ဆွန်ယက်ဆင်၏ အရေးသုံးပါး 14Jun12

ဆွန်ယက်ဆင်၏ အရေးသုံးပါး

14Jun12

အမျိုးသား စည်းလုံးရေး ဒီမိုကရေစီရေး စားဝတ်နေရေး
ဗမာပြည်မှာ လူမျိုးစုံ ဘာသာစုံ ဆွေးနွေးပွဲ ဝပ်ရှော့ ဆိုတာတွေ တက်ခဲ့ဖူးပါတယ်။ တိုင်းရင်းသား အဖွဲ့တွေ ကြီးမှူးလုပ်တာပါ။ အဲဒီမှာ တိုင်းရင်းသားစုံ ဘာသာစုံက လူငယ် လူကြီး အစုံအလင် သိရ ပြောဆိုရဖူးပါတယ်။ အဲဒိကတခါ နိုင်ငံခြားမှာ ဒီလိုမျိုး ငြိမ်းချမ်းရေး စခန်းသွင်းပွဲတွေ သွားတက်ရပါတယ်။ အဲဒိတိုင်းပြည်မှာ လူမျိုး ဘာသာက ဗမာပြည်လိုပဲ များပြားတော့ အဓိကရုဏ်းတွေ ဖိနှိပ်မှုတွေ ဖြစ်ခဲ့လေတော့ ဘေးဆီးရန်ကာ လူထု လှုပ်ရှားမှုတွေ အဖွဲ့အစည်းတွေလဲ တော်တော်စုံနေပါပီ။ သူတို့ဆီက ပညာတတ် လူငယ် အမျိုးသမီးတွေကလဲ ဒီအရေးကို အတော် ထက်ထက်သန်သန် ပြောနိုင်ကြတာ တွေ့ရပါတယ်။ အစိုးရ အုပ်ချုပ်ပုံပြောင်းပီး နိုင်ငံတကာနဲ့ အထိအတွေ့ ဆိုတာတွေ သိပ်များလာတော့ သူတို့ဆီမှာ ဒီလို အဓိကရုဏ်းတွေ ဖြစ်တာနဲလာပီး ခွဲခြားနှိမ်ချမှု ဆိုတာ ရှက်ရမှန်း သိလာတဲ့ လက္ခဏာ တွေ့ရပါတယ်။ ဒါကြောင့် မွတ်ဆလင် နိုင်ငံကြီးပေမယ့် အတော် သည်းခံ လွတ်လပ်ခွင့် ကျင့်သုံးနိုင်ကြတယ်။
ကျနော်တို့ ဆီမှာလဲ အရင်က ပတ်သက်စရာ မရှိတဲ့ အသိုင်းအဝိုင်း လူမျိုးစုံ စကားပြောခိုင်း နာကြည်းမှုတွေ ဖွင့်ပြောကြတော့ အပြန်အလှန် နားလည်မှု တမျိုး ရှိလာတာကို တွေ့ရပါတယ်။ ဒါကလဲ ပွဲပီးမီးသေပါပဲ ဆိုလဲ ဟုတ်နိုင်တာပဲ။ နေ့စဉ်ဘဝမှာ ဒီလို ခွဲခြားမှုတွေ ဆင်ခြင် ရပ်တန့်သွားဖို့က အစိုးရနဲ့ လူ့အဖွဲ့အစည်း တခုလုံး ပါဝင်လာမှ ဖြစ်တာကိုး။ အန်ဂျီအို တချို့နဲ့ နီးစပ်တဲ့ အသိုင်းအဝိုင်းလေးတွေ စာဖတ်တဲ့ လူစုတွေမှာလောက် ကွက်ကွက်မှာ ကျင့်သုံးနိုင်တာက တကယ့် ရပ်ကွက်ထဲ ရွာထဲ ဖေ့စ်ဘုတ်ထဲ ရောက်တယ် မပြောနိုင်ပါ။

သိုးရေကို ခြုံလာတဲ့ ဝံပုလွေ/Posted by ကိုထိုက် Saturday, 17 September 2011

Saturday, 17 September 2011

သိုးရေကို ခြုံလာတဲ့ ဝံပုလွေ

သိန်းစိန်တို့ အုပ်စုရဲ့ သတိထားရမယ့် လှည့်ကွက် တချို့ကို ကျွန်တော် တင်ပြလိုပါတယ်။ အဲဒီ လှည့်ကွက်တွေ ကတော့ .. နအဖ၊ နဝတ လက်ထက်ကတည်းက လုပ်နေတဲ့ လုပ်ကွက် တွေကနေ ဘာမှ မပြောင်းလဲသေးဘူးဆိုတာပါဘဲ။ ပြောချင်တာက သွေးခွဲ အုပ်ချုပ်ရေး (သို့) အင်အားစုတွေ တစုတစည်းတည်း မဖြစ်ရေးပါ။ အဲဒါတွေကတော့ …

၁။ ၁၉၈၈ နောက်ပိုင်းကနေ ဒီနေ့အထိ .. ဒေါ်အောင်ဆန်းစုကြည်နဲ့ ၈၈ မျိုးဆက် ခေါင်းဆောင်တွေကို တပြိုင်နက် လွတ်လွတ်လပ်လပ် လှုပ်ရှားခွင့် ပေးတာမျိုး မရှိဘဲ .. (ပြည်သူလူထု ဖိအား၊ နိုင်ငံတကာ ဖိအား၊ စစ်တပ်အတွင်း အကြပ်အတည်းဖိအားတွေ လျော့လာအောင် လွှတ်ပေးရတာမျိုး ရှိခဲ့ရင်တောင်) .. တစ်ယောက်ကို လွှတ်ရင် အပြင်မှာ ရှိနေတဲ့ လူကို ပြန်ဖမ်းပါတယ်။ ဒါကြောင့် ဒီနေ့အထိ ကိုမင်းကိုနိုင်တို့ အုပ်စုနဲ့ ဒေါ်အောင်ဆန်းစုကြည် တို့ အပြင်မှာ တပြိုင်နက် မရှိခဲ့တာ ၈၈ နောက်ပိုင်းကနေ ဒီန့အထိပါပဲ။ သူတို့ အင်အားစု နှစ်ခု အတူတကွရှိရင် ဖြစ်လာမယ့် အင်အားက အရမ်းကြီးတာကြောင့် စစ်အုပ်စုရဲ့ အာဏာ ထိခိုက်မှာ စိုးရိမ်နေတာပါပဲ။ ဒါဟာ .. ကိုမင်းကိုနိုင်တို့ကို မလွှတ်ပေးသေးနိုင်တာဟာ ဘာကို ပြနေသလဲဆိုတော့ ဘောင်းဘီချွတ် သိန်းစိန်တို့ အုပ်စုဟာလည်း တိုင်းပြည်ကောင်းဖို့၊ အမျိုးသားရေး ပြန်လည်ပေါင်းစည်းဖို့ ဆိုတာထက် သူတို့ အာဏာမြဲဖို့ လုပ်ရပ်ရဲ့ သက်သေပြချက် တစ်မျိုးပါပဲ။

ကိုယ်ယုံကြည်ရာ အလင်းပွင့်ရာ…. Category: အက်ဆေး Published on Sunday, 16 December 2012 09:12 Written by ဖိုးမောင်(မြန်မာစာ)

အရှုံးတွေကို ဆက်တိုက်ရင်ဆိုင်နေရတဲ့အခါမျိုးမှာ ကလေးလေးတစ်ယောက်လို ချုံးပွဲချ ငိုယိုလိုက်ချင်တယ်။ ဒါပေမယ့် ငိုလို့မရဘူး။ ရင့်ကျက်မှုဆိုတဲ့အရာကြီးဟာ တစ်ခါတစ်ခါ ဆေးခါးကြီးလိုပဲ မြိုရခက် တယ်။
ကိုယ်နဲ့ပတ်သက်တဲ့ လူတွေအားလုံး ကိုယ်နဲ့ ခွဲခွာရတဲ့အချိန်မှာ ကိုယ့်ကို ရုတ်တရက် အပြင်းအထန် သတိရတာမျိုးမဟုတ်ဘဲနဲ့ အသက်တွေကြီးလာလေ ကိုယ့်ကို နားလည်လေ။ ပညာတွေ ပိုးပြီးတတ် လာလေ။ ကိုယ်ပြောတာကို ပိုပြီးသဘောပေါက်လာလေမျိုး ဖြစ်စေချင်တယ် . . .။
လောကအကျိူးကို ဆောင်သူတိုင်း အများနဲ့မတူဘဲ ရုန်းကန်ခဲ့ရတယ်။ တစ်စတစ်စနဲ့ ကိုယ်တိုင်ရုန်း ကန်ကြည့်မှ ကျေးဇူးရှင်ကြီးတွေရဲ့ ဉာဏ်နဲ့ဝီရိယကို လေးစားမိတယ်. . .။
တစ်ခါတစ်ခါမှာ ကိုယ့်ရဲ့အချစ်နဲ့ သံယောဇဉ်တို့က ကိုယ့်ကိုပြန်ပြီး နာကျင်စေတာမျိုးတွေရှိတယ်။ ဥပမာ၊ ကိုယ်ချစ်တဲ့သူကို မမြင်ရရင် မနေနိုင်ဘူး။ မြင်ရတော့လည်း ရင်နာတယ် ဆိုတာမျိုးပေါ့ . . .
နေပျော်တာတွေလည်း ရှိပါတယ်။ လူတွေက ကိုယ့်ကို အဆင်မပြေတဲ့ လူတစ်ယောက်လို့ မြင်ပေ မယ့် ကိုယ်တိုင်ကတော့ အဆင်ပြေတဲ့အခါမျိုးပေါ့. . .။ ဒါပေမယ့် အဲဒါပြဿနာရဲ့အစပဲ။ ကိုယ့်ဘဝကို မှတ်ကျောက်တင်မယ့် လောကဓံနဲ့ ပျော်ပွဲစားထွက်ရသလိုပဲ။
ပျားကောင်လို လူတွေတချို့ကြောင့် လောကကြီးက နေပျော်နေတာ။ သူတို့ဟာကောင်းတဲ့အရပ်၊ သန့်ရှင်းတဲ့ အရပ်က လာတာ။ သူတို့ရဲ့ ဝတ်ရည်ကလည်း ချိုမြခြင်းအတိ။ ဒါပေမယ့် သူတို့တော့ သွားမထိလေနဲ့ အဆိပ်ရှိကြောင်း ပြလိမ့်မယ်။

အသွင်ကူးပြောင်းရေး အတွေးစများ - အပိုင်း (၁) မိုးအေး

အသွင်ကူးပြောင်းရေး အတွေးစများ - အပိုင်း (၁)

အသွင်ကူးပြောင်းရေး အတွေးစများ - အပိုင်း (၁)

မိုးအေး

ဒီမုိုကရက်တစ်မြန်မာ့အသံ (ရုပ်မြင်သံကြား) ကနေ ကျနော် စီစဉ်တင်ဆက်ခဲ့တဲ့ အသွင်ကူးပြောင်းရေးနဲ့ ရုရှားဒီမိုကရေစီ အစီအစဉ်တွေနဲ့ ပတ်သက်လို့ တော်တော်များများက အကြံပေးတာ၊ ဝေဖန်တာတွေ အများကြီးရှိခဲ့ပါတယ်။ တော်တော်များများကလည်း စာအုပ်ထုတ်ဝေဖို့ အကြံပေးသလို တချို့ကလည်း ပြည်တွင်းဂျာနယ်တွေမှာ အပတ်စဉ် ဆောင်းပါးပုံစံ ပြန်ရေးပေးဖို့ တိုက်တွန်းပါတယ်။ အဲဒီလို တိုက်တွန်းမှုတွေဟာ ဒီစာအုပ်လေး ရေးဖို့ ဖြစ်လာတာမို့ တိုက်တွန်းအကြံပေးခဲ့သူအားလုံးကို အထူးကျေးဇူးပါတယ်လို့ ပြောချင်ပါတယ်။

ရုရှားအသွင်ကူးပြောင်းရေးကို ဘာကြောင့် စိတ်ဝင်စားမိခဲ့တာလဲ

ဒီမိုကရေစီအသွင်ကူးပြောင်းရေးနဲ့ ပတ်သက်လို့ အမေရိကန်နိုင်ငံ Indiana ပြည်နယ် The University of Notre Dame နိုင်ငံရေးသိပ္ပံ ပါမောက္ခ Scott P. Mainwaring ရေးသားခဲ့တဲ့ စာတမ်းကို ဖတ်မိရင်း ဒီဗွီဘီ ရုပ်မြင်သံကြားကနေ ရုရှားအစီအစဉ် ဖန်တီးဖြစ်ပါတယ်လို့ အရင်ပြောရမှာပါ။ ပါမောက္ခ Scott-Mainwaring ဟာ လက်တင်အမေရိကနုိုင်ငံတွေက နုိုင်ငံရေးပြုပြင်ပြောင်းလဲမူတွေကို အခြေခံပြီး သူနဲ့ ခေတ်ပြိုင်ပါမောက္ခတွေဖြစ်တဲ့ အာဂျင်တီးနားက Guillermo O´Donnell, European University Institute က ပါမောက္ခ Phillipe C. Schmitter နဲ့ ပိုလန်နိုင်ငံသား အမေရိကန် ပါမောက္ခ Adam-Przeworski တို့ ရေးသားပြုစုခဲ့တဲ့ စာတမ်းတွေ၊ စာအုပ်တွေအပေါ် သူ့အမြင်ကို ဖြည့်စွက်ဝေဖန် အကြံပေးပြုစုထားပါ။ ၁၉၈၉ နိုဝင်ဘာလက ပြုစုခဲ့တဲ့ စာတမ်းတွေဆိုတော့ နှစ်ပေါင်း ၂၀ ကျော်တော့ ကြာခဲ့ပါပြီ။ ဆိုဗီယက်ပြည်ထောင်စုပြိုကွဲစ ကာလက ပြုစုထားတဲ့ စာတမ်းလေးတစောင်ပေါ့။ ဒါပေမယ့် သူ့စာတမ်းက ဆိုဗီယက်ပြည်ထောင်စုပြိုကွဲမယ့်အရေးကို အဓိကထားတာ မဟုတ်ပါဘူး။ လက်တင်အမေရိကနုိုင်ငံတွေက ဒီမိုကရေစီအသွင်ကူးပြောင်းရေးဖြစ်စဉ်တွေကို အခြေခံပြီး အသွင်ကူးပြောင်းရေးတွေအပေါ် သုံးသပ်ပြထားတာပါ။

“နောက်ပြန်မလှည့်စတမ်းမူနဲ့ ဒီမုိုကရေစီအသွင်ကူးပြောင်းရေး လုပ်ကြမယ်ဆိုပြီး ကြွေးကြော်ချီတက်ခဲ့ကြ၊ အဲဒီလို ကြွေးကြော်ရင်းပဲ ဒီကနေ့ အနှစ် ၂၀ ကျော်ကာလထဲကို ရောက်လာပေမယ့် ဒီမုိုကရေစီရနံ့မသင်းနိုင်သေးတဲ့ နုိုင်ငံတွေ၊ ဒီမိုကရေစီကို ချီတက်မယ်လို့ ကြွေးကြော်ရင်း ကွန်မြူနစ်ခေတ်ဟောင်းကို နောက်ကြောင်းပြန် မလှည့်ကြပေမယ့် ခေတ်သစ် အာဏာရှင်ပုံစံအသစ်အောက်ကို ရောက်ရတဲ့ နိုင်ငံတွေ၊ ဒီအထဲမှာ ဆိုဗီယက်ပြည်ထောင်စုရဲ့ လုပ်ပိုင်ခွင့်အာဏာတွေကို အမွေဆက်ခံခဲ့တဲ့ သမ္မတ ဗလာဒီမာပူတင်ရဲ့ ဒီကနေ့ ရုရှားနုိုင်ငံလည်း ပါဝင်ပါတယ်။”

သူ့စာတမ်းထဲမှာ တခြားခေတ်ပြိုင်ပါမောက္ခတွေ ရေးသားထားတဲ့ အသွင်ကူးပြောင်းရေးနဲ့ ပတ်သက်လို့ စာတမ်းတွေ စာအုပ်တွေကိုလည်း ရည်ညွန်းထားပါတယ်။ သူ့စာတမ်းလေး လေ့လာမိရာကနေ သူ ရည်ညွန်းထားတဲ့ ဆရာကြီးတွေရဲ့ စာတမ်းတွေ စာအုပ်တွေလည်း လက်လှမ်းမီသလောက် လိုက်လေ့လာရတာပေါ့လေ။ အဲဒီမှာ အဓိကအနေနဲ့ အသွင်ကူးပြောင်းရေးဆိုတာ ဘာလဲ … အသွင်ကူးပြောင်းရေးကာလ ဘယ်မှာစလို့ … ဘယ်မှာ အဆုံးသတ်သလဲ ... စတာတွေကို အရှေ့ဥရောပနဲ့ လက်တင်အမေရိကတိုက်က အသွင်ကူးပြောင်းရေးနုိုင်ငံတွေရဲ့  မတူညီတဲ့ အခြေအနေတွေကို နုိုင်းယှဉ်သုံးသပ် ဖော်ပြထားတာတွေ တွေ့ရပါတယ်။ အသွင်ကူးပြောင်းရေးအကြောင်း သုံးသပ်လေ့လာတင်ပြထားတဲ့ ဆရာကြီးတွေရဲ့ စာတမ်းတွေထဲက ကျနော် စိတ်အ၀င်စားဆုံး ဖြစ်မိတာကတော့ ပါမောက္ခ Scott Mainwaring ရဲ့ တင်ပြချက်တခုပါ။

စဉ်းစားကြအရမ်းမလုပ်နဲ့ ကိုကိုဦး(တပ်ရင်း-၁၀၂)

Ko Oo

စဉ်းစားကြအရမ်းမလုပ်နဲ့
ကိုကိုဦး(တပ်ရင်း-၁၀၂)

သံဃာတော်တွေကိုတောင်းပန်လိုက်ပါပြီ၊
သံဃာတော်တွေကလည်းကျေနပ်လိုက်ပါပြီ၊

ဒါနဲ့ပြီးရောလား၊ စုံစမ်းရေးကော်မရှင်ကရှေ့ဆက်ပြီး
စုံစမ်းစစ်ဆေးရေးကိုဆုံးခန်းတိုင်ထိဆက်လုပ်မယ်
မလုပ်ဘူးဆိုတာကတော့ရှင်းရှင်းလင်းလင်းမသိသေးဘူး၊
တကယ်လို့သာပေးထားတဲ့ကတိအတိုင်းဆက်မလုပ်ဘူး
ဆိုရင်တော့ အမှန်ကိုလူထုကသိခွင့်မရသလို အဓိတာဝန်ရှိသူကို
လည်းတနည်းအားဖြင့်အကာအကွယ်ပေးရာလည်းရောက်ပါတယ်၊
ပြီးတော့ဒီကိစ္စဟာ တိုးလို့တန်းလန်းထားလို့ရတဲ့ကိစ္စမလုပ်ဘူး၊
ပေးထားတဲ့ကတိအတိုင်းဆုံးခန်းတိုင်အောင်လုပ်ကိုလုပ်ရလိမ့်မယ်၊

ပြည်သူလူထုအကြား ပွင့်လင်းညင်သာမှု(transparency)
ရှိအောင်ဆောင်ရွက်ပြရမှာဖြစ်သလို (Government Accountability)
ရှိတဲ့ လူထုအပေါ်အပြည့်အ၀တာဝန်ခံမှုရှိတဲ့အစိုးရမျိုးဖြစ်အောင်
လုပ်ဆောင်ပြဖို့လည်း အထူးလိုအပ်နေပါတယ်၊အမေရိကန်နိုင်ငံ မှာ
The U.S. Government Accountability Office (GAO)ကို
လွပ်လပ်တဲ့လူထုကိုယ်စားလှယ်များနဲ့ဖွဲ့စည်းထားပြီး ကွန်ဂရက်လုပ်ရပ်
မှန်ကန်မှုရှိမရှိကိုအမြဲတန်းစောင့်ကျင့်နေတဲ့အတွက်
"congressional watchdog"
လို့တောင်တင်စားခေါ်ဆိုကြတယ်၊ ဖယ်ဒရယ်ဘတ်ဂျက်ကိုစနစ်တကျ
သုံးစွဲမှုရှိမရှိတာကအစ၊ကွန်ဂရက်ရဲ့လုပ်ရပ်အားလုံးကိုဖွဲ့စည်းပုံနဲ့
ညီမညီအောင့်ကြည့်ပြီး ပြည်သူလူထုကိုယ်စားကွန်ဂရက်ကိုအမြဲတန်း
စောင့်ကြည့်ပေးနေတဲ့အတွက်ပြည်သူတွေအတွက်အလွန်ကိုအကျိုးရှိပါတယ်၊
အသေးစိတ်သိလိုသူများ ဒီလင့်ကိုသွားပြီးလေ့လာနိုင်ပါတယ်
http://www.gao.gov/about/index.html

မကတဒရဲဘော်များနှင့် တိုက်ပွဲဝင်ရဲဘော်များ.ပြည်သူလူထုများခင်ဗျား

Jar Gyi

မကတဒရဲဘော်များနှင့် တိုက်ပွဲဝင်ရဲဘော်များ.ပြည်သူလူထုများခင်ဗျား

၁၄၊၁၁၊၂၀၁၂- နံနက် (၆)နာရီမှ စတင်၍ ည (၈၃ဝ)အထိ ဦးသိန်းစိန်စစ်အစိုးရဧ။် ထိုးစစ်အား ခုခံခဲ့သော ခုခံတော်လှန်စစ်ပွဲနှင့် ပါတ်သက်ပြီး ကျနော် ရဲဘော်ကျော်ကျော်က အစီရင်ခံတင်ပြပေးလိုက်ပါတယ်။ ဒီခုခံစစ်ပွဲကို ကျနော်တို့ အောင်မြင်စွာ ချေမှုန်းအနိုင်ယူနိုင်လိုက်ပါတယ်။ ကျောင်းသားတပ်တော်တိုက်ပွဲသမိုင်းမှာ ကျနော်တို့ ပထမဦးဆုံးပေါ်ပေါက်လာတဲ့ အနိုင်ရတိုက်ပွဲသမိုင်းဖြစ်ပါတယ်။ ဒီသမိုင်းနဲ့အတူနောက်တိုက်ပွဲတွေမှာ အရှိန်အဟုန်ပြင်းစွာဆက်တိုက်အုံးမှာပါ။ ကျနော်တို့ ကျောင်းသားတပ်မတော် မြန်မာပြည်မြောက်ပိုင်းတွင် ကျနော်အပါအဝင် ဗိုလ်မှူးအောင်ဆွေဦး၊ ဗိုလ်မှူးပေါက်ကွေး တို့နှင့်အတူ ကျောင်းသားတပ်မတော်ရဲဘော်အင်အား(၅ဝ) ကျော် မဟာမိတ်ကေအိုင်အိုတပ်မတော်ဖြင့် လက်တွဲ တိုက်ပွဲဝင် ခုခံတွန်းလှန်ခဲ့ပါတယ်။ ကျနော်တို့ရဲ့ လက်တွဲတိုက်ပွဲဝင် အောင်မြင်မှုရဲ့အဓိကသော့ချက်အခြေခံဟာ တစ်ဖွဲ့နှင့် တစ်အပြန်အလှန်ယုံကြည်မှု ဖြစ်ပါတယ်။ ဒီအခြေခံမှတစ်ဆင့် နည်းဗျူဟာတိုက်ပွဲတွေမှာတစ်ဦးနဲ့တဦးအပြန်လေးစားမှု၊နားလည်မှု၊ချစ်ကြည်မှုများပိုမိုတိုးပွားလာကာလက်တွေ့တိုက်ပွဲဝင်မှုမှာထိထိရောက်အောင်မြင်စွာတွန်းလှန်တော်လှန်နိုင်မှုဟာအောင်ပွဲရဲ့အဓိကကျတဲ့အခြေခံပါဘဲ.။ ယနေ့သေနင်္ဂဗျူဟာ ခံစစ်ကာလမတရားတဲ့ကျုးကျော်စစ်ကိုတရားတဲ့တော်လှန်စစ်နဲ့တွန်းလှန်နေတဲ့သေနင်္ဂဗျူဟာ ခံစစ်ကာလအဆင့်တစ်ခုမှာ ခံစစ်ကိုမဟာမိတ်ကချင်လွတ်မြောက်ရေးတပ်မတော်မှပြတ်ပြတ်သားသားဆင်နွဲနေတဲ့အတွက် တရားတဲ့စစ်ခံစစ်ကာလမှာ ကျနော်တို့ ရရှိလိုက်တဲ့ အသီးအပွင့်က (က) လူထုရဲ့နိုင်ငံရေးနိုးကြားမှု အရှိန်အဟုန်တစ်ရပ်မှာ နိုင်ငံရေးပြသနာကို နိုင်ငံရေးနည်းနဲ့ဖြေရှင်းရမယ်ဆိုတဲ့ နိုင်ငံရေးအတွေးအခေါ်တစ်ရပ်ခိုင်မာစွာနဲ့ အရှိန်အဟုန်ပြင်းစွာ ထွက်ပေါ်လာတဲ့ နိုင်ငံရေးအသိမြင့်မားလာမှုအသီးအပွင့်နဲ့(ခ) ကချင်ပြည်နယ် တပြည်နယ်လုံးလူထုသဘောထားရာခိုင်နှုန်းများစွာ တသံတည်းထွက်နိုင်ခြင်း အသီးအပွင့်တွေရရှိခဲ့ပါတယ်။ လူထုရဲ့ရေချိန်နဲ့ နိုင်ငံတကာအခြေအနေကို မှန်ကန်စွာသုံးသပ်ရင်းသေနင်္ဂဗျူဟာခုခံစစ်မှစစ်ရေးအရပြန်လှန်ထိုးစစ်ဆင်သည့်အဆင့်သို့ရောက်ရှိသွားရန်ကြိုးပမ်းအားထုတ်ပါမှ စစ်ဗျူရိုကရက်ယန္တယားကို ချေမှုန်းနိုင်မှာ ဖြစ်ပါတယ်။

ခြောက်ခန်း ခဲ့ရတဲ့ ပုလဲ မျက်ရည်. . . .

Waimar Nyunt shared Cho Tu Zal's status update.

Cho Tu Zal

ခြောက်ခန်း ခဲ့ရတဲ့ ပုလဲ မျက်ရည်. . . .

အမျိုးသားပြန်လည်ရင်ကြားစေ့ရေး ကို လိုလားတယ်ဆိုရင်၊ တပ်မတော်နဲ့ ပြည်သူနဲ့ အကြားက အမုန်းတွေကို
ဒီအတိုင်းဆက်ထားပြီး ဒီအတိုင်းဆက်သွားသရွေ့ ဘယ်လို မှ ရင်ကြားမစေ့နိုင်ပါဘူး။

အမုန်းဆိုတာ အကြောင်းမဲ့ ဖြစ်လာတာ မဟုတ်ဘူး။
မုန်းစရာရှိလို့ မုန်းကြတာပါ။
ဘာကို မုန်းတာလည်း၊ ဘာကို မကြိုက်ကြ၊ မကျေနပ်ကြတာလည်း ဆိုတာကို သိအောင် လေ့လာပြီး၊ သူတို့ရဲ့ အမြင်နဲ့ ခံစားကြည့်ပြီး၊ သူတို့နေရာမှာ ငါဆိုလည်း မုန်းမိမှာပဲ လို့ စာနာစိတ်နဲ့ နားလည် ပြင်ဆင်ညှိနှိုင်းတဲ့ တနည်းထဲ
သာ အမုန်းကနေ အချစ်ကို ပြောင်းနိုင်ပါလိမ့်မယ်။

အမုန်းကို အချစ်တမျိုးထဲက သာ နိုင်ပါတယ်။
မေတ္တာသာလျှင် တခုတည်းသော ဖြေရှင်းရာပါ။
ဒီလိုပြောလို့ ဒီလောက် အမုန်းတွေ ရေးနေတဲ့ကောင် လို့ ပြောလည်း ခံရမှာပါပဲ။

မိကျောင်းတစ်ကောင်ရဲ့မျက်ရည် ________________________

Thein Moe and Lu Bo shared Nine Nine Sanay @ နိုင်းနိုင်းစနေ's photo.

မိကျောင်းတစ်ကောင်ရဲ့မျက်ရည်
________________________

ကျွန်မ မငိုဘူးလို့ သူတို့ပြောကြတယ်။ မျက်ရည်ကလည်း အတုတွေပါတဲ့။ တောင်အမေရိကတိုက်က တောနက်တစ်နေရာမှာ ကျွန်မ မင

်းမူကျက်စားတယ်။ ကျွန်မက ခွန်အားဗလပြည့်စုံတဲ့ မိကျောင်းတစ်ကောင်ပါ။ ကျွန်မဘာဖြစ်လို့ ငိုရမှာလဲ?

အမှောင်ထဲကနေ ကျွန်မအမြဲလန့်လန့်နိုးတယ်။ ညတိုင်းမက်တဲ့အိပ်မက်ထဲကနေ ကျွန်မ လန့်နိုးတယ်။ အိပ်မက်ထဲမှာ ကျွန်မ အင်အားမဲ့နေတယ်။ မျက်လုံးတွေ ဖျော့တော့နေတယ်။ ကိုယ်လက်တွေ လှုပ်ရှားလို့မရဘူး။

ကျွန်မကိုမွေးဖွားပြီး သိပ်မကြာခင်မှာ အမေနဲ့အတူ စွတ်စိုတဲ့ကမ်းစပ်တလျှောက် ကျွန်မတွားသွားနေခဲ့တယ်။ အဲဒီအချိန်က မနက်ခင်းဆိုတာကို ကျွန်မကောင်းကောင်းမှတ်မိနေတယ်။ နေရောင်ခြည်ကြောင့် လက်လက်ထနေတဲ့ အေးစိမ့်စိမ့်ချောင်းရေတွေက ကျွန်မကိုယ်ပေါ်ဖြတ်စီးနေတယ်။ တိတ်ဆိတ်နေတဲ့ပတ်ဝန်းကျင်ထဲ ကျွန်မနစ်မျောနေမိတယ်။

ကျွန်မက အမေရဲ့အငယ်ဆုံးကလေးပါ။ ကျွန်မကို အစာပေးတယ်၊ နေရာအနှံ့ခေါ်လည်တယ်ဆိုပေမယ့် အမေဘယ်တော့မှ မပြုံးဘူး။ တစ်ခါတလေ အမေမျက်လုံးထဲမှာ နူးညံ့သိမ်မွေ့တဲ့ အရိပ်အယောင်တွေ စွန်းထင်နေတတ်တယ်။ ဒါတွေဟာ အမေ့မျက်လုံးကို ပိုလှစေတယ်။ ဒါပေမယ့် အဲဒီသိမ်မွေ့မှုတွေက လျှပ်တစ်ပြက်အတွင်းမှာ ပျောက်သွားတတ်ပြီး "ဒီလောကကြီးမှာ အားနွဲ့သူရဲ့အသားကို အားသန်သူစားဆိုတဲ့ စကားတစ်ခွန်းရှိတယ်။ အင်အားကြီးသူ အသက်ရှင်စတမ်းဆိုတဲ့ ဥပဒေတစ်ခုရှိတယ်" လို့ အမေပြောတယ်။

ရခိုင်ပြည်တပ်မတော် (Arakan Army) နှင့် တိုင်းရင်းသားလက်နက်ကိုင် အဖွဲ့ (၃) ဖွဲ့ ပူးပေါင်း၍ မြ၀တီမြို့တွင် ဆန္ဒထုတ်ဖော်

Ma Nandar shared Ko Aung's photo.

Arakan Review

ရခိုင်ပြည်တပ်မတော် (Arakan Army) နှင့် တိုင်းရင်းသားလက်နက်ကိုင် အဖွဲ့ (၃) ဖွဲ့ ပူးပေါင်း၍ မြ၀တီမြို့တွင် ဆန္ဒထုတ်ဖော်

လက်နက်အင်အား အပြည့်အစုံတပ်

ဆင်ထားကြသော ရခိုင်ပြည်တပ်မတော် (Arakan Army)၊ တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA)၊ နှင့် (KNU/KNLA) Peace Council တို့ ပူးပေါင်း၍ ယနေ့ နံနက်ပိုင်း တွင် မြ၀တီမြို့၌ ဆန္ဒထုတ်ဖော်မှု တစ်ခု ပြုလုပ်ခဲ့ကြကြောင်း သတင်းရရှိ သည်။ဆန္ဒထုတ်ဖော်မှုနှင့် ပတ်သက်၍ ရခိုင်ပြည်တပ်မတော် (Arakan Army) မှ ဗိုလ်ကြီးအောင်ထွန်းသို့ Arakan Review မှ ဆက်သွယ်မေးမြန်းခဲ့ရာတွင် `ခုလို လက်နက်ကိုင်ပြီးတော့ မြ၀တီမြို့ပေါ်မှာ ဆန္ဒထုတ်ဖော်ရတဲ့ ရည်ရွယ် ချက် (၂) ချက်ရှိပါတယ်။ ပထမတစ်ချက်က လက်ပံတောင်းတောင် ကြေးနီ စီမံကိန်း သပိတ်တိုက်ပွဲဝင်နေကြတဲ့ သံဃာတော်တွေနဲ့ ပြည်သူတွေကို အကြမ်းဖက် ဖြိုခွင်းခဲ့တာနဲ့ ပတ်သက်လို့ ဒီနေ့ နိုင်ငံအ၀ှမ်းမှာ ဆန္ဒပြတောင်းဆိုနေကြတဲ့ သံဃာတော်တွေ ရဲ့ တောင်းဆို ချက်တွေကို အမြန်ဆုံး လိုက်လျောပေးစေဖို့နဲ့ ဒုတိယအချက်ကတော့ ကချင်ထိုးစစ်ကို လုံးဝ ရပ်တန့် ပေးဖို့ ဖြစ်တယ်´ ဟု ပြောသည်။aa2

ဆန္ဒပြပွဲ(၂)ခုနဲ့ အယူအဆအချို့

Khin Mgoo shared Ven Ravika's photo.

ဆန္ဒပြပွဲ(၂)ခုနဲ့ အယူအဆအချို့

သမ္မတရပ်တည်ချက် ထောက်ခံပွဲ၊ ကင်တာနားဆန့်ကျင်ပွဲတုန်းက စာရေးသူ ရေးခဲ့ဖူးပါတယ်။ ထောင်ကျော်ရှိတဲ့ သံဃာ့အင်အားဟာ မနည်းလှပါဘူး။ ဒီသံဃာတေ

ာ်အရှင်သူမြတ်များဟာ ဆန္ဒထွက်ပြမဲ့အစား သင်တန်းပေးသင့်တယ်၊ အိုအိုင်စီအကြောင်း၊ နိုင်ငံတကာဥပဒေအကြောင်း၊ ရှရီယာဥပဒေအကြောင်း၊ လူဝင်မှုဥပဒေအကြောင်း အစရှိသည် ရှင်းလင်းပွဲတွေ လုပ်ရင် ပိုထိရောက်တယ်လို့ ရေးခဲ့ဖူးတယ်။ ရခိုင်နဲ့ဘင်္ဂလီအရေးကို အကျယ်ချဲ့လိုသူများ ရှိနေလို့ နိုင်ငံတကာမှာ အမြတ်ထုတ်ခံရမှာစိုးလို့ပါ။

ကြေးနီစီမံကိန်းနဲ့ပတ်သက်ပြီး ပညာပေးသင်တန်းတွေ လုပ်ရုံနဲ့ မရပါ။ ပြည်သူတို့ရဲ့နစ်နာချက်ကို လမ်းပေါ်ထွက်ဆန္ဒပြမှသာ အစိုးရက အာရုံထားမှာ ဖြစ်ပါတယ်။ ဆန္ဒပြခြင်းဟာ ဒီမိုကရေစီစနစ်ကို ကျင့်သုံးခြင်းဖြစ်လို့ ဒါဟာ သင့်တော်ပါတယ်လို့ ယူဆပါတယ်။ သံဃာတော်အရှင်သူမြတ်များကလည်း မေတ္တာသုတ်တော်ရွတ်ဖတ်ပွားများပြီး ငြိမ်းချမ်းစွာ ဆန္ဒပြခဲ့ခြင်းရယ်ပါ။ ပါမောက္ခချုပ်ဆရာတော်တစ်ပါးကလည်း ဒါဟာ ဝိနည်းတော်နဲ့ညီပါတယ်လို့ မိန့်တော်မူခဲ့ပြီဖြစ်ပါတယ်။ ဒီဆန္ဒပြပွဲဟာ ဦးပိုင်နဲ့တရုတ်အကျိုးစီးပွားကို ထိခိုက်စေနိုင်ပေမဲ့ ပြည်တွင်းရေးကိစ္စတစ်ခုဖြစ်တယ်လို့ နိုင်ငံတကာက ယူဆပုံရပါတယ်။ ဒီသပိတ်အားကောင်းနေချိန်မှာ အယ်ဂျာဇီးရားက ဒီအကြောင်းကို ထုတ်လွှင့်မဲ့အစား Hidden Genocide ကိုပဲ ထုတ်လွှင့်ခဲ့တာကို ထောက်ကြည့်ရင် သိနိုင်ပါတယ်။