ဦးခင်မောင်မြင့် သို့မဟုတ် ရှားရှားပါးပါး သံမဏိ နိုင်ငံရေးသမား by Wai Maw on Friday, November 2, 2012 at 5:05am ·

ကမ္ဘာကျော် ပန်းချီဆရာကြီး လီယိုနာဒို ဒါဗင်ချီက သူ့ရဲ့အနုပညာ အောင်မြင်မှုအဖြစ် “မိုနာလီဇာ အပြုံး” လို့ လူတွေခေါ်ကြတဲ့ ပန်းချီကားကို ဖော်ပြနိုင်ပါတယ်။ ကမဘကျော် ရုရှားစာရေးဆရာကြီး လီယိုတော်လ်စတွိုင်း က သူရေးသားခဲ့တဲ့ စစ်နဲ့ငြိမ်းချမ်းရေး ဝတ္ထုကြီးကို လက်ညှိုးထိုးပြပြီး ‘ဟောဒါက ငါ့ရဲ့အနုပညာ အောင်မြင်မှု ကွ’ လို့ ရဲရဲတင်းတင်း ပြောနိုင်တဲ့ အခြေအနေမှာ ရှိခဲ့တယ်။
 
သိပ္ပံပညာကျော် အိုင်းစတိုင်းက ရီလေတီဗီတီ သီအိုရီ စာအုပ်ကြီးကို ထောင်ပြပြီး ‘ဟောဒါကတော့ ငါ့ရဲ့ အောင်မြင်မှုပဲကွ’ လို့ လက်မထောင်ပြီး ပြောမယ်ဆိုရင် ပြောနိုင်ပါတယ်။
သို့ပေမဲ့ ခေတ်ပြောင်းတော်လှန်ရေး တစ်ရပ်ကို ယုံကြည်ချက် ခိုင်ခိုင်မာမာနဲ့ ဆင်နွှဲနေတဲ့ တော်လှန်ရေးသမား တစ်ယောက်အဖို့ကတော့ တော်လှန်ရေးကြီးတစ်ခု အောင်မြင်ခဲ့သည့် တိုင်အောင် ‘ဒါဟာ ငါ့ရဲ့စွမ်းဆောင်မှု ကြောင့် ဖြစ်တာကွ’ လို့ မပြောနိုင်ပါဘူး။ တော်လှန်ရေးကြီးတစ်ရပ် အောင်မြင်ခြင်းဟာ ထိုနိုင်ငံရှိ ပြည်သူတွေရဲ့ အောင်မြင်မှုသာ ဖြစ်ပါတယ်။
တကယ်လို့သာ မိမိ ပါဝင် ဆင်နွှဲနေတဲ့ တော်လှန်ရေးကြီး ကျရှုံးသွားခဲ့မယ် ဆိုရင်တော့ ထိုတော်လှန်ရေးသမား အတွက် ပြစရာ အောင်မြင်မှုဆိုလို့ သူ့ရဲ့နှလုံးသားနဲ့ သူ့ရဲ့ဘဝမှာ ထင်ကျန်ခဲ့တဲ့ သေရာပါ ဒဏ်ရာဒဏ်ချက် တွေသာ ဖြစ်မှာပါ။
ကျွန်တော်သိကျွမ်းခဲ့တဲ့ ထိုသူမျိုးတွေထဲက တစ်ဦးကတော့ ပြည်သူ့တိုးတက်ရေးပါတီရဲ့ ဥက္ကဌဖြစ်ခဲ့သူ ဦးခင်မောင်မြင့် ပါပဲ။
ကျွန်တော် ဦးခင်မောင်မြင့်ကို ပထမဆုံး အနီးကပ် တွေ့ဆုံဖူးခဲ့တာကတော့ ဆူးလေဘုရားလမ်းထောင့်နဲ့ အနောရထာလမ်းထောင့်မှာ ရှိခဲ့တဲ့ ( ထိုအဆောက်အဦကို မကြာမီက ဖျက်ပစ်ခဲ့ပြီး အဆောက်အဦးသစ် ပြန်ဆောက်ဖို့ စီစဉ်နေပါတယ်) အဆောက်အဦမှာ ရှိခဲ့ဖူးတဲ့ ပြည်သူ့လူငယ် အဖွဲ့ချုပ်ရုံးမှာပါ။
နိုင်ငံရေးပါတီ အဖွဲ့အစည်းပေါင်း တစ်ဆယ့်လေးဖွဲ့လောက်ထဲက ပြည်သူ့လူငယ်အဖွဲ့ချုပ်ဆိုတာကတော့ ပမညတ တပ်ပေါင်းစုဝင် လူငယ် အဖွဲ့တစ်ဖွဲ့ပါ။
ထိုအချိန်တုန်းက ကျွန်တော်ဟာ ရန်ကုန်ဆေးရုံကြီးရှေ့ ဟိုက်စကူးမှာ ကျောင်းတက်နေခဲ့တာပါ။ ပထမ ခုနှစ်တန်းကျောင်းသား၊ နောက် ရှစ်တန်း၊ ဆယ်တန်း ကျောင်းသား ဘဝတစ်လျှောက်မှာ ပြည်သူ့လူငယ် အဖွဲ့ချုပ်ရုံးကို တစ်ရက်ခြား တစ်ခါ နှစ်ရက်ခြားတစ်ခါ  တစ်ခါတစ်လေမှာလည်း နေ့စဉ်လိုလို ကျောင်းသွား ကျောင်းပြန် ရောက်ခဲ့ပါတယ်။
ကျွန်တော်ဟာ ပြည်သူ့လူငယ်အဖွဲ့ချုပ်ကို ရောက်လေတိုင်းမှာ ကိုသန်း(အင်းစိန်)၊ ကိုချန်ထွန်း၊ ကိုတင်အေး (တကသ ဥက္ကဌဟောင်း ကွယ်လွန်)၊ ကိုအေးမောင်၊ ကိုရဲမြင့်၊ ကိုသန်းမြင့် (နောင် ဗိုလ်တထောင် သတင်းစာ အယ်ဒီတာဟောင်း) တို့နဲ့ မကြာခဏ ဆုံဖြစ်ခဲ့ စကားဝိုင်းဖွဲ့ ဖြစ်ခဲ့ပါတယ်။
တစ်ခါတစ်ရံမှာလည်း ကိုအောင်ဗန်း (ထိုအချိန်က ပြည်သူ့လူငယ်အဖွဲ့ချုပ် ဥက္ကဌ)၊ ကိုသိန်းလွင် ( စာရေးဆရာ မောင်သာရ) နဲ့ ဦးခင်မောင်ထွေး (ခင်မောင်ထွေး၊ ပျဉ်းမနား) တို့ကို အဖွဲ့ချုပ်မှာ တွေ့ရလေ့ ရှိပါတယ်။ တကယ်တော့ ထိုလူကြီးတွေဟာ အသက်အရွယ်အားဖြင့် ကျွန်တော့ထက် များစွာကြီးသူတွေပါ။ သို့ပေမဲ့ ထိုအချိန်တုန်းက ကျွန်တော်အပါအဝင် ကျွန်တော်နဲ့ သက်တူရွယ်တူ လူငယ်တွေက သူတို့နာမည်တွေ ရှေ့မှာ ‘ကို’ တပ်ပြီး ခေါ်ဝေါ် ဆက်ဆံခဲ့ကြပါတယ်။
ကိုအောင်ဗန်း၊ ကိုတင်အေး၊ ကိုသန်းမြင့် စသည်ဖြင့် တရင်းတနှီး ခေါ်ဝေါ်ခဲ့ကြတယ်။ ထိုစဉ်က ဆိုရင် ကျွန်တော်တို့ဟာ အသက်အကြီးဆုံးဖြစ်တဲ့ ဒေါက်တာ မောင်မောင်ကျော်ကိုပင် ကိုမောင်မောင်ကျော်လို့ တရင်းတနှီး ခေါ်ဝေါ်ခဲ့ကြတယ်။ ထိုလူကြီးတွေကလည်း ကျွန်တော်တို့ ချာတိတ်တွေကို တပြုံးပြုံးနဲ့ တုံ့ပြန် ဆက်ဆံခဲ့ကြပါတယ်။

လားဟူလူမျိုး မူရင်း.. မြန်မာ့စွယ်စုံကျမ်း

လားဟူလူမျိုးများသည် ရှမ်းပြည်နယ်အရှေ့ပိုင်း တာကော်မှစ၍ ကျိုင်းတုံနယ် အရှေ့ဖျားတိုင်အောင် ခရီးလမ်းတလျှောက် ကျေးရွာများတွင် နေထိုင်ကြ၍ လိုလို အုပ်စုခွဲတွင် ပါဝင်ကြသည်။ လားဟူလူမျိုးစုတို့တွင် လားဟူနနှင့် လားဟူရှီဟူ၍ နှစ်မျိုးရှိပြီးလျှင် ရှမ်းများကမူ ယင်းတို့ကို မူဆိုးဟု ခေါ်ကြသည်။ ဤသို့ခေါ်ခြင်းကို လားဟူတို့က မနှစ်သက်ကြဘဲ ယင်းတို့အချင်းချင်းသည် တဦးကိုတဦး လ

ားဟူ ဟုသာ ခေါ်ကြသည်။ ရှေးအခါက လားဟူတို့သည် သံလွင်မြစ်မြောက်ဖျား အရပ်ဒေသတွင် နေထိုင်ခဲ့ကြ၍ ယခုအခါ မိုင်းဆတ်၊ မိုင်းပန်နှင့် ကျိုင်းတုံ အနီးတ၀ိုက် ကျေးရွာများသို့ ပြောင်းရွှေ့ရောက်ရှိလာကြသည်။

လားဟူများသည် နတ်ကို လုံးလုံးလျားလျား ကိုးကွယ်သည်ဟူ၍ မရှိခဲ့ချေ။ နောင်ပွင့်မည့် ဘုရားကို မျှော်နေ ကြသူများ ဖြစ်သည်ဟု ပြောဆိုကြသည်။ အိမ်ဦးခန်းတွင် ဘုရားစင်ကို နတ်စင်ကဲ့သို့ ထားရှိကြသည်။ ယင်းတို့ လူဦးရေ ၁၀ပုံ ကိုးပုံမှာ ဗုဒ္ဓ၀ါဒီများဖြစ်သော်လည်း ရုပ်ပွားတော်များကို ထားပြီး ထင်ထင်ရှားရှား ကိုးကွယ်ခြင်း မရှိကြချေ။ အချို့မှာ ခရစ်ယန်ဝါဒီများ ဖြစ်ကြသည်။

လားဟူများသည် လယ်ယာလုပ်ခြင်းထက် တောင်ယာခုတ် အလုပ်မျိုးကိုသာ အားထား၍ လုပ်ကိုင်ကြသည်။ တောင်ယာပဲခင်းမှ ပေါ်ဦးပေါ်ဖျား ဖြစ်သည့် သစ်သီးဝလံများ၊ ဟင်းသီးဟင်းရွက်များနှင့် စပါးပဲပြောင်းများကို ရှေးဦးစွာ မိမိတို့ သက်ဝင်ယုံကြည်သော အယူဝါဒအလိုက် လှူဒါန်းပူဇော်ပြီးမှ စားသုံးကြသည်။

လားဟူများသည် လူတိုင်းလိုလို ဦးခေါင်းထိပ်တွင် ကျစ်ဆံမြီး ထားကြရသည်။ ထိပ်လယ်တွင်ရှိသော ဗွေနေရာ၌ ဆံပင်ကို ရိတ်လိုက်လျှင် ဖျားနာပြီး သေတတ်သည်ဟု အယူရှိကြသည်။ လားဟူနသည် ယောကျာ်းမိန်းမ နှစ်ဦးစလုံးပင် ရင်ဖုံးအင်္ကျီများ ၀တ်ကြသည်။ ရင်ကွဲအင်္ကျီမှာ ယခုခေတ်တွင်မှ ၀တ်သော အင်္ကျီဖြစ်သည်။ ယင်းတို့ အ၀တ်တွင် အိမ်ထောင်ကျပြီးသူများအတွက် ရွှေခြည်ထိုးရာ၌ အပြာနှင့် အစိမ်းရောင်ကိုသာ ထိုးရသည်။ လူပျို အပျိုများအတွက် အနီ၊ အဖြူ၊ အ၀ါရောင်များ ထည့်ရသည်။ လားဟူမိန်းမသည် အ၀တ်ရှည်ဝတ်ရသည်။ ရှေ့ကရော နောက်ကပါ ကိုယ်ကို လုံအောင်ဖုံးရသည်။ ဤကဲ့သို့ ၀တ်ဆင်ခြင်းမှာ လင်သားအား၎င်း၊ လူကြီးမိဘနှင့် ဂုဏ်သရေရှိ လူကြီးလူကောင်းများအား၎င်း ရိုသေသမှုပြုသည်ဟု သဘောထားကြသည်။ လားဟူရှီများမှာ အင်္ကျီတိုဝတ်ဆင်သူများ ဖြစ်ကြသော်လည်း ယင်းလူမျိုးမှ ဆင်းသက်လာခဲ့သော လူမျိုးများမှာ အင်္ကျီရှည် ၀တ်ဆင်သူက များပြားလေသည်။
.

မြန်မာ စစ်အစိုးရ၏ မဟာဗျူဟာမြောက်အစီအစဉ်တွင် ဒေါ်စု ကဏ္ဍ by Duwa Kachin on Tuesday, October 23, 2012 at 8:47pm ·

စစ်အစိုးရ၏ လျှို့ဝှက်အစီအစဉ်တွင် ဒေါ်စု ပါဝင်ပတ်သက်မှု ကဏ္ဍ အကြောင်းကို စာရေးသူအနေနဲ့ နောက်ကြောင်း အဖြစ်အပျက်များ နှင့် လက်ရှိဖြစ်ပေါ်မှု နိုင်ငံရေး အခင်းအကျင်းများအပေါ် သုံးသပ်ထားခြင်းဖြစ်ပါတယ်။

တော်လှန်ရေး အဖွဲ့များတွင် နိုင်ငံရေး နှင့် စစ်ရေး အခိုင်မာ ဆုံးနှင့် ဘာသာရေး အရ ထိတွေ့ဆက်ဆံမှု အများဆုံးမှာ ကရင် နှင့် ကချင်ဖြစ်သည်။ ထို့ကြောင့် လွန်ခဲ့သော ၁၉၉၀ ခုနှစ် နောက်ပိုင်းမှ စ၍ KNU နှင့် KIO ကိုသီးသန့်စီ ခွဲထုတ်ပြီး ထိုးစစ်ဆင်ရန် စစ်အစိုးရရဲ့ အဓိက ပစ်မှတ် ဖြစ်လာသည်။

၁၉၉၀ ကျော် တုန်းက KNU နှင့် KIO နှစ်ဖွဲ့စလုံး အပစ်ရပ်အတွက် ဆွေးနွေးခဲ့သည်။ KNU ဆိုရင် ရန်ကုန်ထိတောင် သွားရောက်ဆွေးနွေးခဲ့သေးသည်။ သို့သော် အပစ်ရပ် လက်မှတ်ထိုးတဲ့ အဆင့် အရောက်မခံခဲ့ပါ။ နောက်တော့ KNU ကိုအကြီးကျယ်ဆုံး ထိုးစစ်ဆင်ခဲ့သည်။ ဘေးထွက်ဆိုးကျိုးအနေနဲ့ ထိုင်းနယ်စပ် တလျှောက် စစ်ပြေးဒုက္ခသည် စခန်းပေါင်းမြောက်များစွာ ဖြစ်ပေါ်ခဲ့သည်။ သို့သော် ၄င်း ဒုက္ခသည် စခန်းများပြင်လျှင် ကေအိုင်ယူ အတွက် အထောက်အပံ့ ဖြစ်နေခဲ့သည်။

၂၀၀၈ ခုနှစ်မှ စ၍ KIO ဖက် ပစ်မှတ်ပြောင်းသွားသည်။ အမှန်ဆိုရင် KIO ဟာ ၂၀၀၈ အခြေခံဥပဒေကို အပြည့်အ၀ မထောက်ခံခဲ့ပေမယ့်၊ နောက်နောင်အခါ ပါတီ နိုင်ငံရေးအရ ပြုပြင်နိုင်ဖို့ မျော်လင့်ခဲ့သည့်နည်းတူ၊ ပါတီဖွဲ့ရန် စတင်ခဲ့သည်။ သို့သော် နိုင်ငံရေးအရ စိတ်ချနိုင်တဲ့ အနေအထားအဆင့် မရောက်သေးပဲ လက်နက်ဖြုတ်သိမ်းဖို့လောက်ထိ အတင့်မရဲခဲ့ပါ။ ထို့အတူ ကေအိုင်အေ အပါအ၀င် ကချင် ခေါင်းဆောင် အစစ်အမှန်များ ပါဝင် ဖွဲ့စည်းခဲ့သော KSPP ပါတီလဲ မှတ်ပုံတင် ကျမလာပါ။ (အခုမှ ပါတီနိုင်ငံရေး ကို လက်ခံဖို့ ကေအိုင်အေ ကို ၀ိုင်းပြောနေကြပါတယ်၊ ကေအိုင်အေ အနေနဲ့ အစကတည်းက လက်ခံပြီးသား ဆိုတာ နိုင်ငံရေးလေ့လာသူများ သိပါတယ်။)

ထို့ကြောင့် ၂၀၀၈-၂၀၁၁ ကြား ကေအိုင်အိုကို BGF လက်ခံရန် နောက်ဆုံးရက်သတ်မှတ်ချက် ရာဇသံ အကြိမ်ကြိမ်ပေးခဲ့သည်။ ကေအိုင်အို အနေနဲ့ နယ်ခြားစောင့်တပ် လက်ခံမှာမဟုတ်မှန်းလဲ ကြိုတင်တွက်ထားပြီး ဖြစ်၍ ၂၀၀၉ ခုနှစ်မှ စစ်ရေး ပြင်ဆင်လာသည်။ ကရင်၊ ၀ နှင့် ကချင်တော်လှန်ရေးကြား ဆက်သွယ်ထားသော လမ်းဖြစ်သည့် ကိုးကန့် နယ်ကို အကြောင်းရှာပြီး သိမ်းလိုက်သည်။ ၂၀၁၀ ခုနှစ် ဧပြီလအတွင်း လက်နက်ကြီးအများအပြား မန္တလေး-ဗန်းမော်လမ်းမှ တဆင့် လိုင်ဇာအနီးမှ ဖြတ်ပြီး ပို့လိုက်သည်။ ချိန်းချောက်တဲ့ သဘောလဲ ဖြစ်သည်။ ထိုချိန်က ဗန်းမော်တွင် ကချင် နှစ်ခြင်းခရစ်ယာန် ဓမ္မ ညီလာခံ ကျင်းပ နေချိန် လူထု သောင်းချီ စုဝေးရာ အနီးမှ ဖြတ်ပြီး လက်နက်ကြီးများ ပို့ဆောင်ပြသလိုက်ခြင်းဖြစ်သည်။ ထိုစဉ်ကတည်းက ကေအိုင်အေလဲ ခံစစ်အတွက် ပြင်ဆင်နေခဲ့သည်။သတင်းများမှာလဲ လိုင်ဇာကို ထိုးစစ်ဆင်ရန် အသင့် ပြင်ဆင်ထားပြီး ဖြစ်ကြောင်း မြောက်ပိုင်းတိုင်း စစ်ဌာနချုပ်နှင့် နီးစပ်သော မိသားစုများထံမှ ခိုင်လုံတဲ့ သတင်းများအရသိရသည်။ တချိန်ထဲမှာ အရပ်သားစီး ရထားမှ စစ်ကူအများအပြားကို ပို့ဆောင်လာသည်။

Google Adsense ကြော်ငြာ 07/05/2012

Google Adsense

Google..AdsenseဆိုတာGoogleကုမဏ္ဍီကနေသတ်မှတ်ချက်အရည်အသွေးနဲ့ပြည့်မှီတဲ့ဝက်ဆိုဒ်ဘလော့များအတွက် ပေးထားတဲ့
ကြော်ငြာများပဲဖြစ်ပါတယ်။ကမ္ဘာမှာအရမ်းခေတ်စားပါတယ်၊၀က်ဆိုဒ်ဘလော့တွေမှာAdsense ကြော်ငြာတွေကိုခနခဏတွေ့နေပေမဲ့လို့..
အဲဒါတွေကို ကြော်ငြာတွေလို့ သိပ်မသိကြဘူး..တကယ်တော့ Google ကုမဏ္ဍီက ကြားခံဝန်ဆောင်မှု့ပေးတာပါ။ Google Adwords ဆိုတာနဲ့ လုပ်ငန်းရှင်တွေ ၊ ကြော်ငြာရှင်တွေကို လက်ခံပါတယ်။ ကြော်ငြာရှင်များက Google ကုမဏ္ဍီကိုကျသင့်တဲ့ငွေကြေးပေးရပါတယ်။ တခါ Google ကုမဏ္ဍီက ပြန်ပြီး ၀က်ဆိုဒ် ဘလော့ပိုင်ရှင်များဆီကိုကြော်ငြာများထဲ့သွင်းစေပြီး ပိုက်ဆံပြန်ပေးတဲ့စနစ်ပါ။သို့သော် ၀က်ဆိုဒ်များပေါ်မှာကြော်ငြာရှိနေယုံသက်သက်နဲ့ ၀က်ဆိုဒ်ပိုင်ရှင်များအဖို့ဝင်ငွေမရပါဘူး..အဲဒီကြော်ငြာကိုစိတ်ဝင်စားလို့ ပရိတ်သတ်များက ၀င်ရောက် ကလစ်ကြည့်ရှုမှာသာလျှင် ၀င်ငွေရပါတယ်။ အဲဒီတော့ ကျနော်တို့ကလည်းထင်စရာအကြောင်းရှိပါတယ်..ဒါဆို တနေကုန်ထိုင်ပြီး ကြော်ငြာတွေကို ကလစ်နေရင် ပိုက်ဆံရမှာပေါ့လို့ ထင်စရာအကြောင်းရှိပါတယ်။ မရပါဘူး။ အဲဒီလိုလုပ်ခဲ့မယ်ဆိုရင် Google Adsense အကောင့်ကို ရာသက်ပန်အပိတ်ခံရမှာဖြစ်ပါတယ်။ သူတို့မှာ အဆင့်မြင့် software တွေတတ်ဆင်ထားပါတယ်။ ဒါ့ကြောင့် ၀က်ဆိုဒ်ပိုင်ရှင်များ အနေဖြင့်လည်း မိမိကို မလိုသူများက လုပ်ကြံမခံရလေအောင် ကာကွယ်တဲ့ software များတတ်ဆင်ထားသင့်ပါတယ်။ အဲဒီ ဆော့ဝဲများတတ်ဆင်ထားခြင်းဖြင့် မလိုသူများက ဘယ်လိုပဲ လုပ်ကြံ လုပ်ကြံ Google ပင်မ ဆော့ဖ်ဝဲများဆီသို့ မရောက်တော့ပဲ ကြားခံ ဆော့ဖ်ဝဲများက ဖျက်ချပေးသွားမှာဖြစ်ပါတယ်။

ဆရာဗမော်တင်အောင်ကို ဘားလမ်း အချူပ်မှာ သွားတွေ့တဲ့မြင်ကွင်းအကြောင်း

Myanmar Political Review

ဒီတစ်ခါလည်း ကိုမြတ်သူ (Myat Thu) message နဲ့ ပို့ထားတဲ့ စာသားလေးပါပဲ။
ဆရာဗမော်တင်အောင်ကို ဘားလမ်း အချူပ်မှာ သွားတွေ့တဲ့မြင်ကွင်းအကြောင်းကို
ဆရာဒဂုန်တာရာ ရေးထားတဲ့စာတချို့ပါ……. ဖတ်ကြည့်ကြပါဦး .....
------------------------------------------

---------------------------------------
ဆရာဗမော်တင်အောင် ထောင်ကျတဲအချိန်မှာ ဆရာ့ကိုတွေ့ရတဲ့ မြင်ကွင်းလေးကို ဆရာဒဂုန်တာရာ ဆောင်းပါတစ်ခုမှာရေးထားတာတွေ့ရပါတယ်… စာဖတ်သူများ အားလုံး စိတ်ထိခိုက်ရပါတယ် ။ ဆရာ့ကို ဘားလမ်းက အချူပ်မှာ သွားတွေ့တာပါ.. ဆရာဗမော်တင်အောင်ရဲ ရုပ်ပုံလွာကို ဆရာဒဂုန်တာရာက …….

.............သေနတ်ကိုင်ထားသော ပုလိပ်သားတွေ ကျွန်တော်တို့ကြားမှ တိုးဝင်လာကာ သံတိုင်မှသော့ကို လာဖွင့်သည်.. ကိုတင်အောင်သည် သံတိုင်ကိုမှီထားရာမှ မတ်လိုက်ကာ သွားရတော့မယ်ဟု တစ်ချက်ပြောပြီး မျတ်နှာညှိုးသွားသည်။ သံချိပ်တွင်ချိတ်ထားသော ပိုးအနက်အပေါ်အင်္ကျီ င်္အနွမ်းကလေးကို ကောက်ဝတ်လိုက်သည်။ ပြည်မှ ဆင်းလာကာစသို့ သေသပ်တောက်ပစွာ မဟုတ်။ ထိုအခါကသူသည် လမ်းလျှောက်ရင်း သူတောင်းစားနှင့်တွေ့ရင် ဟေ့ညီလေးဟုခေါ်ပြီး ပိုက်ဆံပေးတတ်သူ တစ်ခါတရံ
စကားထိုင်ပြောတတ်သူ။ အခု စာပေအကျဉ်းသား ကိုတင်အောင်ဟာ..... ပုလိပ်က တံခါးသော့ကို ဖွင့်ပြီးသောအခါ ဘေးမှထမင်းချိုင့်လေးကို ကောက်ဆွဲလိုက်သည်။ ကျွန်တော့်ရင်ထဲ တမျုိးဖြစ်သွားသည်။ ကျွန်တော်တို့ကိုမကြည့်ဘဲ သေနတ်ကိုင်ပုလိပ်ရှေ့မှ စိုက်စိုက် စိုက်စိုက်နဲ့ ထွက်သွားသည်။
ပုလိပ်များ ဘေးမှခြံရံကာ ပုလိပ်ရုံးကြီးမှ အချုပ်ကားရိုရာသို့ သွားသည်။ မည်သူမှ စကားမပြောနိင်ကြ .....
…..လှမိုးသူဇာ ဒေ၀စ္ဆရာ ပြည်တော်သာခင်ခင်ဦးကသူပုန်တပ်သားကြီးဇေယျအား မြလတ်စွပ်ချွပ်ပေးသော ရူခင်းမဟုတ် ….
……လှပသောသူ၏ စိတ်ကူးထဲမှာကဲ့သို့ ကြည်ပြုံးကာ ချစ်စဖွယ်ကောင်းလှသော ပဒေသရာဇ်အလျာ မျိုးချစ်မယ် ခင်ခင်ဦး၏ နူးညံ့သောလက်က ကမ်းမလာ …
နက်ပြာရောင် ကာကီဝတ် အစောင့်ပုလိပ်က အချုပ်ကားပေါ်ဆွဲတင်လိုက်သည်။ ထို့နောက် နှစ်ယောက်တွဲလက်ထိပ်ခတ်ထားသော အခြားရာဇ၀တ်ကောင် နှစ်တွဲကိုလည်း ကိုတင်အောင်နှင့်အတူ အချုပ်ကားထဲ ထည့်လိုက်သည်။ သံဇကာကြားမှ ကိုတင်အောင်သည် မည်သူ့ကိုမှ မကြည့်ဘဲ ခေါင်းငုံ့ကာ ထိုင်နေသည်ကို လှမ်းမြင်ရ၍ စိတ်ထဲတွင်ထိခိုက်သွားသည်။
စာအရေးအသားကြောင့် ဖဆပလအစိုးရ၏ အကျဉ်းသားအဖြစ် ပထမဦးဆုံး အဖမ်းခံရသည့် စာရေးဆရာ အယ်ဒီတာ ကိုတင်အောင်ကို တင်ဆောင်သော အချုပ်ကားသည် ရန်ကုန်ဗဟိုထောင်ကြီးသို့ မောင်းနှင်ရန် စက်နှိုးနေပြီ ……………….။ (ဆရာဒဂုန်တာရာရေးထားသော ဆောင်းပါးထဲက စာပိုဒ်လေးပါ)

Thet Zaw တိုင်းသူပြည်သား၊ လူထုညီညွတ်ရေး၊

Nyo Gyi

တန်းတူညီတူ မဖြစ်သမျှကာလပတ်လုံး ဒီတိုင်းပြည်ကြီးဟာ လွတ်လပ်တယ်ဆိုပေမယ့် ဟိုလူ့ မြင်တဲ့အခါ မျက်နှာချိုသွေးရ၊ ဒီလူ့မြင်တဲ့အခါ မျက်နှာချိုသွေးရနဲ့ ဖာသယ် လိုနိုင်ငံမျိုးဖြစ်နေမှာပဲဆိုတ

ာ ခင်ဗျားတို့အတိအလင်းနားလည်ထားစေချင်တယ်။ အားမှမရှိသေးတော့ အဲဒီလိုပဲဖြစ်နေမှာပဲ။ အဲဒီတော့က အင်မတန်ကို ကျွန်တော်တို့ တစ်ခါတည်း ကျွန်တော်တို့တိုင

်းပြည်မှာရှိတဲ့လူတွေ စည်းစည်းရုံးရုံးရှိနေပါမှ ဖာသယ်သဘောမျိုး၊ နိုင်ငံမျိုးမဖြစ်စေရမှာ။
အဲဒီတော့ တိုင်းရင်းသားအချင်းချင်း ညီညွတ်ရေး၊ တိုင်းရင်းသားလူထုညီညွတ်ရေး၊ စားဖားသမားတွေ ညီညွတ်တာ ကျွန်တော်မလိုချင်ပါဘူး။ တိုင်းရင်းသားအချင်းချင်း ညီညွတ်ရေး၊ တိုင်းသူပြည်သား၊ လူထုညီညွတ်ရေး၊ အဲဒီညီညွတ်ရေးနှစ်ခု မရှိသမျှကာလပတ်လုံး ဒီတိုင်းပြည်ဟာ လွတ်လပ်ပင် လွတ်လပ်ငြားသော်လည်း ဘယ်ပါတီတက်တက်၊ ဘယ်အစိုးရလုပ်လုပ်၊ ဖာသယ်တိုင်းပြည် ဖြစ်နေမှာပဲဆိုတာ ကျွန်တော်ပြောချင်တယ်။ အဲဒီတော့ကာ ဒီနှစ်ခုကို ခင်ဗျားတို့မပျက်ပြားစေပါနဲ့။ ဘယ်သူကဘာလုပ်လုပ် မပျက်ပါစေနဲ့။ အဲဒါ အင်မတန်အရေးကြီးတယ်။

(အောင်ဆန်း)

ကျူးကျော်သူ by Myat Thi Ha on Thursday, October 18, 2012 at 5:10am ·

  ခရိုနီတွေရဲ့ မလိမ့် တပတ် ကျူးကျော်မှု တွေကျ တော့ နှာစေးပြီး
ရူးချင်ယောင် ဆောင်ကာ အကာအကွယ် ပေးနေကြတယ်။


ပြည်တွင်းကလာတဲ့ သတင်းတွေနဲ့ အင်တာနက် စာမျက်နှာတွေပေါ်မှာ ဆင်းရဲသားပြည်သူတွေနဲ့ တောင်သူလယ်သမား တွေကို ရဲ၊စစ်တပ်နဲ့  စည်ပင်သာယာတို့က ကျူးကျော်သူတွေလို့  သတ်မှတ်ပြီး အတင်း မောင်းထုတ်နေတဲ့ သတင်းတွေ ဘူဒိုဇာတွေနဲ့ သူတို့ရဲ့ အိမ်လေးတွေကို ကော်ထိုး ဖျက်ဆီးနေတာတွေ၊ ခပ်စပ်စိပ် ဖတ်ရှုလာရ၊ ကြားနေရတယ်။တော်တော့်ကို စိတ်မချမ်းမြေ့ စရာပါ။

 အဲဒါနဲ့ ကျူးကျော်သူဆိုတဲ့ စကားရပ် ရဲ့  အဓိပ္ပာယ်ကို နားလည်ဖို့ ကြိုးစားမိတယ်။ ကျွန်တော် တွေးမိသလောက် ကတော့ ကိုယ်မပိုင်ဆိုင်တဲ့ (သို့) ၀င်ထွက်သွားလာခွင့် မရှိတဲ့ အဆောက်အဦး၊ မြေယာ၊ နယ်နိမိတ် အပိုင်းအခြား၊ လုပ်ငန်းတစ်ခုကို တရားမ၀င်(သို့) မူလဌာနေ ပိုင်ရှင် ဇာတိသားတို့ရဲ့ နှစ်လို လက်ခံမှု မရယူဘဲ ဝင်ရောက်နေထိုင်သူ၊ ဖြတ်သန်းသွါးလာ အသုံးပြုသူလို့ အများအားဖြင့် သတ်မှတ်လေ့ ရှိကြတယ်။

 ဒါပေမယ့် ထပ်ပြီးအငြင်းပွါးစရာက တရားဝင်မှု၊ မဝင်မှု၊ မူလ ပိုင်ရ၊ှင် မှန်မှု၊ မမှန်မှု တွေနဲ့ ပတ်သက်ပြီး မေးခွန်း ထုတ်စရာတွေ ရှိလာတာပါပဲ။လက်ရှိတည်ဆဲ ဥပဒေတွေကိုလည်း မှန်ကန်မှု ရှိမရှိ၊ အများပြည်သူရဲ့ ကိုယ်ကျိုးကို ကိုယ်စားပြုမှု ရှိမရှိ၊ လူနည်းစု(သို့) လူတစ်ဦးချင်းစီရဲ့ လူဖြစ်တန်ဖိုးကို အသိအမှတ်ပြု၊ မပြု စတာတွေနဲ့ ဆန်းစစ်ကြည့်ဖို့ လိုလာပါပြီ။ ဥပဒေဆိုတာ လူတြွေဲပဌာန်း ထားတာ ဖြစ်လို့ အခြေအနေနဲ့ မကိုက်ညီတော့ရင် ပြုပြင်ပြောင်းလဲ ပစ်ကြရမှာပါ။

ကျူးကျော်သူနဲ့ ပတ်သက်ပြီး ရှေ့က စကားကို ဆက်ရရင် နယ်မြေ ကျူးကျော်သူ၊ စစ်ရေး ကျူးကျော်သူ၊ စီးပွါးရေး ကျူးကျော်သူ၊ နိုင်ငံရေး ကျူးကျော်သူ စသည်ဖြင့် အများအပြား ရှိပါတယ်။နိုင်ငံ တနိုင်ငံဟာ ကျူးကျော်သူ ဖြစ်နိုင်သလို၊ ကျူးကျော် ခံရသူလဲ ဖြစ်နိုင်ပါတယ်။

ဖက်ဆစ်ဂျပန်၊ နယ်ချဲ့ ဗြိသျှ၊ တရုပ် မန်ချူးရီးယား၊ မွန်ဂိုနဲ့ နန်ချောင်တွေဟာ မြန်မာ နိုင်ငံအတွက် ကျူးကျော်သူတွေ ဖြစ်သလို၊ ဗမာက ထိုင်းကို အကြိမ်ကြိမ် ဝင်ရောက်သိမ်းပိုက်တာတွေ ရှိခဲ့တယ်။ မြန်မာ ပြည်ထဲမှာတောင် ရခိုင်၊ရှမ်း၊မွန် စတဲ့ တိုင်းရင်းသား တွေအမြင်မှာ မြန်မာ(ဗမာ) လူမျိုးဟာ ကျူးကျော်သူတွေ ဖြစ်ခဲ့ဖူးတာလို့ လူမျိုးလိုက် သမိုင်းမှာ သာဓကတွေနဲ့ ပြောဆိုကြတာ ရှိခဲ့ပါတယ်။ သမိုင်းကို ဖုံးကွယ်စရာ၊ လိမ်ညာ စရာ အကြေင်း မရှိပါဘူး။

ကရင်အမျိုးသားအစည်းအရုံးအတွင်း စည်းရုံးရေးပြသနာ နှင့် ပြည်တွင်းငြိမ်းချမ်းရေး အပိုင်း (5) by Aung Htoo on Thursday, October 18, 2012 at 6:22am ·

အခြား အကြောင်းအရာများကို ရွေးချယ် မရေးဘဲ ကရင်အမျိုးသား အစည်းအရုံးနှင့် ဆက်စပ်၍ ငြိမ်းချမ်းရေး ပြသနာ ဆိုင်ရာ
 ဆောင်းပါး များကို အဘယ်ကြောင့် ဆက် တိုက်ရေးနေကြောင်း မိတ်ဆွေအချို့က မေးကြသည်။ ဖြေပါမည်။ စစ်မှန်သည့်
 ပြည်တွင်း ငြိမ်းချမ်းရေး မရှိလျှင် လူထုများအတွက် လွတ်လပ်မှု၊ တရားမျှတမှု နှင့် စီးပွားရေး တိုးတက်မှု မရနိုင်သည့် အပြင်
ဆင်းရဲပင်ပမ်းမှုများ၊ မျက်ရည်များ၊ ကြေကွဲမှုများ၊ အာဃာတ များသာ ဖုံးလွှမ်းနေမည်ဟု ယုံကြည် သောကြောင့် ဖြစ်သည်။
 ဤသည်မှာ ပထမ တချက်ဖြစ်ပြီး ပြည်တွင်းငြိမ်းချမ်းရေး၏ အရေးပါမှုကို ရည်ညွန်းသည်။

ဒုတိယ အချက်မှာ ပြည်တွင်းငြိမ်းချမ်းရေးကို မည်သို့ ရှာဖွေမည် ဟူသော နည်းလမ်းနှင့် သက်ဆိုင်သည်။ ငြိမ်းချမ်းမှု ကို ရှာဖွေရာ၌
ခေါင်းဆောင်များသည် အရေးကြီးသော အခန်းမှ ပါဝင်ကြောင်း အသိအမှတ်ပြုပါသည်။ သို့ရာတွင် နှစ်ပေါင်း ခြောက်ဆယ်ကျော်မျှ
 ဖြစ်ပွားခဲ့သည့် ပြည်တွင်းစစ်ကြီးကို အပြီး အပိုင် ငြိမ်းသတ်နိုင်အောင် ကြိုးပမ်းရာ၌ ခေါင်းဆောင် အဓိက အားကိုးရေးဝါဒ မျှနှင့်
 မလုံလောက်ပါ။ လူထုလမ်းစဉ် ကို ကျင့်သုံးဘို့လိုပါမည်။

အခြေခံလူထုများကိုယ်တိုင် ရောဂါ၏ အရင်းအမြစ်ကို သိအောင်ကြိုးစား၊ ကုစားသင့်သည့် နည်းလမ်းများအား လက် လှမ်းမီသမျှ
 ရှာဖွေ၊ မိမိတို့ခေါင်းဆောင်များကို တင်ပြ၊ ငြိမ်းချမ်းရေး လှုပ်ရှားမှုများအား ပြည်လုံးအနှံ့ သာမက ကမ္ဘာ တခွင်တွင်ပါ
 အားကောင်းကောင်းပေါ်လာအောင် ပါဝင် လုပ်ဆောင်လာကြ စေခြင်သည်။ ဤသို့သော စေတနာ နှင့် ရေးပါသည်။

"ထာဝရ ငြိမ်းချမ်းရေး" ဟူသည်မှာ မည်သည့် အရာနည်း။

ငြိမ်းချမ်းရေးဝန်ကြီး ဦးအောင်မင်းသည် "ထာဝရ ငြိမ်းချမ်းရေး" ဟူသည့် စကားလုံးကို ကရားရေလွှတ်တတွတ်တွတ်
ရွတ်လျှက်ရှိသည်။ သို့ရာတွင် ဤသည်မှာ မည်သည့်အရာ ဖြစ်ကြောင်းကို လူထုအား တကြိမ်တခါမျှ ရှင်းပြခြင်းမရှိ။
ဟို အဖွဲ့သည်အဖွဲ့များနှင့် တွေ့ဆုံလျှက်ရှိသော ဆွေးနွေးပွဲများတွင် တခွန်းမျှ မြွက်ဟသံမကြားရ။

"ထာဝရ ငြိမ်းချမ်းရေး" ဆိုသည်မှာ လူ့အဖွဲ့အစည်းက လိုလားမြတ်နိုးသည့် တန်ဘိုး ဖြစ်သည်။ ဤတန်ဘိုးကို ရရှိ စေရန်
တနိုင်ငံလုံး တိုင်းရင်းသားပေါင်းစုံ လူထုကြီးတရပ်လုံး ဦးတည် လျှောက်လှမ်းရမည့် "ပန်းတိုင်" ရှိဘို့ လိုသည်။ ဤသည်မှာ
အဘယ်နည်း။ "ပန်းတိုင်" နှင့် စပ်လျှဉ်း၍ ဦးအောင်မင်းကိုယ်တိုင် ရှင်းလင်းစွာ သိမသိမှာလည်း အတတ် မပြောနိုင်။
 စေတနာကောင်းဖြင့် ဆောင်ကျဉ်းရန် ကြိုးစားသည် ဆိုစေဦး။ "ထာဝရ ငြိမ်းချမ်းရေး" နှင့်စပ်လျှဉ်း၍ ကိုယ် သွားခြင်သည့်
 ပန်းတိုင်ကိုမျှ ကိုယ်ကိုယ်တိုင်ကရေရေရာရာ မသိလျှင် အနှစ်တထောင်ပင် ဦးဆောင် ကြိုးစားသော် လည်း
 ရောက်နိုင်ဘွယ်မရှိပါ။ ဤသို့ဖြစ်လျှင် ဦးအောင်မင်းအတွက်သာမက ထိပ်ပိုင်းက ဦးဆောင်ကြိုးပမ်းနေသည် ဟု
ဆိုသော သမတ ဦးသိန်းစိန်အတွက်လည်း မကောင်းပါ။

၎င်းတို့သည် ကိုယ်သွားခြင်သည့် "ပန်းတိုင်" ကို ရှင်းလင်းစွာသိပြီး လုပ်ဆောင်နေခြင်းလည်း ဖြစ်နိုင် သည်။ "ငါတို့
မင်းထက် ပိုပြီး သိတာပေါ့ကွာ။" ဟု စာရေးသူအားပင် စိတ်ထဲမှ ကြိတ်ပြုံးကောင်းပြုံးနေပါမည်။  မိမိတို့ လျှောက်ခြင် သည့်
"ပန်းတိုင်" အစစ်ကို ဖုံးကွယ်ပြီး လူထုကို အခြားတပါးသို့ တွန်းပို့နေတာများ ဖြစ်လေမလား။ ကြွားတော့ "နိဗ္ဗာန်ဘုံ" ၊
လား တော့ "အ၀ီဇိငရဲ" ပန်းတိုင် ဖြစ်သွားနိုင်သည်။ ဤသို့ဖြစ်လျှင်မူ လူထုကြီးတရပ်လုံးအား လိမ်လည် လှည့်ဖျား ရာ
 ရောက်ပါမည်။ ဤသည်ကို ၀ိုင်းဝန်းဖေါ်ထုတ်ကြဘို့လိုသည်။

တကယ်တန်းအားဖြင့် ဦးသိန်းစိန်၊ ဦးအောင်မင်းတို့ခေါင်းဆောင်သည့် အစိုးရ အာဏာပိုင်များသည် "ထာဝရ ငြိမ်းချမ်းရေး"
ရဘို့ "နိဗ္ဗာန်ဘုံ ပန်းတိုင်" ကို လှမ်းကိုင်ရန် ကြိုးပမ်းနေသည် ဆိုလျှင်မူ ယင်းမှာ မည်သည့်အရာ ဖြစ်သည်ကို ရှင်းလင်းရန်
 တိုက်တွန်း ပါသည်။

"ထာဝရ ငြိမ်းချမ်းရေး" ဟူသည်ကို လူထု ခံစားနိုင်ရေး အတွက် "ပန်းတိုင်" သည် အဘယ်နည်း။

နိုင်ငံသားတဦး အနေဖြင့် ရသင့်ရထိုက်သင့် တဦးချင်းအခွင့်အရေး၊ တိုင်းရင်းသား လူမျိုးစု တခုခြင်းစီ ရသင့်ရထိုက် သည့်
 စုပေါင်း အခွင့်အရေးများအား ဖွဲ့စည်းပုံအခြေခံဥပဒေနှင့် အခြား ဥပဒေများတွင် ထည့်သွင်းပြဌာန်းထားသည့် အပြင်
တိုင်းပြည်အုပ်ချုပ်ရေး အဆောက်အအုံများအား ထိုအခွင့်အရေးများကို လေးစားကာကွယ်ဖေါ်ဆောင်ပြီး လွတ်လပ်၊
ဘက်မလိုက်၊ ထက်မြက်သည့် ယန္တယားများဖြစ်လာစေရန် ပြုပြင်ပြောင်းလဲ ဖွဲ့စည်းရေး ဖြစ်သည်။

စစ်တပ်မှာ စီးပွားရေးလုပ်ငန်း လုပ်ခွင့်ရှိသင့်သလား။ by အောင်ထူး (ရှေ့နေ) ၂၀၁၂ ခုနှစ် အောက်တိုဘာလ (၁၀) ရက်

စစ်တပ်မှာ စီးပွားရေးလုပ်ငန်း လုပ်ခွင့်ရှိသင့်သလား။

ကေအင်ယူဗဟိုမှ နေ၍ ကေအင်ယူ စစ်ဦးစီးချုပ်အား တာဝန်မှ ရပ်ဆိုင်းရသည့် အကြောင်းများတွင် စီးပွားရေး နှင့်

ပတ်သက်သည့် ကိစ္စများကိုလည်း တွေ့ရသည်။ စွပ်စွဲချက်များ မှန်ကန်မှုမရှိလျှင် ဗိုလ်ချုပ်ကြ

ီးမူတူးဆေးဖိုးအနေနှင့်

အများသိအောင်ရှင်းလင်းခွင့် ရှိပါသည်။ ရှင်းလင်းလိမ့်မည်ဟုလည်း မြှော်လင့်သည်။ စာရေးသူ အနေဖြင့်မူ စစ်တပ် နဲ့

စီးပွားရေး ဆိုင်ရာ မူသဘောအခြေခံမှ တင်ပြပါမည်။ ဤပြသနာမှာ တပြည်လုံးကို လှိုက်စားနေခြင်းကြောင့်ဖြစ်သည်။


တော်လှန်ရေးတပ်ဖြစ်စေ၊ တိုင်းပြည်ကို တရားဝင်အုပ်ချုပ်နေသည့် အစိုးရ၏ တပ်ဖြစ်စေ စစ်အသုံးအဆောင်၊ ရုပ်ဝတ္တု

ပစ္စည်း နှင့် ငွေကြေး လိုအပ်သည်မှာ အမှန်ဖြစ်သည်။ သို့ရာတွင် စစ်တပ်အား စီးပွားရေးလုပ်ခွင့် ပေး၍မရပါ။ မြန်မာနိုင်ငံ၌

စစ်အာဏာရှင်စနစ် သက်ဆိုးရှည်နေသည်မှာ စစ်တပ်ကိုယ်တိုင်က စီးပွားရေးလုပ်ငန်းကြီးများ လုပ်ပြီး ၀င်ငွေ များကို

အစစ်အဆေးမရှိ တိုက်ရိုက် သုံးစွဲခွင့်ရနေခဲ့၍ဖြစ်သည်။ စစ်အစိုးရ၏ လက်ဝေခံ စီးပွားရေးသမားကြီးများ ကလည်း

ဝေစားမျှစားလုပ်ကာ စစ်တပ်စီးပွားရေးကို ကျားကန်ပေးထားသောကြောင့်ဖြစ်သည်။ ယင်း၏ အကျိုးဆက် အဖြစ် ထိပ်ပိုင်း

စစ် ခေါင်းဆောင်များသာ ကျိကျိတက် ချမ်းသာသွားကြပြီး တပ်မှုးငယ်များ အပါအ၀င် တပ်အောက်ခြေ ထု တခုလုံး နှင့်

အခြေခံလူထုကြီးတရပ်လုံး ဆင်းရဲတွင်း နက်သွားခြင်းဖြစ်သည်။


ထိုနည်းတူပင် တော်လှန်ရေးတပ်ကို စီးပွားရေးလုပ်ခွင့် ပေးလိုက်လျှင် တပ်ခေါင်းဆောင်သည် စစ်အာဏာရှင်ဖြစ်သွား

နိုင်ပါသည်။ အဘယ်ကြောင့်ဆိုသော် တပ်ခေါင်းဆောင်သည် လက်နက်ကိုင်တပ်ကို ကိုင်ထားသဖြင့် စစ် ရေးအာဏာ

ရှိနေသည့် တချိန်တည်းတွင် စီးပွားရေးအာဏာပါ ရှိသွားသောကြောင့်ဖြစ်သည်။ ယင်းသို့ဖြစ်လျှင် တော်လှန်ရေးတပ် ၏

စစ်ဦးစီးချုပ်ကို မည်သူမျှ ထိမ်းကြောင်း၍မရတော့။ ထင်ရာစိုင်းပြီး လုပ်ခြင်ရာလုပ်တော့သည်။ အခြေခံလူထုများ အနေဖြင့်

နည်းလမ်းပေါင်းစုံသုံး၍ စစ်အာဏာရှင်ကြီး စနစ်ကို တိုက်နေသည့်အချိန်တွင် စစ်အာဏာရှင်ကလေးများ ဟိုက သည်က

ပေါ်လာတာမျိုးမဖြစ်သင့်ပါ။


"အောက်ခြေတပ်ထု ငတ်ပြတ်ပြီး စားစရာ မရှိဖြစ်နေတယ်။ ယူနီဖေါင်း၊ ဖိနပ်၊ စစ်အသုံးအဆောင်တွေက အစမရှိဘူး။

လက်နက်ခဲယမ်းမီးကျောက် ပြည့်စုံဘို့ဆိုရင်ဝေးရော။ ဒီ လိုအပ်ချက်တွေကို ဖြည့်ဆည်းပေးဘို့ တပ်အနေနဲ့စီးပွားရေး

လုပ်ငန်းတွေကို တွဲပြီး မလုပ်ရင် ဓါးပြတိုက်ရမလား။" ဟူ၍ တော်လှန်ရေးတပ်ခေါင်းဆောင် အနေဖြင့် စောဒက တက်

ကောင်း တက်ပါမည်။ တော်လှန်ရေးကို တပ်သက်သက်ဖြင့် ဖွဲ့စည်းလည်ပတ်ခြင်း မဟုတ်ပါ။ အရပ်ဘက်အဖွဲ့အစည်းများ

ရှိပါသည်။ ၄င်းတို့က တာဝန်ယူပြီး တော်လှန်ရေးတပ်၏ လိုအပ်ချက်ကို ဖြည့်ဆည်းရပါမည်။ ကေအင်ယူသည် ဤ အတိုင်းပင်

ကျင့်သုံးလျှက်ရှိကြောင်း နားလည်ပါသည်။


ဗိုလ်ချုပ်ကြီး မူတူးဆေးဖိုးအနေဖြင့် "ကျုပ် ဦးစီးချုပ်လုပ်ခဲ့ သမျှ တပ်အနေနဲ့ ဘယ်တုန်းကမှ စီးပွားရေး မလုပ်ခဲ့ဘူး။

နောင်လဲ လုပ်မှာ မဟုတ်ဘူး။ လုပ်ဘို့ လဲ မညွှန်ကြားဘူး။" ဟူ၍ အများသိ ရှင်းလင်းလိမ့်မည်ဟု မြှော်လင့်သည်။

စစ်ဦးစီးချုပ်အနေဖြင့် တပ်အောက်ခြေထု၏ လိုအပ်ချက်များကို ဖြည့်ဆည်းရန် သဘောရိုးဖြင့် ဆောင်ရွက်ခဲ့မှုများ ဖြစ်ပါက

ပြန်လည်ညှိနိုင်းတင်ပြပြီး နောင်မဖြစ်အောင်ရှောင်ကြဉ်မည်ဟု တာဝန်ခံလျှင် ညီညွတ်ရေးအတွက် အကူအပံ့ များ

ဖြစ်လေမလားဟု မြှော်မှန်းပါသည်။ စစ်တပ်တွင် တာဝန်ထမ်းဆောင်ဆဲ မည်သည့် တပ်မှုးတပ်သား ကိုမျှ စီးပွားရေး

လုပ်ငန်းတွင် တာဝန်ပေးအပ်ခြင်း မပြုသင့်ပါ။ ဤမူကို ယခုကစ၍ တင်းကြပ်စွာလိုက်နာလုပ်ဆောင်ခြင်းဖြင့် တော်လှန်ရေး

အဖွဲ့အစည်းများ၌ နောင် အလားတူ ပြသနာမျိုးမဖြစ်ရန် ရှောင်လွှဲနိုင်မည့်အပြင် အနာဂါတ်ပြည်ထောင် စု အတွက်ပါ

အုတ်မြစ်ကောင်း ချရာရောက်ပါမည်။


အပစ်အခတ်ရပ်စဲရေးကို စီးပွားရေး မြှော်မှန်းချက်ဖြင့် လုပ်သင့်သလား။


ဖက်ဒရယ်ပြည်ထောင်စု တည်ဆောက်ရေးအပေါ်အခြေခံသည့် စစ်မှန် သည့်ပြည်တွင်းငြိမ်းချမ်းရေး နိုင်ငံရေး ရည်မှန်းချက်ကို

ကိုင်စွဲကာ ကေအင်ယူဗဟိုသည် အပစ်အခတ်ရပ်စဲရေး လုပ်ဆောင်နေခြင်းဟု နားလည်ပါသည်။ အပစ်အခတ် ရပ်စဲရေးကို

စီးပွားရေးရည်မှန်းချက်ဖြင့် မလုပ်သင့်ပါ။ အကယ်၍ ကေအင်ယူ အလံအောက်မှ ခွဲထွက်၊ သီးခြား အဖွဲ့ တခုထပ်ထောင်၊

အပစ်အခတ်ရပ်စဲရေး ကို အခွင့်ကောင်းယူကာ စီးပွားရေးလုပ်ငန်းများ လုပ်မည်ဆိုပါက မည်မျှအထိ လက်တွေ့ အကျိုးရှိမရှိ

သုံးသပ်ရန်လိုပါမည်။


မွန်ပြည်သစ်ပါတီ သည် အပစ်အခတ်ရပ်စဲရေးကို ၁ရ နှစ်တာ လုပ်ခဲ့ပြီး ဖြစ်ပါသည်။ စစ်အစိုးရက ပါတီအား လုပ်ငန်း လိုင်စင်များ

တဘက်က ချပေးသော်လည်း အခြားတဘက်က၄င်းလုပ်ငန်း များ အလုပ်မဖြစ်ရန် အနှောက်အယှက် ပြုသည်။ ပါတီအနေဖြင့်

စီးပွားရေးအရ ဟုတ္တိပတ္တိ ထိထိရောက်ရောက် အကျိုးမရှိခဲ့ပါ။ အပစ်အခတ်ရပ်စဲခဲ့ သော အခြားအဖွဲ့ငယ်အတော်များများတွင်

စီးပွားရေးလုပ်ငန်းများ လုပ်ခွင့်ရခဲ့သည့် ထိပ်ပိုင်း သို့မဟုတ် အလတ်ပိုင်း စစ် ဘက်၊ အရပ်ဘက် ခေါင်းဆောင်အတော်များများ

ပုဂ္ဂိုလ်တဦးခြင်း အရ ကြီးပွားချမ်းသာ သွားကြသည်။ အောက်ခြေ ရဲဘော်ထုများနှင့် လူထုများမှာ ဆင်းရဲတွင်းမှ မတက်ခဲ့ပါ။