ကျနော်နှင့် ဖလူး တိုက်ပွဲ Posted by on June 26, 2010

ကျနော်တို့တပ်ဖွဲ့ ၁၉၈၉ ခုနှစ်၊ မေလ ၂၇ ရက်နေ့ ဝမ်းခါသစ်တိုက်ပွဲပြီး တပ် နေရာချိန်းရန်ပြင်ဆင်နေကြသည်။ ကျနော်တို့နေခဲ့သော ထိပ်တိုက်နေရာသည်၊ ၁ဝ၁ စခန်းတွင်းရှိ အမာခံတပ်ဖွဲ့များ တပတ်တကြိမ်သွားရောက် တာဝန်ယူ ရသောနေရာဖြစ်သည်။ ကျနော်တို့ တပတ်ပြည့်ပြီးဖြစ်၍ ထိုနေရာသို့ ၁ဝ၁ မှ ဗိုလ်ကြီးဖေါဒို ယခု ဒုတိယဗိုလ်မှူးကြီး ၁ဝ၁ တပ်ရင်းမှူး၊ မိမိနှင့် NDF ဗိုလ် သင်တန်းအပတ်စဉ် ၁ အတူတက်ခဲ့သူဖြစ်သည့် အဖွဲ့လာရောက်တာဝန်ယူ မည်ဖြစ်သည်။ မိမိတို့တပ်ဖွဲ့ နောက်ပိုင်းသို့ပြန်လည်နေရာယူ၍ အနားယူ မည် ဖြစ်သည်။
နောက်ပိုင်းသို့ပြန်လည်အနားမယူမီ မိမိတို့ ရန်သူထံမှ သိမ်းဆီးရရှိသော လက် နက်မျိုးစုံ ၇၉ လက်အား ၁ဝ၁ တပ်ရင်းမှူးသို့ ဆက်သွယ်ရေးစက် PRC တလုံး ကိုအပ်ပြီး ကျန်လက်နက်များအား မိမိတို့တပ်ဖွဲ့ကိုတပ်ဆင်ရန် ယူထားလိုက် သည်။ သိမ်းဆီးရလိုက်သော လက်နက်များမှာ ကာဘိုင်၊ ဂျီ ၂ ၊ ၃ ၊ ၄ ၊ M ၇၉ ၊ BA ၉၃ ၊ Browning Pistol ၂ လက်၊ ဖြစ်သည်။
မှတ်ချက်…
ဝမ်းခါသစ်တွင် သိမ်းပိုက်ရရှိလိုက်သော ရန်သူ့လက်နက်များဖြင့် မိမိတို့တပ်ဖွဲ့ကို တတ်ဆင်သည်။ ထိုလုပ်နည်းသည် ကရင်အမျိုး သား လွတ်မြောက်ရေးတပ်မတော် တပ်မတော်ထောက်ပံ့ရေး မူ ၃ ရပ်အနက်၊ မိမိတပ်မတော်ကို ရန်သူ့လက်နက်ဖြင့် ထောက်ပံ့ရ မည်ဟု လမ်းညွန်ချက်အတိုင်း ကျင့်သုံးလိုက်ခြင်းဖြစ်သည်။ သိမ်းပိုက်ရရှိထားသော Browning Pistol ၂ လက်အား မိမိတပ်ဖွဲ့၏ တပ်စုမှူးနှစ်ဦးအား ဆုအဖြစ်ပေးလိုက်သည်။ မိမိကိုင်ဆောင်ထားသော Browning Pistol မှာ ဖါးကပ်တိုက်ပွဲတွင် သိမ်းပိုက်ရရှိထား သော မ ၃ ဗိုလ်မြင့်အောင် (သို့မဟုတ်) ဗိုလ်မြင့်ဝင်းကြူ၏ ပစ္စတိုဖြစ်သည်၊ နံပါတ်မှာ T-4774 ဖြစ်သည်။ မိမိခံယူချက်မှာ အထက် အရာရှိမှ ထုတ်ပေးသော၊ ကိုယ်ပိုင်ငွေဖြင့်ဝယ်ယူသော ပစ္စတိုကိုစစ်ချပ်ဝတ်တန်ဆာတွင် ချိတ်ခြင်းထက်၊ ရန်သူ့ထံမှသိမ်းဆီးရရှိသော ပစ္စတိုကို ဂုဏ်ယူဝင့်ကြွားစွာ ချိတ်လိုသည်။
မိမိတို့တပ်ဖွဲ့တွင် လက်နက်အင်အားတောင့်တင်းလာပြီးဖြစ်သည်။ စာရင်းအရ ၇၉ လက် တင်ပြထားသော်လည်း မိမိတို့ ရဲဘော်များ ဝေါ်လေ အောက်စခန်းပြန်ရောက်သောအခါ စာရင်းထက်ပိုများနေသည်။ ကာဘိုင် လေးလက်၊ M ၇၉ သုံးလက်တို့ကိုဖြုတ်ပြီး ကြော ပိုးအိပ်ထဲ ဝှက်ယူလာခဲ့သည်။
“ဟေ့ ကောင်တွေ ဘာကြောင့် ဒီလိုလုပ်ခဲ့တာလဲ။”
“ကျနော်တို့က ကာဘိုင်နဲ့ M ၇၉ ကို ရည်းစားထက်ပိုချစ်တယ်ဗျ၊ အသက်ပေးပြီး တိုက်ယူခဲ့ရလို့ပါ”
“ကောင်းတယ်ကွာ၊ ဒို့တပ်လဲ တိုးချဲ့ဖွဲ့စည်းဖို့ဖြစ်တော့ သေနတ်လိုနေတာနဲ့အတော်ပဲ၊ တပ်စိတ်တစိတ် အနည်းဆုံး တပ်စိတ်မှူးကို ကာဘိုင်၊ ဒုတိယတပ်စိတ်မှူးကို M -၇၉ ၊ အဖွဲ့ခေါင်းဆောင် Team leader ကို RPD စက်လတ် တပ်ဆင်ပေးဖို့ စဉ်းစားထားတယ်” ခြေမှုန်းရေးလက်နက်အင်အားကောင်းအောင် ကျနော်တို့ RPG ၂ ၊ ၅ ၊ ၇ လိုနေတယ်ဗျ။ ဘယ်လိုရအောင်လုပ်ရမလဲလို့ စဉ်းစားတော့၊ တပ်မဟာ (၆) မှာ KE Kawthoolei Engineer ဌာနရှိသည်၊ တာဝန်ခံက ဖူးရော်ဘင် ဖြစ်သည်။ လက်နက်ထုတ်လုပ်တဲ့ ဌာနဖြစ် သဖြင့် ကျနော်တို့လိုအပ်နေသော လက်နက်ထုတ်ပေးနိုင်သည်၊ ထိုကြောင့် သူ့ဆီသွားပြီးအပူကပ်သည်။
“ဖူး ကျနော်တို့ RPG လိုချင်တယ်” “ဟ ကောင်တွေ၊ အလကား ဘယ်ရမလဲကွ” “ ကျနော်တို့မှာ ပိုက်ဆံမှ မရှိတာ” “ဒီလိုဆို ငါ့ပြောင်းဖူးတွေ ခွာပေးရမယ်” “မြတ်စွာဘုရား ပြောင်းဖူးတွေကို လက်သဲနဲ့ခွာပေးရ မယ်” တဲ့။ “ငါနဲ့ တပ်စိတ်တစိတ်လိုက်ခဲ့” ဟု ညွှန်ကြားပြီး ကျနော်တို့ ဖူးရော်ဘင် KE စခန်းတွင်ပြောင်းဖူးသွားခွာနေပါတော့သည်။ လက်သဲတွေ နာလိုက်သည့်ဖြစ်ခြင်း။ တောင်ယာတခုလုံးကထွက်သည့် ပြောင်းဖူးသီးများကို ခွာနေကြသည်။ ဖူးရော်ဘင်ကလည်း ဘယ်လောက်အခိုင်း ရက်စက်သလဲဆို လျှင်၊ တောင်ယာပါ ဆက်ခုတ်ခိုင်းလိုက်သေးသည်။ မတတ်နိုင်၊ ဆက်ခုတ်ပေးကြစဉ် စစ်ဆင်ရေးလုပ်ငန်းတခု ပေါ်ထွက်လာသဖြင့် မိမိတို့ စခန်းသို့ပြန်ရန်ပြင်ဆင်နေစဉ်၊ KE လုပ် RPG ၂ နှစ်လက် အပြင် RPG ၇ တလက် ၆ဝ မမ တလက်ပါ လက်ဆောင်အဖြစ် ပေး လိုက်ပါသည်။
“ပင်ပန်းခဲ့သမျှအားလုံး ဘယ်ရောက်ကုန်လဲ မသိတော့ဘူးဗျား” ဟု RPG ကိုဖက်ထားပြီး ပြောလိုက်သူကတော့ ကျဆုံးလေပြီးသော (မွစ္စလင်သူရဲကောင်း) ရဲဘော်ဘာဂျာမွတ်ဖြစ်သည်။ ရဲဘော်များ ပျော်မဆုံးတပြုံးပြုံးနဲ့ ဝေါ်လေ စခန်းသို့ပြန်လည် ရောက်ရှိလာကြပါ တော့သည်။
ကျနော်တို့ စခန်းတဘက်တွင် ကြံခင်းရှိသည်။ ကြံခင်းရှင်က သူ့ကြံတွေ ရဲဘော်များကိုပေးစားသည်။
“ရဲဘော်တို့၊ ကြံခင်းရှင်က ဒို့ကို သူ့ကြံတွေ ကြွေးတယ်ကွ၊ သွားစားလို့ရတယ်။ ဒါပေမဲ့ စခန်းထဲယူလာပြီးမစားနဲ့၊ အမိုက်ရှုတ်တယ်၊ ဟိုဘက်ကမ်းမှာပဲစား” ဟု
ညွန်ကြားထားသည်။ နောက်နေ့ မိမိစခန်းတွင်းရောက်သော် စခန်းတွင်း၌ ကြံဖတ်များဖြင့် ရှုတ်ပွနေသည်။
“ဘယ်သူတွေကြံစားပြီး အမှိုက်ရှုတ်ထားတာလဲကွ” ဟု မေးရာဖြေသူမရှိသဖြင့်၊ အားလုံးတန်းစီခိုင်းပြီး၊ “မင်းတို့ကို ကြံစားခွင့်ပေး တယ်၊ အမိုက်မချဖို့ပြောတယ်၊ ခုဘယ်သူမှမလုပ်ဘူးဆိုတော့ ဘယ်ခွေးမသားက လာချတာလဲကွ”
“တရာခံမတွေ့ရင်၊ မင်းတို့အားလုံး အပစ်ရှိတယ်၊ ဒုတ်ယူမလား၊ ဒဏ်ယူမလား” ဟု
မေးလိုက်ရာ၊ ရှေ့ထွက်သတိဆွဲ ဖြေသူကတော့ မိမိသားထွေး ဆာဒူးဒူးဇန်၊ ယခု အမေရိကန်နိုင်ငံသားအဖြစ်ခံယူပြီးချိန်၌ ကော်သူး လေဇန် ဟု အမည်ပြောင်းလိုက်သည် က၊ “ဒဏ်” ယူမည် ဟုဖြေလိုက်သည်။ “ဒါဆို ရင် မင်းတို့အားလုံး ပါးစပ်ဟထား၊ စားပြီးအမှိုက် ပစ်အုံးကွ”
ရဲဘော်အားလုံး ပါးစပ်ဟထားကြသည်။ ပေးတဲ့အပစ်ကို ခံယူကြသည်။
မှတ်ချက်…
မိမိရဲဘော်များဘာ့ကြောင့် မိမိအမိန့်ကို နာခံကြပါသနည်း။ ရဲဘော်တွေကို ဘဝကဖြစ်တဲ့ သားတွေအဖြစ်သဘောထားသည်၊ သွေးက ဖြစ်တဲ့သားလို တတန်းထဲထားသည်၊ မေတ္တာပေးသည်၊ ပေးတဲ့ မေတ္တာတွေရောင်ပြန်ဟပ်သည်၊ တန်းတူအခွင့်အရေးပေးသည်။ မိမိ ရဲဘော်များအတွင်း စကောကရင်၊ အရှေ့ပိုးကရင်၊ အနောက်ပိုးကရင်၊ ရခိုင်၊ ဗမာ၊ ဘင်္ဂါလီကုလား၊ ကရင်ပြည်ဘွား မွစ္စလင်များရှိ သည်၊ လူမျိုးစုံသည်။ လူမျိုးစုံနဲ့ ဖွဲ့စည်းတားသည့် ပြည်ထောင်စုအငယ်လေးဖြစ်သည်ဟု ခံယူသည်၊ သူတို့ကိုလေးစားသည် လခတ ပြားတချပ်မှမရပဲ အမျိုးနဲ့တိုင်းပြည်အတွက်ပေးဆပ်နေကြသည့် တန်ဘိုးမဖြတ်နိုင်သော သားကောင်းရတနာများအဖြစ် လေးစား တန် ဘိုးထားသည်၊ စစ်မြေပြင်တွင် Follow Me Policy ကိုကျင့်သုံးသည်။ အန္တရာယ်များတဲ့ နေရာတွေမှာ သူတို့ကို ဘယ်တော့မှ မထား၊ မလွှတ်၊ မိမိကိုယ်တိုင် စစ်ဆေး၊ ကြည့်ရှုပြီး အန္တရယ်ကင်းမှသူတို့ကိုနေရာချသည်။ တန်းတူမှု အပြန်အလှန်လေးစားမှု ဒီမိုကရေစီ ကျင့်သုံးမှုများကြောင့် မိမိအမိန့်ပေးမှုများ ရဲဘော်များအတွင်း စိမ့်ဝင်လျှက်ရှိသည်။ ထို့ကြောင့် မိမိအမိန့်ကို နာခံကြခြင်းဖြစ်သည်။
၁၉၈၉ ခုနှစ် အစောပိုင်းကာလ။
ကရင်အမျိုးသားလွတ်မြောက်ရေးတပ်မတော်၊ တပ်မဟာ (၆) စစ်ဒေသ၊ ကုန်သွယ်ရေး ဂိတ်တခုဖြစ် သော သေဘောဘိုး စခန်းရှိသည်။ ကုန်သည်များ နေ့စဉ် ထောင်ဂဏန်းချီ၍ လာရောက်ကြသည်။ အထမ်းသမားများ၊ ကျွဲ၊ နွား ကုန် သည်များ၊ အချိုမှုန့်၊ အဝတ်အထည်၊ စက်ဘီးတာယာ စသည့် တိုင်းပြည်မှလိုအပ်နေသည့် ပစ္စည်းများလာရောက်ဝယ်ယူနေကြသည်။
၈၈ ပြည်သူ့အရေးတော်ပုံကြောင့် တိုင်းရင်းသားလူမျိုးစုံပြည်သူများ သေဘောဘိုး စခန်းသို့ရောက်ရှိလာကြသည်။ နေ့စဉ် လူ ၁ဝဝ ၊ ၂ဝဝ ၊ ၃ဝဝ ၊ မှ ထောင်ဂဏန်းအထိရှိလာသည်။ သေနတ်ပေးပြီး ပြန်တိုတ်ကြမည်၊ သေနတ်ပေးရန်တောင်းဆိုလာကြသည်။
တပ်မဟာ (၆) တက်မဟာမှူး၊ ဗိုလ်မှူးကြီးရွှေဆိုင်း
တနေ့ တပ်မဟာ (၆) မှူး ဗိုလ်မှူးကြီးရွှေဆိုင်း (ကွယ်လွန်) နောင် ဗိုလ်ချုပ်၊ KNU ဒုတိယဥက္ကဋ္ဌ နှင့် NDF ဥက္ကဋ္ဌ ဖြစ်သူမှ မိမိအား တွေ့လိုကြောင်း အရာရှိတဦး လာရောက်သတင်းပို့သဖြင့်၊ သူ့နှင့် သွားတွေ့သည်။ “သေဘောဘိုးစခန်းကိုရောက်လာတဲ့ လူတွေပြန် တိုက်ဖို့ သေနတ်တောင်းနေတယ်၊ ဒီအတိုင်းပေးလို့တော့မဖြစ်ဘူး၊ စစ်မြေပြင်မှာ ဒုိ့ရဲဘော်တွေနဲ့ သဟဇာတဖြစ်ဖို့ သင်တန်းပေး ရန် လိုတယ်၊ ခင်ဗျားသင်တန်းပေးဖို့စီစဉ်” ရန်ညွန်ကြားသဖြင့် သင်တန်းပေးနိုင်မည့် ရဲဘော်များကို မိမိတပ်ဖွဲ့အတွင်း၌ ရှာရသည်။
ရဲဘော်တင့်လွင်၊ တတိယနိုင်ငံရောက် ရဲဘော်ငြိမ်းငြိမ်း၊ တတိယနိုင်ငံရောက် ရဲဘော်ကျော်ကျော်၊ တတိယနိုင်ငံရောက်ရဲဘော်ထူးထူး (ဆုံး)၊ ရဲဘော်ဇော်ဇော် (ဆုံး) ၊ ရဲဘော်ငမဲ (ကျော်ဆန်း) အမှောင်ထဲတွင် ခြင်မမြင်လောက်အောင်မဲသည်၊ မွစ္စလင်ရဲဘော် (ဆုံး)၊ ရဲ ဘော်သန်းဖြူ (မူးယစ်ဆေးဝါးမှုဖြင့် ထိုင်းထောင်တွင် တသက်တကျွန်းထောင်ကျနေ) စသည့်ရဲဘော်များဖြင့် သင်တန်းမှူးများအား ရွေးချယ်ပြီး သေဘောဘိုးစခန်းသို့ ချီတက်သွားကြသည်။
မှတ်ချက်…
မိမိတို့တပ်ဖွဲ့တွင် လူမျိုးစုံသည်၊ ကရင်စကားပြောလို့ တခြားလူမျိုးများနားမလည်၊ ကရင်အချင်းချင်းတောင် စကောကရင် စကားကို အ ရှေ့ပိုးကရင်၊ အနောက်ပိုးကရင်များ အကုန်လုံးနားမလည်၊ လူမျိုးခြားဆို ဝေးရော၊ စက်စကားပြောရာတွင်၎င်း၊ အချင်းချင်း စကား ပြောကြရာတွင် ဗမာစကားကိုသာပြောကြသည်။

ကျနော် နှင့် ယွားဟေလူ သို့မဟုတ် ပွိုင့် ၄၉၁ အပိုင်း (၃) Posted by on May 19, 2010

စီမံချက်အဆင့် ၁ ဖြစ်သည့် ကီးဒိုကုန်း ခိုင်မာရေးကို စတင် လုပ်ကိုင်ရန် တပ်မှူးများကို ခေါ်ယူလိုက်သည်။ ကီးဒိုကုန်း ထိပ်ရှိ ခြုံနွယ်။ မျက်ပေါင်းများ သစ်ပင်များကို စုပေါင်းရှင်းရန် ဗိုလ်တင့်လွင်နှင့်အဖွဲ့ ဝါးခုတ်ရန် ဗိုလ်နောင်နောင်နှင့်အဖွဲ့ အိမ် ဆောက်ဖို့ အိမ်တိုင်ခုတ်ရန် ဗိုလ်သောထူးအဖွဲ့၊ ကီးဒိုကုန်းပတ် လည် ကတုတ်ကျင်းထူးရန် ဗိုလ်ကော်လာနှင့်အဖွဲ့တို့ကို အသီး သီး တာဝန်ပေးအပ်လိုက်သည်။ ၇ ရက် တပတ်အတွင်း အပြီး လုပ်ကိုင်ကြရမည်။ စီမံချက်အတိုင်း ရဲဘော်များ တက်ညီလက် ညီ လုပ်ကိုင်နေကြပါပြီး။

img

The enemy of my enemy is my friend ဆိုသည့် ခေါင်းဆောင်ကြီး စောဘဦးကြီး၏ လမ်းညွန်ချက်အတိုင်း လုပ်ဆောင်ရန် မိမိတို့တောင်ဘက်ပိုင်းရှိ (ဒညတ) ဗိုလ်သွေးအဖွဲ့ကို စည်းရုံးရန်ပြင်ဆင်သည်။ လူအင်အား၊ လက်နက်အင်အားတို့ကိုလေ့လာသည်၊ တပတ်အတွင်း ဗိုလ်သွေးတို့ အခြေအနေစုံကိုရရှိသည်။ ဗိုလ်သွေးသည် အန်းထောင်း တဘက်နိုင်ငံတွင်းရှိ ရွာတွင် ထိုင်းအမျိုးသမီး နှင့် အိမ်ထောင်ကျနေသည်။
မှတ်ချက်…
ဗိုလ်သွေးသည် ဒေါက်တာမန်းမြင့်ဆိုင်၏ ညီအကိုဝမ်းကွဲတော်သည်၊ တပ်ရင်း (၁ဝ) မှ မသင်္ကာသဖြင့် ဖမ်းဆီးစစ်ဆေးခြင်းခံရစဉ် အ ညှင်းခံထားရသဖြင့် KNU ကို စိတ်နာနေသူဖြစ်ကြောင်း သိရသည်။ လူအင်အား ၃ဝ ခန့်ရှိပြီး လက်နက် လေးငါးခြောက်လက်ခန့်သာ ရှိသည်ဟု သိရှိရသည်။ ဗိုလ်သွေးနှင့်တွေ့ရန်အတွက် ဗမာစကားတတ်သော ထိုင်းရွာသား ဦးနေအေး ကိုခေါ်ယူ “ကျနော် ဗိုလ်သွေးနဲ့ တွေ့ချင်တယ်။ သူ့နဲ့တွေ့နိုင်အောင် စီစဉ်ပေးပါ” ဟု ပြောလိုက်သည်။ သုံးလေးရက်အတွင်း ဗိုလ်သွေးနှင့် အန်းထောင်းရွာတွင်တွေ့ သည်။ မြစ်ဝကျွန်းပေါ်သားချင်းလည်းဖြစ်၊ မိမိအကြောင်းကို သိရှိထားပြီး ဥက္ကဋ္ဌကြီးမန်းဘဇန်၏ ဂုဏ်အရှိန်ကြောင့်လည်း ဖြစ်နိုင် သည် ဘာပြသနာမျှမရှိဘဲ တွေ့ဆုံပွဲချောမောအောင်မြင်ပါသည်။ စည်းရုံးရေး ပဋ္ဌမအဆင့်အောင်မြင်သွားပြီး ဖြစ်သည်၊ ဆက်လက် စည်းရုံးရအုံးမည်၊။
နောက်တပတ် ရိက္ခာကိစ္စ ချုံဖေါင်းတွင် တပ်ထောက်ဗိုလ်သန်းဝင်း နှင့် ဝယ်ရန်အသွား ဗိုလ်သွေး ကို ဝင်တွေ့သည်။ အိပ်ရာတွင်မူးနေ သည်။ သောက်ထားသည်မှာ တပတ်ခန့်ရှိနေကြောင်းသိရှိရသည်။ နောက်များမကြာမီ ဗိုလ်သွေးကိုသွားတွေ့သည်။ ၎င်းစခန်းသို့သွား လည်ရန် ဘိတ်ခေါ်သဖြင့်သွားလည်သည်။ စခန်းကိုဝင်သည်နှင့် ဆေးခြောက်အနံ့များနှင့် ဆီးကြိုသည်၊ ဆေးခြောက်ရှူထားလို့ထင် သည်။ မျက်စေ့နှစ်ကွင်းစလုံးနီရဲနေကြသည်၊ စစ်ဝတ်စုံဝတ် ထားသူတဦးနှစ်ဦးသာရှိပြီး ကျန်အရပ်ဝတ်များသာဖြစ်သည်။ မိမိတို့ ကီးဒို ကုန်းတောင်ထိပ်ပတ်လည်၌ ၁ဝ လန်ကွာ တဲအိမ်များဆောက်ပြီးနေပါပြီး။ အလံတိုင်စိုက်ထူရန်နေရာ၊ တန်းစီလူစစ်ရန်ကွင်းနေရာပြင် ရန် ရှိနေသည်။ မြေမညီသဖြင့် မြေညှိရန်ရှိသည်။ နောက်တပတ်အပြီးမြေညှိရန် စီမံရပြန်သည်၊ ဗိုလ်ကော်လာနှင့်အဖွဲ့ ဆက်သွယ်ရေး မြောင်းတူးရာဝယ် ပြီးသလောက်ရှိနေပါပြီး။ မိမိတပ်ဖွဲ့ရှိ တပ်မှူးများမြေပုံဖတ်နည်း Compass ကြည့်နည်း၊ လက်နက်ကြီးပစ်နည်း စ သည့်စစ်ပညာများကို တတ်မြောက်ထားကြပြီး ဖြစ်သည်။

ကျနော် နှင့် ယွားဟေလူ သို့မဟုတ် ပွိုင့် ၄၉၁ (နိဂုံးပိုင်း) Posted by on May 29, 2010

မိမိတို့ တောင်ဘက်နှင့် မြောက်ဘက်ရှိညီအစ်ကိုများနှင့် နား လယ်မှုရရှိပြီးဖြစ်သဖြင့် ယွားဟေလူစခန်းကို ခိုင်မာစွာတည် ဆောက်ရန် စီမံရပြန်သည်။ တပ်ကြပ်ကြီးတင်ထွန်း (ကျဆုံး) ဦးစီး တပ်စိတ်တစိတ် နယ်နယ်မြေကျွမ်းကျင်ရန်နှင့် ကင်းရှည် ထိုးရန်။ နာကဖရောင် သို့စေလွတ်လိုက်သည်။ ခံစစ်စခန်း ခိုင် မာစေရန် ပြင်ဆင်ရာတွင် ကီးဒိုကုန်းကို မိမိကြည့်ခဲ့ဘူးသော ဗီယက်နမ်စစ်ပွဲ အမေရိကန် ရုပ်ရှင် Humberger Hill ကား အတိုင်းစီမံသည်။ ကီးဒိုကုန်းသည် စီမံချက်အတိုင်း ပြီးလုနေ ပါပြီး။ ဆက်သွယ်ရေးမြောင်း၊ ကတုတ်ကျင်း၊ တောင်စွယ်သုံး စွယ်ထိပ်ရှိ ကတုတ်ကြီးနှစ်လုံးစီ၊ ခြံစည်းရိုးသုံးထပ် အားလုံး ပြီးနေပါပြီး။ ဗိုလ်ကျော်လှနှင့် မိုင်းဗုံးအဖွဲ့ ခြံစည်းရိုးကြား ဝါး ညှောင့်စိုက်နေကြသည်။ ဗုံးအဖွဲ့ လေးယောက် တရက်၊ တယောက် ၁၅ လုံးနှုံး ဗုံးထောင်နေကြသည်။ ဗုံးအဖွဲ့အတွင်းမှ (တပ်ရင်း စံ ပြဆုတံဆိပ်) ရရှိရန်အလားအလာရှိသော ရဲဘော် နန်းအောင် ကိုယ့်မိုင်းကိုထိပြီး လက်နှစ်ဖက်စလုံးပြတ်သွားသည်။ မိမိတို့တပ်ရင်း အတွက် ကြီးမားတဲ့ဆုံးရှုံးမှုကြီး ဖြစ်သည်။
မှတ်ချက်…
ခံစစ်သေစစ်ရေးကိုဆန့်ကျင်၊ ခံစစ်ရှင်စစ်ရေးကို ကျင့်သုံးရန် ၁၉၆၃ ခုနှစ်။ ဖလိုးခီး ဗဟိုနိုင်ငံရေး စစ်ရေးသင်တန်း၌ သင်တန်းမှူး တ ဦးဖြစ်သော ဗိုလ်ချုပ်တင်ဦး (ဖူးတာအယ်) ထိုစဉ်က (KPLA) (Karen People Liberation Army) ဒုတိယစစ်ဦးစီးချုပ်။ ပို့ချခဲ့သော စစ်ရေးဝိဇ္ဇာဘာသာရပ်ကို မှတ်ယူခဲ့ပြီးဖြစ်သည်။ မိမိစီမံချက်မှာ (ယွားဟေလူ) စခန်းအား တလတိတိ ရန်သူ့ထိုးစစ်ခံနိုင်ရန် ရည်ရွယ် သည်။ ထိုးစစ် ကာလအတွင်း ရန်သူကို မိမိအတွင်းစည်းဝိုင်းအတွင်းမြူဆွယ်ပြီး နောက်ပိုင်းမှ ပိတ်ဆိုးရန်ဖြစ်သည်။ နယ်မြေအနေအ ထားအရ။ သွားလာရန်မလွယ်။ ထို့ကြောင့် ရန်သူကိုတိုက်ခိုက်ရန် စည်းဝိုင်း (၃) ဝိုင်း စီမံထားခြင်းဖြစ်သည်။ အလယ်စည်းဝိုင်း ရန်သူ ကို ပြောက်ကျားပစ်ပြီး အပြင်စည်းဝိုင်းသည်။ ရန်သူ့ထောက်ပို့ကို တိုက်ခိုက်ရန်ဖြစ်သည်။

img

အလယ်စည်းဝိုင်းနှင့် အပြင်စည်းဝိုင်းရှိရန်သူကိုတိုက်ခိုက်ရန် ကျည်နှင့် ရိက္ခာပြင်ဆင်ရမည်ဖြစ်သည်။ ရိက္ခာတာရှည်ခံနိုင်ရန်အတွက် မိမိတို့စဉ်းစားကြရာ မြေကြီးအောက်မြှုတ်ထားရန်ဖြစ်သည်။ တာရှည်ခံနိုင်ရန်အတွက် ဒီဇယ်တိုင်ကီပုံးများကိုဝယ်သည်။ ဆီနန့်ပျောက် ရန်အတွက် ပုံးထဲသို့ ဆပ်ပျာမှုန့်ထည့် ရေထည့်ပြီး မီးတိုက်သည်။ နောက်ရေဆေးပြီး အချောက်ခံလိုက်သောအခါ ဆီနန့်မရတော့ပေ၊။ တိုင်ကီပုံးတလုံး ဆန်နှစ်အိတ်ခွဲဆန့်သည်။ ခလရ (၂၂၄) ဌာနချုပ် ဘုတ်ပြင်းနှင့် အနီးဆုံးနာရီဝက်ခရီး တိုင်ကီပုံးနှင့် ဆန်များထမ်းပြီး မြေမြှုပ်ဖွက်ထားလိုက်သည်။ AK နှင့် M ၁၆ ကျည်များကိုပါ ဝှက်ထားလိုက်သည်။ အလယ်စည်းဝိုင်း ပြောက်ကျား ၅ ယောက်တဖွဲ့ ၅ ဖွဲ့ နေရာချထားသည်။ တိုက်ပွဲကာလ ၎င်းတို့စားရန် တိုင်ကီပုံးတပုံးစီမြှုပ်ထားရန် စီစဉ်ထားပြီးဖြစ်သည်။
မှတ်ချက်…
ခံစစ်ဟာ သေတွင်းဖြစ်တယ်ဆိုတာသိတယ်၊ ဘာကြောင့် ယွားဟေလူစခန်းမှာ တလတိတိ ရန်သူကိုဆွဲတိုက်ရသလဲဆိုတော့ ကော်မူး ရာ ဝမ်းခါစခန်းတိုက်ပွဲစဉ်တလျှောက်လုံး ရန်သူ့ထိုးစစ်မှန်သမျှကို ခုခံနိုင်ခဲ့လို့ ကရင့်တပ်မတော်ရဲ့ ဂုဏ်သိက္ခာမြင့်မားခဲ့တယ်။ မဲ ဆောက်မြို့မှာကြိုက်သလိုဝင်ထွက်နိုင်တယ်။ ထိုင်းတွေ ကရင့်တော်လှန်ရေးကို လေးစားတယ်။ မိမိတို့ မိုးတောင်ရောက်တော့ အခိုင် အမာစခန်းဆောက်ဘို့ အကြံပြုကြည့်တယ်။ “ခံစစ်ရှင် ပြောက်ကျားပဲ အခိုင်အမာစခန်း မလိုဘူး” လို့ တာဝန်ရှိသူမှ ပြန်ပြောပါတယ်။ တကယ့်တကယ် မိုးတောင် ကို ရန်သူထိုးတော့ တရက်မခံဘူး ဆုတ်ခဲ့ရတယ်။ ပြင်ဆင်မှုမရှိတော့ သိက္ခာမဲ့စွာနဲ့ဆုတ်လိုက်ရတယ်။ ထိုင်းတွေကဘာပြောသလဲဆိုတော့ “ချစ်ဖိုင်ကလယံ” တဲ့။ ကရင်တွေ အဆဲခံရတယ်။
ထိုသို့အဆဲမခံရရေးအတွက် ပြင်ဆင်နေခြင်းဖြစ်သည်။ တလတိုင်ခံတိုက်ပြီး ဘယ်လိုဆုတ်မလဲ၊ ဘယ်ကိုဆုတ်မလဲဆိုသည်ကို စဉ်း စားသည်။ ဆုတ်မယ့်နေရာကတော့ ဃိုသဲလူ ဆိုသည့်နေရာဖြစ်သည်။ ထိုနေရာကို ပြင်ဆင်ရန် ဗိုလ်အယ်ခလေး တပ်ခွဲကို တာဝန် ပေးလိုက်သည်။ ဃိုသဲလူ ကို ဆုတ်ရင် ထိုင်းရွာကိုဖြတ်ပြီး ဆုတ်ရမည်ဖြစ်၍ ထိုင်းပြည်သူများ ထောက်ခံမှုရရှိ အောင်လုပ်ရန် လိုအပ် ပါသည်။ ထို့ကြောင့် လစဉ်တပ်တွင်းစည်းဝေးပွဲတခုတွင်…
- ရန်သူ့ထိုးစစ်တလခံနိုင်ရန်အတွက် ကီးဒိုကုန်း ခံစစ်ဒုတိယအဆင့်ကိုပြင်ဆင်မည်။
- ပွိုင့် (၄၉၁) ကုန်းတွင် ခံစစ်နေရာပြင်မည်။
- ထိုင်းရွာသားများကိုစည်းရုံးရမည်။
- ၁၂ဝ မမ စိန်ပြောင်း Delay ခံနိုင်မည့် ဥမင်လှိုင်ခေါင်းတူးရန် စီမံချက်များချမှတ်လိုက်သည်။ ထိုစီမံချက်များအတိုင်းလုပ် ဆောင်ရန်တာဝန်များခွဲဝေလိုက်သည်။
- ဗိုလ်ကြီးတင့်လွင်အား ထိုင်းသစ်လုပ်ငန်းမှ Bull Dozer ကိုခေါ်၍ ကီးဒိုကုန်း ခြံစည်းရိုး ၃ ထပ်အောက်ဘက် ၁ဝ ပေအမြင့်ရှိ အောက်မြေသားများအား ကော်ထုတ်ခိုင်းရမည်။ ရန်သူအလွယ်တကူ ကျားမထိုးနိုင်ရန်ဖြစ်သည်။ ဒုတိယအဆင့်ဖြစ်သည်။ ထိုအဆင့် ၌ ကီးဒိုကုန်းထိပ်သို့တက်နိုင်သည့် တောင်ကြောသုံးကြောလုံး၏ ထိပ်၌ ကတုတ်နှစ်လုံးစီဆောက်ရန် တာဝန်ပေးလိုက်သည်။
- ပွိုင့် ၄၉၁ ကုန်းတွင် ခံစစ်နေရာပြင်ရန် ဗိုလ်ထူးထူးတပ်စုကို တာဝန်ပေးသည်။ ကတုတ်များ၊ ဆက်သွယ်ရေးမြောင်း၊ ခြံစည်းရိုး၊ ကီးဒို ကုန်းကဲ့သို့ ၁ဝ ပေအမြင့်ရှိ အောက်မြေသားများကော်ထုတ်ရန်ဖြစ်သည်။
- ၁၂ဝမမ စိန်ပြောင်း Delay ခံနိုင်မည့် ဥမင်လှိုင်ခေါင်းတူးရန် ဗိုလ်ကော်လာတပ်စုကိုတာဝန်ပေးသည်။ မိမိတို့ရှိသော ၈၁ မမ စိန် မြောင်းနေရာမှစတင်၍ ကီးဒိုကုန်ကိုပတ်ပြီး စတင်တူးရမည်။ တဖွဲ့သည်ဘယ်ဘက်မှစတူးပြီး ကျန်တဖွဲ့သည် ညာဘက်မှစတူးရမည်။ ဥမင်၏ အပေါ်မြေသားပြိုမကျရေးအတွက် ဒေါင့်ထောက်ရန် သစ်တိုင်နှင့်သစ်လုံးခုတ်ရန် ဗိုလ်ထွန်းမြင့်တပ်စုကို တာဝန်ပေးလိုက် သည်။
မှတ်ချက်…
မိမိဘတ်ဘူးသော The Tunnel of Cuchi စာအုပ်တွင် ဗီယက်နမ် အမျိုးသားလွတ်မြောက်ရေးတပ်ဦး ပြောက်ကျားတပ်ဖွဲ့များ တိုက် နည်းကိုယူ မိမ်ိရဲဘော်များ အထိအခိုက်နည်းစေရန်နှင့် တလခံမည့် ခံစစ်စီမံချက် ဖြစ်သည်။
- ထိုင်းရွာသားများကို စည်းရုံးရန်မိမိနှင့် တပ်ရင်းရုံးအဖွဲ့တာဝန်ယူသည်။ စီမံချက်ကာလ ၃လဖြစ်သည်။ စီမံချက်များအတိုင်း ရဲဘော် များ တက်ညီလက်ညီ လုပ်ကိုင်လျှက် ရှိသည်။ မိမိနှင့် တပ်ရင်းရုံးအဖွဲ့ စတင်လှုပ်ရှားတော့သည်။ မိမိတို့ တပ်ရင်းရုံးအောက် ထိုင်းနိုင်ငံဘက်ခြမ်း တောင်ခြေတွင် ထိုင်းဘုန်းကြီးကျောင်းရှိသည်။ ဘုန်းကြီးတပါးနှင့် ကပီယတဦးသာတွေ့သည်။ ဖက်မိုး။ ဝါးထရံ ကာ။ ပြင်ခင်းသည့် ဘုန်းကြီးကျောင်းလေးဖြစ်သည်။ ခြုံများအပြည့်ဖြစ်နေသည်။ သုံးရေတွင်းတတွင်းရှိသည်။ ခြုံများအုပ်နေသည့်ပြင် ခတ်တိမ်တိမ်တူးထားသည်။
မှတ်ချက်…
လူထုစည်းရုံးရေးလုပ်ရာတွင် သြဇာရှိပြီး လူထုရိုသေ လေးစားမှုခံရသော၊ ဘုန်းကြီး၊ သင်းအုပ်ဆရာ၊ ဗလီဆရာများကို စတင်စည်း ရုံးရမည်။ ထိုမှတဆင့် လူထုလုပ်ငန်းများရှာလုပ်ရမည်။ ထိုခေါင်းဆောင်များ၏ ထောက်ခံမှုကို အရင်လုပ်ရမည်။
- စစ်တိုက်ရင်း စည်းရုံး၊ စည်းရုံးရင်းစစ်တိုက်၊ စစ်တိုက်ရင်းလေ့လာ၊ လေ့လာရင်းစစ်တိုက်ရမယ်။
- သဘာဝအကာအကွယ်ထက် လူထုအကာအကွယ်က ပိုလုံခြုံတယ်။
- လူထုမထောက်ခံတဲ့တော်လှန်ရေးဟာ သွေးမရှိတဲ့လူလိုဘဲ။
- တော်လှန်ရေးတရပ်ကိုလူထုကမထောက်ခံတော့ဘူးဆိုရင် ဒီတော်လှန်ရေးဟာ မသာခေါင်းလောင်းထိုးခံရတာနဲ့အတူတူပဲ။
- လူထုဆန့်ကျင်ရေးမလုပ်နဲ့။ လူထုနောက်မှီးဆွဲလည်းမဖြစ်နဲ့။
မိမိတိုက်ခဲ့ဘူးသောစစ်နှင့် နိုင်ငံရေးသင်တန်းများမှ လေ့လာမှတ်ယူခဲ့ဘူးသော စစ်သင်ခန်းစာများကို လက်တွေ့အသုံးချ ရတော့မည် ဖြစ်သည်။ အထက်ပါ လူထုလမ်းစဉ်ကို အကောင်အထည်ဖေါ်ရန် မိမိတို့လုပ်ဆောင်ကြပါပြီး။ မိမိနှင့်တပ်ရင်းရုံးအဖွဲ့ နံနက် စာစားပြီး တောင်ခြေဆင်းသွားသည်။ ဘုန်းကြီးကိုခွင့်ပန်ပြီး ခြုံနွယ်ပေါင်းပင်များကိုရှင်းသည်။ ရေတွင်းထဲရှိမျက်၊ ပေါင်းပင်များရှင်းပြီး ပြန်တူး ပေးသည်၊ ရေကြည်ရေသန့်များထွက်လာသည်။ လူထုစည်းရုံးရေးလုပ်ငန်းအဆင့် (၁) ဖြစ်သည်။ အဆင့် (၂) အဖြစ် ဘာလုပ်ရ မည်ကိုစဉ်းစားသည်။ မိမိတပ်ရင်းဌာနချုပ် ကီးဒိုကုန်း၏ အရှေ့ဘက်ထိုင်းနိုင်ငံရှိတောင်ယာများ၌ စပါးများရွှေဝါရောင်သန်းနေပြီး။ ရိတ်သိမ်းရန် အချိန်တန်နေပါပြီး။ တနေ့ နံနက်စာစားပြီး မိမိချစ်ဇနီးအပါအဝင် ရဲဘော်တပ်စုတစုခေါ်၍ ထမ်းချလင်းထိုင်းရွာသို့ ဆင်း သွားပြီး ကျေးရွာလူကြီးကိုခွင့်ပန်ကာ တောင်ယာစပါးများကို ရိတ်ကြသည်။ မိမိတို့တိုင်းပြည်တွင် စပါးရိတ်သကဲ့သို့ တံဇင်နှင့် ရိတ် ခြင်းမဟုတ်။ စပါးနှံများကို လက်မနှင့် ဆိတ်ခူး၍ ကြွတ်ကြွတ်အိပ်ထဲအပြည့်ထည့်။ လယ်ရှင့်အိမ် ထမ်းပို့ခြင်းဖြစ်သည်။
ထိုအတောအတွင်း အမျိုးသမီးတဦးထမင်းစားရန် လာခေါ်သည်။ တောင်ယာပိုင်ရှင်ဖြစ်သည်။ ကောင်ညင်းနှင့် ငါးပိထောင်းဖြစ်သည်။ လူထုစေတနာရှိ၍ထင်သည်။ နတ်သုဒ္ဒါတမျှ အရသာရှိလှသည်။ တောင်ယာတခုလုံး ပြီးသွားသဖြင့် စခန်းသို့ပြန်ရန် ဖြစ်သည်။ မပြန်မီ ကျေးရွာလူကြီးအား မကျန်းမာသူများရှိပါက မိမိတပ်ဆေးရုံတွင် လာရောက်ကုသနိုင်ကြောင်း အကြောင်းကြားခဲ့သည်။ အနည်းငယ်မျှ လူထုအကျိုးပြုလုပ်ငန်းလုပ်ခဲ့ရုံဖြင့် လူထု၏ချစ်ကြည်လေးစားမှုနှင့် လူထု၏အေးမျှသောမေတ္တာကို ရရှိခဲ့သည်။
မှတ်ချက်…
- သဘာဝအကာအကွယ်ထက် လူထုအကာအကွယ်က ပိုလုံခြုံတယ်ဆိုတဲ့ တော်လှန်စစ် ဒဿန တခုကို တွေ့ရှိခဲ့သည်။

ကျနော် နှင့် ယွားဟေလူ သို့မဟုတ် ပွိုင့် ၄၉၁ အပိုင်း (၁) Posted by on May 9, 2010

Operation Promise land သစ္စာမြေ စစ်ဆင်ရေးကို ကျနော် နှင့် ဗိုလ်မှူးကြီး စိုးစိုး တို့ ၁၉၈၆ ခုနှစ် နိုဝင်ဘာလ တပ်မဟာ (၆) ဝေါ်လေအောက်စခန်းမှာ စတင်အကောင်အထည်ဖေါ်လာ ရာ။ တချို့တဝက်ပြီးမြောက်ခဲ့ပြီးဖြစ်သည်၊ ထိုစစ်ဆင်ရေးကို အကောင်အထည်ဖေါ်ရာ ချောမွေ့ပြေပြစ်စေရန်အတွက် နယ် မြေအခြေအနေ။ ရန်သူ့အခြေအနေများကို လေ့လာရန် လိုနေ သေးသဖြင့် တပ်မှူး ဗိုလ်မှူးစိုးစိုး တာဝန်ပေးချက်အရ မိမိနှင့် ချစ်ရဲဘော် ဘာဂျာမွတ် (ကျဆုံး) တို့ နှစ်ဦး ဘိတ်၊ ထားဝယ် ခရိုင်၊ တနင်္သာရီမြို့နယ်၊ (မိုးတောင်) စခန်းရှိ ခရိုင် ဥက္ကဋ္ဌ ဗိုလ် မှူးကြီးစောမာဗယ်လ် (ကွယ်လွန်) ကို သွားရောက် သ တင်းပို့သည်။
img
ရန်သူကို ကြိုတင်ပြင်ဆင်မှုမရှိဘဲ မတိုက်နဲ့၊ ရန်သူ့အကြောင်း၊ ကိုယ့်အကြောင်း သိအောင် အရင်လုပ်။ ဒါမှ တိုက်ပွဲတရာ အောင် ပွဲတရာ ရမယ်။
တရက်ခန့် ၎င်းထံမှ အထွေထွေ ရန်သူ့သတင်း၊ နယ်မြေအခြေအနေများ မှတ်ယူပြီး နောက်တနေ့ ခရီးထွက်ရန်ပြင်သည်၊ “ခင်ဗျားကို နယ်မြေကျွမ်းကျင်တဲ့ ဗိုလ်ဒါးကြီး၊ ထိုစဉ်က KNDO တပ်ရင်း (ရ) တပ်ခွဲမှူး၊ (ယခုတတိယနိုင်ငံရောက်နေသူ) ကို ထည့်ပေးလိုက်မယ်။ ပစ္စတိုတယောက်တလက် နဲ့ M၇၂ တလုံစီ ပေးလိုက်မယ်”။
ခရီးထွက်ခါနီး ကျနော့ကို ၎င်းပတ်ထားသော Mido နာရီဖြုတ်ပေးသည်။ ထိုစဉ်က ကျနော့မှာ နာရီမရှိပါ။ တန်ဘိုးကြီးသော ထိုနာရီမျိုး ဝယ်အားမရှိပါ။ အောက်ခြေရဲဘော်များအပေါ် မေတ္တာ၊ စေတနာရှိသောခေါင်းဆောင် တပ်မှူးကြီးအား လေးစားမိသည်။ ကျနော်တို့ ခရီးထွက်သောအခါ ဗိုလ်ဒါးကြီးနှင့် ရဲဘော် ၃ ယောက်၊ မိမိ နှင့် ရဲဘော်ဘာဂျာမွတ် ပေါင်း ၆ ယောက် ဖြစ်သည်။
နောင်းဘွားတောကြီးကို ဖြတ်သည်။ ညနေစောင်းတော့ KNDO စခန်းရောက်ပြီး ညအိပ်သည်။ နံနက်စောစောထ၊ ထမင်းထုတ်ပြီး ခရီး ထွက်။ တနေ့လုံး လမ်းလျှောက်။။ ရှမ်းရွာကြီးများကိုဖြတ်၊ တောင်တက်၊ နောက်တောင်ခြေတွင် အိပ်သည်။ နံနက် အစားအသောက် ပြင်ဆင်နေစဉ် တဲဘေး၌ ကျွဲ ၁၅ ကောင်နှင့် လယ်ထွန်နေသော အင်္ကျီဗလာနှင့်လူကို တွေ့သည်။ မိုးတွေရွာနေသည်။ မချမ်းဘူးလား မသိ။

ကျနော် နှင့် ယွားဟေလူ သို့မဟုတ် ပွိုင့် ၄၉၁ အပိုင်း (၂) Posted by on May 12, 2010

နံနက် ၅ နာရီထိုးသည်နှင့် ကရင်အမျိုးသားအလံတော် အလေးပြုခြင်းနှင့် သစ္စာလေးချက် ဆိုကြသည်…
- ငါတို့သည် အမျိုးသားလွတ်မြောက်ရေးအတွက် တိုက်ပွဲဝင်ပါ မည်။
- ငါတို့သည် အမျိုးသား ကိုယ်ပိုင်ပြဌာန်းခွင့် ရရှိရေးအတွက် တိုက်ပွဲဝင်ပါမည်။
- ငါတို့သည် ကျဆုံးလေပြီးသော အာဇာနည်များအပေါ် သစ္စာ ရှိပါမည်။
- ငါအား အထက်မှပေးအပ်သော တာဝန်နှင့် ဝတ္တရားများကို ကျေပြွန်စွာထမ်းဆောင်ပါမည်ဟု သစ္စာပြုပါသည် …
ဟူသော သစ္စာပြုသံသည် ဝေါ်လေတရွာလုံးကို လွမ်းခြုံသွား တော့သည်။ တပ်ရေးဗိုလ်ကြီး စောစိုင်းမွန်သည် မိမိအား မိန့် ခွန်းခြွေရန် လာရောက်သတင်းပို့သဖြင့် တန်းစီထားပြီး သတိအနေအထားနှင့်ရှိနေသော ရဲဘော်များရှိရာသို့လာပြီး …
“တပ်ဖွဲ့ သက်သာ။ အေးစေ”
အနေအထားနှင့်နေစေပြီး မိမိစကားစပြောလိုက်သည်။

img

ရဲဘော်တို့ …
ငါတို့ မနက်ဖန်ခရီးထွက်တော့မယ်။ သွားရမယ့်ခရီးကဝေးတယ်။ တဖက်နိုင်ငံကိုဖြတ်သွားရမယ်။ တိတ်တိတ်၊ ဆိတ်ဆိတ်ရှိဘို့လိုတယ်။ ကိုယ့်တိုင်းပြည်မဟုတ်ဘူး၊ သတ်မှတ်ထားတဲ့ ကားရပ်မယ့် နေရာရောက်မှ အိမ်သာတက်ရမယ်။ စားရမယ့်နေရာရောက်မှ စားရ သောက်ရမယ်၊ တို့တတွေဟာ ပျော်ပွဲစားထွက်တာမဟုတ်ဘူး၊ စစ်ဆင်ရေးကြီးတခုကို ဆင်နွှဲရမှာဖြစ်တယ်၊ အသွားခြေရာပဲရှိရင်ရှိမယ်။ ဘာပဲဖြစ်ဖြစ်၊ စစ်ထဲဝင်ကတည်းက ရှင်သေမင်းကိုသစ္စာနှံထားကြပြီးဖြစ်တယ်။ အမျိုးသားအလံတော်ကို ကိုင်တွယ်သစ္စာဆိုထားပြီး လည်း ဖြစ်တယ်။ ဘယ်နေရာ ဘယ်အချိန်ပဲသေသေ၊ ကြိုက်တဲ့အချိန် အမျိုးသားအတွက် အသေခံတိုက်ပွဲဝင်မယ်လို့ ငါတို့အားလုံး သစ္စာပြုထားတယ် အဆန်းမဟုတ်ဘူး။ (Death Rather Than Slavery) (Death Rather Than to be a coward) “ကျွန်ဖြစ်ရ ခြင်းထက် သေတာကမြတ်တယ်၊ သရဲပေါကြောင်ခြင်းထက် သေတာကမြတ်တယ်” လို့ “ငါတို့ခံယူထားကြပြီး”
ခုတန်းစီထားတဲ့ ရဲဘော်အားလုံး ငါနဲ့လိုက်မယ့် ရဲဘော်တွေ မဟုတ်လား….
“ဟုတ်တယ်” ဟူသော …

ကျနော် နှင့် ထွီဖါးဝီးကျိုး ခွေးအိပ်တောင် (သို့မဟုတ်) ပွိုင့် ၄ဝ၄၄ တိုက်ပွဲ၊ Posted by on June 1, 2010

ဗဟိုစစ်ဦးစီးဌာနချုပ်၊ မာနယ်ပလော၊ ၁၉၉၃-၉၄၊ ခုနှစ် မာနယ်ပလောအောင်မြေသည် ဒေါနတောင်နှင့်သောင်ရင်း မြစ်ကြား၊ သံလွင်မြစ်နှင့် သောင်ရင်းမြစ်ဆုံ အထက်တွင်ရှိသည်။ ကေအဲန် ယူ ဗဟိုဌာနချုပ်၊ (KNLA) Karen National Liberation Army ကရင်အမျိုးသား လွတ်မြောက်ရေး တပ်မတော် စစ်ဦးစီးဌာနချုပ်ရှိ အခြခံစခန်းကြီးဖြစ်သည် (KNDO) Karen National Defense Organization ကရင်အမျိုးသား ကာကွယ်ရေးအစည်းအရုံး ဌာနချုပ် ရှိသည်။
ထို့အပြင် (NLD-LA) National League For Democracy – Liberated Area အမျိုးသား ဒီမိုက ရေစီ အဖွဲ့ချုပ် (လွတ်မြောက်နယ်မြေ) ဌာနချုပ်၊ (DAB) Democratic Allaince of Burma မြန်မာ ပြည်ဒီမိုကရေစီ မဟာမိတ်အဖွဲ့ချုပ်ဌာနချုပ်၊ (NDF) National Democratic Front အမျိုးသားဒီမိုကရေ စီ တပ်ပေါင်းစုဌာနချုပ်။(DPNS)Democratic Party for New Society လူ့ဘောင်သစ်ဒီမိုကရက်တစ် ပါ တီဌာနချုပ် ၊(ABSDF) All Burma Student’s Dem ocratic Front မြန်မာနိုင်ငံလုံးဆိုင်ရာ ကျောင်းသားများတပ်ဦး၊ (PLF) People’s Liberation Front ပြည်သူ့လွတ်မြောက်ရေးတပ်ဦး (NCGUB) National Coalition Government of Union of Burma ပြည်ထောင် စု မြန်မာနိုင်ငံအမျိုးသားညွှန်ပေါင်းအစိုးရ ဌာနချုပ်၊ (NCUB) National Council of Union of Burma ပြည်ထောင်စု မြန်မာနိုင်ငံအမျိုး သားကောင်းစီ)၊ဌာနချုပ်၊ (ABYMU) All Burma Young Monk Union ရဟန်းပျိုသမဂ္ဂ ဌာနချုပ်များရှိသည်။
“တိုင်းပြည်မဲ့နေတဲ့လူမျိုးဟာ ကျွန်ပဲ”

ဥက္ကဋ္ဌကြီးစောဘဦးကြီး
(KYO) Karen Youth Organization ကရင်လူငယ်အစည်းအရုံး၊ (KWO) Karen Women Organization ကရင်အမျိုးသမီးအစည်း အရုံး၊ အတွင်းရေးမှူးချုပ်ရုံး၊ သစ်တောဌာန၊ ပညာရေးဌာန၊ မိုင်းဌာန၊ တရားရေးဌာန၊ ဧည့်ဂေဟာ၊ စစ်ဆေးရုံ၊ စစ်သင်တန်းဌာန၊ ဘု ရားရှစ်ခိုးကျောင်း၊ ဘုန်းကြီးကျောင်း၊ လက်နက်ကြီးကုန်း၊ ဆက်သွာရေးဌာန၊ စစ်ရုံးချုပ်၊ စစ်အချုပ်၊ ရိက္ခာဂိုဒေါင်များ၊ ကွန်မန်ဒိုကုန်း၊ စီးဝေးခန်းမ၊ စစ်တန်းလျားများရှိသည့် ဌာချုပ်ကြီးဖြစ်သည်။
ထို့ပြင် ရပ်ကွက်များ ရှိပြန်သည်။ လောကွားလူ ကပေါလူ ထူးဝါးလူ ပဟီလူ ဖွေးဘောလူ ဖူးမြလူ ထီးသေဃီ ယာဒေးနီ စသည့် ရပ် ကွက်များရှိသည်။ KNDO ဌာနချုပ်နားတွင် အာဇာနည်များဗိမာန်ရှိသည်။ ကွယ်လွန်သွားပြီးဖြစ်သော မိမိ၏ မိဘနှစ်ပါးစလုံး မြုပ်နှံ ထားသည်။ အထက်တန်းကျောင်းများ၊ ဖူးရသေ့ ၏ တိုင်းရင်းဆေးကျောင်း လည်းရှိသည်။ လက်နက်ကြီး၊ အခြေခံစစ်သင်တန်း၊ ဗိုလ် သင်တန်းကျောင်း ရှိသည်။
တပ်ရင်း (၁၂)၊ တပ်မဟာ (၄) မှ မာနယ်ပလော ဗဟိုဌာနချုပ်သို့ပြန်ရောက်ပြီး ဗိုလ်ချုပ်စောမောင်မောင် စစ်ကော်မတီအတွင်းရေးမှူး ၏ DAB တွင် မိမိအားတာဝန်ပေးသည်။ ဗိုလ်ချုပ်စောမောင်မောင် (ကွယ်လွန်) အား သတင်းပို့ပြီး နေရန်အိမ်မရှိသေးသဖြင့် ဗိုလ်ချုပ် ကြီးစောဗိုလ်မြ အား အိမ်လိုကြောင်းသတင်းပို့သဖြင့် သစ်တောဌာနတာဝန်ခံ အောင်ဆန်း (လက်နက်ချ) အား အိမ်တဆောင်စာ သစ် တိုက်ပေးရန် ဗိုလ်ချုပ်မြမှ ရန်ညွှန်ကြားလိုက်သည်။ ကပေါလူ တွင် အိမ်ဆောက်ရန် နေရာကိုသားများ၊ ရဲဘော်များနှင့် မြေညှိခြင်း၊ နေရာရှင်းခြင်းလုပ်နေသည်။ ရန်သူ့သတင်းကြားဖြတ် (Intercept) အဖွဲ့မှ ရဲဘော်များ လာကူညီလုပ်ကိုင်ပေးကြသည်။ အိမ်မိုးရန် အင် ဖက်နှင့်သစ်များ မရောက်သေးပေ။
DAB စစ်ကော်မတီ အတွင်းရေးမှူးရုံးတွင် တနင်္လာနေ့မှသောကြာနေ့အထိနေပြီး စနေ၊ တနင်္ဂနွေနေ့ (Weekend) များ၌ မိသားစုနှင့် မိဘနှစ်ပါးအခြေချနေခဲ့သော ကပေါလူ တွင် ပြန်နေသည်။ DAB ရုံးတက်စဉ် ကျောင်းသားတပ်မတော်၊ သုတေသနဌာနမှ ထုတ်ဝေ သော ရန်သူ့စစ်အဂါင်္စဉ်ကို လေ့လာသည်။ မိမိတို့ စစ်ဦးစီးဌာနချုပ်မှ ကြားဖြတ်သတင်း၊ တိုက်ပွဲအစီရင်ခံစာများကိုလေ့လာသည်။ အ ထူးသဖြင့် မိမိရောက်ရှိနေသော ဗဟိုဌာနချုပ် ဝန်းကျင်ရှိရန်သူ့တပ်တည်၊ လှုပ်ရှားမှုများကို ဦးစားပေးလေ့လာသည်။
ရန်သူ့အ ကြောင်း လေ့လာရာ၌ တပ်အမျိုးအစား၊ တပ်တည်၊ လက်နက်တတ်ဆင်မှု၊ စရိုက်၊ အမူအကျင့်များကို လေ့လာသည်။ အထူးသဖြင့် (ရတခ) အရှေ့တောင်တိုင်းတက်များ၏ အခြေအနေ၊ နောက် တပ်မ (၆၆) နှင့် တပ်မ (၈၈) တို့၏ လှုပ်ရှားမှုများကို လေ့လာသည်။ ရန်သူသည် မာနယ်ပလော ဗဟိုဌာနချုပ်ကို အရထိုးစစ်ဆင်သိမ်းပိုက်ရန် ကြီးမားသောရည်ရွယ်ချက်ထားရှိသည်။
တပ်မ (၆၆) သည် မာနယ်ပလော ချေမှုန်းရေးတာဝန်ယူရပြီး၊ တပ်မ (၈၈) သည် စစ်ဆင်ရေးအတွက် ထောက်ပံ့ရေးနှင့် ပို့ဆောင် ရေး ထောက်၊ ပို့ တာဝန်ယူရမည်ဖြစ်သည်။ တပ်မ (၆၆) အားတပ်မမှူး ဗိုလ်မှူးချုပ်အေးကျော်၊ ဒုတိယတပ်မမှူး ဗိုလ်မှူးကြီးတင်ဝင်း၊ (၆၆၁)၊ (၆၆၂)၊ (၆၆၃) ဗျူဟာမှူးများမှာ ဗိုလ်မှူးကြီးအောင်သိန်း(ခန့်မှန်း)၊ ဗိုလ်မှူးကြီး စိုးဝင်းမောင်နှင့်ဗိုလ်မှူးကြီး သူရမြင့်မောင် တို့ ဖြစ်သည်။ တပ်မ (၆၆) လက်အောက်ခံတပ်များမှာ ခလရ (၁၁) (၁၄) (ရ၅) (၈ဝ) နှင့် ခမရ (၄) (၅) (၆) (၁ဝ) (၁ဝ၈) စုစုပေါင်း (၁ဝ) ရင်းဖြစ်သည်။ အမတ၊ အမြောက်တပ် (၃) (၅)၊ ကွန်မန်ဒို တပ်ခွဲ (၃) ခွဲ၊ လေတပ်မှာ တရုပ်လုပ် F-7 ယူဂိုစလပ်လုပ် G-4၊ ဆွစ္စ ဇာလန်လုပ် PC-7 PC-9 ဖြစ်သည်ဟုသိရသည်။ ရန်သူအသုံးပြုနေသောလက်နက်ကြီးများမှာ (၈၁) မမ၊ (၁၂ဝ) မမ စိန်ပြောင်းများ၊ (ရ၅) မမ၊ (၈၄) မမ (၁ဝ၆) မမ နောက်ပွင့် ရိုင်ဖယ်များ၊ (၂၅) ပေါင်ဒါအမြောက်ကြီးများ၊ ပွိုင့် ၅ စက်ကြီးများ အစုံအလင်ပါသည်ဟု သိရသည်။ အထမ်းသမားပေါ်တာ ထောင်ချီ၍ ဖမ်းလာကြောင်းသိရသည်။
တနေ့ မိမိသားများ၊ ရဲဘော်များနှင့် အိမ်တိုင်ထူနေစဉ်၊ ဗိုလ်ချုပ်မြမှ ၎င်းထံသတင်းပို့ရန် မိမိစကားပြောစက်မှ ပေါ်ထွက်လာသဖြင့် ၎င်း နှင့်သွားတွေ့သည်။
“နက်ဖန် တပ်မဟာ (၆) က ကျောင်းသားတပ်ဖွဲ့ရောက်မယ်၊ ကျောင်းသားအဖွဲ့ကို ဦးစီးပြီး ထွီဖါးဝီးစစ်မြေပြင်တခုမှာ နေရာသွားယူ” တဲ့ …
လိုအပ်ချက်များကို မိမိဌာနမှူး ဗိုလ်ချုပ်မောင်မောင်သို့ တင်ပြလိုက်သည်။ DAB ကီးဒို စစ်ကြောင်းအဖြစ်ဖွဲ့စည်းရန်လိုအပ်သောတိုက် ပွဲဝင်ပစ္စည်းများ၊ တပ်အင်အားများ ထုတ်နုတ်ဖွဲ့စည်းရန် ဗျူဟာမှူးဖြစ်သော မိမိညီမလေးနန်းနွယ်ဇန်၏ ခင်ပွန်း ဗိုလ်မှူးကြီး လောဝါဒိ (ကွယ်လွန်) ကို ညွှန်ကြားလိုက်သည်။
နောက်နေ့ဗိုလ်ချုပ်မောင်မောင် (ကွယ်လွန်) မှ …
“ကျောင်းသားတပ်ဖွဲ့ရောက်ပြီး၊ လိုအပ်ချက်များလာရောက်စီစဉ်ရန်” ဟု
အကြောင်းကြားလာသဖြင့် မိမိသွားတွေ့သည်။ ကျောင်းသားတပ်မတော်မှ ရဲဘော်များ ပွဲကြီးပွဲကေါင်း ဆင်နွှဲရတော့မည်ဖြစ်သဖြင့် စိတ်ဓါတ်တက်ကြွနေသည်။ သို့သော် M ၁၆ များသာပါလာသည်၊ ပါလာသော လက်နက်ငယ်များမှာ အလုပ်မဖြစ်သည်က များနေ သည်။ ထို့ကြောင့် ကိုညဏ်ထွန်းကိုခေါ်၍လက်ထောက် စစ်ထောက်ချုပ်ထံသွားသည်။ M ၁၆ ပြောင်းသစ်များလဲသည်။ M 79 ၊ RPG အလက်၊ အသီးများထုတ်သည်။ စစ်ချပ်စစ်ပစ္စည်းများထုတ်သည်။ အစားအသောက်များထုတ်သည်။ လွှနှင့် ပေါက်တူး ပေါက်ပြားများ ထုတ်သည်။ မကျန်းမာသူများကိုဆေးရုံပို့သည်။ ဆေးမှူးအားလိုအပ်သော ဆေးပစ္စည်းများ ထုတ်စေသည်၊ ကျည်များဖြည့်သည်။ လက်နက်ငယ်တလက် ကျည် ၃ဝဝ စီဖြည့်ခိုင်းသည်။ လက်ပစ်ဗုံး၊ရှေ့ထွက်မိုင်း၊ နင်းမိုင်းအစုံထုတ်သည်။ အားလုံးစုံသလောက် ရှိပါ ပြီး။
ဗဟိုစစ်ဦးစီးဌာနချုပ်ရှိ ဗိုလ်မှူးဘော်ကျော်ဟဲဦးစီး ကွန်မန်ဒိုတပ်ရင်းတရင်းလုံး၊ ကျောင်းသားတပ်မတော် တပ်ရင်း(၂ဝရ) (၂ဝ၈) (၂ဝ၉) တပ်ရင်းများ၊ တပ်မဟာ (ရ) လက်အောက်ခံ တပ်ရင်း (၁၉) (၂ဝ) (၂၁) (၂၂) တပ်ရင်းများ၊ ပြည်သူ့လွတ်မြောက်ရေးတပ်ဦး တပ်ဖွဲ့များ၊ NLD-LA မှတပ်ဖွဲ့များ၊ တပ်မဟာ(၂) (၃) (၆) မှ တပ်ဖွဲ့များ၊ ကရင်လူငယ် KYO လူငယ်များ၊ KWO အမျိုးသမီးများ၊ ကော် သူးလေအထက်တန်း ကျောင်းသူကျောင်းသားများ၊ ဗိုလ်မှူး ဝေါထယ် (တတိယ နိုင်ငံရောက်) ဦးစီး ပြောက်ကျားတပ်ဖွဲ့၊ ဗိုလ်ကြီး စောအဘီး (ကွယ်လွန်) ဦးစီး အထူးပြောက်ကျားတပ်ဖွဲ့၊ ဗဟိုလက်နက်ကြီးတပ်ဖွဲ့၊ ဒီမိုကရေစီ အဖွဲ့အစည်းပေါင်းစုံမှ ရဲဘော်ခေါင်း ဆောင်များ တပ်ပေါင်းစုံ၊ အဖွဲ့အစည်း ပေါင်းစုံမှ ရန်သူ့ကျူးကျော်စစ်ကို ခုခံရင်ဆိုင်ရန် ပြင်ဆင်ထားပြီး ဖြစ်နေသည်။
ကပေါလူရှိ ဗျူဟာမှူးရုံးတွင် အလုပ်ရှုပ်နေသည်။ ပွိုင့် (၄ဝ၄၄) နှင့် ပါတ်ဝန်းကျင်သဲမြေပုံကြီးသည် ရန်သူ့စစ်ကြောင်းများ၏ ထိုးစစ် လမ်းကြောင်းများကိုပြနေသည်။ ကြားဖြတ်ဌာနတာဝန်ခံ ဗိုလ်သူလိုင် သဲမြေပုံရှိ ရန်သူ့ထိုးစစ်ဆင်လာရာလမ်းကြောင်း၊ တပ်အမျိုးအ စားများကို ရှင်းပြနေသည်။ ဗိုလ်ချုပ် ကစယ်ဒို၊ ဗျူဟာမှူး ဗိုလ်မှူးကြီးလောဝါဒိမှ တပ်ရင်းမှူး၊ စစ်ကြောင်းမှူးများ၊ တပ်ဖွဲ့မှူးများကို မိမိ တို့တိုက်ခိုက်ရမည့် စစ်ဂွင်များကို ရှင်းပြနေသည်။ မိမိ DAB ကီးဒိုစစ်ကြောင်းအား တပ်မဟာ (ရ) တပ်ရင်း (၂ဝ) စစ်ကြောင်းနှင့် လက်ချင်းချိတ်ရန် တာဝန်ပေးလိုက်သည်။ မိမိလက်ချင်းချိတ်ရမည့် တပ်ရင်း (၂ဝ) စစ်ကြောင်းမှူးသည် တပ်ရင်း (၂ဝ) ဒုတိယ တပ် ရင်းမှူးဖြစ်သည့် ဗိုလ်မှူးကျော်ဟဲ ဖြစ်သည်။ မျိုးချစ်စိတ်ရှိပြီး တိုက်ရည်ခိုက်ရည်ဝနေသောတပ်မှူးဖြစ်သည်။ တပ်ရင်းမှူးမှာ ဒုတိယ ဗိုလ်မှူးကြီး နော်တော့ ဖြစ်သည်။
DAB ကီးဒို စစ်ကြောင်းကျောင်းသားတပ်မတော် တပ်ရင်း (၂ဝ၄) (၂ဝ၅) ဖြင့်ဖွဲ့စည်းထားသော (၂၁၆) တပ်ရင်းမှ မိမိစစ်ကြောင်းတွင် ကိုတင်စိုး (မဆလတပ် ထွက်) ဦးစီးသော ကျောင်းသားတပ်တော်မှ တပ်ခွဲတခွဲ၊ ဗိုလ်ကြီး (စိုးအောင်) ဦးစီး (ကလလတ) (ကရင်နီပြည် လူမျိုးပေါင်းစုံလွတ်မြောက်ရေး တပ်ဦး) မှ တပ်ခွဲတခွဲ၊ ဗိုလ်ကြီး ကမော် ဦးစီးတပ်မဟာ (၂) မှ တပ်ခွဲတခွဲ၊ ဗဟိုစစ်ဦးစီးဌာနချုပ်၊ အထူးပြောက် ကျားတပ်ဖွဲ့ ဗိုလ်မှူး ထီးမှူး ဦးစီးတပ်ခွဲတခွဲ၊ မိမိစစ်ကြောင်းရုံးတွင် မိမိသား ဗိုလ်လှထွန်းဦး (ဗိုလ်ချာတိတ်) ဗိုလ်သင်တန်းအပါတ်စဉ် (၃) ဆင်း၊ (ဗိုလ်မှူး ကြီးအေးမြင့် ပို့ချပေးသောသင်တန်းအပါတ်စဉ်) ဦးစီးတပ်စုတစုဖြင့် DAB ကီးဒို စစ်ကြောင်းကို ဖွဲ့စည်းထားသည်။
စစ်ကြောင်း တပ်ရေးဗိုလ်ကြီးအဖြစ် ABSDF မှ ကိုဥာဏ်ထွန်း၊ တပ်ထောက် ဗိုလ်ကြီး အဖြစ် ABSDF မှ ကိုကျော်ဆွေ (မဆလ တပ်ထွက်)၊ စစ်ကြောင်း ရုံးတပ်စုတွင် (၆ဝ) မမ တာဝန်ခံ ကျောင်းသားတပ်မတော်မှ ကိုညိုမင်းထွန်း (မွစ္စလင်) (မဆလတပ်ထွက်)၊ စစ်ကြောင်း ဆသရ၊ ကြားဖြတ်၊ လက်နက်ကြီး၊ ဆေး အဖွဲ့ဟူ၍ဖွဲ့စည်းထားသည်။ ဆေးအဖွဲ့ ဒုတိယဆေးတာဝန်ခံမှာ ABSDF မှ ကိုထွန်း ထွန်းဦး (မောင်ခိုင်စွပ်)နှင့် ဆေးအဖွဲ့ဝင် ရဲဘော်မောင်တူး (စာရေးဆ ရာ) ယခု DVB အသံလွင့်ဌာနတို့ ဖြစ်သည်။
ရှေ့တန်း ကျောင်းသားတပ်မတော် တိုက်ခိုက်ရေးတပ်ဖွဲ့များအတွင်း တပ်စုမှူး ကိုကြည်ဝင်း (မဆလတပ်ထွက်) တပ်စုမှူးကိုခင်စိုး (မဆလတပ်ထွက်)၊ တပ်စုမှူး ကိုမှတ်ကြီး (မဆလတပ်ထွက်)၊ တပ်စိတ်မှူး ကိုအောင်ဝင်းကြီး (မဆလတပ်ထွက်)၊ တပ်စိတ်မှူး ကို ဇော်လှိုင်ဝင်း (ရဲထွက်) တို့ဖြင့် ဖွဲ့စည်းထားသည်။ စစ်ကြောင်းသည် တပ်ပေါင်းစုံမှတပ်ခွဲများဖြင့် ပူးပေါင်းဖွဲ့စည်းထားသဖြင့် လက်နက် တတ်ဆင်မှုမတူကြပေ။ တချို့တပ်ခွဲများ လက်နက်ကြီး RPG၊ စက်လတ်များစွာရှိပြီး ကျောင်းသားတပ်မတော်နှင့် တပ်မဟာ (၂) တပ် ခွဲများ၌ လက်နက်ကြီး အင်အားနည်းနေသည်။ ဟန်ချက်ညီတိုက်နိုင်ရန်အတွက်၊ တနေ့စစ်ကြောင်း အရေးပေါ် အစီးအဝေးခေါ်ယူ သည်။

သစ်ဆွေးအိမ်

“မိမိတို့၏ အန္တိမရည်မှန်းချက်မှာ အိုးအိမ်ပြောင်းရွှေ့ထွက်ပြေးရသူများ၊ အိုးအိမ်မဲ့နှင့် မျှော်လင့်ချက်မဲ့သူများ မရှိသည့် ကမ္ဘာကြီးတခု၊ မည်သည့်အရပ်တွင်ပင်ဖြစ်စေ မှီခိုနေထိုင်ကြသူများကို ကာကွယ်လုံခြုံစေမည့်၊ လွတ်လပ်စွာနေထိုင်နိုင်မည့်၊ အရည်အသွေးကို ပြနိုင်မည့်၊ ငြိမ်းချမ်းသည့် ကမ္ဘာကြီးတခု ဖန်တီးကြရန်ပင် ဖြစ်ပါသည်။ တွေးခေါ်မှုတခုချင်းစီ၊ စကားလုံးတခုချင်းစီ၊ လှုပ်ရှားမှုတခုချင်းစီတိုင်းသည် အပြုသဘောဆောင် ပေါင်းစည်းစေရမည်ဖြစ်ပြီး အလုံးစုံ ပေါင်းစည်းပါက ငြိမ်းချမ်းရေးကို ဦးတည် အထောက်အကူပြုစေကြရမည် ဖြစ်ပါသည်။ မိမိတို့ တဦးချင်းက ယခုကဲ့သို့ ဖြည့်ဆည်းဆောင်ရွက်ရန် တတ်စွမ်းကြပါသည်။ မိမိတို့လက်များ တွဲဆက်၍ မိမိတို့ အိပ်နေစဉ် လုံခြုံ၍ နိုးထသည့်အချိန်တွင် ပျော်ရွှင်ချမ်းမြေ့စွာ နိုးထရသော ငြိမ်းချမ်းသည့် ကမ္ဘာကြီးကို ဖန်တီးကြပါစို့” (ဒေါ်အောင်ဆန်းစုကြည်)

Wednesday, August 10, 2011

သစ်ဆွေးအိမ်

သစ်ဆွေးအိမ်

ညိုခက်ကျော်

မှောင်မည်းတိတ်ဆိတ်သော အခန်းကျဉ်းကလေးထဲမှာ အသက်ကို တပင်တပန်း ရှူရှိုက်နေရစဉ် ညတိုင်း ချောက်ချားနေရမြဲဖြစ်သော အသံတို့က တဖျတ်ဖျတ်နှင့် နားထဲသို့ ဆိုးဆိုးရွားရွား ၀င်ရောက်လာသည်။ ဒါ ... အဲဒီအသံ။ ဘုရား ဘုရား ... လူ့ဘ၀မှာ အသက်ရှင်နေထိုင်ရစဉ် ခဏလေးမှာ အဲဒီအသံတွေက ဘာဖြစ်လို့ ညစဉ်လို လိုက်ပြီး နှိပ်စက်နေရတာလဲ။ လူတဦးတယောက် ဒဏ်ရာတွေ ဗရပွနဲ့ ဒယိုင်းဒယိုင် ပြိုလဲနေတဲ့အ ချိန်မှာ အဲဒီသတ္တ၀ါတွေက ဒီလောက် နားဝင်ဆိုးလှတဲ့ အသံတွေမျိုးစုံ အော်ဟစ်ပြပြီး ပျော်ရွှင်မြူးထူးပြနေဖို့ မကောင်းဘူးဟု ထင်ပါသည်။ သူတို့မှာ ဦးနှောက်လည်းမရှိ၊ နှလုံးသားလည်း မရှိ၊ ဒါကြောင့် ကိုယ်ချင်းစာတ ရားရှိကြောင်းလည်း စိုးစဉ်းမျှ မျှော်လင့်နေစရာမလို။

ထို့အပြင် သူတို့မှာ (သူတို့ကိုလည်း ရန်မပြုပါဘဲနှင့်) လူတွေကို ရောဂါပိုးပေါင်းများစွာ လှလှပပလေး မသိမ သာကလေး ဖြန့်ဝေပေးနိုင်စွမ်းလည်းရှိကြသေးသည်။ သူတပါး ပင်ပန်းကြီးစွာ ချက်ပြုတ်ထားသော အစားအ စာပေါင်းများစွာကို ခိုးယူတမျိုး၊ ပြောင်တမျိုးနှင့် မြိန်ရေရှက်ရေ တ၀တပြဲ စားသောက်ပြီးနောက် အဲဒီပန်းကန် အိုးခွက်ထဲမှာပဲ မစင်စွန့်ခဲ့ကြ၊ ဥတွေ ဥချခဲ့တတ်ကြတဲ့ သူတို့ဟာ ဟောဒီလောကကြီးထဲက ၃၁ ဘုံ သတ္တ၀ါ တွေထဲ စာရင်းရှိနေဖို့ မကောင်းပါ။ “သားရေပေါ်အိပ် သားရေနားစား” ဆိုတဲ့ စကားပုံဟာ သူတို့တွေအတွက် အထိုက်တန်းဆုံး ဆုလာဘ်တခုဖြစ်မည်။

တိမ်တောက်ချိန်

 

Saturday, January 22, 2011

တိမ်တောက်ချိန်

တိမ်တောက်ချိန်

မောင်ရင့်မာ (ကျောင်းကုန်း)

“သေချာရဲ့လားဗျ၊ ခင်ဗျားအဖေက ဘာမှ မမျှော်လင့်ခဲ့ဘူးဆိုတာ”

ကျနော့်တွင် အလွန်သံသယဖြစ်တတ်၍ အလွန်လည်း အငြင်းသန်တတ်သော သူငယ်ချင်းတို့ တယောက်မက ရှိနေခဲ့ခြင်းမှာ ကံကောင်းသောအချက်တချက် ဖြစ်နိုင်ပါသည်။ သူတို့သည် ရေးမိရေးရာ ကျနော် ရေးသည့် စာ တညှိုတထွာလေးတွေကို တွေ့ရသည့်အခါ “ဒို့သူငယ်ချင်း ရေးတာ” ဟူ၍ တခုတ်တရ ဖတ်ကြသည်။ တ ခုတ်တရ ပြောကြသည်။ ဘ၀င်မကျ သဘောမမျှနိုင်သည်များ တွေ့လျှင်လည်း နီးဝေးနေ့ညဥ့်မဟူ တခုတ်တရ ငြင်းခုံတတ်ကြသည်။

ခုကြည့်၊ သန်းယံလွန်မြောက် တမိုးသောက်လုနီးနီး အချိန်သို့ရောက်ခါမှ အော်မြည်လာသော တယ်လီဖုန်း မြည်သံက ကျနော်နှင့် မိုင်ငါးရာကျော် ကွာဝေးသော ဇာတိမြို့ကလေးဆီမှ သူငယ်ချင်းကဗျာဆရာ၏ ငြင်းခုံ သံပဲ ဖြစ်နေလေသည်။ ကျနော်၏ ရသစာတမ်း စုစည်းမှုစာအုပ်တအုပ်တွင် ရည်ညွန်းရေးသားခဲ့သော စာတ ပိုဒ်ကို သဘောမတူနိုင်ပါဟု သူက ဆိုသည်။

“ဆွတ်ယူစားသုံးခွင့် မရနိုင်မည်ကို သိတန်ကောင်းပါလျက် ထွန်ယက်ခဲ့၊ စိုက်ပျိုးခဲ့၊ ပေါင်းသင်ခဲ့၊ မြေဆွခဲ့ ဘ ၀ခရီးတလျှောက်လုံး မမောမနွမ်း ပင်ပန်းစွာ ရုန်းကန်၊ အနစ်နာခံ သန့်စင်စွာ အသက်ရှင်သန် နေထိုင်သွားခဲ့ လေသော ဖေဖေသို့ ...”

ဘ၀တွင် ပင်ပန်းဆင်းရဲခြင်းတွေကိုသာ ခံစားခဲ့ရပြီး ချမ်းမြေ့ကြည်သာခြင်းတွေကို မစံစားရဘဲ ကွယ်လွန်ခဲ့ ရှာသော ကျေးဇူးရှင်ဖခင်ကြီးအား ကျနော့်အဓိပ္ပာယ်နှင့် ကျနော် ရည်ရွယ်လွမ်းဆွတ်ခဲ့ခြင်းဖြစ်သည်။ သူငယ် ချင်းက သူ့အဓိပ္ပာယ်နှင့်သူ အနက်ကောက်၍ ငြင်းခုံလိုက်ခြင်းဖြစ်သည်။ ဘ၀င်မကျ သဘောမမျှနိုင်ပါဟု ဆို သည်။ သူ့အတွေ့အကြုံနှင့် အညီအညွတ်မရှိဟုဆိုသည်။ အင်္ဂုတ္ထိုရ် ပါဠိတော်လာ ‘ပုတ္တသုတ်’ နှင့် အညီအ ညွတ်မရှိဟု ဆိုသည်။ သို့သော် သူ၏ ငြင်းခုံချက်က စိတ်ဝင်စားဖို့ ကောင်းပါသည်။

*****

သူ၏ ဖခင်သည် ကျောင်းကုန်းနှင့် အိမ်မဲကြားက ဘုရားကြီးကုန်းရွာသား ဖြစ်သည်။

“ခင်ဗျားလည်း သိသားပဲ၊ အဖေက အင်မတန် စကားနည်းတာ။ သူ ဘာဖြစ်ချင်နေတာလဲဆိုတာ သိရတာမ ဟုတ်ဘူး”

ကျနော် သိရှိမှတ်မိသလောက်ဆိုလျှင် သူ့ဖခင်သည် ကျောင်းကုန်းတဘက်ကမ်းရှိ ‘တာဦး’ ၌ ရောင်းပန်းဝယ် ပန်းတို့ ပွင့်လန်းလာသောအခါ ကိုးတန်းအောင်သော သားကို ရန်ကုန်သို့ ပို့၍ ကျောင်းထားပေးခဲ့သည်။ သူ ငယ်ချင်းက စမ်းချောင်းမှာ မပျော်ပိုက် ဆိုသည်နှင့် လသာကျောင်းသို့ ချက်ချင်း ပြောင်းထားပေးခဲ့သည်။ မြို့ ၌ အပျော်လွန်၍ ဆယ်တန်းတနှစ်ကျလိုက်သောအခါ “စက်မှုတက္ကသိုလ် အမှတ်မမီမှာ စိုးလို့ ခြစ်ပစ်ခဲ့တာ” ဟု သူငယ်ချင်းက ခပ်တည်တည် အကြောင်းပြခဲ့သည်။

သူ့ဖခင်ကလည်း ယုံပစ်လိုက်သော အမူအရာနှင့် “နောက်နှစ်ပေါ့ သားရာ” ဟု ခပ်အေးအေးပဲ တုံ့ပြန့်ခဲ့သည်။ အဲသည်တနှစ် စိတ်လေလွင့်ပြီး ကုန်ကားနောက် လျှောက်လိုက်နေတော့လည်း မမြင်မကြားသလို တုံဏှိဘာ ဝေ နေခဲ့သည်။ နောက်တနှစ် ဆယ်တန်းအောင်၍ ပုသိမ်ကောလိပ်တွင် ဘော်လီဘော ယောင်ယောင်၊ က ဗျာယောင်ယောင် လုပ်နေတော့လည်း ဖခင်ကြီးက ဆိတ်ဆိတ်ပဲနေခဲ့သည်။ မြ၀ါးရုံတော ပျော်မောရင်း လေး နှစ်မြောက်တော့ ကျောင်းပြီးခဲ့သည်။ အဖေ့ဇာတိ ဘုရားကြီးကုန်းသို့ ပြန်၍ ဆီစက်တည်တော့လည်း ဘာမှမ ဆို ဘာမှမပြောခဲ့ဟု ဆိုသည်။ ဘွဲ့နှင်းသဘင် ခေါ်ပြီ။

သူငယ်ချင်းက ဘွဲ့တက်မယူလိုပါ ဆိုသောအခါတွင်မှ ဖခင်ကြီးက တုံဏှိဘာဝေ ဆိတ်ဆိတ်မနေနိုင်ပါလေ တော့။ “စာတွေ အကြာကြီး သင်လာပြီးမှ ရတဲ့ဘွဲ့ မင်းမယူရင် အဖေတက်ယူမယ်” ဟု ဆိုလေသောအခါ သားအဖနှစ်ယောက် ရန်ကုန်သို့ အတူတကွ တက်ခဲ့ကြပါသည်။

“ဘွဲ့ယူမယ့်နေ့က ၀တ်ရုံကြီး တကားကားနဲ့ ကျနော်ကသာ စိတ်အိုက်နေတာ၊ အဖေက တမနက်လုံး တက် ကြွနေတာဗျ။ ပါမောက္ခချုပ်က ကျနော့်ကို ဘွဲ့လက်မှတ်ပေးပြီး လက်ဆွဲနှုတ်ဆက်တော့ ပရိသတ်ထဲကနေ ကိုယ်တပိုင်းလောက်ပေါ်အောင် ဖင်ကြွကြည့်နေတဲ့ အဖေ့ကို မျက်လုံးထောင့်စွန်းကနေ မြင်လိုက်တယ်။ အ ဖေ တော်တော်ပျော်နေတာပါလားလို့ တွေးလိုက်မိတာနဲ့ ရင်ထဲ ၀မ်းနည်းသလိုလိုကြီး ဖြစ်သွားတယ်ဗျာ” 

ပဲကြီးလှော်ကြိုက်လို့ ။Status Update By Htin Lin Htet

ပဲကြီးလှော်သိတဲ့ လူကလဲသိမှာပါ

တခါတုန်းက ပဲကြီးလှော် အင်မတန်ကြိုက်တတ်တဲ့ အမျိုးသမီးတယောက်
ရှိသတဲ့။ပဲကြီးလှော် ကြိုက်တတ်ပေမယ့် သူမရဲ့ ပြဿနာကတော့ ပဲလှော်
စားပြီးတိုင်းမှာစိတ်အနှောင့်အယှက်ဖြစ်ဖွယ်ကောင်းလောက်အောင်
တားမနိုင်ဆီးမရချက်ချင်းလက်ငင်း လေလည်တတ်တာပါပဲတဲ့။

တနေ့ကျတော့ အဲဒီအမျိုးသမီးဟာ လူတယောက်နဲ့
ချစ်ကြိုက်သွားပြီးလက်ထပ်တော့မယ် အလုပ်မှာ သူမ ဘာသာတွေးသတဲ့။
“ငါ့ယောက်ျားဟာ အင်မတန်ယဉ်ကျေးသိမ်မွေ့နူးညံ့ပြီး
လူကြီးလူကောင်းဆန်တယ်။ ငါ့ရဲ့အီးပေါက်တတ်တဲ့အကျင့်ကို
သူ့အနေနဲ့ နှစ်သက်နိုင်မှာ မဟုတ်ဘူး”လို့တွေးမိပြီး
ပဲကြီးလှော်စားတဲ့အကျင့်ကို အနစ်နာခံ စွန့်လွှတ်လိုက်သတဲ့။

ဒီလိုနဲ့ လပေါင်းများစွာ ကြာလာခဲ့ပြီး တရက် အလုပ်ကနေ အိမ်အပြန်
လမ်းမှာသူမရဲ့ ကားပျက်သွားတယ်။ ဒါနဲ့ အိမ်ကို
လမ်းလျှောက်ပြန်လာရမှာမို့နောက်ကျမယ်ဆိုတဲ့အကြောင်း ခင်ပွန်းသည်ကို
ကြိုတင် ဖုန်းဆက်အကြောင်းကြားထားလိုက်တယ်။

အိမ်ကို လမ်းလျှောက်ပြန်လာနေတုန်းမှာ လမ်းမှာ
ပဲကြီးလှော်သည်နဲ့ပက်ပင်းတိုးရောတဲ့။ ပဲကြီးလှော်ကို မြင်တော့ စားချင်စိတ်က
တကျော့ပြန်ပြီးထကြွသောင်းကျန်းလာပြန်တော့တာပေါ့။

အိမ်ကလည်း တော်တော်လေး လှမ်းသေးတော့ “အခုနေ
စားသွားလိုက်ရင်အိမ်ပြန်ရောက်တဲ့အချိန်လောက်ဆို
အီးပေါက်တာလည်းပြီးသွားလောက်ရောပေါ့”လို့ တွေးပြီး စိတ်မထိန်းနိုင်ဘဲ
ပဲကြီးလှော်တွေဝယ်စားမိရောတဲ့။

တန်ဖိုးရှိတဲ့ မြန်မာမိန်းကလေးတွေဖြစ်စေချင် 3:09 AM ပန်းခရေ.. /

တန်ဖိုးရှိတဲ့ မြန်မာမိန်းကလေးတွေဖြစ်စေချင်

3:09 AM  ပန်းခရေ..  No comments

လောကကြီးတစ်တစ်ခုလုံးမှာနေထိုင်
ကြကုန်သောသူတို့သည်ရှေ့ဆောင်လမ်းပြဆုံးမတတ်သောသူတို့ကိုအလိုရှိကြပေသည်။
ဤကိစ္စသည်လောကကြီးတစ်ခုလုံး၏မလွန်ဆန်ကောင်းသောသဘာဝဓမ္မသဘောတရားကြီးပင်ဖြစ်ပါသည်
မြန်မာပြည်ကြီးတွင် ဘုရား ၊တရား ၊ သံဃာ၊မိဘ ၊ဆရာ သမားဟူသော ရှေ့ဆောင်လမ်းပြငါးဦးတို့၏ ဦးဆောင်ဆုံးမမှုကို လိုက်နာကျင့်ကြံအားထုတ်၊ပြုလုပ်ဆောင်ရွက်ကြကုန်သောကြောင့်သံသရာနှစ်ဖြာသောအရေးတို့တွင်
အေးအေးဆေးဆေးသက်သက်သာသာနေနိုင်သောအခွင့်အရေးတို့ကိုရခဲ့ကြသည်မှာဟိုးရှေးကတည်းကပင်ဖြစ်ပါသည်။
ယခုခေတ် ၊ ယခုအခါတွင် ပျက်စီးခြင်း ကြီးမားပျက်စီး ၍လာကြသည်။ အဘယ်ကြောင့်ဆိုသော်ဦးဆောင်လမ်းပြသူမှာတစ်မျိုးတစ်စားထဲမဟုတ်နှစ်မျိုးနှစ်စားဖြစ်နေသောကြောင့်ဖြစ်သည်။
ကောင်းတာကိုလမ်းပြသူနှင့်မကောင်းတာကိုလမ်းပြသူဟူနှစ်မျိုးနှစ်စားပင်ဖြစ်သည်။
အဖိုးမဖြတ်နိုင်အောင်အလွန်ထိုက်တန်သောအမျိုးပျက်စီးရသည်မှာများစွာမှဆိုးဝါးလှပါသည်။
လောကကြီးမှာဥပမာအားဖြင့်"အမျိုး" ဟူသည်"ကျောင်း" "အိမ်" "တိုက်တာ" စသောအဆောက်အဦးတို့တွင်အမာခံဖြစ်သော"တိုက်နံရံ"တို့နှင့်တူပါသည်။ "ဘာသာ သာသနာ၊ ပညာ" တို့သည်"အမိုး ၊ အကာ ၊အခင်း"တို့နှင့်တူပါသည်။
အိမ်တို့တွင်အမာခံဖြစ်သောတိုက်နံရံတို့ပျက်စီးချို့ယွင်းခဲ့လျှင် အမိုးအကာအခင်းတို့လဲတည်တံ့ ခိုင်မြဲခြင်းမရှိနိုင်ပါ။ပျက်စီးယိုယွင်းခြင်းကိုသာ ရောက်နိုင်ပါသည်။
လောကကြီးကိုကောင်းအောင်သော်လည်းကောင်း ၊ပျက်စီးအောင်သော်လည်းကောင်း ပြုမြင်စီမံနိုင်သောသူများမှာ"မိန်းမ"များပင်ဖြစ်လေသည်။ ဤ အကြောင်းကိုစဉ်းစားရန်(ဗလာတိ-ဗလာမိတ္ထိဟေ)"မိန်းမ"တို့သည်ဗလာတိ-ဗလံ" "အား"အရှိတကာ့အရှိဆုံးဖြစ်သည်။မိုက်ရိုင်းအောင်လဲမိန်းမတွေသင်ပေးနိုင်သလို၊လိမ္မာယဉ်ကျေးအောင်လည်း မိန်းမတို့ပင်စွမ်းနိုင်လေသည်။ အိမ်တိုင်းတွင် မိန်းမများသာအရေးပါအရာရောက် ၍ကြီးမားကာအုပ်ချုပ်စီမံနေကြသည်ဆိုသည်မှာအားလုံးအသိပါ။
သင်တို့နေသောအိမ်တွင်လင်ယောက်ျားနှင့်သားသမီးတွေကိုဘယ်လိုပြုပြင်စီမံထားပါသလဲ။လိမ္မာအောင်ပြုပြင်ထားပါသလား။သင်တို့စဉ်းစားကြည့်ပါ။အိမ်သားတွေမကောင်းရင်
သင်မကောင်းလို့ပါဘဲ။ အိမ်မှာတာဝန်အရှိဆုံးဟာ သင်ပါပဲ။သင်မြန်မြန်ပြုပြင်ပေးပါ။
အမိုက်နှင့်အလိမ္မာသည်လောကကြီးတစ်ခုလုံးတွင်ရှိကြသမြဲပေတည်း။အမိုက်နှင့်အလိမ္မာ ခွဲခြား၍သိရာတွင်လည်း အသိနှစ်မျိုးဖြစ်ပေါ်ရပြန်လေ၏။အသိနှစ်မျိုးမှာ အတွင်းသိနှင့်အပြင်သိ ဟူ၍ူဖြစ်၏။ထိုနှစ်မျိုးတွင်အတွင်းသိဖြစ်သူကားတစ်ခြားသူမဟုတ် မိခင်ဖြစ်သော အမျိုးသမီးများပင်ဖြစ်ပါသည်။
မိခင်ဖြစ်သူသည် မိမိ၌ဖြစ်ပေါ်လာသောသားသမီးကလေးများအားမမွေးဖွားခင်ပဋိသန်ဓေတည်နေစကတည်းကပင် အမိုက်ကလေးမွေးမည်၊ အလိမ္မာလေးမွေးမည်ဆိုတာ သူတစ်ပါးတို့မသိခင်ရှေးဦးစွာကပင် ကြိုတင်၍သိနိုင်၏။ ထို့ကြောင့်မိခင်ဖြစ်သူကို(အတွင်းသိ)ဟုခေါ်ရသည်။အခြားသောအဖေလုပ်သူနှင့်မျိုးဆွေသားချင်း၊ပေါင်းသင်းဆက်နွယ် အသွယ်သွယ်သော မိတ်ဆွေအပေါင်းတို့သည် ကြီးရင့်သော အရွယ်အိုသို့ရောက်လာမှ မိုက်သည်၊ လိမ္မာသည်တို့ကို ခွဲခြား သိမြင်ပြောဆိုနိုင်သောကြောင့်(အပြင်သိ) တွေခေါ်ဆိုကြရသည်။
မိမ္မမိုက်စစ်တန်း
(၁) သူတပါးအသက်ကို ညှင်းဆဲသတ်လေ့ရှိခြင်း။
(၂)သူတပါး၏ ပစ္စည်းဥစ္စာကို ၊မတော်လောဘ ခိုးယူလေ့ရှိခြင်း။
(၃)တပါးလင်ယောက်ျားတို့ကို ရွှင်ပျကြည်သာစွာဧည့်ခံစကားပြောလေ့ရှိခြင်း။
(၄)မိမိလင်မှ တပါးတခြားယောက်ျားနှင့်ပျော်ပါးကျူးလွန်လေ့ရှိခြင်း။
(၅) လိမ်လည်၍်ပြောကြားလေ့ရှိခြင်း။
(၆) လောင်းကစားအမှုတို့ကို ပြုလုပ်လိုက်စားခြင်း။
(၇) ပွဲလမ်း၊ သဘင်၊ အပျော်အရွှင် အားကြီးလေ့ရှိခြင်း။
(၈)မိဘသားချင်းတို့အပေါ်မှာ အရိုသေကင်းမဲ့၍ နိုင်ထက်မှုလေ့ရှိခြင်း။
(၉) လင်ယောက်ျားအပေါ်မှာနိုင်လိုသောစိတ်ရှိခြင်း။
(၁၀) လင်ဘက်ကိုမသဒ္ဒါ ၊ မိမိ ဆွေမျိုးကိုသာကြည့်ရှုထောက်ပံ့ခြင်း။
(၁၁) လင်၏အလိုမလိုက်လဘဲ လင်ယောက်ျားစိတ်ဆင်းရဲအောင် ညှဉ်းဆဲလေ့ရှိခြင်း။
(၁၂) လင်ရှာပေးသောပစ္စည်းတို့ကို မတရားဖြုန်းပစ်ခြင်း။
(၁၃) တပါးသောအိမ်ကိုသွားလာလည်ပတ်ခြင်း။
(၁၄) မိမိအပြစ်ကိုဖုံးကွယ်ပြီး သူတစ်ပါးတို့အပြစ်ကိုသာ ပြောဆိုလေ့ရှိခြင်း။
(၁၅) ကျယ်လောင်သောအသံဖြင့် ပြောဆိုရယ်မောလေ့ရှိခြင်း။
(၁၆) ရတနာသုံးပါးနှင့်စပ်သော တရားစကားကိုမကြားနိုင်ဘဲ ကာမဂုဏ်နှင့်စပ်သောစကားကိုသာ ပြောခြင်း၊ နားထောင်ခြင်း၊ သာယာလေ့ရှိခြင်း။
(၁၇) အကုသိုလ်အမှုတို့ကို ရဲတင်းစွာပြုဝံ့သလောက်၊ ကုသိုလ်မှုတို့ကို ကြောက်ရွံ့တုန်လှုပ်၊ နောက်ဆုတ်ခြင်း။
ဤ အချက်များကို မရှောင်ကြဉ်ဘဲ ဆက်ဆံပေါင်းသင်းပြီး နေကြပါမှုလောကသံသရာ နှစ်ဖြာစလုံး ဆုံးရှုံးနှစ်မွမ်းရပါမည်။ အထက်ဖော်ပြပါ အချက်တို့ကို ရှောင်ကြဉ်ပြီး မိန်းမ အလိမ္မာလေးများအောင်ကြိုးစားကြစေချင်ပါသည်။
အမျိုး ဘာသာ ၊ သာသနာ နှင့်ပညာတိုးပွား၊အကျိုးများစေသော ရည်ရွယ်ချက်ဖြင့်ဤ ဆောင်းပါးလေးကိုရေးသားတင်ပြလိုက်ရခြင်းဖြစ်ပါသည်။ သိစေ၊ တတ်စေ၊ လိမ္မာကြစေလိုသော ဆန္ဒအမှန်ဖြင့် ဖော်ပြပေးရခြင်းဖြစ်ပါသည်။မိန်းခလေးတစ်ယေက်လိမ္မာလျှင် အိမ်သာ၏။ရွာသာ၏။ မြို့သာ၏။ တိုင်းပြည်သာယာပါ၏။ ဆောင်းပါးလေးကိုဖတ်မိကြသောမိန်းခလေးတိုင်း အလိမ္မာလေးတွေအဖြစ် ပြုပြင်ပြောင်းလဲနိုင်ကျပါစေလို့ ဆုမွန်ကောင်းတောင်းလျှက်........

ရွှေမြန်မာဥယျဉ်မှ မခိုင်လေးရေးသားသောစာကိုပြန်လည်မျှဝေလိုက်ပါသည်.....