးဆိုတာကို မီးစင်

ကြည့်ပြီးပဲ ကရတော့မလား ၊ ရိုးသားမှု စိတ်ကောင်း စေတနာနဲ့ တန်းတူညီမျှရေး ဆိုတာတွေကို

ပြူတင်းပေါက်ကနေပဲ လွင့်သာပစ်ရတော့မလားပဲ ။

(၃)  KNU နဲ့ DKBA 

   အချို့ကတော့ ဒီနှစ်ဖွဲ့ကို ပြန်ပေါင်းထုပ်စေချင်တယ် ။ 

   ကျနော်မြင်တာကတော့ - နကိုကတည်းက သဘောထားမတိုက်ဆိုင်လို့ ခွဲသွားခဲ့ကြတာပဲ ၊ ပြန်

မပေါင်းပဲ လူတွေ မူတွေ ဦးတည်ရာ လမ်းကြောင်းတွေကိုသာ ညှိနှိုင်းပြီး မျဉ်းပြိုင်နှစ်ကြောင်းအနေ

နဲ့ ဆက်ရပ်တည်သွားကြရင် မကောင်းဘူးလားလို့ပါ ။ ပေါင်းသည်ဖြစ်စေ ခွဲပြီးလုပ်ကိုင်တာဖြစ်စေ

အကျိုးအပြစ်တွေကတော့ ရှိကြမှာပါပဲ ။ အကောင်းဖက်များများဖြစ်အောင် ပူးပေါင်းလုပ်နိုင်ကြဖို့ပဲ

လိုပါလိမ့်မယ် ။ 

(၄)  အသက်ကယ်ဆေးတွဲ 

   ကရင်အပါဝင် လက်နက်ကိုင် တိုက်ပွဲဝင်နေတဲ့ အဖွဲ့စည်းတွေအတွက် ရေရှည်ရပ်တည်ဖို့ ၊ လုံး

ပါးမပါးဖို့ ၊ တိုးတက်မှုဆီ တစ်ဆစ်ချိုး ကွေ့တက်နိုင်ဖို့ နည်းလမ်းတွေ အများကြီးရှိတယ် ။ ကိုယ့်နဲ့

တိုက်ရိုက်မဆိုင်ပေမယ့် တစ်ချို့ကို ချရေးကြည့်ချင်တယ် ။

*  နိုင်ငံတကာမှာ ရောက်နေကြပြီး ပညာနဲ့ အတွေ့ကြုံ ရှိသူတွေကို ဒေသအလိုက် စုစည်းရွေး

    ချယ်ပြီး ကိုယ့်စားရိတ်နဲ့ကိုယ် ပြန်လာကူကြဖို့ စည်းရုံးဆွေးနွေးပြီး လိုအပ်တဲ့ သွားလာနေ

ထိုင် ကူညီလုပ်ကိုင်ပေးဖို့ အခွင့်အလမ်းတွေကို ဖန်တီးပေးလို့ရတယ် ။ အဖွဲ့စည်းမှာ လက်တွေ့

လုပ်ကိုင်နေသူတွေနဲ့ ၃-၆ လလောက် အတူတွဲဖက် လုပ်ကိုင်စေပြီး အတွေ့ကြုံ ပညာ အသိ

တွေ ဖလှယ်နိုင်ရင် တစ်ချက်ခုတ် နှစ်ချက်သုံးချက် ပြတ်နိုင်တယ်လို့ ယူဆတယ် ။ Knowledge

transfer လုပ်ပြီးသား ဖြစ်သလို ၊ ပြန့်ကျဲနေတဲ့ လူမှုအဖွဲ့စည်းနဲ့ အဆက်သွယ် ရင်းနှီးမှု မပြတ်

တော့ဘူး ။ အသေးစိတ်တွေတော့ ကိုယ့်ဘာသာ ဆက်တွေးပေါ့နော ။

*  သူပုန်ဆိုတာ ကိုယ့်နယ်မှာ အစိုးရပဲ ၊ ပြည်မနဲ့ ငြိမ်းချမ်းရေးယူဖြစ်ရင်လည်း စစ်တပ်နဲ့ အစိုးရ

စီမံခန့်ခွဲရေးတွေမှာ မပါမဖြစ် ပူးပေါင်းလုပ်ကိုင်ရတော့မယ် ။ စီးပွားရေးလည်း တစ်ခုအပါဝင်ပဲ ။ 

   ဒီတော့ လက်ရှိအဖွဲ့စည်းအတွက်လည်း ပြည်မအုပ်ချုပ်ရေးနဲ့ မတွဲစပ်ခင်မှာ ဥပမာ မြဝတီကုန်

စည် ဝင်ရောက်မှုလမ်းအတွက် ပြည်မအာဏာပိုင်တွေ ကောက်ခံတဲ့ အကောက်ခွန်နဲ့ အမြတ်ခွန်

တွေကို ရာခိုင်နှုန်းတစ်ခု သတ်မှတ်ပြီး မျှဝေခွဲယူနိုင်ဖို့ ဆွေးနွေးညှိနှိုင်းဖို့ပါ ။ လွယ်လွယ်နဲ့တော့ မ

ရနိုင်ပါ ။ ဒါပေမယ့် ဒါမျိုးကို ညှိနှိုင်းမှ အတိုင်းတာတစ်ခုအထိ လျှော့ပေးနိုင်မှသာ ရှေ့ခရီးဆက်လို့

ရမယ်ဆိုတာ လက်ခံလာအောင် တစ်ဖက်နဲ့တစ်ဖက် ရှင်းရှင်းလင်းလင်း ပြတ်ပြတ်သားသား တင်

ပြဆွေးနွေး ညှိနှိုင်းရဖို့ လိုနိုင်ပါတယ် ။ ရေရှည်မှာ အစိုးရတစ် ရပ်ရဲ့ အစိတ်ပိုင်းတစ်ခု ဖြစ်လာရ

မယ့် နယ်မြေလူထုကိုယ်စားပြု အဖွဲ့စည်းတစ်ခုအတွက် လုပ်ကိုလုပ်သင့်တယ်လို့ ယူဆပါတယ် ။ 

   ဒီနေရာမှာ ဝတပ်ဖွဲ့တွေ ဘယ်လိုလုပ်သွားခဲ့သလဲဆိုတာ လူများစုအသိပါ ။

   ကိုယ့်ဂုဏ်သိက္ခာကို အရည်မဖျော်နိုင်တဲ့ သူတွေအတွက်တော့ ဒီလိုပဲ နိုင်ငံရေးနဲ့နွယ်ပြီး လုပ်

ရပါလိမ့်မယ် ။

*  တစ်ချိန်မှာ ပါတီနိုင်ငံရေးလည်း ဆက်နွယ်လာရတော့မယ် ။ 

   သတိမလစ်သင့်တာကတော့ - ဖလုံစဝေါ်ပါတီတို့လို ပြည်သူတွေကို အတိုင်းတာတစ်ခုအထိ

ကိုယ်စားပြုသူတွေရဲ့ အမြင်သဘောထားတွေကို အလေးနက်ထားဖို့ပါပဲ ။ (အွန်လိုင်းမှာ လွှတ်

တော်ကိုယ်စားလှယ် အရွေးခံရသူရဲ့ အပြောဆိုကို ဝေဖန်တာတွေ ဖတ်မိလို့ မှတ်မှတ်ရရ ရေး

ဖြစ်တာပါ) ။ 

   ဆက်စပ်ပြီး ပြောချင်တာက - အဖွဲ့စည်းဖြစ်စေ ၊ လူပုဂ္ဂိုလ်ဖြစ်စေ လူလေးစားတဲ့ သိက္ခာ ၊ နိုင်

ငံရေး စီးပွားရေး စသည်ဖြင့် သြဇာအာဏာတွေဆိုတာဟာ လက်ဆုပ်လက်ကိုင် ပြလို့မရပေမယ့်

တည်ဆောက်ယူရတဲ့ အရာတွေ ဖြစ်ပါတယ် ။ ဒါတွေ တည်ဆောက်ဖို့အတွက် ပျင်းရိ ၊ ဘဝင်မြင့် ၊

လက်နက်အားကိုးလို့ မရသလို ၊ အခြေခံအကျဆုံး အုတ်မြစ်ဟာ လူထုဖြစ်တာရယ် ၊ ဒီအုတ်မြစ်

ပေါ်မှာ တည်ဖို့ရာ ကောင်းမွန်တဲ့ လူမှုဆက်ဆံရေးဆိုတဲ့ သရိုးနဲ့ ၊ လူထုလိုအပ်ချက်တွေကို

ဖြည့်ဆည်းပေးခြင်းဆိုတဲ့ အုတ်ချပ်လေးတွေ မဖြစ်မနေ လိုအပ်တယ်ဆိုတာလည်း လေးလေး

နက်နက် သတိပေးချင်ပါတယ် ။ 

(၅)  အကြွေး 

   သြစတြေးလျနိုင်ငံမှာ လူမှုရေး ၊ အတွေးခေါ် ၊ ဥပဒေနဲ့ လူသားတွေရဲ့ စိတ်အခြေခံကြောင့်

စသည်ဖြင့် ဘယ်လိုပြောပြော အကျိုးသက်ရောက်မှု အချို့ကတော့ - မူလဋ္ဌာနေ တိုင်းရင်းသား

တွေဖြစ်တဲ့ အဘောရီးဂျင်းတွေဟာ နောက်ပိုင်းမှ ထပ်ဝင်ရောက်လာသူတွေ နေထိုင်နေတဲ့ မြေ

ဒေသတွေရဲ့ မူရင်းပိုင်ရှင်တွေဖြစ်ကြောင်း အခမ်းနားတိုင်းလိုလိုမှာ အသိမှတ်ပြု ဖွင့်ဟပြောတဲ့

အလေ့ကို ပုံမှန်လုပ်ကြပါတယ် ။ ဒါ့ပြင် အရင် ရာစုနှစ်နဲ့ချီပြီး လုယူသိမ်းဆည်းထားတဲ့ မြေတွေ

အတွက် လျှော်ကြေးသဘောမျိုးတွေ စီမံဆောင်ရွက်ပေးတာမျိုး ၊ ဖြစ်နိုင်တဲ့ အချို့နေရာမှာ

တော့ မြေတွေကို ပြန်ပေးတာမျိုး ၊ လိုအပ်လို့ အဲဒီမြေတွေကို အသုံးပြုရမယ် ဆိုရင်လည်း ဆွေး

နွေးတိုင်ပင် ညှိနှိုင်းပြီးမှ မနစ်နာအောင် ၊ ငွေကြေးအရကော ဖွံ့ဖြိုးမှုအရပါ ဖြည့်ဆည်း ပေးတာ

တွေကို လုပ်နေကြပါပြီ ။ 

   မြန်မာပြည်လည်း ဒီအနေထာားကို တစ်ချိန်မှာ ရောက်လာကောင်း ရောက်လာဦးမှာပါ ။ 

   ခုနေမှာ .. မြန်မာပြည် ပြည်သူတွေအတွက် မြေအာမခံချက်တွေ ကျကျနန မရှိသလို ၊ တိုင်း

ရင်းသား ဋ္ဌာနေတွေမှာလည်း စစ်ဘေးကြောင့် ရှောင်ပြေးရသူတွေ ၊ စံပြရွာတည်လို့တို့ စီမံကိန်း

ကြောင့်လို့တို့ အကြောင်းမျိုးစုံပြ ၊ မြေအားလုံးကို နိုင်ငံတော်ကပဲ ပိုင်တယ်ဆိုပြီး လိုသလို စီမံ

လာခဲ့တာတွေ အများကြီး ရှိခဲ့သလို ၊ ရှိလည်း ရှိနေတုန်းပါ ။ 

   ကျနော်တို့တတွေ အမှောင်ခေတ် (အလယ်ခေတ်) မှာ နေနေကြတာ မဟုတ်ပါဘူး ။ ဒါတွေ

ဟာ ရေရှည် ဖြေရှင်းရမယ့် ကိစ္စတွေပါ ။ အဖွဲ့စည်းတွေအနေနဲ့ အုပ်ချုပ်ရေးနဲ့ စီမံခန့်ခွဲရေးရဲ့ အ

စိတ်ပိုင်းတစ်ရပ်ဖြစ်တဲ့ ၊ ဒီမြေယာကိစ္စကိုလည်း အာရုံထားပြီး စနစ်တကျ ပြင်ဆင်လုပ်ကိုင် မှတ်

တမ်းတွေ ထားရှိဖို့ ၊ နစ်နာခဲ့သူ တိုင်းရင်းသားတွေ အတွက်ကော နောက်ရောက်သူတွေအတွက်

ပါ အကြီးကျယ် မနစ်နာအောင် ၊ အကြို ဥပဒေနဲ့ လုပ်ထုံးလုပ်နည်းတွေကို ပြင်ဆင်ဖို့နဲ့ အကောင်

ထည် ဖေါ်ပုံဖေါ်နည်းတွေကအစ စီစဉ်ရပါတော့မယ် ။ 

(၆)  အစိုးရ 

   အစိုးရဆိုတာကို အကျယ်ချဲ့ အဓိပ္ပါယ် မဖွင့်တော့ပေမယ့် ၊ ဆိုင်တာလေးတစ်ချို့ကို မှတ်စု

လေး ထုတ်ထားချင်ပါတယ် ။ 

   အစိုးရတစ်ရပ်ရဲ့ အလုပ်တွေဟာ အင်မတန်ကျယ်ပြန့် များမြောင်လှပါတယ် ။ လည်ပတ်ဖို့ရာ

ကာယဥာဏ စွမ်းအား လိုအပ်ချက်တွေ ၊ ဖြည့်ဆည်းစရာတွေက အပုံအပင်ပါ ။ ဥာဏ် ပညာ

တွေကို အလေးနက်ထားပြီး အကောင်းဆုံးဖြစ်အောင် ၊ ရေတို ရေရှည်တွေအတွက် ထည့်

တွက်မယ်ဆိုရင် ပိုပြီးလေးနက် ခက်ခဲမှာ ဖြစ်ပါတယ် ။ ဒါပေမယ့် မဖြစ်နိုင်တဲ့အလုပ်တော့ မ

ဟုတ်ပါဘူး ။ မြန်မာပြည်မှာ လွန်ခဲ့တဲ့ ရာစုနှစ် တစ်ဝက်လောက်မှာ မဆီမဆိုင် စစ်တပ်ကို မ

ဏ္ဍိုင်ထားပြီး အစိုးရယန္တယားကို လည်ပတ်လာခဲ့တာပါ ။ တည့်တည့်ပြောရင် ဒီလောက်ကတော့

ကမ်းနားက ကုန်ထမ်းတဲ့သူကို ကြာကြာလုပ်ခိုင်းရင်လည်း လုပ်တတ်မှာပါပဲ ။ မကွာပါဘူး ။ 

   သို့ပေမယ့် ခုနေမှာတော့ ပြည်မရဲ့ အရှိန်ရလာနေတဲ့ အပြောင်းအလဲနဲ့ ပညာတတ်တွေကို စု

စည်းလာတာဟာလည်း အလေးနက်ထား ထည့်တွက်ရမယ့် အနေထားတစ်ရပ်ပါ ။ အရင်က

ပြည်မနဲ့ အခုပြည်မနဲ့ အတူတူပဲဆိုပြီး ကိုယ့်ဖက်က မပြင်မဆင်နဲ့ နေရင်တော့ အများသိ စ

ကားလုံး တစ်လုံးရှိပါတယ် ။

   “တာ့တာ” ပါတဲ့ ။ တလွဲတော့ မထင်ပါနဲ့ ၊ နောက်ကျကျန်ရစ်ခဲ့မှာကို ဆိုလိုတာပါ ။ 

(၇)  အနာကပ် 

   အနာဂါတ် လက်နက်ကိုင်ကဏ္ဍကတော့ ဆေးမရှိခင်မှာ အနာကပ်ရတဲ့ ဖယောင်းချက်လိုပဲ

လိုနေဦး ၊ ရှိနေရဦးမှာပါ ။ ဒီအနေထားအတွက် အကြောင်းရင်း အမျိုးမျိုးရှိပေမယ့် ၊ အဓိကကျ

တဲ့ တစ်ခုကတော့ - “လက်နက်ကိုအခြေခံတဲ့ ကာယပိုင်းဆိုင်ရာ အင်အား (physical force)

ကိုမှ အလေးထား အရေးထားတတ်သူတွေ အခြားတစ်ဖက် (ပြည်မ) မှာ များနေသေးလို့” ပါပဲ ။ 

   ခုနေမှာ ဗိုလ်ချုပ်ဟောင်း ဦးသိန်းစိန်ရဲ့ ခြေလှမ်းတွေက မျှော်လင့်ချက်တွေ ပေးနေတာတော့

အမှန်ပါ ။ သို့ပေမယ့် မျှော်လင့်ချက်အဆင့်ပဲ ရှိနေပါသေးတယ် ။ ရှေ့ဆက်ပြီး ဌက်ပျောသီးအ

ခွံကို ဘယ်လိုနည်းနဲ့ ဆက်နွှာသွားမလဲဆိုတာ အကောင်းဆုံးကိုပဲ မျှော်လင့်ကြရပါတော့မယ် ။ 

   အဖွဲ့စည်းတွေအနေနဲ့ လုပ်လို့ကိုင်လို့ရတာ အများကြီးရှိပါတယ် ။ စရေးမယ် မကြံရသေးပေ

မယ့် နည်းနည်းလည်း ရှည်သွားပြီ ။ တစ်ဖက်မှာ ကိုယ်လည်း လက်နက်ကိုင်တော်လှန်ရေး အ

ညွှန်းစာအုပ် ရေးမယ့်သူမဟုတ်တော့ အဖွဲ့စည်းတွေနဲ့ ပတ်သက်တာကို လတ်တလော လက်

လှမ်းမီရာ ဒီလောက်နဲ့ပဲ တော်ထားလိုက်ပါ့မယ် ။ ကျနော် မျက်စေ့လျှမ်းသွားတဲ့အပိုင်း ၊ အာရုံ

နည်းလို့ လစ်ဟာသွားတဲ့အပိုင်းနဲ့ မနီးစပ်လို့ မသိနားမလည်တဲ့ အပိုင်းတွေကိုတော့ ဖြည့်တွေး

ပေးကြပါ ။ အကြံပေးလို့ ရသလို ၊ ကိုယ့်နီးစပ် ရာနဲ့ ဖလှယ်ကြလို့လည်း ရပါတယ် ။ နောက်

တစ်ပိုင်းကျမှ သာမန်လူထု အရပ်သားတွေ အဓိကကျရာ အပိုင်းကို ရေးပါဦးမယ် ။

မန်းကိုကို

၃၁ ၊ ၀၈ ၊ ၂၁၁၂