မြန်မာပြည်နှင့်ခွဲထွက်ခွင့်ကိစ္စ by Socretes Athensian on Saturday, July 16, 2011 at 10:26am · Friday, November 9, 2007

ဖက်ဒရေးရှင်းဟူသည် (federation) လက်တင်ဘာသာစကား(foedus)မှ ဆင်းသက်လာပြီး သဘော တူညီမှု ပဋိညာဉ်(သို့) သဘောတူညီမှု စာချုပ်ဟု အဓိပ္ပါယ်ရသည်။ တချို့ကတော့ ဖက်ဒရယ်ဟု ပြောလိုက် သည်နှင့် ခွဲထွက်ခွင့်နှင့် ယှဉ်တွဲပြေးမြင်မိကြသလို ခွဲထွက်ခွင့်မပါဘဲနှင့် ဖက်ဒရယ်ပြည်ထောင်စု တည်ဆောက် ၍ မရပါဟုဆိုကြသည်။ အမေရိကန် နိုင်ငံသား (David William) ကမူ ခွဲထွက်ခွင့်မပါဘဲနှင့် ဖက်ဒရယ် ပြည်ထောင်စုစစ်စစ် တည်ဆောက်၍ရပါသည်ဟု အခိုင်အမာပြောဆိုခဲ့သည်။ တဆက်တည်းမှာပင် “တူညီတဲ့ အကျိုးစီးပွားတွေကို ဘယ်လိုပေါင်းစပ်မလဲဆိုတာ ဖက်ဒရယ်ရဲ့ အနှစ်သာရဖြစ်ပြီး ခွဲထွက်ခွင့်မပါရှိပါက ဖက်ဒရယ်ဖွဲ့စည်းမှုမှာ အဓိပ္ပါယ်မဲ့ဖြစ်သည်ဆိုခြင်းမှာ မှားယွင်းပါသည်။ ဖက်ဒရေးရှင်းဟူသော သတ်မှတ်ချက် ဘောင်အတွင်းမှ ခွဲထွက် ခြင်းသည် တရားဝင်မှုမရှိပါ”ဟု ပြောခဲ့သည်။
ခွဲထွက်ခွင့်မှာ ကိုယ်ပိုင်ပြဋ္ဌာန်းခွင့်၏ အမြင့်ဆုံးလုပ်ပိုင်ခွင့်ဖြစ်သည်။ ကိုယ်ပိုင်ပြဋ္ဌာန်းခွင့်နှင့် ပတ်သက် ပြီး လေ့လာသူအားလုံးက ကိုယ်ပိုင်ပြဋ္ဌာန်းခွင့်အစမှာ ဥရောပအင်ပါယာနိုင်ငံကြီးများ လက်ထက်ကစခဲ့သည် ဟု လက်ခံကြသည်။ ကိုယ်ပိုင်ပြဋ္ဌာန်းခွင့် အရှိန်ကောင်းလာသောကာလ ပထမကမ္ဘာစစ်အပြီး အမေရိကန် သမ္မတ ၀ီ(လ်)ဆင် အဆိုပြုသော ကိုလိုနီနိုင်ငံများအား လွတ်လပ်ရေးမပေးမီ ကိုယ်ပိုင်ပြဋ္ဌာန်းခွင့်ပေးရန် တင်ပြခဲ့သည်။ ခွဲထွက်ခွင့်နှင့်ပတ်သက်ပြီး တချို့ကကောင်းသည့်ဘက်က ပြောကြသလို တချို့ကလည်း ဆိုးသည့်ဘက်ကပြောကြပြီး ကုလသမဂ္ဂအထွေထွေအတွင်းရေးမှူး ကိုဖီအာနန်ကမူု ခွဲထွက်ခွင့်နှင့်ပတ်သက် ပြီး မထည့်ရင် ကမ္ဘာကြီးအတွက် အေးချမ်းတယ်ဟု ပြောခဲ့သည်။
လူမျိုးစုတချို့ကတော့ ပါးအနေဖြင့်မသုံးပါ။ ဒိုင်းအနေဖြင့် သုံးရန်အတွက်တော့ ခွဲထွက်ခွင့်ကို ထည့်သင့်သည်ဟု ဆိုကြသည်။ ခွဲထွက်ခွင့်နှင့် ကိုယ်ပိုင်ပြဋ္ဌာန်းခွင့်တို့၏ ကွာခြားချက်မှာ ခွဲထွက်ခွင့်၌ သီးခြား လုံးဝလွတ်လပ်ခြင်းရဲ့ အစုအဝေးဖြစ်ပြီး ကိုယ်ပိုင်ပြဋ္ဌာန်းခွင့်၌ အတူတကွ နေထိုင်ကြပြီး ပြဋ္ဌာန်းခွင့်နှင့် အုပ်ချုပ်မှုကောင်းတို့ဖြစ်သည်။
တကယ့်ဖက်ဒရယ်စစ်စစ်နှင့် အာဏာခွဲဝေအုပ်ချုပ်ကြပါက ခွဲထွက်ခွင့်ထည်ရန်မလိုဘဲ ပြည်ထောင်စု အစိုးရနှင့် ပြည်နယ်အစိုးရကြား တည်ဆောက်မည့် ယုံကြည်မှုကသာ အရေးကြီးပါသည်။ ဖက်ဒရယ်ကို အဓိကဖော်ဆောင်ရာ၌ အဓိကအရေးကြီးဆုံးမှာ အဖွဲ့ဝင်ပြည်နယ်အချင်းချင်း ပူးပေါင်း ဆောင်ရွက်ရာတွင် မည်သည့်ပြည်နယ်တခုခုကမှ လွှမ်းမိုးမှုမရှိသည့် သဘောကိုဆောင်သည်။
တနည်းဆိုရသော် ဖက်ဒရယ်ဆိုသည်မှာ မတူကွဲပြားသည့် ပြည်နယ်များ၊ လူမျိုးများ၊ အုပ်စုများ စုစည်းရာတွင် အာဏာကို ခွဲဝေကျင့်သုံးသည့် သဘောတရားတရပ်လည်းဖြစ်သည်။ ဖက်ဒရယ်၏ အဓိက ကျသော အခြေခံမှုမှာ စေ့စပ်ညှိနှိုင်းမှုဖြစ်ပြီး အလွန်အရေးကြီးပါသည်။ စေ့စပ်ဆွေးနွေးပြီး တူညီမှုများကို တူညီသလို အကောင်အထည်ဖော် ဆောင်ရွက်ဖို့လိုသလို မတူညီမှုများကို တူညီမှုရအောင် လုပ်နိုင်ဖို့ လိုသည်။
စေ့စပ်ညှိနှိုင်းမှတဆင့် ဥပဒေ မပြဋ္ဌာန်းခင် ညီညွတ်မှုကို အရင်ပြဋ္ဌာန်းသင့်သည်။ ၄င်းစေ့စပ် ညှိနှိုင်းမှုအပေါ် အခြေပြု၍
(က)ရေးသားထားသော အခြေခံဥပဒေရှိခြင်း၊
(ခ)အခွင့်အာဏာများကို ဗဟိုဦးစီးထိန်းချုပ်မှုမရှိခြင်း၊
(ဂ)နယ်မြေဒေသအလိုက် အာဏာခွဲဝေအုပ်ချုပ်ခြင်း တည်းဟူသော အနိမ့်ဆုံးစံသတ်မှတ်ချက် (၃) ခုဖြင့် ဖက်ဒရယ်စနစ်ကို ကျင့်သုံးကြပါသည်။
မည်သည့်အတွက်ကြောင့် ဖက်ဒရယ်ကျင့်သုံးကြသနည်းဟုဆိုလျှင်
(က) မတူကွဲပြားသော ယဉ်ကျေးမှုများကို ဖော်ထုတ်ရန်၊
(ခ)အခွင့်အရေးများ တန်းတူရန်၊
(ဂ)လူမျိုးကြီးဝါဒနှင့် ကြီးနိုင်ငယ်ညှင်းဝါဒကို ကာကွယ်နိုင်ရန်အတွက်နှင့်
(ဃ)ဒေသ၏ လိုအပ်ချက်ဖြစ်ပျက်မှုကိစ္စများကို ပြည်ထောင်စုအစိုးရထက် ဒေသဆိုင်ရာအစိုးရက ပိုမိုသိရှိပြီး လူထုလိုအပ်ချက်ကို ဖြည့်ဆည်းနိုင်ရန် ကျင့်သုံးကြသည်။
ဖက်ဒရယ်စနစ် ကျင့်သုံးရာတွင် အရေးကြီးသောအချက် (၃)ချက်ရှိပါသည်။

ဒုက္ခသည်ခရီးစဉ်အတွင်း …. အနှစ်သက်ဆုံး ကဗျာနှစ်ပုဒ် Posted by on July 16, 2008

အို …. ဖ ဘုရားသခင်
ဘာကြောင့်များ “ကပ္ပတိန်ကွတ်” ကို
ဘယ်အတွက်များ “ကိုလံဘတ်” ကို
သမိုင်းစာမျက်နှာများမှာ
နေရာပေးခဲ့ပါလိမ့် ….
ရှင်တော်မြတ်ဘုရားက ဟောကြားတယ်
ပိယေဟိ ၀ိပ္ပယောကော ဒုက္ခော
အပိယေဟိ သမ္ပယောကော ဒုက္ခော … တဲ့
အစက နားမလည်
ဒါလေးများ …
ဘာမီတွန်သောက် ပျောက် … ပေါ့နော် .. ။
အရိုးစင်းဆုံးသော လောကဒဏ် ကဗျာကို ရေးဖွဲ့လိုက်တဲ့သူက ကဗျာဆရာရဲထွဋ်ပါ။
ကမ္ဘာ့အင်အားကြီးနိုင်ငံတွေကဆောင်ရွက်ပေးနေတဲ့ ဒုက္ခသည်တွေအတွက် ဘ၀သစ်ထူထောင်ရေး … ပြန်လည်နေရာချထားရေးအစီအစဉ်တွေဟာ အခုဆိုရင် ထိုင်း – မြန်မာနယ်စပ်က ဒုက္ခသည်စခန်း (၉) ခုမှာကျယ်ကျယ်ပြန့်ပြန့်စတင်ဆောင်ရွက်နေပါပြီ။
နိုင်ငံရေးလှုပ်ရှားမှုတွေ … ဘာသာရေးဖိနှိပ်မှု၊ လူမျိုးရေးနှိပ်ကွပ်မှုတွေ … ပေါ်တာနဲ့ မုဒိန်းမှုတွေနဲ့ ကင်းဝေးရာ အရပ်တခု ကမ္ဘာပေါ်မှာ ရှိနေသတဲ့ …
နောက်ပြီးတော့လည်း … အဲဒီအရပ်မှာ အလုပ်ကြမ်းသမားတွေလိုအပ်နေပြီးတော့ ဒုက္ခသည်တွေမှာတော့ လုပ်အားကလွဲရင် ဘာမဆိုလိုအပ်နေတဲ့အတွက် အပေးအယူမျှမျှနဲ့ပဲ ခေါ်သူကခေါ် သွားသူကလည်းသွား ကြနဲ့ ဒုက္ခသည်စခန်းတခုလုံး သက်ဝင်လှုပ်ရှားနေကြတယ်။
အိုပီအီး ပီးပီလား
ဒါဆို ဒီအိပ်ခ်ျအက်စ် ကတော့လိုပါသေးတယ်။
ကာချာရှော့မရအောင်
စီအို တက်ရမယ်တဲ့
တက်ကြွစွာသူတို့နှုတ်ဖျားက
အဟုတ်စကားကြွယ်လှ
ဆီမန်း မန်းမလို မန်းနေကြ
ခိုငြီးသံတွေကြားနေရ
ဂရုဏာသက်ရမှာလား
ဥပက္ခောပြုရမှာလား …. ။
အိုပီအီး … Overseas Processing Entity (OPE) ဆိုတာ ဒုက္ခသည်တွေကို သက်ဆိုင်ရာအာဏာပိုင်တွေက စခန်းထဲအရောက် လာရောက်ပြီးစုံစမ်းမှတ်တမ်းတင်ခြင်းဖြစ်ပါတယ်။
ယူအန်အိပ်ခ်ျစီအာကနေ ထိုင်းနိုင်ငံ အာဏာပိုင်များကို တရားဝင်လွှဲပြောင်းပေးအပ်လိုက်ပြီး ဒုက္ခသည် စခန်းရှိရာကို ကားတွေတသီတတန်းနဲ့ပို့ခဲ့ပြီးတဲ့နောက် … စခန်းတွင်းမှာ ဒုက္ခသည်ဖြစ်ကြောင်း တရားဝင် မှတ်ပုံတင်ပြီးတဲ့နောက် …. ဒါဟာ ဒုက္ခသည်များ မျှော်လင့်တောင့်တနေတဲ့ တတိယနိုင်ငံရောက်ရှိရေး အစီအစဉ်လည်း ပိုမိုနီးကပ်လာနေပြီဖြစ်ကြောင်း သိသာထင်ရှားစေတဲ့ အမှတ်သညာတခုဆိုရင်လည်း မမှားတဲ့ အခေါ်အဝေါ်တခုဖြစ်ပါတယ်။
ဒီအိပ်ခ်ျအက်စ် (Department of Homeland Security) ဆိုတာကတော့ ဒုက္ခသည်များက အိုပီအီးတုန်းက ပြောဆိုဖြေကြားချက်တွေကို ထပ်မံအတည်ပြုမေးမြန်းစုံစမ်းခြင်းနဲ့ကျန်းမာရေးဆေးစစ်ခြင်းတို့ကို တဆက် တည်းဆောင်ရွက်ပေးချိန်ပါပဲ။
ဒီအိပ်ခ်ျအက်စ်မှာ စစ်ဆေးသူများရဲ့ စိတ်ကြိုက်ဖြေဆိုပေးနိုင်ရင် အထူးသဖြင့် တီဘီပိုးရှိတယ်လို့လည်း သံသယအဖြစ်မခံရဘူးဆိုရင် … ဒီပတ်ချာဒိတ် (Departure Date) စောင့်နေယုံပါပဲ။
အရှေ့နဲ့ အနောက်ရဲ့ ဆန့်ကျင်ဘက်ပေါင်းစုံဖြစ်တဲ့
ယဉ်ကျေးမှု …
ကိုးကွယ်ယုံကြည်မှု …
ပေါင်းသင်းဆက်ဆံရေး …
ဘ၀နေထိုင်ပုံနည်းစနစ်တွေ …
တောထဲမှာ မျှစ်ချိုးစားနေရသူတွေ ချက်ခြင်းစားရတော့မယ့် ဒိန်ခဲနဲ့
ထောပတ်အပြောင်းအလဲကာလများ ….
တောထဲမှာ တပိုတပါးသွားကျင့်ရှိနေသူများ လေယာဉ်အိမ်သာခန်းထဲမှာ ကြုံတွေ့ရမယ့်
ဒုက္ခတွေအတွက်
ကြိုတင်ပြင်ဆင်ထားရန် စည်းကမ်းချက်တွေ …
ရေပူ ရေနွေးနဲ့ ရေချိုးရန်နည်းစနစ်ပါမကျန် …
ရက်တို သင်တန်း (၃) ရက်နဲ့ ဘ၀တပါးကို
အရှင်လတ်လတ်ကူးပြောင်းရေးကျင့်စဉ်များသင်ကြားပေးခြင်းကိုတော့
(စီအို) လို့ လူသိများပါတယ်။ အဲဒီသင်တန်းကို လူတိုင်း စိတ်ဝင်တစားသွားတက်ကြတယ်၊
( မတက်ရင် လေယာဉ်လက်မှတ်မရနိုင်လို့ပါ … )
ဒုက္ခသည်စခန်းကို နိုင်ငံရေးအသိုင်းအ၀ိုင်းကလူတွေကို ဒုက္ခသည်စာရင်းတင်ထားတဲ့ နံပါတ် (၂၀၈၆) ယောက်ကိုသွင်းစဉ်က ကဗျာဆရာ အေအမ်တီရဲ့ နို့ဖိုး …ဆိုတဲ့ ကဗျာလေးတပုတ်ထွက်လာခဲ့တာကိုလည်း အခုတခါပြန်ပြီးသတိရမိတယ်။
သနားကြပါခင်ဗျာ
သနားကြပါ
နိုင်ငံအဟောင်းလေး တခုလောက်ဆိုပြီး
စားစရာ … နေစရာ
လုပ်စရာတွေ … ကိုင်စရာတွေထားရစ်လို့
ဖုတ်ပူမီးတိုက်
ငါတို့
ဒီနေရာကိုရောက်ရှိခဲ့တယ်။
ဟောဒီ ဘဒ္ဒကမ္ဘာမှာ
ဒုက္ခ ဆိုတာ အတုမရှိဘူး
ဒုက္ခသည်ပဲ အတုရှိတယ်.
တော်လှန်ရေးဆိုတာ အတုမရှိဘူး
တော်လှန်ရေးသမားပဲ အတုရှိတယ်။
တော်လှန်ရေးနယ်ပယ်ထဲမှာ ဒဏ်ခံနိုင်သူတချို့တလေက တတိယနိုင်ငံဆိုတဲ့စကားကို ကြားချင်လေ့ မရှိကြဘူး။ ဒဏ်မခံနိုင်သူအတော်များများကတော့ မျိုးဆက်သစ် တိုးတက်ရစ်ဖို့…. ဆိုပြီး တတိယနိုင်ငံကို အသွင်ကူးပြောင်းရေးရေယာဉ်ကျောထဲ အလိုက်သင့်ပေါလောပေါ်နိယာမနဲ့ …. အဲဒီထဲက တချို့ တချို့ သောသူတွေကတော့ အနီးဆုံးလက်တွဲဖော်အဖြစ် မြန်မာပြည်က ရွှေ့ပြောင်းအလုပ်သမလေးတွေ လက်ကိုတွဲလို့ ထွက်ခွာခဲ့ကြတယ်။
တချို့ကတော့လည်း တတိယနိုင်ငံကို စရိတ်ငြိမ်းသွားနိုင်ဖို့ I swear to tell the truth…. လို့ …. လက်ယာဘက်လက်ကိုထောင်ပြီး ကျိန်ဆိုထားသည့်တိုင် အစိုးရက နှိပ်စက်လို့ မနေ၀ံ့ တော့လို့ပါ … ဆိုတဲ့ မုသာဝါဒကံနဲ့အတူတူ…
တချို့ကျတော့လည်း အမှန်ကိုသာပြောပါ … လို့ သတိပေးထားတဲ့ အဲဒီ အင်တာဗျူးတာဝန်ရှိသူတွေ ကိုယ်တိုင်ကိုက သူတို့လိုချင်တဲ့အဖြေမရမချင်း ဘောင်သွင်းမေးလွန်းလို့ မလိမ်ချင်ဘဲလည်း လိမ်ပေး လိုက်ရတဲ့သူတွေလည်း ရှိသေးရဲ့။
ဥပမာ တယောက်ကိုထုတ်ပြပေးရမယ်ဆိုရင် –
တော်လှန်ရေးနယ်ထဲမှာနေတဲ့ တယောက် နာတာရှည်ရောဂါဖြစ်တော့ သူ့ညီမက သူ့ကိုစောင့်ရှောက်ဖို့ ဒီဘက်ကို လိုက်လာရတယ်။ အင်တာဗျူးတဲ့အချိန်ရောက်တော့ ထုံးစံအတိုင်း ပုံစံမေးခွန်းတခုကို မေးပါတယ်။ ဘာလို့ထွက်လာရတာလည်း …. ဆိုတာရယ် …. ဘာကြောင့်ပြန်လို့မရတော့ တာလည်း … ဆိုတာရယ် …
အကို့ကို ပြုစုဖို့လာရပါတယ် … ဆိုတဲ့အဖြေကို သူတို့မကြိုက်။ အကိုနဲ့ပတ်သက်ပြီး စုံစမ်းမေးမြန်းမှု မရှိဘူးလား … ဆိုတာကို ထပ်ခါထပ်ခါမေးလာတဲ့အခါ …. ဖြေရတာအာညောင်းလာတော့ ရှိပါတယ် လို့ဖြေလိုက်ရ …. ဘယ်လိုစစ်လည်းမေးတော့ မညာတတ်သူပီပီ မုသားလွတ်အောင် သန်းကောင် စာရင်းခဏ ခဏစစ်တယ်ဖြေလိုက်ပေမယ့် မေးသူကစိတ်တိုင်းမကျ။ အကိုနဲ့ပတ်သက်ပြီး အဖမ်းခံရ သေးလားဆိုတာကို လိုချင်သည့်အဖြေမရမချင်း ထပ်ခါတလဲလဲမေးနေတယ်။
”နောက်ဆုံးကျတော့ အတွေ့အကြုံရနေတဲ့ စကားပြန်က “ကဲပါ ညီမရယ်။ ဒီပုံအတိုင်းဆိုရင် နောက် တရက်ဆက်မေးခံနေရလိမ့်မယ်။ အကို မရှိလို့ ဘယ်သွားလဲမေးတာ မဖြေနိုင်လို့ (၃) ရက်လောက် အချုပ်ခံခဲ့ရတယ်။ အဲဒါကြောင့်ထွက်လာရတယ်လို့ပဲ ကျနော်ပြောလိုက်တော့မယ်နော် … လို့ခွင့်တောင်းပီး ကျနော့်ကို အချုပ်ထဲ သုံးရက်လောက်ထည့်ပေးလိုက်တယ်အမရယ်“ လို့ အင်တာဗျူးကအပြန် မှာအတွေ့ အကြုံရှင်းလင်းပွဲလုပ်ခဲ့တာကို သတိရမိတယ်။
မလိမ်ညာပါဘူး။ အမှန်ကိုပဲပြောပါ့မယ်လို့ … လက်ထောင်ကျိန်ခိုင်းပြီးတော့မှ လိုချင်တဲ့အဖြေရသည့်အထိ မလိမ်မချင်း ချောင်လိုက်ပိတ်နေတာကတော့ စိတ်ခံစားချက်ကို တမျိုးဖြစ်စေတာအမှန် …
တကယ်တန်းက အလုပ်သမားဖြစ်ချင်သူတွေနဲ့ ….. အလုပ်သမားလိုအပ်နေသူတို့ရဲ့တွေ့ဆုံပွဲမှာ သူတို့ ဘက်က ဘာမှ ကျိန်စာတိုက်နေဖို့မလိုပါဘူး။
မြန်မာပြည်ထဲက အဓိကအထွက်အများဆုံးအကြောင်းအရင်းကတော့ အစိုးရဲ့ လူမဆန်တဲ့လုပ်ရပ်တွေ ကြောင့် လူလိုမနေရတဲ့ဘ၀တွေထဲက ရုန်းကန်ပြေးထွက်လာကြခြင်းပါပဲ။
သည်ထဲမှာမှ စီးပွားဖြစ်လုပ်စားချင်သူ တချို့တလေ ရောနှောညပ်ပါနေတာတော့ ဘယ်နှယ်လုပ် ရွေးထုတ် နိုင်ပါ့မလဲ။ ဒုက္ခသည်အတု တော်လှန်ရေးသမားအတု … တွေရဲ့ အမေရိကန်သို့ စရိတ်ငြိမ်းခရီးစဉ်မှာ လိမ်ညာတာကို ဒါလေးများ …. ဒါလေးများလို့တောင် သီချင်းဆိုနေကြမည့်သူတွေ….. ရှိနေတတ်တာ ဟောဒီဘဒ္ဒကမ္ဘမှာ လူ .. ဆိုတာဖြစ်တည်ကတည်းက ဒွန်တွဲပါလာပြီးသား ကံကြမ္မာတခုလို ….
အို … ဒုက္ခသည်များဆိုင်ရာနတ်
ပဋိပက္ခဆိုင်ရာနတ်
ငတ်မွတ်ခေါင်းပါးဘေးဆိုင်ရာနတ် ..
မျိုးသုဉ်းသတ်ဖြတ်ဘေးဆိုင်ရာနတ် …
ဗဟုသုမဂ္ဂဆိုင်ရာနတ်
အဲန်ဂျီအိုရေးရာ နတ်အပေါင်းတို့ ….
ကြည့်လော့…ရှုလော့ …
ဤပစ္စတရာဇ်သားတို့ရဲ့
ကံကြမ္မာကို …… ။
ဆိုတဲ့အတိုင်း ကူညီလိုတယ် ဆိုသူတွေက ခေါ်နိုင်သလောက်လူတွေကို ခေါ်သွားဖို့ပါပဲ။
အကြောင်းအမျိုးမျိုးနဲ့ …. အမိမြန်မာပြည်ကိုပဲဖြစ်ဖြစ် .. အမိမြေနဲ့အနီးစပ်ဆုံးတော်လှန်ရေးနယ်မြေကပဲ ဖြစ်ဖြစ် … တော်လှန်ရေးနယ်မြေက စီးပွားရေးနယ်မြေသစ်တခုကိုရည်ရွယ်လို့ပဲဖြစ်ဖြစ် … အဲဒီ ပြန်လည် နေရာချထားရေးယဉ်ကျေးမှုစီးကြောင်းထဲမှာ အလိုက်သင့်မျှောပြီး လိုက်ချင်သူတွေက လိုက်ပါသွားကြ ပါလိမ့်မယ်။
ကျန်ရစ်သူတွေထဲမှာတော့ သားတကွဲ … မယားတကွဲတွေရဲ့ နာကျင်မှုတွေ …. မိတ်ဆွေသင်္ဂဟတွေရဲ့ ရွေ့လျားဝေးကွာရတဲ့ အထီးကျန်ဝေဒနာတွေ …. မြန်မာ့အရေးလုပ်စရာတွေတပုံကြီးနဲ့ လုပ်မယ့်သူတွေရဲ့ တကယ့်လက်တွေ့အလုပ်ပုံကြီးအောက်က အနားမရတဲ့နေ့ရက်တွေကြားမှာ …. ထွက်ခွာသွားနိုင်ရေး လုံ့လပြုနေသူတွေအပေါ်မှာလည်း အပြစ်မတင်သာ …. ထွက်ခွာသွားမှာကိုလည်း မလိုလား .. ကျပ်တည်း ခက်ခဲတဲ့အခြေအနေအရပ်ရပ်ကိုလည်း နားလည်နိုင်သော်ငြားလည်း
တဖြေးဖြေးလျော့ပါးလာတဲ့ နိုင်ငံရေးအင်အားစုတွေကို ပြန်လည်အားကောင်းလာအောင်မျှော်လင့်ရင်း ……
အို …. ဖ ဘုရားသခင်
ဘာကြောင့်များ “ကပ္ပတိန်ကွတ်” ကို
ဘယ်အတွက်များ “ကိုလံဘတ်” ကို
သမိုင်းစာမျက်နှာများမှာ
နေရာပေးခဲ့ပါလိမ့်
စွန့်ဦးတည်ထွင်သူတွေထဲမှာ
အမုန်းဆုံးသူ “တစ်” နဲ့ “နှစ်” ဟာ
သူ နဲ့ သူပေါ့
အခုတော့
သူတို့ကြောင့် …. ။
ခွာညို

ရွှာပြင်ထုတ်ခံရသူများ

ငယ်ငယ်က ပုံပြင်တစ်ပုဒ်ကြားဖူးခဲ့တယ်။ ရွာထဲမှာဖြစ်ပျက်နေတာတွေကို သူ့အမြင်အတိုင်းပြောလေ့ရှိတဲ့ အဘွားအိုကြီးတစ်ယောက် ရှိသတဲ့။ သူပြောတာတွေက ဒဲ့ဒိုးဆန်လွန်းတော့ ကြာတော့ သီးမခံနိုင်ကြတော့ပဲ သူ့ကို ရွာသူ ရွာသားတွေက ရွာပြင်ထုတ်ထားလိုက်ပါရောတဲ့ကွယ်။တစ်နေ့မှာတော့ မျက်နှာစိမ်းခရီးသွား တစ်ယောက်ရောက်လာသတဲ့။ အဘွားကြီးဆီက ရေတောင်းသောက်ရင်းနဲ့ အဘွားရယ် တစ်ယောက်တည်းများ ဘာဖြစ်လို့ ရွာပြင်မှာ ထွက်နေရသလဲဆိုတော့ ငါကကွယ် အမှန်တွေချည်းပြောတော့ ရွာကလူတွေမခံနိုင်ကြတော့လို့ ငါ့ကိုရွာပြင်ထုတ်ထားကြတယ်တဲ့။ အကြောင်းမသိသေးတဲ့ ခရီးသွားက တယ် ဒီလူတွေ တော်တော်မဟုတ်တာပဲ နေဦး အဘွား ကျတော်ရွာထဲရောက်မှ အဘွားကို ဒီလိုလုပ်ထားတာ ပြောဦးမယ်ဆိုပြီး အလောတကြီး ထထွက်သွားတဲ့အခါ သူပါလာတဲ့ ထီးလေးကျန်ခဲ့သတဲ့။ အဲ့ဒီ့မှာတင် အဘွားကြီးက ဟေ့ သူငယ် ဟေ့ သူငယ် ဟယ် မျက်စိစောင်းစောင်း လက်ပြင်ကုန်းကုန်း ခြေခွင်ခွင်နဲ့ သူငယ် မင့် ထီးကျန်ခဲ့တယ်လို့ ဟစ်လည်း ဟစ်ရော ခရီးသွားက ဟင် တယ် ဒီအဘွားကြီး ရွာပြင်တင်ထုတ်သင့်တာမဟုတ်ဘူး သတ်ပါသတ်သင့်တယ်လို့ ကြိမ်းဝါးပြီး ဝေးဝေးကို ခြေကုန်သုတ်နှင်ပါလေရောတဲ့ကွယ်။ အဲ့ဒီ့ပုံပြင်လေး ကြားခါစက ရယ်မောမိတယ်။ နောက်စဉ်းစားမိတာက အော် အဘွားက တော်တော်အမှန်ပြောလို့ရွာပြင်ထုတ်ခံရတာပဲလို့ သနားစိတ်ဝင်မိတယ်။

အဲ့ဒီ့လိုနဲ့ လူ့လောကကြီးထဲ လူပ်ရှားသက်ဝင်ကြီးပြင်းရင်း လူမူ့ဝန်းကျင်မှာ ရုန်းကန်ပါဝင်လာရတဲ့အခါ အဲ့ဒီ့အဘွားကြီးလို လူမျိုးတွေကို အများကြီး တွေ့လိုက်ရပါလေရောကွယ်။ "ဟင်းနော် ငါတို့က မလိမ်တတ်ဘူး ဒဲ့ပဲပြောတတ်တာ စကားကို မမှန်တာမပြောဘူး ငါတို့က အမှန်ပြောတာ ငါတို့ကဘွင်းဘွင်းပဲပြောတတ်တယ်။ ငါတို့ကတော့ အရှိကိုအရှိအတိုင်းပဲဟေ့ " စသဖြင့်ကိုယ့်ကောင်းကြောင်းတွေကို မာန်ပါပါ ဟန်ပါပါနဲ့ ဂုဏ်တင်ပြီး သူများရဲ့ မကောင်းကြောင်းတွေကို မိန်ရည်ရှက်ရည်ပြောတတ်တဲ့ အမှန်ပြောသူများဆိုသူတွေကို လူတွေကြားထဲမှာ လက်မတထောင်ထောင်နဲ့ ၀ံ့ကြွားနေတာကို ရှာဖွေတွေ့ရှိလိုက်ပါလေရောကွယ်။

အဲ့ဒီ့လိုလူတွေအတွက် ရွာပြင်ထုတ်ခံရတဲ့ခေတ်မဟုတ်လေတော့ သူပြောသမျကို ဇာတ်လမ်းပမာ နားဆင်စရာလို သဘောထားပြီး အပျင်းပြေ နားအရသာခံပြီး အထူးသဖြင့် သူများအကြောင်းကို စိတ်ဝင်စားသူတွေဖြစ်တဲ့ ထောက်ခံနားထောင်သူတွေပဲများလာ ဒါကိုပဲအခြွေအရံများလှပြီလို့ထင်ပြီး နောက်ဆုံးမှာတော့ သူ့ကိုယ်ပိုင်စိတ်ကုးနဲ့ သူများဘ၀တွေကို ကိုယ်ပိုင်ဇာတ်လမ်းလေးတွေ ဆင်ပြီးပြောနေတတ်ပါလေရောတဲ့။ အဲ့တာကို တချို့ကလည်း ဇတ်လမ်းထဲမှာပါတဲ့ ဇာတ်လိုက်ကျော်တွေကို အဟုတ်ကြီးထင် ချစ်ကြ မုန်းကြ သနားကြ ရွံကြ စကားတင်းဆိုကြပေါ့။ လောကကြီးမယ် အဲ့သလို အတင်းအဖျင်းဖွယ်ဖွယ်ရာရာ စုံဆီနဖာပြောပြီးတော့မှ ရမယ့် အပေါင်းအသင်းတွေထဲမှာ ထွန့်ထွန်းလူးပြီး မြူးတူး ကျင်လည်ပျော်ပါးနေတဲ့သူတွေရှိသတဲ။ အဲ့လိုလူမျိုးတွေကျတော့ ခရီးသွားတောင် အနားသီလို့မရတဲ့ တစ်ရွာလုံး ကိုယ့်ဘာသာကိုယ် ရွာပြင်ထုတ်ပြီးနေတဲ့သူတွေလို့ ခေါ်လို့ရမယ်ထင်ရဲ့။

အဲ့သလို လူတွေရှိသလို တချို့ကျပြန်တော့ လူတွေကြားထဲဝင်လို့မှ ကိုယ်ပြောတဲ့စကား ဖင်မှန်းခေါင်းမှန်းမသိ အမြီးအမောက်မတည့် လူဝင်ကလည်းမဆံ့ လူပါးကလည်းမ၀ လူရည်ကလည်းမလည် ပြောလိုက်ရင်လည်း ဒုတ်ထိုးအိုးပေါက် ကိုယ်ပြောတဲ့စကား ဘယ်ရောက်လို့ရောက်မှန်းမသိ အပေါင်းအသင်းမျိုးမ၀င်ဆံ့လေတော့ ပုဆိုးခြုံထဲကနေ လက်သီးပုန်းပြ ပြပြီး "ဟယ် ငါကတော့လေ လူတွေနဲ့မပေါင်းဘူးသိလား လူတွေနဲ့ပေါင်းရင် သိပ်အပေါက်အစများလွန်လွန်းလို့ ပေါင်းကိုမပေါင်းဘူး ပြီးတော့ ငါတို့လူမျိုးတွေကလေ သိပ်ပြီးတော့မှ မနာလိုစိတ်များတာ ငါဒီလိုနေတာ ဒီလိုစားတာ ဒီလိုဝတ်တာ ဒီလိုသွားနေတာကိုလေ ကြိတ်ပြီး မနာလိုဖြစ်နေတာ ငါဖြင့်ဒီလို လူမျိုးတွေကိုပေါင်းမယ့်အစား ဟိုလိုလူမျိုးတွေကိုသာ ပေါင်းလိုက်တော့တယ် တကယ်။ ကိုယ့်ဘာသာပဲ တစ်ယောက်တည်း ပဲ ထမင်းကြမ်း ယတ်ခတ်စားတော့မယ် အာရုံတွေနောက်လွန်းလို့" ဆိုတဲ့သူမျိုးတွေကိုလည်း တွေ့ရပြန်ပါရော။ အယ့် အဲ့လိုလူမျိုးတွေကျပြန်တော့ ကိုယ့်ဘာသာရွာပြင်ထုတ်နေတာလို့ဆိုရမယ်ထင်တယ်။

အဲ့ဒီလိုလူမျိုးမှာကျတော့ သူရှိနေတဲ့နေရာ ဒါမှမဟုတ် ကိုယ်ရှိနေတဲ့နေရာကို ယောင်မှားပြီးတစ်ခါတစ်လေ မျက်စိလည်ပြီးရောက်လာမိတဲ့ ခရီးသွားကို ဆုံမိတာနဲ့ ကြောက်ခမ်းလိလိ စကားလုံးအကြီးကြီးတွေနဲ့ ကြွားလုံးထုတ်တာခံရပါလေရောရှင်။ "ဟင်းဟင်း တို့ကလေ လူတွေနဲ့မပတ်သတ်ချင်လို့ ကင်းကင်းနေတာ တို့ကိုများ လာထိလို့ကတော့ သိတယ်မဟုတ်လား အရင်းကပိုင်းပြီး အဖျားကိုကင် အမြစ်ကိုဖုတ် ခေါင်းကို သုတ်စားပစ်မှာဆိုတာက တမျိုး အူကိုနူတ် အသည်းကိုထုတ်ပြီး အတွင်းအပြင်ကို ပြောင်းပြန်လှန်ပီး ဆားနဲ့ပက် နနွင်းသိပ်ပြီးကင်ပစ်လိုက်မှာ သိတယ်ဟုတ်လား တို့က မပြောရင်မပြောဘူး ပြောလို့ကတော့ အားလုံး အီတွန့်ဘွမ်သွားမယ်။ ပါးစပ်နဲ့မပြောဘူး တို့ကသိတယ်ဟုတ်လား ဘယ်တုန်းက ဘယ်လူကို ဘယ်လို လုပ်ထည့်လိုက်တာ ဘယ်သူကတော့ ဘယ်လိုဂွမ်းသွားတာ မလုပ်ရင် မလုပ်ဘူး လုပ်ရင်တော့ တဆုံးပဲ"ဆိုတဲ့ မစားရ၀ခမ်းစကားတွေ နားထောင်လိုက်ရတော့ ကြားရတာ သူတောင် သတ္တိတွေ တဖွားဖွားပေါ်လာပြီး ဟ သူက တကယ်သတ္တိကောင်းတာပဲ တကယ်ဖိုက်တာပဲ ငါတောင် သူ့လောက် ပြောရဲ လုပ်ရဲပါ့မလားမသိဘူးလို့ ကြိတ်ပြီး ခိုက်နေမိလောက်အောင်ကို စကားလုံးတွေက မိုးပေါ်မှာပျံနေတာကို နားဆင်ခဲ့ရဖူးတယ်။

ဒါပေမယ့် တကယ့်တကယ်တမ်း ရှင်းကြလင်းကြဟေ့ ပြောကြဆိုကြဟေ့လည်းဆိုရော ခုနင်က လက်သီးလက်မောင်းတန်းပြီး မာန်ပါပါဟစ်ခဲ့ဖူးတဲ့သူက သူမဟုတ်သလို ရူးသလိုကြောင်သလို ရူးကြောင်မူးကြောင်နဲ့ မခုတ်တတ်တဲ့ကြောင်လို အမြီးကုတ်နေတာတွေလည်း မြင်ခဲ့ဖူးတယ်။

အင်း လူအမျိုးမျိုး စိတ်အထွေထွေပေါ့လေ.။ ကြုံရ ဆုံရ ဘုံဘ၀မှာဖြင့် တစ်ခါတစ်လေ ကိုယ်ကလူကြမ်းဖြစ် တစ်ကွက်တစ်လေမှာ ကိုယ်က လူကောင်းဖြစ် သူများခင်းတဲ့ဇာတ်ကွက်တွေမှာ ကိုယ်ဆိုတာ အိုးကင်းပူတိုက်ခံရတဲ့ နံပြားကိုဖြစ်လို့။ အေးလေ လူဆိုတာလည်း လူ့ပတ်ဝန်းကျင် လူ့အသိုင်းအ၀ိုင်းလူ့လောကနဲ့ကင်းလို့ကွာလို့မှရတာမှမဟုတ်ပဲ။ ကိုယ်တိုင်ကလည်း ရွာရောက်နေတဲ့သူဆိုတော့ ပျော်ရင် ရွာထဲနေ ဇာတ်လိုက်လို နေပြ မပျော်ရင် ရွာပြင်ထွက် ဘီးလူကွက်နဲ့ ကပြ ဒီလိုပဲ လူ့ဘ၀ဇတ်ခုံ နိမ့်တုန်မြင့်တုန်မှာ ရယ်ငိုပျော်သလိုသာနေလိုက်တော့တာပဲ အကောင်းသားကလား။ အခုတလော ရွာပြင်ထုတ်ခံရသူတွေနဲ့ ရွာပြင်ထွက်နေသူတွေကိုတွေ့နေမိလို့ ရေးမိတဲ့ပို့စ်လေးပါ တိုက်ဆိုင်မူရှိရင် ထိုသူကိုသာ ပြောတာသာဖြစ်ကြောင်း။

Read More...
Posted by မဆုမွန် at Sunday, December 11, 2011

ကျွန်တော်ဖြတ်သန်းခဲ့ရသော ဒုက္ခသည်စခန်းနေ့ရက်များ by Yangon Press International on Saturday, September 8, 2012 at 3:35am ·

ဟန်လင်းရေးသားသည်။

သြဂုတ် ၂၀၁၂

ကျွန်တော်ဆယ်တန်းအောင်ပြီးစ ဘ၀ကိုအလွယ်တကူဖြင့် ဖြတ်သန်းရင်း အိပ်မက်များနှင့်သာ ပျော်ရွှင်နေခဲ့သော်လည်း တစ်နေ့တွင် ကျွန်တော့်ဘ၀အတွက် အလှည့်အပြောင်းတစ်ခုနှင့် ကြုံတွေ့ခဲ့ရပေသည်။

          ထိုအပြောင်းအလဲမှာ ထိုင်းနိုင်ငံ၊ မဲဆောက်ရှိ ဒုက္ခသည်စခန်း တစ်ခုမှာရောက်နေသည့် ကျွန်တော့်အဒေါ်ဖြစ်သူနှင့် အဆက်အသွယ် ရလိုက်ခြင်းဖြစ်သည်။

          ကျွန်တော့်အဒေါ်သည် ကျွန်တော်၏ ဦးလေးဝမ်းကွဲ (အမေရိက တွင် နေထိုင်သူ)နှင့်အဆက်အသွယ်ရပြီး ၄င်း၏လမ်းညွှန်မှုဖြင့်  ထိုင်းနိုင်ငံရှိ ဒုက္ခသည်စခန်းမှတစ်ဆင့် အမေရိကသို့သွားရန် ပြင်ဆင်နေသူ ဖြစ် သည်။ ဒေါ်လေးကဆက်သွယ်လာခြင်းမှာ ကျွန်တော့်ကိုလည်း သူ့လိုပင် ဒုက္ခသည်စခန်းမှတစ်ဆင့် အမေရိကကိုသွားဖို့ သူနှင့်အတူလာနေရန် လှမ်းခေါ် ခြင်းဖြစ်သည်။

          ထိုနေ့မှစပြီး ကျွန်တော်၏အိပ်မက် များကို အမေရိကဆိုတာချည်းကပဲ စိုးမိုး ထားခဲ့လေသည်။ အဒေါ်ဖြစ်သူ၏ အွန် လိုင်းမှတစ်ဆင့်ပြောပြချက်အရ ထိုင်း နိုင်ငံရှိ ဒုက္ခသည်စခန်းတွင် ခြောက်နှစ် ကြာနေထိုင်ပြီးပါက အမေရိကသို့ အလွယ်တကူ ရောက်ရှိနိုင်မည်ဟု သိရလေရာ ကျွန်တော်သည်လည်း ထိုသို့သွားရန် ဆုံးဖြတ်ချက်ချခဲ့လေသည်။

          ထိုအချိန်က ကျွန်တော့်တွင် မှတ်ပုံ တင်မရှိသေးပေ။ ထ်ို့ကြောင့် မှတ်ပုံတင် အမြန်ဆုံးရရှိရန် ကျပ်ငွေ ၇၀,၀၀၀ ဖြင့် ပြုလုပ်ခဲ့ရလေသည်။ မှတ်ပုံတင်လုပ်ပြီး နောက်တစ်ရက်အကြာတွင် ကျွန်တော့် အစ်ကိုဝမ်းကွဲတစ်ဦး၊ ညီမ၀မ်းကွဲတစ်ဦး တို့နှင့်အတူ ထိုင်းနိုင်ငံရှိ ဒုက္ခသည်စခန်း များသို့သွားရန် မြ၀တီသို့ လိုင်းကားဖြင့် သွားခဲ့ကြသည်။

          မြ၀တီမြို့သို့ သွားရာလမ်းတစ် လျှောက် စစ်ဆေးရေးဂိတ်များစွာတို့၏ မေးမြန်းချက်၊ စစ်ဆေးချက်များစွာတို့ကို ကျွန်တော်တို့ ဖြတ်သန်းခဲ့ရသည်။ မြ၀တီ သို့ ညနေစောင်းမှသာ ရောက်ခဲ့ကြပြီး ကျွန်တော်တို့သည် ထိုင်းနိုင်ငံ မဲဆောက် မြို့သို့ ကူးခဲ့ကြသည်။

          မဲဆောက်သို့ ရောက်သောအခါ ကျွန်တော့်အဒေါ်အား ဖုန်းဖြင့် အကြောင်း ကြားကာ ကျွန်တော်တို့အား လာရောက် ခေါ်ယူရန် ပြောလိုက်သည်။

          အဒေါ်က ဒုက္ခသည်စခန်းများသို့ပို့ဆောင်ပေးသူသုံးဦးအား စေလွှတ်ပြီး ခေါ် ခိုင်းလိုက်သည်။ ၎င်းတို့က ကျွန်တော်တို့ အား ၎င်းတို့နေထိုင်ရာအိမ်သို့ ခေါ်ဆောင် သွားခဲ့သည်။

          ယင်းအိမ်တွင် ထိုလူများက အစီ အစဉ်ဆွဲပြီး ကျွန်တော်တို့အား ထပ်မံခေါ် ဆောင်သွားခဲ့သည်။ လမ်းတစ်လျှောက် တွင် ကျွန်တော်သည် ထိုလူများဆိုင်ကယ် မောင်းနေသည်ကို လမ်းပြောင်းပြန်ထင် ပြီး တစ်ချိန်လုံး ကြက်သီးထနေခဲ့သည်။ မြန်မာနိုင်ငံက လမ်းများမှာ ညာမောင်း စနစ်ဖြစ်ပြီး ထိုင်းနိုင်ငံတွင် ဘယ်မောင်း စနစ်ဖြစ်သည်ကို ကျွန်တော် မသိခဲ့ပေ။

          ထိုသို့ဆိုင်ကယ်စီးလာရာ သုံးနာရီ ကျော်အကြာတွင် ကျွန်တော်တို့ စက်ရုံ တစ်ရုံသို့ ရောက်သည်။ ထိုစက်ရုံနောက် ကျောရှိ အခန်းတွင် ကျွန်တော်တို့အား ညအိပ်ခိုင်းခဲ့သည်။ နောက်နေ့မနက် လေးနာရီခန့်တွင် ထိုလူများက ကား တစ်စီး၊ ဆိုင်ကယ်တစ်စီးဖြင့် ပြန်ရောက် လာခဲ့ကြပြီး ကျွန်တော်တို့ကို ခရီးဆက်ရ ဦးမည်ဟု ပြောသည်။

          ထိုစက်ရုံနောက်မှတစ်ဆင့် ဆိုင် ကယ်တစ်စီးက ကျွန်တော်တို့စီးနင်းလာ သော ကား၏အရှေ့မှ လမ်းပြရှေ့ပြေး အဖြစ် သွားနှင့်သည်။ တစ်နာရီခွဲခန့် ကား စီးပြီးသောအခါတွင် ကျွန်တော်တို့ ရောက် ချင်နေခဲ့သော ဒုက္ခသည်စခန်းကို တောင် ကုန်းပေါ်မှ စတင် မြင်တွေ့ခဲ့ရသည်။

(Photo: Metta Dhammavadi's gallery)

အုန်းပြန့်ဒုက္ခသည်စခန်း                              

ကျွန်တော်တို့ စီးနင်းလာသော ကားသည် ယင်းဒုက္ခသည်စခန်းသို့ မသွား ရဲပေ။ အကြောင်းမှာ ဒုက္ခသည်စခန်း ပတ်ပတ်လည်တွင် ထိုင်းစစ်သား အစောင့် များ ရှိနေခြင်းကြောင့်ဖြစ်သည်။

          ကျွန်တော့်ညီမ၀မ်းကွဲကိုမူ ဆိုင် ကယ်ဖြင့် ဒုက္ခသည်စခန်းထဲအထိ ခေါ် ဆောင်သွားကြသည်။ ထိုစဉ်တွင် ကျွန် တော်တို့နှစ်ယောက်သည် စခန်းထဲသို့ မည်သို့ဝင်ရမည်မသိ ဖြစ်နေသည်။ ဒုက္ခ သည် စခန်းပတ်ပတ်လည်တွင်လည်း ခြံစည်းရိုးများကာထားပြီး ဂိတ်ကြီး၊ ဂိတ် ငယ်များဖြင့် ထိုင်းစစ်သားများ ၀ိုင်းရံ လျက် ရှိလေသည်။

          ထိုကဲ့သို့ ယောင်ချာချာဖြစ်နေချိန် တွင် ဘုန်းတော်ကြီးတစ်ပါး စခန်းအတွင်း မှထွက်လာကာ ကျွန်တော်တို့အား မေး မြန်းပြီး စခန်းအတွင်းလမ်းပြကာ ကျွန် တော်တို့အဒေါ်ရှိရာအိမ်သို့ ခေါ်ဆောင် သွားခဲ့သည်။ ယင်းအိမ်သို့ ရောက်ရောက် ချင်း ကျွန်တော်တို့ ခရီးပန်းလာသော ကြောင့် အိပ်ရာထဲသို့သာ ပစ်ဝင်ခွေနေခဲ့ တော့သည်။

          ထိုနေ့ညနေတွင် အဒေါ်ဖြစ်သူပြော သော စကားတစ်ခွန်းကြောင့် ကျွန်တော် တို့ အထူးပင် အံ့သြခဲ့ရသည်။

          ၎င်းစကားမှာ ဧည့်စာရင်းတိုင်ပြီး စာရင်းသွင်းရန်ဖြစ်သည်။ ထို့ကြောင့်      ကျွန်တော်တို့ မောင်နှမသုံးယောက်မှာ ရပ်ကွက်မှူးနေအိမ်သို့ ဧည့်စာရင်းတိုင်ပြီး စာရင်းသွင်းရန် သွားခဲ့ရသည်။

          ရပ်ကွက်မှူးနှင့် ဧည့်စာရင်းကိစ္စပြီး သောအခါ ၎င်းမှ ဒုက္ခသည်စာရင်းဝင်ရန် တစ်ယောက်လျှင် ထိုင်းဘတ် ငွေ ၃,၀၀၀ ပေးရန် ပြောလေသည်။

          ထိုအချိန်တွင် ကျွန်တော့်စိတ်ထဲ၌ အတွေးတစ်မျိုး ၀င်မိသွားသည်။ ပိုက်ဆံ မရှိသော ဒုက္ခသည်တွေ မည်သို့စာရင်း သွင်းကြမည်နည်း။

          စခန်းအတွင်းသို့ ရောက်သွားချိန် တွင် ကျွန်တော်တွေးမိခဲ့သော စခန်းအ တွင်းပုံစံနှင့် အားလုံး ကွဲပြားခြားနားနေ တော့သည်။ ရန်ကုန်တွင်နေထိုင်ခဲ့သော အချိန်က ကျွန်တော်တွေးထင်ခဲ့သော ဒုက္ခ သည်စခန်းသည် လူများအား အဆောင် ကြီးတစ်ခုတွင် ထားပြီးလျှင် ထမင်းကို အားလုံးသောသူများအတွက် ချက်ကျွေး သည်ဟု ထင်ခဲ့မိသည်။

          အမှန်တကယ်မှာမူ ဒုက္ခသည်စခန်း ဆိုသည်မှာ အကျယ်ချုပ် ထောင်တစ်ခုနှင့် သာ တူလေသည်။ လူများအား နေရာ အကျယ် အ၀န်းတစ်နေရာတွင် ကိုယ်ပိုင် အိမ်များဖြင့်ထားကာ လစဉ်ရိက္ခာများအ ဖြစ် လူတစ်ဦးလျှင် ဆန်၊ ဆီ၊ မီးသွေး၊ ပဲ နှင့် အခြားအသုံးအဆောင်ပစ္စည်းတို့ကို လစဉ်ပေးဝေလျက်ရှိသည်။

          အရေးကြီးသော အဆောက်အအုံ ဆောက်ရန် သက်ကယ်၊ ၀ါးနှင့် သစ်တို့ကို တော့ တစ်နှစ်တစ်ခါမှသာ ဖြန့်ဝေလေ့ရှိ သည်။ သို့သော် ၎င်းအရာများနှင့် ရိက္ခာ များသည် ဒုက္ခသည်များအဖို့ လုံ လောက် ခြင်းမရှိချေ။ ထို့ကြောင့် လူအများစုသည် ဒုက္ခသည်စခန်း ပြင်ပသို့ခိုးထွက်ပြီး အလုပ် ကြမ်းများကို ထိုင်းလူမျိုးများထံတွင် လုပ်ခ လစာ အနည်းအကျဉ်းနှင့် လုပ်ကိုင်စား သောက်နေကြရသည်။

          ကျွန်တော် လေးနှစ်ကြာနေထိုင်ခဲ့ သော ထိုစခန်းအမည်မှာ အုန်းပြန့်ဒုက္ခ သည်စခန်းဖြစ်ပြီး ထိုင်းနိုင်ငံရှိဒုက္ခသည် စခန်းကိုးခုအနက် ဒုတိယအကြီးဆုံးစခန်း ကြီးဖြစ်သည်။ တက်ခရိုင်၊ ဖုတ်ဖတ်မြို့ တွင်တည်ရှိသော အဆိုပါ ဒုက္ခသည်စခန်း မှာ လူဦးရေ ၄၀,၀၀၀ ၀န်းကျင်ရှိသည်ဟု ဆိုသည်။

          ကျွန်တော်တို့၏စခန်းသည် တောင် ကုန်းပေါ်တွင်တည်ရှိသောကြောင့် လေ တဟူးဟူးတိုက်လေ့ရှိသည်။

          မနက်စောစောအချိန်များတွင် လူ အများစုမှာ ထမင်းကို သူ့ထက်ငါ အလျင် စလိုချက်ပြုတ်နေကြသောကြောင့် စခန်း အတွင်းရှိ အိမ်တိုင်းလိုလိုမှ ထွက်သော မီးခိုးများကို မြင်ရသည်။ အကြောင်းမှာ မိုးလင်းလျှင် အလုပ်သို့ ထမင်းထုပ်ယူသွား ရန် ပြင်ဆင်နေကြခြင်းကြောင့်ဖြစ်သည်။

          ဒုက္ခသည် စခန်းအတွင်းရှိ ယောက်ျား အများစုမှာ စခန်းပြင်ပတွင် လုပ်ကိုင်စား သောက်နေကြရပြီး အမျိုးသမီးအများစု မှာဈေးသည်များအဖြစ်လုပ်ကိုင်ကြရ သည်။ ထို့ကြောင့် နေ့လယ်နေ့ခင်းများ တွင် ဈေးသည်မများ၏ အပြိုင်အဆိုင် ရောင်းချနေသောအသံများကိုပါ ကြားနိုင် ပေသည်။

          ညနေခင်းတွင် အလုပ်မှပြန်လာ သော ယောက်ျားသားများ၊ ဈေးရောင်း ပြန်လာသော မိန်းမများနှင့် ကျောင်းမှပြန် လာသော ကလေးငယ်များဖြင့် မိသားစု စုံစုံလင်လင် ညနေစာ စားသောက်နေ ကြသည်ကိုလည်း မြင်နိုင်သည်။

          သို့နှင့် နေ၀င်ပြီးမိုးချုပ်ကာ ည ဘက်တွင်မူ အသံများ တိတ်ဆိတ်နေ သည်။ လမ်းမီးများလည်း မရှိပေ။ သို့သော် လည်း ပိုက်ဆံရှိသောလူအချို့မှ မီးစက် များမောင်းကာ အခြားသောအိမ်များကို အခကြေးငွေဖြင့် ညနေ ၆ နာရီမှ ည ၉ နာရီထိ ဖြန့်ဝေသောကြောင့် အလင်း ရောင်အနည်းငယ်ကို မြင်တွေ့နိုင်ပေ သည်။ အခကြေးငွေအဖြစ် မီးချောင်းတစ် ချောင်းလျှင် လစဉ် ဘတ် ၉၀ (၃,၀၀၀ ကျပ်ဝန်းကျင်)နှင့် တီဗီနှင့် အောက်စက် အတွက် တစ်လ ဘတ် ၄၀၀ (၁၂,၀၀၀ ကျပ်ခန့်) ပေးရသည်။                       

          သို့သော်လည်း ဆင်းရဲသောမိသား စု အချို့မှာမူ မီးမယူနိုင်ကြဘဲ ဖယောင်း တိုင်ကိုသာ သုံးစွဲနေကြရသည်။ စခန်းသူ စခန်းသားများအားလုံးတို့သည် ည ၉ နာ ရီထက်ကျော်လွန်ပါက ရပ်ကွက်တစ်ခုမှ တစ်ခုသို့မသွားရန် စခန်းဥပဒေရှိသော ကြောင့် လူအများစုမှာ မိမိတို့နေအိမ်များ တွင်သာ နေထိုင်ကြပြီး လမ်းမပေါ်တွင် ခွေးများနှင့် ရပ်ကွက်အတွင်းရှိ ရပ်ကွက် လုံခြုံရေးများသာလျှင်ရှိပေသည်။ ညဥ့်နက် ပိုင်းတွင် စခန်းတစ်ခုလုံးသည် မှောင်မည်း ပြီး ကြောက်စရာ အလွန်ကောင်းလှသည်။

          ကျွန်တော်မကြာခဏ ကြားရတတ် သည့် သတင်းတစ်ခုရှိသည်။ ယင်းမှာ ထိုင်း လူမျိုးများမှ မြန်မာများအပေါ် မတရားပြု ကျင့် အနိုင်ယူခြင်းများဖြစ်သည်။ ဒုက္ခ ပေါင်းစုံရောက်နေသည့်ကြားထဲမှ မြန်မာ အချင်းချင်း လှည့်ပတ်ခြင်းများလည်း ရှိ ပေသည်။

          ဥပမာ- ငွေတိုးထုတ်ချေးသူများ ငွေတိုးမပေးနိုင်သောကြောင့် ရရာရိက္ခာ များကို မတရားသိမ်းယူခြင်းများလည်း အမြဲ မပြတ် ဖြစ်နေသော အကြောင်းအရာများ ပင်ဖြစ်သည်။

          ထိုသို့သော အခြင်းအရာများကို နေ့ စဉ်နှင့်အမျှ မြင်တွေ့လာခဲ့ရသော ကျွန်တော့် အဖို့ တတိယနိုင်ငံသို့ သွားရောက်ခွင့်ရရေး အတွက် သည်မှာလာနေနေရသည့်ဘ၀ကို စိတ်ပျက်လာသည်။ ကျွန်တော့်အဒေါ် ပြောသလောက် မလွယ်မှန်းလည်း ကျယ် ကျယ်ပြန့်ပြန့် နားလည်သဘောပေါက် လာခဲ့သည်။

အဘယ်ကြောင့်ဆိုသော်ကျွန်တော် သည် တရားဝင်ဒုက္ခသည်စာရင်းမ၀င် သေးချေ။ ထိုသို့စာရင်းဝင်နိုင်ရန် ရပ်ကွက် မှူးလည်း မကူညီနိုင်ပေ။

(Photo: Metta Dhammavadi's gallery)

ဒုက္ခကိုအရောင်ဆိုးထားတယ်

          ထိုလူများထဲမှအများစုမှာ တတိယ နိုင်ငံသို့သွားရန် ကြိုးပမ်းနေသူများသာ ဖြစ်ကြခြင်းကြောင့် ကျွန်တော်အလှည့် မည်သည့်အခါမှ ကျရောက်မည်ကိုသာ တွေးနေမိတော့သည်။

          ကျွန်တော်နေသော ဒုက္ခသည်စခန်း တွင် မြန်မာနိုင်ငံရှိ တိုင်းရင်းသားလူမျိုး ပေါင်းစုံနှင့်အတူ တရုတ်နှင့် အိန္ဒိယနွယ်ဖွား အချို့ကိုလည်းတွေ့ခဲ့သည်။ ကရင်ဒုက္ခသည်  များကတော့ လူဦးရေ အများဆုံးဖြစ်သည်။

ကရင်ကရင် ဘာကိုမြင် ~ ဟိုရှေ့နားက ငြိမ်းချမ်းရေး ချိုးကင်

   ခေါင်းစဉ်ဖတ်ပြီး ကရင်အမျိုးသားရေး ဝါဒီတစ်ယောက်တော့ လုပ်ပြန်ပဟလို့ ရုတ်ချည်း ထင်

ကောင်း ထင်မိနိုင်ကြမယ် ။ ဟုတ်ပါတယ် ၊ ဟုတ်လည်း မဟုတ်ပါဘူး ၊ နှစ်ခုလုံးလည်း မှန်ပါတယ် ။

တရားသူကြီးက ဖတ်တဲ့သူပဲလေ ။ 

   ပထမတစ်ချက် ပြောလို့ရတာက ကျနော်ဟာ ကရင်တစ်ယောက်လို့ ကိုယ့်ဘာသာ သတ်မှတ်

ထားလို့ ရေးတာပါလို့ ပြောရမယ် ။ ဆိုလိုတာက ကျနော့်ရဲ့ ကိုယ်ပိုင်လက္ခဏာ (identity) ကို က

ရင်ရယ်လို့ ခံယူ သတ်မှတ်တာကြောင့်ဆိုပြီး ပြောလို့ရတယ် ။ [ကိုယ်ပိုင်လက္ခဏာ (identity) အ

ကြောင်း အသေးစိတ်ကတော့ ရှည်လို့ နောက်မှ ထပ်ရေးပါ့မယ်] ။

   နောက်တစ်ဆင့်က ကရင်ဖြစ်ရုံနဲ့ ဝေဖန်ဖို့ ၊ ထောက်ပြဖို့ ၊ မြင်တာတွေပြောဖို့ တာဝန်ရှိသလား ။

   အမှန်ကတော့ တာဝန်ရှိတယ်လို့ ကျနော် မယူဆဘူး ။ ပတ်သက်ယှက်နွယ်နေတဲ့ ၊ ပြောင်းလဲ

လို့ မရနိုင်တဲ့ နောက်ခံတူညီသူတွေအတွက် အသားလွတ် နင်းခြေမခံရလေအောင် ၊ မတရား အ

နိုင်ကျင့် မခံရလေအောင် ၊ လိုသလို ထင်တိုင်းလှည့်ပတ်လို့ မရရလေအောင် မြင်မိသတိရတာလေး

တွေကို တင်ပြလက်တို့ရုံ လောက်ပါ ။ ဝတ္တရားနဲ့ အသိစိတ်အပေါ် အခြေခံပြီး ဘယ်သူမှလည်း မ

နစ်နာစေမယ့် အဖြေနဲ့ လမ်းကြောင်းတွေကို ဆိုင်ရာဆိုင်ရာတွေက ပိုပြီးသိမြင်လာဖို့ ကြိုးပမ်းချက်

လေး တစ်ခုနှစ်ခုသာသာပါ ။ 

 ကျနော်ယုံကြည်တာ တစ်ခုတော့ရှိတယ် ။ 

 Butterfly Effect ပါ ။ ကျနော့်ရဲ့ လိပ်ပြာတောင်ပံ တစ်ခတ်စာလေးဟာ ၊ ယုံကြည်လက်ခံသူ

သို့မဟုတ် ဒါကိုအခြေခံပြီး စိတ်ကူးစိတ်သန်း အသစ်တွေနဲ့ ထပ်ဆင့်ပွားမှုတွေ ရှိခဲ့မယ်ဆိုရင် ၊

လောကဓံ တစ်ပတ်အပြည့်မှာ မုန်တိုင်း ငယ်လေးတွေလို အားကောင်းတဲ့ သက်ရောက်မှုလေး

တွေ ရှိလာကောင်းရှိလာနိုင်ပါတယ် ။

   ကျနော်ရေးတဲ့ ပြောတဲ့အရာတိုင်းဟာ အမှန်မဖြစ်နိုင်သလို ၊ အားလုံးကို လက်ခံလိုက်လျှောက်

စရာလို့လည်း မမြင်မိပါ ။ သို့သော် ဒါတွေကိုအခြေခံပြီး စိတ်ကူးစိတ်သန်းတစ်ချို့ ပေါ်လာဖို့အ

တွက် စေ့ဆော်မှု ပေးနိုင်မယ်ဆိုရင် ကျနော့်အတွက် အောင်မြင်ပြီလို့ ပြောနိုင်ပါလိမ့်မယ် ။ 

(၁)  ခေတ္တအားလပ်ချိန် 

   ခုများ ဖြစ်တည်နေတဲ့ ငြိမ်းချမ်းရေးကို ကြည့်တော့ ခေါင်းစဉ်ငယ်တပ်ထားသလိုပဲ အားကစား

ပွဲတစ်ပွဲမှာ ခေတ္တအားလပ်ချိန် ယူထားသလိုပါပဲ ။ ပြီးရင် ဆက်ဆော်ကြမယ်ဆိုသလို ဖြစ်နေ

တယ် ။

   ဒါကို ဘယ်သူမှ မမြင်ကြဘူးလား လို့မေးရင် - လူတိုင်းလိုလို မြင်ကြတာပေါ့ဗျာ ။ ပြောရင်တောင်

အားညောင်းလွန်းလို့ ။ အပေါ်ဖက်မှာ ကချင်ကိုဆော်လို့ဝရင် ကိုယ့်ဖက်လှည့်လာမှာ သေချာသ

လောက် ရှိနေတာ မသိဘူးဆိုသူရှိရင်တော့ အတော်ခွကျသူပဲလို့ ပြောနိုင်တယ် ။ ဒီကြားထဲ အား

နည်းတဲ့ SSA တို့လို အဖွဲ့တွေကျ ဗိုလ်ကျအနိုင်ကျင့်နေတာလည်း မမြင်ချင်မှ အဆုံးပဲလေ ။ 

   တစ်ဖက်မှာ ခက်တာက - တစ်အချက် ၊ ငြိမ်းချမ်းရေး မဖြစ်မနေ လုပ်သင့်တယ် ။ နှစ်အချက် ၊

ပြည်မအစိုးရအဖွဲ့ထဲ ငြိမ်းချမ်းရေး တကယ်လိုချင်သူတွေ ရှိပုံရတယ် ။ သုံးတစ်ချက် ၊ အစိုးရ တက်

လုပ် နေသူတွေဆီမှာ အာဏာအပြည့်ဝ ရှိပုံကမရ ။ 

   လုပ်လို့ဖြစ်နိုင်တာ တစ်ခုစဉ်းစားမိတယ် ။ အဲဒါကတော့ "ငြိမ်းချမ်းရေး သဘောတူထားတာ

ကို “ဆိုင်းငံထား ဖို့” ပဲ ။ ပြန်တိုက်မယ်လို့လည်း ပြောတာမဟုတ်ဘူး ၊ လူသူရိက္ခာလက်နက်တွေ

ကြိုက်သလိုဖြည့်ဖို့ ခွင့်ပြုတာလည်း မဟုတ်ဘူး ၊ သဘောတူချက်ကို ဖျက်တာလည်း မဟုတ်ဘူး

လေ ။ အကြောင်းပြချက်ကတော့ ရှမ်းနဲ့ ကချင်တွေမှာ ထိုးစစ်တွေ ရပ်တန့်ပေးဖို့ ၊ ယုံကြည်မှုတည်

ဆောက်ဖို့ ၊ လူထုနဲ့ အဖွဲ့စည်းအတွင်း အကြေအလည် ပြင်ဆင်ဖို့ ၊ ပြည်မနဲ့ တစ်ဆင့်ချင်း ပူးပေါင်း

အဖြေရှာ ညှိနှိုင်းဖို့တွေပေါ့ ။ 

   ဒီလိုလုပ်ခြင်းအားဖြင့် ကချင်တွေအပါဝင် အခြားအဖွဲ့စည်းတွေကို အလေးထားရာရောက်ပြီး

ကိုယ့်ဖက်ကလည်း နိုင်ငံရေးအရ လုပ်သင့်တဲ့ ၊ လုပ်လို့ရနိုင်တဲ့ ဘောင်အတွင်းက တစ်ချက်ကို

လုပ်လိုက်တာလည်း ဖြစ်ပါလိမ့်မယ် ။ 

   တစ်နေရာမှာတော့ ရိပ်ကနဲ တွေ့မိလိုက်ပါတယ် ။ မီးရထားဝန်ကြီးဦးအောင်မင်းက တိုက်ပွဲ

တွေကြောင့် ရှမ်းအဖွဲ့တွေကို အားနာတယ်ဆိုလားပဲ ။ KNU လည်း ဆိုင်းငံ့စရာလို လုပ်စရာရှိ

တာတွေလုပ်ပြီး အားနာလိုက်ရုံပါပဲ ။ ငြိမ်းချမ်းရေး တကယ်လိုချင်သူကို အားနာတာပဲလေ ၊ အား

နာသင့်ပါတယ် ။ 

ကျနော်နှင့် ကညင်ဒုံ တိုက်ပွဲ Posted by on June 28, 2010

၁၉၈ဝ-၁၉၈၄ ဝန်းကျင် ကာလများ။ ၁၉၈ဝ ခုနှစ်၊ ဒီဇင်ဘာလတွင် ဗဟိုဌာနချုပ်၊ မာနယ်ပလောတွင် အမျိုးသားဒီမိုကရေစီ တပ်ပေါင်းစု NDF National Democratic Front မှ ဦးစီးဖွင့်လှစ်သော ပထမ အကြိမ်မြောက် ဗိုလ်သင်တန်းသို့ တပ်မဟာ (၇) မှရွေးချယ်စေလွတ်သော ဗိုလ်သင်တန်းသို့ တပ်ရင်း (၂၃) မှ သင်တန်းသား ၅ ဦးကို ရွေးချယ်စေလွတ်လိုက်သည်။ ထိုစဉ်က အသစ်ဖွဲ့စည်းလိုက်သော တပ်ရင်း (၂၃) တွင် တပ်ရင်းမှူး ဗိုလ်လွီး (ဆုံး)၊ စစ်ကြောင်းမှူး မိမိ၊ တပ်ရေးဗိုလ်ကြီးဂုဏ်ရွှေမန်း၊ တတိယနိုင်ငံရောက် တပ်ခွဲမှူး ဗိုလ်မောင်အေး DKBA တို့ဖြင့် စတင်ဖွဲ့ စည်းသည်။
ဗိုလ်သင်တန်းသို့ စေလွတ်ခြင်းခံရသောရဲဘော် ၅ ဦးမှာ စာရေးသူ၊ တပ်ရေးဗိုလ်ကြီး ဂုဏ်ရွှေမန်း၊ တပ်ခွဲမှူး ဗိုလ်မောင်အေး၊ ရဲဘော် သန်းဖြူနှင့် ရဲဘော်အန်ထော်နီ တတိယနိုင်ငံရောက်တို့ဖြစ်သည်။ တပ်မဟာရုံးထိုင်မှူးကို မိမိတို့တပ်ရင်းမှ သင်တန်းသား စာရင်းကို ပေးပြီး သင်တန်းအတွက် လိုအပ်သောစစ်ဝတ်စုံများ၊ စာအုပ်၊ စာရေးကရိယာများနှင့် သင်တန်းစာရိတ်များကို တပ်ထောက်ထံသွား ထုတ်သည်။ ထိုစဉ်က တပ်ရင်း (၁၉) တပ်ရင်း (၂ဝ)၊ တပ်ရင်း (၂၁) တပ်မဟာ (၇) ဌာနချုပ်မှ အမျိုးသမီး သင်တန်းသူများနှင့် KNDO တပ်ရင်း (၅) မှ သင်တန်းသားများကိုတွေ့သည်။
Serve the People ပြည်သူ့ အကျိုးဆောင်ကြ
မာနယ်ပလော စစ်ဦးစီးဌာနချုပ်သို့ရောက်သော် တပ်မဟာ (၁)၊ တပ်မဟာ (၂)၊ တပ်မဟာ (၃)၊ တပ်ရင်း (၁ဝ) ထိုစဉ်က တပ်မဟာ (၄) မဖြစ်သေး၊ တပ်မဟာ (၆)၊ KNDO ဌာနချုပ်၊ ဗဟိုစစ်ဦးစီးဌာနချုပ်မှ သင်တန်းသား၊ သင်တန်းသူများအပြင်၊ ရခိုင်ပြည်လွတ် မြောက်ရေးတပ်မတော်မှ ဗိုလ်လောင်းများ၊ ကရင်နီတပ်မတော်မှဗိုလ်လောင်းများနှင့် ရှမ်းပြည်တပ်မတော်မှဗိုလ်လောင်းအမျိုးသမီးနှင့် အမျိုးသားစုစုပေါင်း ၁၂ဝ ဦးတက်ရောက်သည်။ သင်တန်းကျောင်းအုပ်ကြီးမှာ ဗိုလ်မှူး N.Zaw Tan ကချင်၊ ဒုတိယကျောင်းအုပ် ကြီးမှာ ဗိုလ်မှူးစောသိန်း ကရင် (ကွယ်လွန်)၊ နည်းပြချုပ်မှာ ဗိုလ်မှူးကြီးယော်မူ အောင်ဆန်းနှင့်အတူလက်နက်ချ၊ ဗိုလ်မှူးထွန်းတင် (ကွယ်လွန်)၊ အခြားသင်တန်းမှူးများမှာ ဗိုလ်ရော့ကက်၊ လက်ရှိသင်တန်းမှူးချုပ် ဗိုလ်သေဂေး၊ တပ်ရင်း (၂ဝ၂) တပ်ရင်းမှူး ဆရာရစ် ကီ Ricky ကွန်မန်ဒို၊ မန်းငွေအောင် ဗိုလ်မှူးသောသီ မြို့ပြပြောက်ကျားအဖွဲ့နှင့်ပါသွားပြီး ဖမ်းဆီးခံနေရသူများဖြစ်သည်။ တခြားသင် တန်းဆရာများ ရှိသေးသည်၊ မမှတ်မိတော့ပါ။
မှတ်ချက်…
စာရေးသူနှင့်အတူ အပတ်စဉ်တခုထဲ ဗိုလ်သင်တန်း တက်ရောက်ခဲ့သူများမှာ မှတ်မိသလောက် ဗိုလ်ကနဲမီး တပ်မဟာ (၇) တတိယ နိုင်ငံရောက်၊ ဗိုလ်လှဝေ (၁ဝ၁) တတိယနိုင်ငံရောက်၊ ဗိုလ်ထွန်းထွန်း တပ်ရင်း (၁ဝ) တတိယနိုင်ငံရောက်၊ ဗိုလ်ဖေါဒို (၁ဝ၁) ယခု တပ်ရင်း (၁ဝ၁) တပ်ရင်းမှူး၊ ဗိုလ်ကျား တပ်မဟာ (၂)၊ ဗိုလ်မူသွီဂေါ တပ်ရင်း (၁ဝ)၊ ဗိုလ်လွမ်းထူးမြတ်၊ တပ်ရင်း (၁ဝ)၊ ဗိုလ်မူကယ် တပ်ရင်း (၁ဝ)၊ ဗိုလ်လောရင့် lawrance (၁ဝ၁) တတိယနိုင်ငံရောက်၊ ဗိုလ်ဟန်စိန် (၁ဝ၁) တတိယနိုင်ငံရောက်၊ ဗိုလ်ကရောကရ၊ တပ်ရင်း (၁ဝ) လက်နက်ချ ဗိုလ်သင်တန်း၌ စစ်ရေးနှင့်ပတ်သက်သော ဘာသာရပ်များ စစ်ရေးပြ၊ လက်နက်ကြီး လက်နက်ငယ်ပစ် နည်း၊ ဖြုတ်နည်း၊ တိုက်ပွဲစစ်မှုရေးရာ၊ ပြောက်ကျားစစ်၊ လှုပ်ရှားစစ်၊ နိုင်ငံရေးဘာသာရပ်များဖြစ်သော ကရင့်တော်လှန်ရေး နိုင်ငံရေး လမ်းစဉ်၊ လုပ်ငန်းစဉ်၊ စစ်ရေးလမ်းစဉ်၊ စည်းရုံးရေး၊ အုပ်ချုပ်ရေး၊ မြေယာလမ်းစဉ်၊ ဆက်သွယ်ရေးဘာသာရပ်၊ တပ်ပေါင်းစု၊ တရား ရေး၊ လူ့အခွင့်အရေး စသည့်ဘာသာရပ်များကို ၆ လတိုင်တက်ရောက်သင်ကြားခဲ့ကြသည်။
သင်တန်းကာလများအတွင်း လက်တွေ့တိုက်ပွဲဝင်ရန်လှိုင်းဘွဲမြို့နယ်ရှိ တကောတိုက်ပွဲတွင်လက်တွေ့သွားတိုက်ရသည်။ ဗိုလ်လောင်း တပ်ဖွဲ့အား တပ်စု နှစ်စုဖွဲ့လိုက်သည်။ တပ်စု (၁) အား စာရေးသူ အုပ်ချုပ်ပြီး၊ တပ်စု (၂) အား ဗိုလ်ကနဲမီး သြစတြေလီးယားနိုင်ငံ ရောက်မှ အုပ်ချုပ်သည်။ စုစုပေါင်းဗိုလ်လောင်း ၆ဝ လက်တွေ့တိုက်ပွဲဝင်ကြသည်။ စက်လှေနှစ်စီးနှင့် မယ်သဝေါ အထိသွားပြီး၊ မော် တော်ကားများဖြင့် ရှမ်းရွာသစ်အထိပို့သည်။ ထိုနောက်ခြေလျင်ရှောက်ကြသည်။ တရေဖိုးကွီးရောက်တော့ လက်နက်ကြီးသံများ ကြား နေရပါပြီ။ အမြန်ချီတက်ရန် အမိန့်ရောက်လာသည်။ မိမိတပ်စုရုံးတွင် ၆ဝ မမတလက်၊ ဗုံးသီး ၅ဝ ပါသည်၊ ဧည့်ရဲဘော်သိုမွီး ဝန်ထမ်း ၃ ယောက်ပါသည်။
တပ်နေရာချမည့်နေရာမရောက်မီ ဗိုလ်မှူးကြီးယော်မူနှင့် ဗိုလ်လှဝေတို့၏ လက်နက်ကြီးအဖွဲ့နှင့်တွေ့သည်။ ထိုမှတဆင့် တပ်ရင်း (၁၉) တပ်ခွဲ (၃) ဗိုလ်ကြီး အောင်လင်းအဖွဲ့ကြား နေရာလပ်တွင် တပ်ချခိုင်းသည်။ ရဲဘော်များကို နေရာချသည်၊ နှစ်ယောက် တကျင်းတူး သည်၊ ရန်သူ့အလာကိုစောင့်သည်။ ထမင်းမစားရသေး၊ ရေဘူးထဲ၌ ရေသာရှိသည်။ ထမင်းထုတ်ရောက်လာသည်။ ထမင်းထုပ်ကို စား ဖို့ဖွင့်တော့ သိုးနန့်ထွက်လာသည်။ မထူးပါဘူး ဗိုက်ပြည့်ဖို့အရေးကြီးတယ်။ တထုပ်လုံး ကုန်အောင်စားပြီး ဗိုက်ဖြည့်လိုက်သည်။

ဖါးကပ် တိုက်ပွဲ Posted by on June 15, 2010

ဖါးကပ် တိုက်ပွဲကိုမဖေါ်ပြမီ စစ်နှင့်ပတ်သက်သည့် စစ်သ ဘောထားတချို့ကို တင်ပြလိုသည်။
The purpose of the revolutionary war is peace“တော်လှန်ရေးစစ်ပွဲ၏ ရည်ရွယ်ချက်မှာ ငြိမ်းချမ်းရေးဖြစ် သည်” ကျွန်ုပ်တို့ စစ်တိုက်နေခြင်းသည် တပါးသူကို ကျွန်ပြု၊ အနိုင် ကျင့်၊ စော်ကားရန်မဟုတ်၊ အမျိုးသားလွတ်လပ်ရေး၊ တန်းတူ ရေး၊ ကိုယ်ပိုင်ပြဋ္ဌာန်းခွင့် ရရှိရေးအတွက် ကျူးကျော်လာမှုကို ခုခံသည့် တရား သောစစ်ပွဲကို တိုက်နေခြင်းသာ ဖြစ်သည်။
၁၉၈၂ ခုနှစ်၊ ဒီဇင်ဘာလ ၂၉ ရက်၊ နံနက် ၉းဝဝ နာရီ၊ ကရင် ပြည်နယ်၊ ဖါးအံခရိုင်၊ ပိုင်ကျုံမြို့နယ်ရှိ တပ်မဟာ (၇)၊ တပ် ရင်း (၁၉)၊ စစ်ကြောင်း (၁) တာဝန်ကျရာ စစ်ဒေသတခွင်လုံး ဟေမန္တဆောင်းလရာသီ၌ ဆောင်းနှင်းမြူတို့ဖြင့် အေးမြနေလင့်ကစား နိုင်ငံရေး စစ်ရေးမတည်ငြိမ် မအေးချမ်းပေ။
တပ်မ (၄၄) ၊ ကွပ်ကဲမှုအောက်၊ တပ်ရင်းများ၊ ကြူပင်ခုတ် ကြူငုတ်မကျန် ဖြတ်လေးဖြတ် ဗျူဟာခင်းလျှက်ရှိသည်။ ဖြတ်လေးဖြတ် ဗျူဟာ လူထုနှင့် အဆက်ဖြတ်၊ သတင်းဖြတ်၊ ရိက္ခာဖြတ်၊ သတ်ဖြတ် ဟူ၍ဖြစ်သည်။ ဒုတိယကမ္ဘာစစ်အတွင်း၊ တရုပ်ပြည်သိမ်းပိုက် ရေးစစ်ပွဲကာလ၊ ဖက်ဆစ်ဂျပန်များ ကျင့်သုံးခဲ့သည့် Three All ပေါ်လစီ အတိုင်းဖြစ်သည်။
Kill all အားလုံးသတ်။
Burn all အားလုံးမီးရှို့။
Destroy all အားလုံးဖျက်ဆီး တို့ဖြစ်သည်။
ကျွန်ုပ်တို့ ကရင်ပြည်တွင်း၌၎င်း၊ ဘဝတူညီအစ်ကိုတော် လူမျိုး စုများနယ်မြေများ၌၄င်း ရန်သူများ ဤအတိုင်း ကျင်းသုံးနေ သည်မှာ ရာစုနှစ် တဝက်ကျော်ခဲ့ပြီး။
ကျွန်ုပ်တို့ စစ်ကြောင်း (၁) သည် စစ်ကြောင်းမှူး ဗိုလ်မှူးဂျော်နီ ယခု တပ်မဟာ (၇) တပ်မဟာမှူး ဗိုလ်မှူးချုပ်သူရ စောဂျော်နီ အနီး ကပ်ကွပ်ကဲမှုဖြင့် ပိုင်ကျုံမြို့နယ်တွင်လှုပ်ရှားလျှက် နောတဲခီးရွာ၌ တပ်ချထားသည်။ ထိုစဉ်ကာလ၌ တပ်ခွဲ (၁) သည် ဗိုလ်ကြီးဖါးခလို ဦးစီး၍ တပ်မဟာ (၄) ဘိတ်၊ ထားဝယ်ခရိုင်၌ တာဝန်သွားယူနေရသည်။ တပ်ခွဲ (၂) အား ဗိုလ်ကြီးလူးစီ (ဆုံး) ၊ တပ်ခွဲ (၃) အား ဗိုလ်ကြီးအောင်လင်း မယ်ပရ တပ်ခွဲ (၄) အားမိမိ၊ တပ်ခွဲ (၅) အားဗိုလ်ကြီးဂျော်ဖြူ (ဗိုလ်မှူးချုပ် ဂျော်နီ၏ညီ) စစ်ကြောင်းဌာနချုပ် တပ်ခွဲအား ဗိုလ်ကြီးဒေးဝါးတို့အသီးသီး အုပ်ချုပ်မှုပြုထားသည်။ ကျွန်ုပ်တို့ တပ်ရင်းမှူးမှာ ဒုတိယ ဗိုလ်မှူးကြီးမောင်ထွန်း(ဆုံး) ဖြစ် သည်။ တပ်ရေးဗိုလ် ကြီးရုံးထိုင်မှူးမှာ ဗိုလ်မှူးထွန်းကြိုင်(ဆုံး) တို့ဖြစ်ကြသည်။
ကျွန်ုပ်တို့သည် တပ်မ (၄၄) ကွပ်ကဲမှုအောက်ရှိ ခမရ (၃) နှင့် (၅) တပ်ရင်းများ၏ လှုပ်ရှားမှုကို မျက်ခြေမပြတ်စောင့်ကြည့် အကဲ ခတ်လျက်ရှိသည်။ ကရင်အမျိုးသားလွတ်မြောက်ရေး တပ်မတော်၏ ပြောက်ကျားစစ် ပါရဂူတဦးဖြစ်လာနိုင်သော ဗိုလ်မှူးဂျော်နီမှ “ကျနော်တို့ ဒီလိုစစ်ကြောင်းကြီးနဲ့ လှုပ်ရှားနေရင် ဒီကောင်တွေ ဝင်တိုးရဲမှာ မဟုတ်ဘူး”
တပ်အနည်းစုကိုသာပြပြီး ကျန်စစ်ကြောင်းကို ဖြောက်ထားမယ်၊ ကျနော်နဲ့ တပ်စိတ်တစိတ် ပိုင်ကျုံရန်သူ့ စခန်းနားကဖြတ်ပြီး ကစို ရွာမှာ အယောင်ပြမယ်။ နှစ်ရက်လောက် နေပြမယ်။ စစ်ကြာင်းက ဒီမှာပဲ ခိုနေဦး။ သုံးရက်လောက်ခိုပြီးမှ ညဘက် ညာမရောဘက် ကနေ ဖါးကပ် ကိုဝင်၊ ဟိုရောက်ရင် တပ်ချ၊ ပတ်လည် ကတုတ်ကျင်းတူး၊ ခံစစ် စီမံချက်ချ၊ ကျနော် ရန်သူကို ဒီဘက်ဆွဲခေါ်လာမယ်၊ လုပ်ရိုး လုပ်စဉ်အတိုင်းပဲ ပစ်ခတ်မှုဖြစ်လို့ သေနတ်မရရင် မော်ထူး ရမယ်၊ အားလုံးရှင်းလား။”ဟု ညွန်ကြားချက်ပေးပြီး တပ်စိတ် တ စိတ်နှင့် ထွက်ခွာသွားတော့သည်။
မှတ်ချက်…
မော်ထူး စကောကရင်ဘာသာဖြင့် ဆေးပေါလိပ်ဖြစ်သည်။ ပစ်ခတ်မှုဖြစ်လို့ ရန်သူ့သေနတ်မရပါက ကြိမ်ဒဏ် ၂၅ ရိုက်ခံရမည်၊ တပ် မှူးတပ်သားမရွေး ကျခံရမည့်ပစ်ဒဏ်ဖြစ်သည်။ ကျည်ရောက် လူရောက် စီမံချက်ဖြစ်သည်။ တိုက်ပွဲဖြစ်တိုင်း ရန်သူ့လက်နက်မရပါက တိုက်ပွဲသုံးသပ်ချက်မှာ တိုက်ပွဲရှုံးသည်ဟု သုံးသပ်သည်။ မိမိတပ်မတော်ကို ရန်သူ့လက်နက်ဖြင့် အင်အား ဖြည့်တင်းရမည်ဟူသည့် ကရင်အမျိုးသား လွတ်မြောက်ရေးတပ်မတော်၏ စစ်ရေးပေါ်လစီတခုဖြစ်သည်။
စစ်ကြောင်းမှူး ဗိုလ်မှူးဂျော်နီသည် နိုင်ငံတကာ စစ်ပါရဂူများဖြစ်ကြသော တရုတ်စစ်ပါရဂူ ဖုံသက်ဝိုင်၊ မော်စီတုန်း၊ ငုယင်ဂီယပ် (ဇပ်)၊ ချေဂွေဗါးရား၊ ဂျော့ခ်ျ ဂရီးဗတ်စ် (George Grivas) ဆွန်ဇူး၊ ကလော့ဇ်ဝစ်၊ လစ်ဒယ်ဟတ်၊ လက်ဝဲသုနရ စသည့်စစ်ပါရဂူများ ၏ သင်ကြားမှုများကို ဖတ်ခဲ့ဘူး၊ သင်ခဲ့ဘူးခြင်း ရှိမရှိကိုမူ မသိ၊ သို့သော် စစ်မြေပြင်ထက်ကောင်းသော စစ်တက္ကသိုလ်မရှိဆိုသည့် စစ် ဒဿနကို ကောင်းစွာ နားလည်သဘောပေါက်ခဲ့သည်ဟု ထင်သည်။ တိုက်ပွဲပေါင်းမြောက်များစွာမှ သင်ယူရရှိခဲ့ပြီးဖြစ်သည်။
“ရန်သူကို အမျိုးမျိုးလှည့်စား၊ မြူဆွယ် ကျုံးသွင်းပြီး အလျှင်အမြန်တိုက်”
“တိုက်ပွဲတိုင်း အလစ်အငိုက်ယူ”
“ရန်သူရဲ့ အားနည်းတဲ့ အပိုင်းကိုတိုက်”
“မနိုင်ပုံပေါ်ရင် အစီအစဉ်ရှိရှိ ဆုတ်” (All warfare is base on deception) ဆိုသည် “ပြောက်ကျားစစ်” တိုက် နည်းဗျူဟာကို စစ်သားဘဝက သင်ကြားမှတ်ယူထားခဲ့ပြီးဖြစ်သည်။
စစ်ကြောင်းမှူး ဗိုလ်မှူးဂျော်နီ တပ်စိတ်တစိတ်နှင့် စတင်လှုပ်ရှားလိုက်သည်နှင့် ထောက်လှမ်းရေးကွန်ယက်ကို ဖြန့်ကြဲထားသည့် ရန် သူ့ ထောက်လှန်းရေးများမှ … “ငပွေး ဂယောင်နီလာ အငယ်တခုနဲ့ ကစို ဘက်ထွက်သွား” ဟူ၍
မှတ်ချက်…
ငပွေး၊ ကရင်အမျိုးသားများကို နံနှိမ်ခေါ်သည့် ဗမာ့တပ်မတော်၏ လက်သုံးစကား။ ဂယောင်၊ ဂငယ်၊ ဂျော် စကားပြောစက် လျှို့ ဝှက်သင်္ကေတအခေါ်အဝေါ်။
နီလာ၊ နငယ်၊ နီ၊ ဂယောင်နီလာ ဂျော်နီအငယ်တခု၊ တပ်စိတ်တစိတ်၊ အလတ်တခု၊ တပ်စုတစု၊ အကြီးတခု၊ တပ်ခွဲတခွဲကိုဆိုလိုသည်။ စစ်ကြောင်းမှူး ဗိုလ်မှူးဂျော်နီ ကစို ရောက်ပြီးအငြိမ့်ငှားသည်။ ထိုအငြိမ့်အဖွဲ့ကို ဖါးကပ် သို့ ခေါ်ခဲ့ပါပြီး။ ရန်သူကို ဖါးကပ် သို့မြူဆွယ် ၍ ကျုံးသွင်းရန် ခေါ်ခဲ့ခြင်းဖြစ်သည်။ မိမိတို့ စစ်ကြောင်းသည် စီမံချက်အတိုင်း ညာမရော မှတဆင့် ဖါးကပ်သို့ ည ၉ နာရီတွင် ရောက် ရှိသွားတော့သည်။
တပ်ခွဲများ သတ်မှတ်ထားသည့်နေရာ၌ နေရာယူခြင်း၊ ကတုတ်ကျင်း တူးခြင်း၊ ပစ်ပိုင်နယ် ရှာဖွေသတ်မှတ်ခြင်းများ ပြုလုပ်ပြီး၊ တပ်ခွဲရှိ ရဲဘော်များ တဝက်ပွဲကြည့် တဝက်ကင်းချရန် ညွန်ကြားလိုက်သည်။ စစ်ကြောင်းမှူး ငှားလာသော အငြိမ့်အဖွဲ့သည် ဖါးကပ်ရွာ၌ စတင် ကပြလျှက်ရှိသည်။
ဆိုင်းသံ၊ ဗုံသံက တညံညံ …
ရယ်သံက တဝေါဝေါ …

ကျနော်နှင့် ဖလူး တိုက်ပွဲ Posted by on June 26, 2010

ကျနော်တို့တပ်ဖွဲ့ ၁၉၈၉ ခုနှစ်၊ မေလ ၂၇ ရက်နေ့ ဝမ်းခါသစ်တိုက်ပွဲပြီး တပ် နေရာချိန်းရန်ပြင်ဆင်နေကြသည်။ ကျနော်တို့နေခဲ့သော ထိပ်တိုက်နေရာသည်၊ ၁ဝ၁ စခန်းတွင်းရှိ အမာခံတပ်ဖွဲ့များ တပတ်တကြိမ်သွားရောက် တာဝန်ယူ ရသောနေရာဖြစ်သည်။ ကျနော်တို့ တပတ်ပြည့်ပြီးဖြစ်၍ ထိုနေရာသို့ ၁ဝ၁ မှ ဗိုလ်ကြီးဖေါဒို ယခု ဒုတိယဗိုလ်မှူးကြီး ၁ဝ၁ တပ်ရင်းမှူး၊ မိမိနှင့် NDF ဗိုလ် သင်တန်းအပတ်စဉ် ၁ အတူတက်ခဲ့သူဖြစ်သည့် အဖွဲ့လာရောက်တာဝန်ယူ မည်ဖြစ်သည်။ မိမိတို့တပ်ဖွဲ့ နောက်ပိုင်းသို့ပြန်လည်နေရာယူ၍ အနားယူ မည် ဖြစ်သည်။
နောက်ပိုင်းသို့ပြန်လည်အနားမယူမီ မိမိတို့ ရန်သူထံမှ သိမ်းဆီးရရှိသော လက် နက်မျိုးစုံ ၇၉ လက်အား ၁ဝ၁ တပ်ရင်းမှူးသို့ ဆက်သွယ်ရေးစက် PRC တလုံး ကိုအပ်ပြီး ကျန်လက်နက်များအား မိမိတို့တပ်ဖွဲ့ကိုတပ်ဆင်ရန် ယူထားလိုက် သည်။ သိမ်းဆီးရလိုက်သော လက်နက်များမှာ ကာဘိုင်၊ ဂျီ ၂ ၊ ၃ ၊ ၄ ၊ M ၇၉ ၊ BA ၉၃ ၊ Browning Pistol ၂ လက်၊ ဖြစ်သည်။
မှတ်ချက်…
ဝမ်းခါသစ်တွင် သိမ်းပိုက်ရရှိလိုက်သော ရန်သူ့လက်နက်များဖြင့် မိမိတို့တပ်ဖွဲ့ကို တတ်ဆင်သည်။ ထိုလုပ်နည်းသည် ကရင်အမျိုး သား လွတ်မြောက်ရေးတပ်မတော် တပ်မတော်ထောက်ပံ့ရေး မူ ၃ ရပ်အနက်၊ မိမိတပ်မတော်ကို ရန်သူ့လက်နက်ဖြင့် ထောက်ပံ့ရ မည်ဟု လမ်းညွန်ချက်အတိုင်း ကျင့်သုံးလိုက်ခြင်းဖြစ်သည်။ သိမ်းပိုက်ရရှိထားသော Browning Pistol ၂ လက်အား မိမိတပ်ဖွဲ့၏ တပ်စုမှူးနှစ်ဦးအား ဆုအဖြစ်ပေးလိုက်သည်။ မိမိကိုင်ဆောင်ထားသော Browning Pistol မှာ ဖါးကပ်တိုက်ပွဲတွင် သိမ်းပိုက်ရရှိထား သော မ ၃ ဗိုလ်မြင့်အောင် (သို့မဟုတ်) ဗိုလ်မြင့်ဝင်းကြူ၏ ပစ္စတိုဖြစ်သည်၊ နံပါတ်မှာ T-4774 ဖြစ်သည်။ မိမိခံယူချက်မှာ အထက် အရာရှိမှ ထုတ်ပေးသော၊ ကိုယ်ပိုင်ငွေဖြင့်ဝယ်ယူသော ပစ္စတိုကိုစစ်ချပ်ဝတ်တန်ဆာတွင် ချိတ်ခြင်းထက်၊ ရန်သူ့ထံမှသိမ်းဆီးရရှိသော ပစ္စတိုကို ဂုဏ်ယူဝင့်ကြွားစွာ ချိတ်လိုသည်။
မိမိတို့တပ်ဖွဲ့တွင် လက်နက်အင်အားတောင့်တင်းလာပြီးဖြစ်သည်။ စာရင်းအရ ၇၉ လက် တင်ပြထားသော်လည်း မိမိတို့ ရဲဘော်များ ဝေါ်လေ အောက်စခန်းပြန်ရောက်သောအခါ စာရင်းထက်ပိုများနေသည်။ ကာဘိုင် လေးလက်၊ M ၇၉ သုံးလက်တို့ကိုဖြုတ်ပြီး ကြော ပိုးအိပ်ထဲ ဝှက်ယူလာခဲ့သည်။
“ဟေ့ ကောင်တွေ ဘာကြောင့် ဒီလိုလုပ်ခဲ့တာလဲ။”
“ကျနော်တို့က ကာဘိုင်နဲ့ M ၇၉ ကို ရည်းစားထက်ပိုချစ်တယ်ဗျ၊ အသက်ပေးပြီး တိုက်ယူခဲ့ရလို့ပါ”
“ကောင်းတယ်ကွာ၊ ဒို့တပ်လဲ တိုးချဲ့ဖွဲ့စည်းဖို့ဖြစ်တော့ သေနတ်လိုနေတာနဲ့အတော်ပဲ၊ တပ်စိတ်တစိတ် အနည်းဆုံး တပ်စိတ်မှူးကို ကာဘိုင်၊ ဒုတိယတပ်စိတ်မှူးကို M -၇၉ ၊ အဖွဲ့ခေါင်းဆောင် Team leader ကို RPD စက်လတ် တပ်ဆင်ပေးဖို့ စဉ်းစားထားတယ်” ခြေမှုန်းရေးလက်နက်အင်အားကောင်းအောင် ကျနော်တို့ RPG ၂ ၊ ၅ ၊ ၇ လိုနေတယ်ဗျ။ ဘယ်လိုရအောင်လုပ်ရမလဲလို့ စဉ်းစားတော့၊ တပ်မဟာ (၆) မှာ KE Kawthoolei Engineer ဌာနရှိသည်၊ တာဝန်ခံက ဖူးရော်ဘင် ဖြစ်သည်။ လက်နက်ထုတ်လုပ်တဲ့ ဌာနဖြစ် သဖြင့် ကျနော်တို့လိုအပ်နေသော လက်နက်ထုတ်ပေးနိုင်သည်၊ ထိုကြောင့် သူ့ဆီသွားပြီးအပူကပ်သည်။
“ဖူး ကျနော်တို့ RPG လိုချင်တယ်” “ဟ ကောင်တွေ၊ အလကား ဘယ်ရမလဲကွ” “ ကျနော်တို့မှာ ပိုက်ဆံမှ မရှိတာ” “ဒီလိုဆို ငါ့ပြောင်းဖူးတွေ ခွာပေးရမယ်” “မြတ်စွာဘုရား ပြောင်းဖူးတွေကို လက်သဲနဲ့ခွာပေးရ မယ်” တဲ့။ “ငါနဲ့ တပ်စိတ်တစိတ်လိုက်ခဲ့” ဟု ညွှန်ကြားပြီး ကျနော်တို့ ဖူးရော်ဘင် KE စခန်းတွင်ပြောင်းဖူးသွားခွာနေပါတော့သည်။ လက်သဲတွေ နာလိုက်သည့်ဖြစ်ခြင်း။ တောင်ယာတခုလုံးကထွက်သည့် ပြောင်းဖူးသီးများကို ခွာနေကြသည်။ ဖူးရော်ဘင်ကလည်း ဘယ်လောက်အခိုင်း ရက်စက်သလဲဆို လျှင်၊ တောင်ယာပါ ဆက်ခုတ်ခိုင်းလိုက်သေးသည်။ မတတ်နိုင်၊ ဆက်ခုတ်ပေးကြစဉ် စစ်ဆင်ရေးလုပ်ငန်းတခု ပေါ်ထွက်လာသဖြင့် မိမိတို့ စခန်းသို့ပြန်ရန်ပြင်ဆင်နေစဉ်၊ KE လုပ် RPG ၂ နှစ်လက် အပြင် RPG ၇ တလက် ၆ဝ မမ တလက်ပါ လက်ဆောင်အဖြစ် ပေး လိုက်ပါသည်။
“ပင်ပန်းခဲ့သမျှအားလုံး ဘယ်ရောက်ကုန်လဲ မသိတော့ဘူးဗျား” ဟု RPG ကိုဖက်ထားပြီး ပြောလိုက်သူကတော့ ကျဆုံးလေပြီးသော (မွစ္စလင်သူရဲကောင်း) ရဲဘော်ဘာဂျာမွတ်ဖြစ်သည်။ ရဲဘော်များ ပျော်မဆုံးတပြုံးပြုံးနဲ့ ဝေါ်လေ စခန်းသို့ပြန်လည် ရောက်ရှိလာကြပါ တော့သည်။
ကျနော်တို့ စခန်းတဘက်တွင် ကြံခင်းရှိသည်။ ကြံခင်းရှင်က သူ့ကြံတွေ ရဲဘော်များကိုပေးစားသည်။
“ရဲဘော်တို့၊ ကြံခင်းရှင်က ဒို့ကို သူ့ကြံတွေ ကြွေးတယ်ကွ၊ သွားစားလို့ရတယ်။ ဒါပေမဲ့ စခန်းထဲယူလာပြီးမစားနဲ့၊ အမိုက်ရှုတ်တယ်၊ ဟိုဘက်ကမ်းမှာပဲစား” ဟု
ညွန်ကြားထားသည်။ နောက်နေ့ မိမိစခန်းတွင်းရောက်သော် စခန်းတွင်း၌ ကြံဖတ်များဖြင့် ရှုတ်ပွနေသည်။
“ဘယ်သူတွေကြံစားပြီး အမှိုက်ရှုတ်ထားတာလဲကွ” ဟု မေးရာဖြေသူမရှိသဖြင့်၊ အားလုံးတန်းစီခိုင်းပြီး၊ “မင်းတို့ကို ကြံစားခွင့်ပေး တယ်၊ အမိုက်မချဖို့ပြောတယ်၊ ခုဘယ်သူမှမလုပ်ဘူးဆိုတော့ ဘယ်ခွေးမသားက လာချတာလဲကွ”
“တရာခံမတွေ့ရင်၊ မင်းတို့အားလုံး အပစ်ရှိတယ်၊ ဒုတ်ယူမလား၊ ဒဏ်ယူမလား” ဟု
မေးလိုက်ရာ၊ ရှေ့ထွက်သတိဆွဲ ဖြေသူကတော့ မိမိသားထွေး ဆာဒူးဒူးဇန်၊ ယခု အမေရိကန်နိုင်ငံသားအဖြစ်ခံယူပြီးချိန်၌ ကော်သူး လေဇန် ဟု အမည်ပြောင်းလိုက်သည် က၊ “ဒဏ်” ယူမည် ဟုဖြေလိုက်သည်။ “ဒါဆို ရင် မင်းတို့အားလုံး ပါးစပ်ဟထား၊ စားပြီးအမှိုက် ပစ်အုံးကွ”
ရဲဘော်အားလုံး ပါးစပ်ဟထားကြသည်။ ပေးတဲ့အပစ်ကို ခံယူကြသည်။
မှတ်ချက်…
မိမိရဲဘော်များဘာ့ကြောင့် မိမိအမိန့်ကို နာခံကြပါသနည်း။ ရဲဘော်တွေကို ဘဝကဖြစ်တဲ့ သားတွေအဖြစ်သဘောထားသည်၊ သွေးက ဖြစ်တဲ့သားလို တတန်းထဲထားသည်၊ မေတ္တာပေးသည်၊ ပေးတဲ့ မေတ္တာတွေရောင်ပြန်ဟပ်သည်၊ တန်းတူအခွင့်အရေးပေးသည်။ မိမိ ရဲဘော်များအတွင်း စကောကရင်၊ အရှေ့ပိုးကရင်၊ အနောက်ပိုးကရင်၊ ရခိုင်၊ ဗမာ၊ ဘင်္ဂါလီကုလား၊ ကရင်ပြည်ဘွား မွစ္စလင်များရှိ သည်၊ လူမျိုးစုံသည်။ လူမျိုးစုံနဲ့ ဖွဲ့စည်းတားသည့် ပြည်ထောင်စုအငယ်လေးဖြစ်သည်ဟု ခံယူသည်၊ သူတို့ကိုလေးစားသည် လခတ ပြားတချပ်မှမရပဲ အမျိုးနဲ့တိုင်းပြည်အတွက်ပေးဆပ်နေကြသည့် တန်ဘိုးမဖြတ်နိုင်သော သားကောင်းရတနာများအဖြစ် လေးစား တန် ဘိုးထားသည်၊ စစ်မြေပြင်တွင် Follow Me Policy ကိုကျင့်သုံးသည်။ အန္တရာယ်များတဲ့ နေရာတွေမှာ သူတို့ကို ဘယ်တော့မှ မထား၊ မလွှတ်၊ မိမိကိုယ်တိုင် စစ်ဆေး၊ ကြည့်ရှုပြီး အန္တရယ်ကင်းမှသူတို့ကိုနေရာချသည်။ တန်းတူမှု အပြန်အလှန်လေးစားမှု ဒီမိုကရေစီ ကျင့်သုံးမှုများကြောင့် မိမိအမိန့်ပေးမှုများ ရဲဘော်များအတွင်း စိမ့်ဝင်လျှက်ရှိသည်။ ထို့ကြောင့် မိမိအမိန့်ကို နာခံကြခြင်းဖြစ်သည်။
၁၉၈၉ ခုနှစ် အစောပိုင်းကာလ။
ကရင်အမျိုးသားလွတ်မြောက်ရေးတပ်မတော်၊ တပ်မဟာ (၆) စစ်ဒေသ၊ ကုန်သွယ်ရေး ဂိတ်တခုဖြစ် သော သေဘောဘိုး စခန်းရှိသည်။ ကုန်သည်များ နေ့စဉ် ထောင်ဂဏန်းချီ၍ လာရောက်ကြသည်။ အထမ်းသမားများ၊ ကျွဲ၊ နွား ကုန် သည်များ၊ အချိုမှုန့်၊ အဝတ်အထည်၊ စက်ဘီးတာယာ စသည့် တိုင်းပြည်မှလိုအပ်နေသည့် ပစ္စည်းများလာရောက်ဝယ်ယူနေကြသည်။
၈၈ ပြည်သူ့အရေးတော်ပုံကြောင့် တိုင်းရင်းသားလူမျိုးစုံပြည်သူများ သေဘောဘိုး စခန်းသို့ရောက်ရှိလာကြသည်။ နေ့စဉ် လူ ၁ဝဝ ၊ ၂ဝဝ ၊ ၃ဝဝ ၊ မှ ထောင်ဂဏန်းအထိရှိလာသည်။ သေနတ်ပေးပြီး ပြန်တိုတ်ကြမည်၊ သေနတ်ပေးရန်တောင်းဆိုလာကြသည်။
တပ်မဟာ (၆) တက်မဟာမှူး၊ ဗိုလ်မှူးကြီးရွှေဆိုင်း
တနေ့ တပ်မဟာ (၆) မှူး ဗိုလ်မှူးကြီးရွှေဆိုင်း (ကွယ်လွန်) နောင် ဗိုလ်ချုပ်၊ KNU ဒုတိယဥက္ကဋ္ဌ နှင့် NDF ဥက္ကဋ္ဌ ဖြစ်သူမှ မိမိအား တွေ့လိုကြောင်း အရာရှိတဦး လာရောက်သတင်းပို့သဖြင့်၊ သူ့နှင့် သွားတွေ့သည်။ “သေဘောဘိုးစခန်းကိုရောက်လာတဲ့ လူတွေပြန် တိုက်ဖို့ သေနတ်တောင်းနေတယ်၊ ဒီအတိုင်းပေးလို့တော့မဖြစ်ဘူး၊ စစ်မြေပြင်မှာ ဒုိ့ရဲဘော်တွေနဲ့ သဟဇာတဖြစ်ဖို့ သင်တန်းပေး ရန် လိုတယ်၊ ခင်ဗျားသင်တန်းပေးဖို့စီစဉ်” ရန်ညွန်ကြားသဖြင့် သင်တန်းပေးနိုင်မည့် ရဲဘော်များကို မိမိတပ်ဖွဲ့အတွင်း၌ ရှာရသည်။
ရဲဘော်တင့်လွင်၊ တတိယနိုင်ငံရောက် ရဲဘော်ငြိမ်းငြိမ်း၊ တတိယနိုင်ငံရောက် ရဲဘော်ကျော်ကျော်၊ တတိယနိုင်ငံရောက်ရဲဘော်ထူးထူး (ဆုံး)၊ ရဲဘော်ဇော်ဇော် (ဆုံး) ၊ ရဲဘော်ငမဲ (ကျော်ဆန်း) အမှောင်ထဲတွင် ခြင်မမြင်လောက်အောင်မဲသည်၊ မွစ္စလင်ရဲဘော် (ဆုံး)၊ ရဲ ဘော်သန်းဖြူ (မူးယစ်ဆေးဝါးမှုဖြင့် ထိုင်းထောင်တွင် တသက်တကျွန်းထောင်ကျနေ) စသည့်ရဲဘော်များဖြင့် သင်တန်းမှူးများအား ရွေးချယ်ပြီး သေဘောဘိုးစခန်းသို့ ချီတက်သွားကြသည်။
မှတ်ချက်…
မိမိတို့တပ်ဖွဲ့တွင် လူမျိုးစုံသည်၊ ကရင်စကားပြောလို့ တခြားလူမျိုးများနားမလည်၊ ကရင်အချင်းချင်းတောင် စကောကရင် စကားကို အ ရှေ့ပိုးကရင်၊ အနောက်ပိုးကရင်များ အကုန်လုံးနားမလည်၊ လူမျိုးခြားဆို ဝေးရော၊ စက်စကားပြောရာတွင်၎င်း၊ အချင်းချင်း စကား ပြောကြရာတွင် ဗမာစကားကိုသာပြောကြသည်။

ကျနော် နှင့် ယွားဟေလူ သို့မဟုတ် ပွိုင့် ၄၉၁ အပိုင်း (၃) Posted by on May 19, 2010

စီမံချက်အဆင့် ၁ ဖြစ်သည့် ကီးဒိုကုန်း ခိုင်မာရေးကို စတင် လုပ်ကိုင်ရန် တပ်မှူးများကို ခေါ်ယူလိုက်သည်။ ကီးဒိုကုန်း ထိပ်ရှိ ခြုံနွယ်။ မျက်ပေါင်းများ သစ်ပင်များကို စုပေါင်းရှင်းရန် ဗိုလ်တင့်လွင်နှင့်အဖွဲ့ ဝါးခုတ်ရန် ဗိုလ်နောင်နောင်နှင့်အဖွဲ့ အိမ် ဆောက်ဖို့ အိမ်တိုင်ခုတ်ရန် ဗိုလ်သောထူးအဖွဲ့၊ ကီးဒိုကုန်းပတ် လည် ကတုတ်ကျင်းထူးရန် ဗိုလ်ကော်လာနှင့်အဖွဲ့တို့ကို အသီး သီး တာဝန်ပေးအပ်လိုက်သည်။ ၇ ရက် တပတ်အတွင်း အပြီး လုပ်ကိုင်ကြရမည်။ စီမံချက်အတိုင်း ရဲဘော်များ တက်ညီလက် ညီ လုပ်ကိုင်နေကြပါပြီး။

img

The enemy of my enemy is my friend ဆိုသည့် ခေါင်းဆောင်ကြီး စောဘဦးကြီး၏ လမ်းညွန်ချက်အတိုင်း လုပ်ဆောင်ရန် မိမိတို့တောင်ဘက်ပိုင်းရှိ (ဒညတ) ဗိုလ်သွေးအဖွဲ့ကို စည်းရုံးရန်ပြင်ဆင်သည်။ လူအင်အား၊ လက်နက်အင်အားတို့ကိုလေ့လာသည်၊ တပတ်အတွင်း ဗိုလ်သွေးတို့ အခြေအနေစုံကိုရရှိသည်။ ဗိုလ်သွေးသည် အန်းထောင်း တဘက်နိုင်ငံတွင်းရှိ ရွာတွင် ထိုင်းအမျိုးသမီး နှင့် အိမ်ထောင်ကျနေသည်။
မှတ်ချက်…
ဗိုလ်သွေးသည် ဒေါက်တာမန်းမြင့်ဆိုင်၏ ညီအကိုဝမ်းကွဲတော်သည်၊ တပ်ရင်း (၁ဝ) မှ မသင်္ကာသဖြင့် ဖမ်းဆီးစစ်ဆေးခြင်းခံရစဉ် အ ညှင်းခံထားရသဖြင့် KNU ကို စိတ်နာနေသူဖြစ်ကြောင်း သိရသည်။ လူအင်အား ၃ဝ ခန့်ရှိပြီး လက်နက် လေးငါးခြောက်လက်ခန့်သာ ရှိသည်ဟု သိရှိရသည်။ ဗိုလ်သွေးနှင့်တွေ့ရန်အတွက် ဗမာစကားတတ်သော ထိုင်းရွာသား ဦးနေအေး ကိုခေါ်ယူ “ကျနော် ဗိုလ်သွေးနဲ့ တွေ့ချင်တယ်။ သူ့နဲ့တွေ့နိုင်အောင် စီစဉ်ပေးပါ” ဟု ပြောလိုက်သည်။ သုံးလေးရက်အတွင်း ဗိုလ်သွေးနှင့် အန်းထောင်းရွာတွင်တွေ့ သည်။ မြစ်ဝကျွန်းပေါ်သားချင်းလည်းဖြစ်၊ မိမိအကြောင်းကို သိရှိထားပြီး ဥက္ကဋ္ဌကြီးမန်းဘဇန်၏ ဂုဏ်အရှိန်ကြောင့်လည်း ဖြစ်နိုင် သည် ဘာပြသနာမျှမရှိဘဲ တွေ့ဆုံပွဲချောမောအောင်မြင်ပါသည်။ စည်းရုံးရေး ပဋ္ဌမအဆင့်အောင်မြင်သွားပြီး ဖြစ်သည်၊ ဆက်လက် စည်းရုံးရအုံးမည်၊။
နောက်တပတ် ရိက္ခာကိစ္စ ချုံဖေါင်းတွင် တပ်ထောက်ဗိုလ်သန်းဝင်း နှင့် ဝယ်ရန်အသွား ဗိုလ်သွေး ကို ဝင်တွေ့သည်။ အိပ်ရာတွင်မူးနေ သည်။ သောက်ထားသည်မှာ တပတ်ခန့်ရှိနေကြောင်းသိရှိရသည်။ နောက်များမကြာမီ ဗိုလ်သွေးကိုသွားတွေ့သည်။ ၎င်းစခန်းသို့သွား လည်ရန် ဘိတ်ခေါ်သဖြင့်သွားလည်သည်။ စခန်းကိုဝင်သည်နှင့် ဆေးခြောက်အနံ့များနှင့် ဆီးကြိုသည်၊ ဆေးခြောက်ရှူထားလို့ထင် သည်။ မျက်စေ့နှစ်ကွင်းစလုံးနီရဲနေကြသည်၊ စစ်ဝတ်စုံဝတ် ထားသူတဦးနှစ်ဦးသာရှိပြီး ကျန်အရပ်ဝတ်များသာဖြစ်သည်။ မိမိတို့ ကီးဒို ကုန်းတောင်ထိပ်ပတ်လည်၌ ၁ဝ လန်ကွာ တဲအိမ်များဆောက်ပြီးနေပါပြီး။ အလံတိုင်စိုက်ထူရန်နေရာ၊ တန်းစီလူစစ်ရန်ကွင်းနေရာပြင် ရန် ရှိနေသည်။ မြေမညီသဖြင့် မြေညှိရန်ရှိသည်။ နောက်တပတ်အပြီးမြေညှိရန် စီမံရပြန်သည်၊ ဗိုလ်ကော်လာနှင့်အဖွဲ့ ဆက်သွယ်ရေး မြောင်းတူးရာဝယ် ပြီးသလောက်ရှိနေပါပြီး။ မိမိတပ်ဖွဲ့ရှိ တပ်မှူးများမြေပုံဖတ်နည်း Compass ကြည့်နည်း၊ လက်နက်ကြီးပစ်နည်း စ သည့်စစ်ပညာများကို တတ်မြောက်ထားကြပြီး ဖြစ်သည်။

ကျနော် နှင့် ယွားဟေလူ သို့မဟုတ် ပွိုင့် ၄၉၁ (နိဂုံးပိုင်း) Posted by on May 29, 2010

မိမိတို့ တောင်ဘက်နှင့် မြောက်ဘက်ရှိညီအစ်ကိုများနှင့် နား လယ်မှုရရှိပြီးဖြစ်သဖြင့် ယွားဟေလူစခန်းကို ခိုင်မာစွာတည် ဆောက်ရန် စီမံရပြန်သည်။ တပ်ကြပ်ကြီးတင်ထွန်း (ကျဆုံး) ဦးစီး တပ်စိတ်တစိတ် နယ်နယ်မြေကျွမ်းကျင်ရန်နှင့် ကင်းရှည် ထိုးရန်။ နာကဖရောင် သို့စေလွတ်လိုက်သည်။ ခံစစ်စခန်း ခိုင် မာစေရန် ပြင်ဆင်ရာတွင် ကီးဒိုကုန်းကို မိမိကြည့်ခဲ့ဘူးသော ဗီယက်နမ်စစ်ပွဲ အမေရိကန် ရုပ်ရှင် Humberger Hill ကား အတိုင်းစီမံသည်။ ကီးဒိုကုန်းသည် စီမံချက်အတိုင်း ပြီးလုနေ ပါပြီး။ ဆက်သွယ်ရေးမြောင်း၊ ကတုတ်ကျင်း၊ တောင်စွယ်သုံး စွယ်ထိပ်ရှိ ကတုတ်ကြီးနှစ်လုံးစီ၊ ခြံစည်းရိုးသုံးထပ် အားလုံး ပြီးနေပါပြီး။ ဗိုလ်ကျော်လှနှင့် မိုင်းဗုံးအဖွဲ့ ခြံစည်းရိုးကြား ဝါး ညှောင့်စိုက်နေကြသည်။ ဗုံးအဖွဲ့ လေးယောက် တရက်၊ တယောက် ၁၅ လုံးနှုံး ဗုံးထောင်နေကြသည်။ ဗုံးအဖွဲ့အတွင်းမှ (တပ်ရင်း စံ ပြဆုတံဆိပ်) ရရှိရန်အလားအလာရှိသော ရဲဘော် နန်းအောင် ကိုယ့်မိုင်းကိုထိပြီး လက်နှစ်ဖက်စလုံးပြတ်သွားသည်။ မိမိတို့တပ်ရင်း အတွက် ကြီးမားတဲ့ဆုံးရှုံးမှုကြီး ဖြစ်သည်။
မှတ်ချက်…
ခံစစ်သေစစ်ရေးကိုဆန့်ကျင်၊ ခံစစ်ရှင်စစ်ရေးကို ကျင့်သုံးရန် ၁၉၆၃ ခုနှစ်။ ဖလိုးခီး ဗဟိုနိုင်ငံရေး စစ်ရေးသင်တန်း၌ သင်တန်းမှူး တ ဦးဖြစ်သော ဗိုလ်ချုပ်တင်ဦး (ဖူးတာအယ်) ထိုစဉ်က (KPLA) (Karen People Liberation Army) ဒုတိယစစ်ဦးစီးချုပ်။ ပို့ချခဲ့သော စစ်ရေးဝိဇ္ဇာဘာသာရပ်ကို မှတ်ယူခဲ့ပြီးဖြစ်သည်။ မိမိစီမံချက်မှာ (ယွားဟေလူ) စခန်းအား တလတိတိ ရန်သူ့ထိုးစစ်ခံနိုင်ရန် ရည်ရွယ် သည်။ ထိုးစစ် ကာလအတွင်း ရန်သူကို မိမိအတွင်းစည်းဝိုင်းအတွင်းမြူဆွယ်ပြီး နောက်ပိုင်းမှ ပိတ်ဆိုးရန်ဖြစ်သည်။ နယ်မြေအနေအ ထားအရ။ သွားလာရန်မလွယ်။ ထို့ကြောင့် ရန်သူကိုတိုက်ခိုက်ရန် စည်းဝိုင်း (၃) ဝိုင်း စီမံထားခြင်းဖြစ်သည်။ အလယ်စည်းဝိုင်း ရန်သူ ကို ပြောက်ကျားပစ်ပြီး အပြင်စည်းဝိုင်းသည်။ ရန်သူ့ထောက်ပို့ကို တိုက်ခိုက်ရန်ဖြစ်သည်။

img

အလယ်စည်းဝိုင်းနှင့် အပြင်စည်းဝိုင်းရှိရန်သူကိုတိုက်ခိုက်ရန် ကျည်နှင့် ရိက္ခာပြင်ဆင်ရမည်ဖြစ်သည်။ ရိက္ခာတာရှည်ခံနိုင်ရန်အတွက် မိမိတို့စဉ်းစားကြရာ မြေကြီးအောက်မြှုတ်ထားရန်ဖြစ်သည်။ တာရှည်ခံနိုင်ရန်အတွက် ဒီဇယ်တိုင်ကီပုံးများကိုဝယ်သည်။ ဆီနန့်ပျောက် ရန်အတွက် ပုံးထဲသို့ ဆပ်ပျာမှုန့်ထည့် ရေထည့်ပြီး မီးတိုက်သည်။ နောက်ရေဆေးပြီး အချောက်ခံလိုက်သောအခါ ဆီနန့်မရတော့ပေ၊။ တိုင်ကီပုံးတလုံး ဆန်နှစ်အိတ်ခွဲဆန့်သည်။ ခလရ (၂၂၄) ဌာနချုပ် ဘုတ်ပြင်းနှင့် အနီးဆုံးနာရီဝက်ခရီး တိုင်ကီပုံးနှင့် ဆန်များထမ်းပြီး မြေမြှုပ်ဖွက်ထားလိုက်သည်။ AK နှင့် M ၁၆ ကျည်များကိုပါ ဝှက်ထားလိုက်သည်။ အလယ်စည်းဝိုင်း ပြောက်ကျား ၅ ယောက်တဖွဲ့ ၅ ဖွဲ့ နေရာချထားသည်။ တိုက်ပွဲကာလ ၎င်းတို့စားရန် တိုင်ကီပုံးတပုံးစီမြှုပ်ထားရန် စီစဉ်ထားပြီးဖြစ်သည်။
မှတ်ချက်…
ခံစစ်ဟာ သေတွင်းဖြစ်တယ်ဆိုတာသိတယ်၊ ဘာကြောင့် ယွားဟေလူစခန်းမှာ တလတိတိ ရန်သူကိုဆွဲတိုက်ရသလဲဆိုတော့ ကော်မူး ရာ ဝမ်းခါစခန်းတိုက်ပွဲစဉ်တလျှောက်လုံး ရန်သူ့ထိုးစစ်မှန်သမျှကို ခုခံနိုင်ခဲ့လို့ ကရင့်တပ်မတော်ရဲ့ ဂုဏ်သိက္ခာမြင့်မားခဲ့တယ်။ မဲ ဆောက်မြို့မှာကြိုက်သလိုဝင်ထွက်နိုင်တယ်။ ထိုင်းတွေ ကရင့်တော်လှန်ရေးကို လေးစားတယ်။ မိမိတို့ မိုးတောင်ရောက်တော့ အခိုင် အမာစခန်းဆောက်ဘို့ အကြံပြုကြည့်တယ်။ “ခံစစ်ရှင် ပြောက်ကျားပဲ အခိုင်အမာစခန်း မလိုဘူး” လို့ တာဝန်ရှိသူမှ ပြန်ပြောပါတယ်။ တကယ့်တကယ် မိုးတောင် ကို ရန်သူထိုးတော့ တရက်မခံဘူး ဆုတ်ခဲ့ရတယ်။ ပြင်ဆင်မှုမရှိတော့ သိက္ခာမဲ့စွာနဲ့ဆုတ်လိုက်ရတယ်။ ထိုင်းတွေကဘာပြောသလဲဆိုတော့ “ချစ်ဖိုင်ကလယံ” တဲ့။ ကရင်တွေ အဆဲခံရတယ်။
ထိုသို့အဆဲမခံရရေးအတွက် ပြင်ဆင်နေခြင်းဖြစ်သည်။ တလတိုင်ခံတိုက်ပြီး ဘယ်လိုဆုတ်မလဲ၊ ဘယ်ကိုဆုတ်မလဲဆိုသည်ကို စဉ်း စားသည်။ ဆုတ်မယ့်နေရာကတော့ ဃိုသဲလူ ဆိုသည့်နေရာဖြစ်သည်။ ထိုနေရာကို ပြင်ဆင်ရန် ဗိုလ်အယ်ခလေး တပ်ခွဲကို တာဝန် ပေးလိုက်သည်။ ဃိုသဲလူ ကို ဆုတ်ရင် ထိုင်းရွာကိုဖြတ်ပြီး ဆုတ်ရမည်ဖြစ်၍ ထိုင်းပြည်သူများ ထောက်ခံမှုရရှိ အောင်လုပ်ရန် လိုအပ် ပါသည်။ ထို့ကြောင့် လစဉ်တပ်တွင်းစည်းဝေးပွဲတခုတွင်…
- ရန်သူ့ထိုးစစ်တလခံနိုင်ရန်အတွက် ကီးဒိုကုန်း ခံစစ်ဒုတိယအဆင့်ကိုပြင်ဆင်မည်။
- ပွိုင့် (၄၉၁) ကုန်းတွင် ခံစစ်နေရာပြင်မည်။
- ထိုင်းရွာသားများကိုစည်းရုံးရမည်။
- ၁၂ဝ မမ စိန်ပြောင်း Delay ခံနိုင်မည့် ဥမင်လှိုင်ခေါင်းတူးရန် စီမံချက်များချမှတ်လိုက်သည်။ ထိုစီမံချက်များအတိုင်းလုပ် ဆောင်ရန်တာဝန်များခွဲဝေလိုက်သည်။
- ဗိုလ်ကြီးတင့်လွင်အား ထိုင်းသစ်လုပ်ငန်းမှ Bull Dozer ကိုခေါ်၍ ကီးဒိုကုန်း ခြံစည်းရိုး ၃ ထပ်အောက်ဘက် ၁ဝ ပေအမြင့်ရှိ အောက်မြေသားများအား ကော်ထုတ်ခိုင်းရမည်။ ရန်သူအလွယ်တကူ ကျားမထိုးနိုင်ရန်ဖြစ်သည်။ ဒုတိယအဆင့်ဖြစ်သည်။ ထိုအဆင့် ၌ ကီးဒိုကုန်းထိပ်သို့တက်နိုင်သည့် တောင်ကြောသုံးကြောလုံး၏ ထိပ်၌ ကတုတ်နှစ်လုံးစီဆောက်ရန် တာဝန်ပေးလိုက်သည်။
- ပွိုင့် ၄၉၁ ကုန်းတွင် ခံစစ်နေရာပြင်ရန် ဗိုလ်ထူးထူးတပ်စုကို တာဝန်ပေးသည်။ ကတုတ်များ၊ ဆက်သွယ်ရေးမြောင်း၊ ခြံစည်းရိုး၊ ကီးဒို ကုန်းကဲ့သို့ ၁ဝ ပေအမြင့်ရှိ အောက်မြေသားများကော်ထုတ်ရန်ဖြစ်သည်။
- ၁၂ဝမမ စိန်ပြောင်း Delay ခံနိုင်မည့် ဥမင်လှိုင်ခေါင်းတူးရန် ဗိုလ်ကော်လာတပ်စုကိုတာဝန်ပေးသည်။ မိမိတို့ရှိသော ၈၁ မမ စိန် မြောင်းနေရာမှစတင်၍ ကီးဒိုကုန်ကိုပတ်ပြီး စတင်တူးရမည်။ တဖွဲ့သည်ဘယ်ဘက်မှစတူးပြီး ကျန်တဖွဲ့သည် ညာဘက်မှစတူးရမည်။ ဥမင်၏ အပေါ်မြေသားပြိုမကျရေးအတွက် ဒေါင့်ထောက်ရန် သစ်တိုင်နှင့်သစ်လုံးခုတ်ရန် ဗိုလ်ထွန်းမြင့်တပ်စုကို တာဝန်ပေးလိုက် သည်။
မှတ်ချက်…
မိမိဘတ်ဘူးသော The Tunnel of Cuchi စာအုပ်တွင် ဗီယက်နမ် အမျိုးသားလွတ်မြောက်ရေးတပ်ဦး ပြောက်ကျားတပ်ဖွဲ့များ တိုက် နည်းကိုယူ မိမ်ိရဲဘော်များ အထိအခိုက်နည်းစေရန်နှင့် တလခံမည့် ခံစစ်စီမံချက် ဖြစ်သည်။
- ထိုင်းရွာသားများကို စည်းရုံးရန်မိမိနှင့် တပ်ရင်းရုံးအဖွဲ့တာဝန်ယူသည်။ စီမံချက်ကာလ ၃လဖြစ်သည်။ စီမံချက်များအတိုင်း ရဲဘော် များ တက်ညီလက်ညီ လုပ်ကိုင်လျှက် ရှိသည်။ မိမိနှင့် တပ်ရင်းရုံးအဖွဲ့ စတင်လှုပ်ရှားတော့သည်။ မိမိတို့ တပ်ရင်းရုံးအောက် ထိုင်းနိုင်ငံဘက်ခြမ်း တောင်ခြေတွင် ထိုင်းဘုန်းကြီးကျောင်းရှိသည်။ ဘုန်းကြီးတပါးနှင့် ကပီယတဦးသာတွေ့သည်။ ဖက်မိုး။ ဝါးထရံ ကာ။ ပြင်ခင်းသည့် ဘုန်းကြီးကျောင်းလေးဖြစ်သည်။ ခြုံများအပြည့်ဖြစ်နေသည်။ သုံးရေတွင်းတတွင်းရှိသည်။ ခြုံများအုပ်နေသည့်ပြင် ခတ်တိမ်တိမ်တူးထားသည်။
မှတ်ချက်…
လူထုစည်းရုံးရေးလုပ်ရာတွင် သြဇာရှိပြီး လူထုရိုသေ လေးစားမှုခံရသော၊ ဘုန်းကြီး၊ သင်းအုပ်ဆရာ၊ ဗလီဆရာများကို စတင်စည်း ရုံးရမည်။ ထိုမှတဆင့် လူထုလုပ်ငန်းများရှာလုပ်ရမည်။ ထိုခေါင်းဆောင်များ၏ ထောက်ခံမှုကို အရင်လုပ်ရမည်။
- စစ်တိုက်ရင်း စည်းရုံး၊ စည်းရုံးရင်းစစ်တိုက်၊ စစ်တိုက်ရင်းလေ့လာ၊ လေ့လာရင်းစစ်တိုက်ရမယ်။
- သဘာဝအကာအကွယ်ထက် လူထုအကာအကွယ်က ပိုလုံခြုံတယ်။
- လူထုမထောက်ခံတဲ့တော်လှန်ရေးဟာ သွေးမရှိတဲ့လူလိုဘဲ။
- တော်လှန်ရေးတရပ်ကိုလူထုကမထောက်ခံတော့ဘူးဆိုရင် ဒီတော်လှန်ရေးဟာ မသာခေါင်းလောင်းထိုးခံရတာနဲ့အတူတူပဲ။
- လူထုဆန့်ကျင်ရေးမလုပ်နဲ့။ လူထုနောက်မှီးဆွဲလည်းမဖြစ်နဲ့။
မိမိတိုက်ခဲ့ဘူးသောစစ်နှင့် နိုင်ငံရေးသင်တန်းများမှ လေ့လာမှတ်ယူခဲ့ဘူးသော စစ်သင်ခန်းစာများကို လက်တွေ့အသုံးချ ရတော့မည် ဖြစ်သည်။ အထက်ပါ လူထုလမ်းစဉ်ကို အကောင်အထည်ဖေါ်ရန် မိမိတို့လုပ်ဆောင်ကြပါပြီး။ မိမိနှင့်တပ်ရင်းရုံးအဖွဲ့ နံနက် စာစားပြီး တောင်ခြေဆင်းသွားသည်။ ဘုန်းကြီးကိုခွင့်ပန်ပြီး ခြုံနွယ်ပေါင်းပင်များကိုရှင်းသည်။ ရေတွင်းထဲရှိမျက်၊ ပေါင်းပင်များရှင်းပြီး ပြန်တူး ပေးသည်၊ ရေကြည်ရေသန့်များထွက်လာသည်။ လူထုစည်းရုံးရေးလုပ်ငန်းအဆင့် (၁) ဖြစ်သည်။ အဆင့် (၂) အဖြစ် ဘာလုပ်ရ မည်ကိုစဉ်းစားသည်။ မိမိတပ်ရင်းဌာနချုပ် ကီးဒိုကုန်း၏ အရှေ့ဘက်ထိုင်းနိုင်ငံရှိတောင်ယာများ၌ စပါးများရွှေဝါရောင်သန်းနေပြီး။ ရိတ်သိမ်းရန် အချိန်တန်နေပါပြီး။ တနေ့ နံနက်စာစားပြီး မိမိချစ်ဇနီးအပါအဝင် ရဲဘော်တပ်စုတစုခေါ်၍ ထမ်းချလင်းထိုင်းရွာသို့ ဆင်း သွားပြီး ကျေးရွာလူကြီးကိုခွင့်ပန်ကာ တောင်ယာစပါးများကို ရိတ်ကြသည်။ မိမိတို့တိုင်းပြည်တွင် စပါးရိတ်သကဲ့သို့ တံဇင်နှင့် ရိတ် ခြင်းမဟုတ်။ စပါးနှံများကို လက်မနှင့် ဆိတ်ခူး၍ ကြွတ်ကြွတ်အိပ်ထဲအပြည့်ထည့်။ လယ်ရှင့်အိမ် ထမ်းပို့ခြင်းဖြစ်သည်။
ထိုအတောအတွင်း အမျိုးသမီးတဦးထမင်းစားရန် လာခေါ်သည်။ တောင်ယာပိုင်ရှင်ဖြစ်သည်။ ကောင်ညင်းနှင့် ငါးပိထောင်းဖြစ်သည်။ လူထုစေတနာရှိ၍ထင်သည်။ နတ်သုဒ္ဒါတမျှ အရသာရှိလှသည်။ တောင်ယာတခုလုံး ပြီးသွားသဖြင့် စခန်းသို့ပြန်ရန် ဖြစ်သည်။ မပြန်မီ ကျေးရွာလူကြီးအား မကျန်းမာသူများရှိပါက မိမိတပ်ဆေးရုံတွင် လာရောက်ကုသနိုင်ကြောင်း အကြောင်းကြားခဲ့သည်။ အနည်းငယ်မျှ လူထုအကျိုးပြုလုပ်ငန်းလုပ်ခဲ့ရုံဖြင့် လူထု၏ချစ်ကြည်လေးစားမှုနှင့် လူထု၏အေးမျှသောမေတ္တာကို ရရှိခဲ့သည်။
မှတ်ချက်…
- သဘာဝအကာအကွယ်ထက် လူထုအကာအကွယ်က ပိုလုံခြုံတယ်ဆိုတဲ့ တော်လှန်စစ် ဒဿန တခုကို တွေ့ရှိခဲ့သည်။