ကရင်လူမျိုးဆင်းသက်လာခြင်း

ဗမာအမျိုးသား အစည်းအရုံး and နန္ဒ ထွန်း shared Knowledge Library .'s photo.

ကရင်လူမျိုးဆင်းသက်လာခြင်း
=================
ကရင်ဟူသောအမည်ကို မြန်မာတို့က ခေါ်ဝေါ်သော ဝေါဟာရဖြစ်သည်။ အဓိပ္ပာယ်နှင့် အရင်းအမြစ် အတိအကျကိုမှု မကြံဆနိုင်ပေ။ ''ကမ်းယံ'' ဟူသော ဝေါဟာရ ဗော်ညိုညွန်းရှိ ''ဒယက်'' လူမျိုးတစ်မျိုး၏အမည် ''ကယန်'' ဟူသောဝေါဟာရ တိဗက်မြန်မာအစုဝင်တို့ တရုတ်ပြည်တွင်ရှိစဉ် ခေါ်ဝေါ်သည့် ''ချန်'' ဟူသော ဝေါဟာရမှ ဆင်းသက်လာသည့် အမည်ဖြစ်လိမ့်မည်ဟု အသီးသီးယူဆကြသည်။
(မြန်မာစွယ်စုံကျမ်း အတွဲ-၁)

ကရင်လူမျိုးတို့၏ မူလအစမျိုးနွယ်ဆက်သွယ်ပုံများကို သုတေသီတို့က အမျိုးမျိုးအဖုံဖုံ မှန်းဆပြောဆို ကောက်ချက်ချကြသည်။ ဘာသာစကားပြောဆိုမှု ရိုးရာဓလေ့ ယုံကြည်မှုဆိုင်ရာ အယူဝါဒ ရှေးဟောင်းတေးကဗျာ၊ လင်္ကာနှင့် တေးသီချင်း၊ ပုံပြင်၊ ဒဏ္ဍာရီများ ရှေးလူကြီးများ ဆိုစမှတ်စကားအပေါ်တွင် အခြေခံ၍ လေ့လာပြီး တွေးခေါ်မှန်းဆကြသည်။

ဆာ အာသာဖဲယား (Sir Arthure Phayre) ဆိုသူက ရှေးအခါက မြန်မာနိုင်ငံတွင် နေထိုင်ခဲ့ကြသော ပျူ၊ ကမ်းယံ၊ သက် လူမျိုးသုံးမျိုးအနက် ''ကမ်းယံ'' ဟူသော လူမျိုးအမည်မှာ ကရင်ဟူသောအမည်သို့ ပြောင်းလဲခေါ်ဆိုလာသည်ဟု ဆိုသည်။

အမေရိကန် သာသနာပြု ဒေါက်တာ ဖရန့်မေဆန် (Dr. Francis Manson) က ကရင်လူမျိုးတို့သည် ဟေဗြဲ (Hebure) လူမျိုးနှင့် ဆက်သွယ်ပြီးပျောက်ဆုံးနေသော ဟေဗြဲအနွယ်ဝင်များ ဖြစ်ဟန်တူသည်ဟု အဆိုပြုသည်။ ထိုအယူအဆကိုဒေါက်တာ မေဆန်ကပင် ပယ်ဖျက်ခဲ့ပြန်ပြီး ကရင်လူမျိုးတို့၏ ပြောဆိုသောစကားကို ဆန်းစစ်ပြန်ရာ ကရင်လူမျိုးတို့သည် တရုတ်လူမျိုးတို့၏ အကိုင်းအခက်ဖြစ်မည်ဟု မူလအယူအဆကို ပြင်ဆင်ခဲ့ပြန်ပါသည်။

မစ္စတာ ဂျေအာလိုဂန် (Mr, J.R Logan) က ကရင်လူမျိုးတို့၏ ပြောဆိုသောစကားသည် ဧရာဝဒို ဗြမ္မာပုတ်တရန် စကားအုပ်စုတွင် ပါဝင်ပြီး တောင်ပိုင်းသို့အရောက်တွင် တရုတ်ဘာသာစကား လွမ်းမိုးခြင်းခံရသည်ဟု အဆိုပြုပြန်ပါသည်။

တစ်ဖန် မစ္စတာကားလ်ဘုန်း (Mr.Colrnhoun) က သူရေးသည့် (Amongest The Shans) စာအုပ်တွင် ကရင်လူမျိုးများသည် အာရှတိုက် အလယ်ပိုင်းရှိ ရှေးဟောင်း ''တိတ်'' (Tek) သို့မဟုတ် တုတ် (Tok) လူမျိုးမှ ဆင်းသက်လာသည်ဟု ဆိုပြန်ပါသည်။

သာသနာပြု မစ္စတာ ခရော့စ် (Mr.Cross) ကလည်း ကရင်လူမျိုးများသည် မြန်မာနိုင်ငံ အရှေ့တောင်ပိုင်း မုတ္တမပင်လယ်ကွေ့ တစ်ဝိုက်တွင် နေထိုင်ကြသော မူလတိုင်းရင်းသားဖြစ်သည်ဟု အဆိုပြုထားပြန်ပါသည်။

တစ်ဖန်မေဂျာအင်ရီကေ (Maj Enriquez) ကလည်း ကရင်လူမျိုးများသည် ထိုင်းတရုတ်အနွယ်မှ ဆင်းသက်လာခဲ့သည်ဟု မြန်မာနိုင်ငံ လူမျိုးများအကြောင်း စာအုပ်တွင် ရေးသားထားပြန်ပါသည်။

ဤသို့ဖြင့် အနောက်တိုင်း သုတေသီတို့က မှန်းဆ၍ မိမိတို့စိတ်ဆန္ဒသန်သူလို အဆိုပြုကြသည်။ သို့ရာတွင် ၁၉၁၆ ခုနှစ် မြန်မာနိုင်ငံ ရှေးဟောင်းသုတေသန အစီရင်ခံစာတွင် ကရင်လူမျိုးအား မြန်မာ့သမိုင်းများ၌ ဖော်ပြခဲ့သော ကမ်းယံလူမျိုးများနှင့်လည်းကောင်း ယူနန်နယ်ရှိ ''ယောဝ်'' နှင့် မြှောင်လူမျိုးနှင့်လည်းကောင်း ဆက်နွယ်ကြောင်း ဖော်ပြပါရှိပါသည်။

မည်သို့ပင်ဖြစ်စေ မျက်မှောက်ခေတ် သုတေသီပညာရှင်ကြီးများသည် ကရင်လူမျိုးတို့အား မွန်ဂိုလူမျိုးများမှ ဆင်းသက်လာကြပြီး တိဗက်တရုတ် ဘာသာစကား အနွယ်ကြီးတွင် ပါဝင်သော တိဗက်မြန်မာ စကားအစုဝင်ဖြစ်ကြောင်း လက်ခံအတည်ပြုထားခြင်းမှာ တိကျသောအဆိုနှင့် ခိုင်လုံသောအတည်ပြုခြင်းပင်ဖြစ်သည်။

ကရင်လူမျိုးတို့၏ မူလဒေသသည် အာရှတိုက်အလယ်ပိုင်း မြင့်မားသော တောင်တန်းကြီးများ ခြံရံသည့် ကုန်းပြင်မြင့်ကြီးတွင် နေထိုင်ကြပြီး ထိုကုန်းပြင်မြင့်မှ အရှေ့ပိုင်းတွင် မြစ်ဖျားခံသော မဲခေါင်မြစ်နှင့် သံလွင်မြစ်နှစ်သွယ်ကြားမှ ဆင်းသက်လာကြရာ မြန်မာနိုင်ငံသို့ ဦးစွာရမည်းသင်းနှင့် တောင်ငူဒေသအရှေ့ဘက်မှ ၀င်ရောက်နေထိုင်ကြောင်းနှင့် ကရင်လူမျိုးသည် တိဗက်မြန်မာစကားအစုဝင် မွန်ဂိုလူမျိုးအနွယ်ဝင် ဖြင်ကြောင်းမှာ ယနေ့အချိန်အခါတွင် ခိုင်လုံလျက်ရှိနေသည်။

မျက်မှောက်တွင် ပြည်ထောင်စု မြန်မာနိုင်ငံတော်အတွင်း မှီတင်းနေထိုင်ကြသော တိုင်းရင်းသားတို့သည် မွန်ဂိုအမျိုးအနွယ်များဖြစ်ကြပြီး တိဗက်မြန်မာ မွန်ခမာနှင့် ထိုင်းတရုတ်အနွယ် လူမျိုးကြီးသုံးခုမှ ဆင်းသက်ပေါက်ဖွားလာကြ၍ ရှေးပဝေသဏီကပင် သွေးတူ သားတူ ဆွေမျိုးတော်စပ်နေကြောင်း ယုံမှားဖွယ်မရှိနိုင်ပေ။

ထို့အတူ ကရင်လူမျိုးတို့သည်လည်း မွန်ဂိုလူမျိုးအနွယ်ဝင် ထိုင်းတရုတ်အုပ်စုတွင် ပါဝင်ပြီး တိဗက်မြန်မာ စကားအစုဝင်ဖြစ်၍ ပြည်ထောင်စု မြန်မာနိုင်ငံတော် တိုင်းရင်းသားတို့၏ မိသားစုဝင် လူမျိုးတစ်မျိုး ဖြစ်ခြင်းကိုကား ပို၍ ယုံများဖွယ်မရှိနိုင်ပေ။

ကရင်လူမျိုးများ ဆင်းသက်လာခြင်းခရီးကို အရှေ့ပိုးကရင်တို့က ရှေးကဗျာ လင်္ကာ တေးသီချင်းတို့ဖြင့် မှတ်တမ်းပြုထားကြသည်။ ကရင်လူမျိုးများသည် အရှေ့တောင်အရပ်သို့ ဘီစီ ၅၀၀၀ ခန့်လောက်တွင် မြေပြန့်အရပ်သို့ ဆင်းသက်လာသည်ဟု ဆိုကြသည်။ ထိုသို့ ဆင်းသက်လာရာတွင် ဂိုဘီသဲကန္တာရကို ဖြတ်ကျော်၍ ဂိုဘီသဲကန္တာရအလယ်ရှိ ရေပူအိုင်ကြီးများနှင့် သစ်ရွက်ခူးပြီးချလျှင် ချက်ချင်းနွမ်းလျော်သွားသည် ဆိုသည်။ ထိုနေရာကို အရှေ့ပိုးကရင်တို့က (ပီကျောင်းကိုက်) ဟူ၍ ခေါ်ဆိုပြီး ရေပူအိုင်ကြီးများနှင့် ကြုံတွေ့ခဲ့ရကြောင်းကို ရှေးသီချင်း ကဗျာ လင်္ကာများတွင် စပ်ဆိုသီကုံးထားလေသည်။ ထိုမှ ရေပူအိုင်ကြီးများကို မဖြတ်ကျော်နိုင်၍ ကွေ့ရှောင်ပြီး အချိန်ကြာမြင့်စွာ ဖြတ်ကျော်လာရသည် ဆိုသည်။

ဂိုဘီသဲကန္တာရကို ဖြတ်ကျော်ရာတွင် ဟိမ၀န္တာတောင်၏ မနီးမဝေးအရပ်သို့ ရောက်ရှိသောအခါ ဟိမ၀န္တာတောင်ထိပ်မှ အရည်ပျော်ပြီး ကျလာသောသဲချောင်းကို ဖြတ်ကျော်လာရပြန်သည်။ ထိုနေရာကို ကရင့်အခေါ် ထီ့ဆေမေးရွာ ဟူ၍ တေးသီချင်းဖြင့် သီဆိုမှတ်တမ်းတင်ထားလေသည်။ အချို့က ထီ့ဆေမေးရွာ သည် ကရင်လူမျိုးတို့၏ အခြေချ နေထိုင်ခဲ့ဘူးသော ဒေသဖြစ်ခဲ့ဘူးပြီး ယနေ့တိုင် ကရင်မျိုးနွယ်စုများ ရှိသေးကြောင်း ဆိုကြသည်။

ဂိုဘီသဲကန္တာရကို ဖြတ်သန်းလာရာတွင် အမျိုးမျိုးသော ဒုက္ခနှင့် ကြုံတွေ့ခဲ့ရပြီး လေမုန်တိုင်းတိုက်ခတ်သော ဒဏ်ကိုလည်း ရင်ဆိုင်ခံခဲ့ရပြန်သဖြင့် အမြောက်အများ သေဆုံးခဲ့ရသည်ဆိုသည်။ ထို့အပြင် မကောင်းဆိုးဝါးများဖြစ်သည့် ကရင်အခေါ် နောင်လော့် နောင်ခလော့် (နာန်ၟလ၀့် နာန်ၟခႜ၀့်) ဖြားယောင်းလှည့်စားခြင်းကို ခံရပြန်သဖြင့် အသာရေစာငတ်ပြတ်ပြီး အမြောက်အများသေဆုံးရပြန်သည်။ ထိုမကောင်းဆိုးဝါး နောင်လော့် နောင်ခလော့် တို့၏ ညွတ်ကွင်းမှလွတ်ကင်းသွားသူတို့က နောင်အခါ လက်ချည်နှောင်၍ ချည်ဖြူမင်္ဂလာဖွဲ့ လိပ်ပြာခေါ်ရာတွင် ဏယ်္ဘးနာန်ၟလ၀့်လ်ုဟှေဝ် ဏယ်္ဘးနာန်ခႜ၀့်လ်ုဟှေဝ် ဟူ၍သတိပေးစကား လိပ်ပြာခေါ်ခြင်း ချည်ဖြူဖြင့် လက်ချည်မှတ်သားခြင်း ဖြစ်ပေါ်လာခဲ့သည်ဟု ရှေးလူကြီးများက ဆိုစကားပြုထားလေသည်။

ကရင်လူမျိုးအနွယ်စုတွင် ပါဝင်သော အရှေ့ပိုးကရင်တို့သည် ကရင်လူမျိုးတို့၏ မူလဇာစ်မြစ် နေထိုင်ရာဒေသကို စာပေများဖြင့် ရေးသားမှတ်တမ်းတင်ခြင်း မရှိသော်လည်း ကရင်လူမျိုးတို့၏ မူလဗီဇဆင်းသက်လာရာ မျိုးနွယ်စုအကြောင်းအရာများကို ရှေးတေးကဗျာ၊ လင်္ကာ၊ တေးသီချင်းများဖြင့် ခံယူမှတ်သားကြလေသည်။

မည်သို့ပင်ဖြစ်စေ အရှေ့ပိုးကရင်လူမျိုး အပါအ၀င် ကရင်လူမျိုးနွယ်စုသည် တိဗက်ကုန်းပြင်မြင့်မှ တောင်ဘက်သို့ စစ်တောင်းဖြစ်၊ သံလွင်မြစ်၊ ဧရာဝတီမြစ်၊ မဲခေါင်မြစ်အတိုင်း ဆင်းသက်လာကြပြီး မြန်မာနိုင်ငံတွင် မျက်မှောက်တိုင် အခြား ညီအစ်ကို တိုင်းရင်သားများနှင့် အေးအတူပူအမျှ ဥမကွဲ သိုက်မပျက် ကောင်းတူဆိုးဖက် အစဉ်ထာဝရ စည်းလုံးညီညွတ်စွာ နေထိုင်ခြင်းကို ရှုခြင်းအားဖြင့် ကရင်လူမျိုးတို့ အပါအ၀င် တိုင်းရင်းသားတို့သည် မူလအစကပင် သွေးသားတော်စပ်၍ တစ်မျိုးတစ်နွယ်တည်း ဖြစ်သည်ဟူသော သုတေသီတို့၏ အဆုပြုချက်သည် ခိုင်လုံလျက်ရှိနေပေသည်။

ကရင်လူမျိုးတို့၏ တေးသီချင်း၊ လင်္ကာ၊ သမိုင်း၊ ပုံပြင်အရ တိဗက်ကုန်းပြင်မြင့်မှ ဆင်းသက်လာကြပြီး မြစ်နဒီကိုးသွယ်ကို ဖြတ်သန်းလာခဲ့ရကြောင်း ဆို၏။ ထိုမြစ်နဒီကိုးသွယ်မှာ........
(၁) စစ်ကျန်မြစ်ဝှမ်း
(၂) ဟိုဝှမ်မြစ်ဝှမ်း
(၃) ကောင်းတုံမြစ်ဝှမ်း
(၄) ယန်စီမြစ်ဝှမ်း
(၅) မဲနန်မြစ်ဝှမ်း
(၆) စစ်တောင်းမြစ်ဝှမ်း
(၇) မဲခေါင်မြစ်ဝှမ်း
(၈) သံလွင်မြစ်ဝှမ်း
(၉) ဧရာဝတီမြစ်ဝှမ်း စသည်တို့ဖြစ်သည်။
ထိုနဒီကိုးသွယ်ကို အခြေပြု၍ မျက်မှောက်ကရင် အမျိုးသားတို့ အသုံးပြုသော ကရင်အမျိုးသား အလံတော်တွင် ရောင်ခြည်ကိုးသွယ် ဖြာထွက်နေသည်ကို တွေ့ရှိနိုင်ပေသည်။ အလံတော်တွင် ရောင်ခြည်ကိုးသွယ် ဖြာထွက်ခြင်းကိုကရင်အမျိုးသားတို့ ဆင်းသက်လာခဲ့ရာဌာနေများအဖြစ် အမျိုးသား အထိမ်းအမှတ်ဝင် အမှတ်အသားပြုထားကြလေသည်။

သမိုင်းအရ ကရင်လူမျိုးတို့သည် တောင်ဘက်သို့ တဖြည်းဖြည်း ဆင်းသက်ရာတွင် အုပ်စုတစ်စုမှာ မြန်မာနိုင်ငံ ရမည်းသင်း၊ တောင်ငူဒေသတို့တွင် ရောက်ရှိသွားကြပြီး နောက်မှချန်ခဲ့သော အုပ်စုသည် တရုတ်ပြည် ယူနန်နယ်စပ်သို့ ရောက်ရှိသွားသည်ဆို၏။

တရုတ်ပြည် ယူနန်နယ်စပ်သို့ ရောက်ရှိသွားသော အုပ်စုသည် မြန်မာနိုင်ငံသို့ ဆက်လက်ထွက်ခွာလာရာတွင် အုပ်စုနှစ်စုဖွဲ့၍ ဆက်လက် ထွက်လာကြသည်။ ပထမအုပ်စုသည် တရုတ်ပြည် ယူနန်နယ်မှ ဘီစီ ၁၁၂၈ ခုနှစ်တွင် ထွက်ခွာလာပြီး မြန်မာပြည်တွင်းသို့ ဘီစီ ၁၁၂၅ ခုနှစ်တွင် ရောက်ရှိကြသည်။ တဖန် ဒုတိယအုပ်စုသည် ဘီစီ ၇၄၉ ခုနှစ်တွင် ယူနန်နယ်မှထွက်ခွာလာပြီး မြန်မာနိုင်ငံတွင်းသို့ ဘီစီ ၇၃၉ ခုနှစ်တွင် ရောက်ရှိလာကြသည် ဆို၏။

သို့ကြောင့် မျက်မှောက် ကရင့်ခုနှစ်ကို ရေတွက်ရာတွင် ကရင်လူမျိုးများ မြန်မာနိုင်ငံတွင်းသို့ အုပ်စုအားလုံး ရောက်ရှိလာသော ဘီစီ ၇၃၉ ခုနှစ်နှင့် ခရစ်နှစ်ကိုပေါင်းသော ကရင်ခုနှစ်ရရှိကြောင်း ယနေ့တိုင် အမှတ်အသားပြုထားကြလေသည်။
http://myitnadekoethwal.blogspot.com/